تصحيحه زين خصوصا الفاينل يبدو انه تساعد معنا صراحه. الشرح لك عليه والمحاضره ثقيله جدا ويحضر كل محاضره ويهتم انك تركز معه مايبيك تلها في اي شي حتى الدفتر هذا عيبه بالنسبه للتعامل زين ويقبل اي سؤال في اي وقت يحب اللي يسئله ووده لو تجي مكتبه

الله يسعده سعادة الدارين . نزلت عنده ريض ١٠٦ وماتحسفت ، قمة في الادب والخلق وعطاني اب قريد الله يسعده يارب 🧡.

الأسطورة.

نمبر ون يمشي لك بعض الاخطاء ويمكن يرفعك فوق بس تجي تختبر وانت مو مذاكر ولا فاهم زين وتزعل اذا مارفعك لاتلوم الا نفسك

شرح لا تدور يشرح لك كانك فاهم صعب جدا تفهم الا اذا انت ممتاز بالرياضيات لكن من ناحية التصحيح ممتاز جدا يهتم انك فاهم اكثر من الناتج فيه افضل لكن مب سيء

الدكتور يشرح لك وكأنك فاهم الماده و إذا سالته. يقول انت كنت نايم يا ولدي في المحاضره ولا كيف ‼️ التصحيح يركز على طريقة الحل اكثر من النتائج يعنى عادي تاخذ درجة السؤال كامله وانت غلطان في تلنواتج بس عشانك حليت على طريقته اعطاك الدرجه و إذا حليت بطريقة غير طريقته ينقصك حتى لو كلشي صح ‼️ التحضير مره يخضر و مره لا و شديد جدا يعني مرات يحضر في البدايه و مرات بالنهايه و إذا تاخرت يزعل عليك و يعصب ‼️ عموما الله يعنكم إذا نزلتو عنده انصحكم تروحون ل الغامدي خصوصا 106 لانه متعاون جدا و افهمها 😂😉

بروفيسور أكبر من مواقع التقييمات.

دكتور حبيبي و متفاعم و يده خفيفه يعتم بحلك مو بالنتاج و التعامل معه حلو, يكره الجوال ولو تبي تطلع لازم تستاذن منه و بس لو قدرت تنزل عنده نزل

اذا قدرت تنزل عنده لاتتردد

الدكتور المنجي تعامل ممتاز والدرجات يعطيك حقك بس الجوال ممنوع عنده فالمحاضرة ولا يضيع ولا دقيقة ف محاضرته شوي ثقيله

شفت التقيم وخفت منه لكن افضل دكتور شفته

يدف بس بشرط يعرفك

شرحه اسطوري

الله يدخله الجنة

الشرح سيء ياخذ اصعب طرق الحل تعامله مرهه ممتاز ويتفهم الطلاب تصحيحة مو افضل شيء ولكن مو سيء يهتم انه يشوف خطوات حلك اكثر من الناتج

ياجماعة الخير، اول مانزلت عنده والله اني زعلان زعل مب طبيعي، لكن الدكتور تعامله اقسم بالله رجال بما تعنيه الكلمه يحبك واسلوبه فيه من شدة المدارس المعقوله اللي كله لمصلحتك لا تهتم بالتقييمات. عن نفسي كل يوم اقعد قدام عنده واشارك معه وعرفني. دخلت الفاينل مجموعي ٥٦ وطلعت اتمنى ب+ وعطاني أ+ والله.

شرحه عادي و كويزاته شوي صعبه بس محترم جداً جداً و يدف درجتين ثلاث

دكتور سيء في الشرح التعامل لا بأس به الكوزات صعبه وشديد فيها جداً الميد يتساهل فيه شوي ما يدفك ولا نص درجه

درست عنده ترم كورونا الترم الاول الدكتور سيئ بكل النواحي شرحه سيئ جداً حتى لو خليته يعيد لك اكثر من مرة و يده ثقيلة ولا يدفك ولا حتى درجة الدكتور ما تدري وش وضعه بالتحضير ساعات يفصل بنص المحاضرة و يحضر و يسال و انت خلقة منتب فاهم معه و ساعات يحضر اخر المحاضرة الشي الوحيد الي اشوفه كويس اذا غيبك وانت كنت حاضر معه بالمحاضرة و بلغته بعدين انك حاضر على طول يحضرك باختصار انحش عنه الا اذا تبي تنزل خصوصي و تبي واحد ما يعطي كويزات ولا واجبات نزل عنده، لكن ما انصح لانه يده ثقيلة

دكتور مستحيل تفهم منه شي, تعامله تحت المتوسط بعض الاحيان يكون كويس بعض الاحيان لا، ظريت عنده في ترم كورونا ١٤٤٢ كان يدرس سلايدات ثم يحل في السبورة خطه سيئ جدا ما ينفهم و يختصر كثير حاول تبعد عنه اذا قدرت فايدته الوحيده انه ما عطانا واجبات ولا كويزات تأثر على الدرجة التحضير كان بنهاية المحاضرة يحضر

صارم بالتحضير والدرجات مايدفك ولا ربع درجة لكن تصحيحه ممتاز جدا ويعطيك حقك

تبيها باختصار؟ هج بكل قواك تصحيحه مرره ثقييل و شرحه كأنه يشرح لدكاتره وسرييع ما يمديك تكتب وراه حتى و التحضير اذا تاخرت يقروشك يقعد يسال وين اغراضك و الجوال ما ينفتح عنده بس تعامله حبيب يعني اذا تبي سولف معه اذا شفته مب اكثر من كذا

الدكتور كان يدرس طلاب دراسات عليا قبل لذلك تلاحظ شرحه دايما فوق مستوى الطلاب ، يشرح اثباتات واذا حل امثلة يجيب امثلة صعببةة جداً من النوع اللي مستحيل حتى يجيبوها في اختبارات ، يحضر نهاية المحاضرة ، واحياناً ما يحضر الا كل اسبوع مرة لكن ذاكرته عجيبة ما ينسى الطلاب اللي يغيبون و اللي يتاخرون و يسجلهم في التحضير ، انا ما كنت افهم من شرحه نهائياً ، تصحيحه شديد و لكن يدف نهاية الترم ، ما انصح فيه.

انحشش صدق يبتسم كثير تحس انه حبيييب بس انه ابليس ويده مب ثقيله وبس فالتصحيح اللي بعده يدور عليك الزله وهو اللي يحط الاختبارات واختباراته صععععبه واذا حط طالب فراسه الله يعينه انا تاخرت خمس دقايق ولا حضرني وجوا بعدي طلاب وحضرهم

نزلت عنده وانا مدري عن التقييم هنا ابداّ .. الحمد لله اني مادريت , دكور عسل باخلاقه ومحترم و يشرح بذمه واي سؤال يجاوب عليه لكن يحل على ان الطلاب فاهمين يعني يختصر خطوات .. المهم قريت انه مايدف ابد انا الحمد لله دفني مع ان اغلاطي بسيطه .. اهم شيء لازم يعرفك والله يجزاه الف خير

درست معه ٢٤٤ريض، يشرح بالعربي على السلايدات وبالطباشير يحل المسائل، يتبسم كثير ومرات يطلع خارج الدرس، الجزأية الأولى من المادة عن المصفوفات والحل فيها دقيق وعلى خطوات وكل تغير في مصفوفة جديدة زي ١٠٧ريض لكن الدكتور يحل المسائل على نفس المصفوفة ويمسح القديمة ويمشي في الحل وحجته نوفر وقت لكن بكذا أنا ما قدرت أركز، جزأية الميد الثاني والنهائي ما فهمت من شرحه، بالتصحيح شديد حتى طالب في الميد الثاني أخطأ في جمع رقمين في سؤال ليس المصفوفات وكان الناتج يعتمد على اللي بعده أعطاه صفر من خمسه مع أن باقي الخطوات صح وما أدري ليش يحاسب على نفس الخطأ في باقي الخطوات الصحيحة، مرة غلطت في كتابة متغير بدلا من كتابة A كتبة AB أعطاني صفر مع أن الخطوات صحيحة وحجته أنت مو فاهم السؤال، فهذا يوصلنا إلى أنه يتعامل مع الناتج النهائي، بالعادة يعطي يوم الاختبار اوف، التحضير نهاية المحاضرة، ما أنصح أحد يدرس عنده

ظلم تصحيح ماتفهم واذا جيت تناقشه بالتصحيح قام يسولف معد تدري وش تقول، يظلمك ويمن عليك اذا طلع حلك صح يله "هذه درجة" مع أنها من حقك!