ماده موب صعبه ولا سهله بس تابع مقاطع الجبرين وشف شرح سليمان للستدي وبتصير سهله مره بس لو تخليها تتراكم وماتعطيها حقها بتتوررررط
الناس قبت ببعض هههههههههه
ترى المادة سهلة للي معطيها حقها "السبا.يك" و "للاغبياء" بس تجي و تقول المادة صعبة ولا انت الي متجهز لها وما تذاكر الا قبل الاختبار بيومين او ثلاث طبيعي بتصير صعبة الافضل تذاكر قبل الميد على الاقل اسبوع .. و التعليقات الدل.وعة خلوها لكم, الموقع مخصص للتعليقات و الاراء بكل (صدق و امانة) و تجي تطلع حرتك او اهمالك عندنا غلط .. و التعليقات الغير منطقية مثل اللي تحتي لا تشوفهم, ما يذاكر ولا يعطي المادة حقها بعدين يقولون عنك "سب.ك" "غب.ي" عشانك تذاكر المادة و معطيخا حقها
بالنسبة للغب.ي الي يقول كانها سلم دام انها سلم كان مفروض تذاكر قبل الاختبار بيوم بس بس انت يا سب.ك شايف مقاطع الجبرين كاملة وحال الستدي وحال نماذج ومذاكر الكويزات وش بقيت بس انت جاسب فما استبعد انك مخك ما يستوعب فلازم تذاكر للسلم زي المالية
الي يقولون سهل مرة تلقاه السب.ك يذاكر طول الترم بعدين يقول بسيطة فلا تصدقهم وتستهين بالمادة وعطها حقها
المادة عباره عن اله حاسبه فقط لاكثر ولا اقل تعودي عليها وامورك في السليم
بالنية لي كنت اشوف شرح الجبرين فقط دكتورتي ما اناظرها لان الجبرين يكتب الاسئلة
شرحه للدروس والافكار نفسها تجي بالاختبار وافكاره كانت اسهل من الكتاب وستدي وكان الاختبار تقريبًا نفسها يمكن المشكله الوحيده اللفظي لكن سهل حتى بتلاحظونه دايم يتكلم بافكار يعديها ويزيدها غالبًا منها
الماده سهله بس شوفوا شرح الجبرييين وتدربوا على الستدي بلان قد ما تقدرون
المادة سهلة بس متعبة ودسمة شوي
يبيلك تفهم للحاسبة المالية من اول يوم وتفهم اول باول ويحتاج تاخذ وقت اكثر من المواد الثانية للمذاكرة
والقسم يدف قريد بالعادة
الماده سهل وحلوه و ممتعه يعني اشياء اساسية تعرفها وخلاص الباقي زيه ، مافيها افكار كثيره او تريكات بس بشكل عام حلوه مره و تحتاج مده تذاكرين فيها ما تقدرين عليها بيومين لان السلايدات كثيره بس سهل
نفس كلام اللي تحتي بالضبط واضيف عليه انها تحتاج قبل الاختبار مده عشان تذاكرها لانها تاخذ وقت
اذا انت طالب نظم حاسب فهي مادة سهلة وكأنها سلم والجبرين شرحه كافي ووافي مع تدرب على الستدي بلان والنماذج السابقة بالراحة تجيب + A , اهم شيء ذاكر الكويزات ولا تغشها عشان تسهل عليك المادة في الميد والفاينل
المادة مو سهلة ولا صعبة، تحتاج تدريب ومذاكرة أول بأول. نصيحة اذا انتي طالبة أو طالب تدرس عند دكتور غير الجبرين شف المحاضرات المسجلة حقة الجبرين لأن هو منسق المادة، وتمرن على الستدي بلان والاختبارات السابقة للاترام اللي قبل. اللي يقول المادة تشبه الاحصاء، مافيه مقارنة ابدا المادة اسهل بكثير من الاحصاء ومواضيعها منطقية وتنفهم عكس الاحصاء.
انا اول دفعه يحطوا الجزء النظري المادة سهله لكن تهاونت بالفاينل كان اقدر اجيب A بالراحه الفاينل مستواه كان اصعب من الميد لكن مقدور عليه لازم لازم تذاكرها اول باول كانت من المواد القليله اللي استمتعت بمذاكرتها الجزء النظري كنت اسجل نوت لاي كلام نظري الدكتوره تقوله ولا احتجت اذاكره من مصدر ثاني غيرها ودرجتي فيه ممتازه اخذتها مع سارة الرويشد وحمدلله حاليا متخصصه مالية من بعد المادة
المفروض قريدي A+ لو اني ما تخاذلت بالميد
مادة مقدور عليهاااااااااااا
مادة فهم ، متوسطة الى سهله ، أفهم شرح الجبرين لا تحفظ أفهم ! و طبق عالستدي كثير عشان تتعود وبتصير سهله ان شاء الله
المادة غبية تسلسل المعلومات فيها معطوب ولا لها مصدر معين تحس كذا ضياع وتشتت ولا تدل على تخصص المالية ابدًا التخصص امتع بكثير من ذا الهك
اصعب من الاحصاء الماده تحتاج جهد عالي وبتاخذ كل وقتك وكل الي جايبين قريد عالي قبل كان على اكسل الحين انلغى الاكسل كله على الحاسبه نصيحه نزلها مع مواد سهله عشان تقدر تعطيها حقها
ماده سهله جداً اذا فهمت محاضرات الجبرين صح وحليت الستذي بلان
المادة سهل تجيب فيها قريد كويس لاتخافون لكن المذاكرة اول باول مهمه جدا، وكمان المفاهيم الرئيسية اللي تنوخذ بداية الترم مرررررره مهمه افهمي من البداية عشان ترتاحين وانتي تذاكرين الفصول اللي بعدها. بالنسبة للمصادر انا ما اذاكر الا من الكتاب والستدي بلان نادر مره والحمدلله ماواجهني سؤال ماعرفت احله لا بالميد ولا بالفاينل.
نفس غباء وتشتت الاحصاء. مافيه مصدر معين تذاكرون منه انتوا بس ذاكروا والباقي توفيق من الله. طبعا بسبب الدفعات الي قبلنا الي كان ينسمح لهم اكسل شيت و ورقة فيها القوانين. انمنعت من دفعتنا ١٤٤٣ للاسف و خسفتنا كلنا بس زين على الاقل للحين اختياري (للحين ما نزلت درجتي بس بحط a+ عشان اجذبها 😍)
المادة سهلة وأنا مستواي عادي ومو مرة مهتم خذت A+ 👍❤️
ماده سهلة جدا والجبرين والقحطاني ما يقصرون بالشرح وتسجيل المقاطع ، الميد كان تافه جدا اما الفاينل كان عادي وبيكون سهل للي ذاكر زين 🤝
سهله اذا كنت تدرسها اول بااول للاسف مابديت ادرس الا بالفاينل بس قدرت اعدي بقريد حلو
ابديت ، اشعر بالندم اني ماحذفتها وليتني اخذتها بعد التخصص
المادة مع التركيز والفهم حرام م تجيب A+
اسوء اختبار اختبرته كان فهالماده
بس يمكن انا مقصره يعني لو تذاكرون اول باول بتجيبون افضل بكثير
اقبح مادة ، ماقولكم تشبه الكمي لا لكن فيها نفس غباء الكمي تحس انه يهبد لك معلومات بدون ماتدري وش تسوي فيها ،اذا هجت بك وقررت تحفظ بتلقم بالنظري لكن عدد الاسئلة العملية اقل من النظري لذلك اختر بعناية واكبر اجحاف بحقنا انهم مارفعونا لان شعبتي "وهي المفروض شاطرة" دخلت الفاينل على بي بي بلس ولا دفونا رغم ان الفاينل كان قبيييييييح
مدري الحقيقة هل القسم ي.س.ت.ل.ع.ن او ايش ما اقول الا ذاكرو بكل الطرق المتاحة لان القسم ماراح يزودونكم اي درجة مادة صعبة تغيرت عن اول كثييير
خسف معدل اشوف اغلب متحسف انهم ما حذفوها
المادة تحتاج تركييز وتدريب وتعدونها بأقل ضرر
دفعتنا 43 كان الاختبار ورقي وممنوع الاكسل بس الالة المالية، وكان فيه اسئلة نظرية تلخبط شووي، بس الجزء العملي يحتاج منكم تدريب كثيير ومذاكرة أول بأول وتمشي إن شاء الله
ماده صارت اصعب و اصعب حسبي الله و نعم الوكيل عليهم غيروا كل شي اول كانوا يستخدمون اكسل و معهم ورقة قوانين و ما فيه نظري الله لا يوفقهم قسم خايس مصدقين نفسهم
ماده تغير نظامها مب نفس اول الله يعوضنا
تغير النظام وصارت المادة صعبه مره لا تشوفون التقييمات القديمة
تدرس الماده تقول بتخصص ماليه نهايه الترم تتحسف انك درستها ،، القسم نعال الاختبارات نعال ومادفونا وجابوا نظري اذا فيك خير حله والفاينل لكل سؤال درجه ونص ، حسبي الله ونعم الوكيل
لحد يتامل دف+ حطوا نظري صعب جدت جدا
الأختبارات صارت ورقية + حاسبة مالية ولكن احس صارت أسهل موب اصعب ،، ركزوا على الستدي بلان وافهموا طريقة الحل وبتمشي أموركم ان شاء الله ، أشوف ان شرح الجبرين ممتاز مره وأي شخص يدرس عن دكتور ثاني ويحس انه ضايع يكلم الجبرين على الايميل وبيرسل له روابط شرحه ،، وموفقين ان شاء الله
المادة تغير نظامها صارت اختباراتها ورقية من القسم وبدون اكسل يعني الحل اغلبه بالحاسبه المالية وماتعتبر صعبه بس تحتاج مذاكرة اول باول وحل للستدي بلان واشوف الاسئلة الورقية اسهل بس مهم تكونون فاهمين
تدرييييب وبس فالك التي بلس والقسم حلو ومتعاون
شف مقاطع القحطاني وطبق في بيرسون وادخل الاختبار وبالتوفيق
يقولون تغير الموضوغ والاكسل منعوه بس ماني متاكد
مادة قرييد تدربو على بيرسون فقط وابشروا بال A+ كل شي من المنسق القحطاني الدكاتره مالهم دور عطانا بونس بعد
الماده ماده حفظ احفظي الستدي بلان وتمشين
جزئية ميد ون كثيره الافضل تبدين فيها من بدري جزئية ميد تو والفاينل اخف
الفاينل جابو اساله جديده غير عن الستدي بلان الي متعودين عليه بس ماكانت كثيره
التدريب مهم عشان تخف يدك للحل
مقاطع القحطاني شيء اساسي
الي يحب الحفظ وما يتعمق بفهم الماده بتعجبه
سوو بونس او اب قريد كريمين القسم بالدرجات
النقاط والفاصله ما يعدلونها لكم قسم البنات ف وانتي تحلين ركزي بالمطلوب والتقريب تفاديا للنقص
المادة يبغالها متابعه دورية والاختبارات عليها درجات قليل يعني لو السوال مكون من خانتين ممكن كل وحده عليها درجتين والدرجات تطيييرررر
شوفو مقاطع القحطاني وتدربو على اسئلة الستدي واحفظوها وفالكم التوفيق
الماده قلبت حفظ احفظ الستدي وادخل الاختبار وتجيب A+
الماده حلوه ومتطلباتها قليل بس ستدي ومشاركه بتمارين الكلاس ، ميدين كل واحد درجته 12.5 و كويزين عليهم 10 درجات ، جابو تدىريكات بالفاينل والميد والصراحه بعصوها علينا مدري شفيهم متسلطين الله يصلحهم ، مصدر المذاكره كان مقاطع سلطان القحطاني الله يسعده وتراهم يعطون اب قريد اذا ابلشتوهم
ماده جميله جدا تابع مقاطع القحطاني وصدقني بتشوف القريد A +سهل