بكل بساطة اذا تحبون الرياضيات بتبدعون فيها بدون خصوصي ، استمتعت فيها جداً
لازم مذاكره اول باول وتتدربون على الواجبات الي جتكم لانها نفس افكار الاختبار ميد او فاينل
المادة مو صعبة مافيها حفظ كثير الا تقريبا 1.4 وشوي من شابتر 3 ومهم جدا تحل تمارين الخطة حرفيا ميدي نصه كان منها وبرضو حل اختبارات سابقة كثير
صعوبة الأفكار : أفكار بسيطة جدًا وتكررت علينا
من ناحية الدسامة : دسمة جدًا جدًا جدًا
تحتاج تحرك يدك واستمرار في مراجعة الدروس ولا بتضيع لأنها كبيرة وصعب تلمها بأسبوع
يبي لك ٣ أسابيع حتى لو كنت تدرس أول بأول لكن ال أ+ مقدور عليها في حال أنك ما استهنت فيها..(:
جب فل بالمد لأن الفاينل يمكن يصدمك لكن الحمدلله على كل حال
الماده تراها مب ذيك الصعوبه بس الفاينل صعبوا المستوى. لازم تذاكرها اول باول. انصح بمحمد ندا اذا كنت ما تفهم من دكتورك او تةاجه صعبوه في الماده. شد حيلك بالميد حاول تجيب الفل عشان الفاينل شوي صعب ودسم. الواجب الورقي مره مهم تتكرر نفس الافكار في الاختبار بالذات الميد.
معليكم من قريدي لكن المادة مقدور عليه ولكن حرك يدك كثييييير لأن المادة افكارها كثيره ولازم تكون مُلم فيها ونصييحه اشتركوا مع د.محمد ندا والنصيحه الثانيه حاول تقفل كل تمرين من تمارين الخطة لأن الفاينل والميد ما يطلع منها وبكذا بتضمن القريد العالي
جبت العيد في الميد نقصت حول ١٥ درجه لاكن شديت في الفاينل مع ان فاينل ١٤٤٥ كان اصعب فاينل اخر خمس سنوات ما يقارن بالسنوات الماضيه عطونا مسائل من الاختبارات البديله الماده سهله للي يذاكر اول بأول وصعبه للي تراكها ومو معطيها حقها نصيحتي ابو ندا و حرك يدددك حل مسائل وحاول ما تنقص في الميد لان الفاينل غدار
المادة ما كانت صعبة بس الفاينل كان صعب ولاول مرة جا فيه تريك ذاكرت للفاينل اكثر من شهر عشان امسك القريد وتدربت على الفاينلز السابقة وحليتها كلها وفهمتها وفعلا شفتها اسهل شي بس بالاختبار اخر سؤال تحديدًا كان يشكك بالحل لدرجة عدت السؤال اكثر من عشر مرات واخذ وقت ولا قدرت اراجع وراح كل وقتي عليه كان اول سؤال يجي من النوع ذا ولا كان موجود نفسه بالخطة حتى السكتش كان غريب واغلب الحلول ما كانت موجودة بس الحمدلله
درست المادة سنة444 الترم الاول كان محذوف علينا اول ٣ دروس اول درس كان معنا 1.4 كان درس دسم بس مو صعب بعدين تشابتر 2 وهو اصعب شي بالنسبه لي بكل المنهج وهذا كان الميد كنت احس المادة صعبه بعد الميد دخلنحك تشابتر ٣ اسهل من الي فات بالنسبه لي جدا والتشابتر الرابع الي هو الاخير سهل اذا فهمت الثالث لان تطبيق بس على الفصل الثالث المادة بالميد كنت اعتبرها صعبه بس المادة ككل متوسطة
ماده متوسطه تميل للسهوله صعوبتها بس في الافكار الجديده اسالة الاختبار غالبا تجي بصيغ جديده يدمكون بين اكثر من درس بسوال مجملا الماده يمديك عليها بقرد ممتاز براحه بس لاتغيب كل محاضره مهمه واحرص على المراجعه اول باول
كنت اذاكر قبل الميد بيومين والفاينل كذلك وجبت كذا اسهل مادة علمية بين الثلاث بالتحضيري مافيها اشياء صعبة وما تنفهم ابد كلها واضحة
لا تراكم وتجي قبل الاختبار بيوم تتوقع بتقدر تستعد زين
اصعب شي في هالماده ممكن يكون الفصل الثاني غير كذا سهلات
هذي المادة اعطتني درس كبير انه إذا حطيت هدف برأسك راح تسوي المستحيل عشان تحققه👌🏼 ، أنا دخلت الجامعة بعد ثلاث سنوات من تخرجي من الثانوية يعني اساسيات الرياضيات عندي كانت ضعيفة جدا لدرجة نسيت وش معنى ( نأخذ عامل مشترك 😂😂 ) واللي زاد الصعوبة اني أخذتها مع كيم 101 بنفس الترم ، لكن الحمدلله بعد توفيق الله جبت فيها A+ طبعا هذا القريد ما جاء بسهولة ، القريد هذا جاء بعد تعب وعناء ومذاكرة اول بأول والحمدلله حاليا انا متخصص هندسة برمجيات
اللى يقول عنها انها صعبة وش بتسوي اجل لا دخلت كلية الهندسة وجتك ١٠٦ و ١٠٧ و ٢٠٣ و ٢٠٤ ؟
صراحة امتع واسهل مادة درستها بتحضيري مع اني ماكنت كويس برياضيات بثانوي والتحصيلي بس خشيت مع محمد ندا كنت اتابع معه اول باول وجبت فل بالميد وعطانا الدكتور كويز من ٥ حق المشاركة وجبت فل واتوقع الفاينل نقصت ٣ درجات فا نصيحتي اذا اساسك مو مرة بريض اشترك معه لانه يأسسك اما اذا وضعك كويس فا ركز مع دكتورك وحل اختبارات سابقة وبتجيب درجة كويسة
ماده متوسطه الى سهله ، افضل خصوصي فيها محمد ندا
المادة لازم تكون خبير بالرياضيات خبرة ثانوي يعني ونصيحه مادة مثل كذا يحتاج لها خصوصي لا تستهين وتقول ما يحتاج اقل شي بيفرق قريد معك وبيفرق ترا مره لانك بمرحلة تنافس
للأمانة المقرر مب صعب مرة بل متوسط، انا اشتركت عند محمد ندا وكانت دورته الصراحة ولا غلطة، بس اني كنت مهملها بفترة الميد وجبت فيه العيد وشديت بالفاينل لين ماجبت قريد يرضيني، عشان كذا ذاكر المقرر اول بأول خصوصا لو كنت مشترك عند محمد ندا لان مقاطعه طويلة، وفالكم التوفيق.
موب صعبة بس تدرب كثير وحل اختبارات سابقة وتوقع يجيبون لك أي فكرة مهما كانت مستبعدة ولا تسمع كلام الدكتور إذا قال لك هذا ما راح يجي تراه بيجي وبتنغدر
الماده سهله جدا لو تذاكرها اول ب اول تلاقيها بسيطه مره يمديك A+ بالراحه اذا تذاكر اول ب اول غيرها ممكن تجيب العيد في نفسك وتتراكم عليك الماده وانصحك ب محمد ندا هو اقضل واحد يشرح الماده
سهله المادة خصوصا لو كان دكتورك محمود الطلاع
اسطورة اسطورة اسطورة قسم بالله اتوقع لو ماكان دكتوري كان استصعبت المادة جدا سهله ولا شلت همها ولله الحمد
لا تشيلون هم المادة ااابداااا تعتبر اسهل مادة بالتحضيري بالنسبه لي … الماده دسمة لكن مح الحل والتدرب والله تصير سهله الي من سهولته سخيف ! الميد حقي حرفيا كلها تجميعات والفاينل اغلبه أيضًا … بس تكفون الماده لازم مذاكره اول بأول !!!!
اسهل ماده كانت مابين الاحص و الكيم
المادة سهلة و ممتعة بس يحتاج مذاكرة أول بأول، ذاكروا التجميعات و ركزوا في الاسئلة لان ممكن يغيرون شي بسيط جدًا و تتغير الاجابة بشكل كامل.
كادة مممممتعه اذا درستوها وتدربتو حلوه مره ومفهومه بس راجعو كثير وتدربو وبالاختبار بتبدعون اكتبو خطوات قد ماتقدرون صراحة حلو
اسهل واروع وأمتع ماده بالتحضيري، تدربوا كثيير وافهموا الافكار بدل تحفظونها
مادة سهلة بس عطها حقها، معظم الدروس من الثانوي
مادة سهله
حلها انك تذاكر اول بأول واذا كنت تحب الرياضيات من ايام المدارس فتبدع فيها
فيها تريكات بس مقدور عليها.
ممتع لو تذاكرون اول باول حتى لو ما تحبون التفاضل
الماده مو صعبه بالعكس ممتعه ونفس رياضيات الثانوي 4،5،6 بس بتتعمقون شوي لكن الاشياء الجديده مو صعبه ابدا الاختبارات مقاليه يعني لازم تحلون بالتفصيييييل لان يمكن تحل صح بس تنقص لان حلك مو كامل على شان كذا عودوا انفسكم على الحل بالتفصيل انا اشتركت مع محمود الرملي وماندمت شرحه حلو ويسوي مراجعات قبل الميد والفاينل لاتفوتكم وبإذن الله ريض 101 بيكون ماده قريد بالنسبه لكم ولا يخسفكم
الماده مب صعبه تجي الافكار من الثانوي الصدق بس حاولوا لا تغيبون وحلو حلو حلو المسائل هي اللي بتفيدكم practice makes perfect حرفياً
المادة في البادية كانت بحذف ترم بسببها لكن ما حصل، اساسياتي ممتازة لكن للاسف ماكنت افهم من الدكتور ابد، جبت ب الميد 18 وكان سهل وعبارة عن الواجب الورقي حرفيًا. انا اشتركت مع محمد ندا بالميد و الفاينل مع حجازي، كان حجازي مناسب لي اكثر بحكم ان محمد ندا يشرح كل شيء بتفصيل واشياء نسبة انها تجي ضئيلة جدا، تبي +A حل الاختبارات السابقة بيدك ولا ترجع لشيء ابد وصحح لنفسك اذا خلصت. وبختصر لكم الشابترات (CH1 ( 1.4 عبارة عن الزاوية المرجعية المتطابقات،CH2: نهايات ,CH3: اشتقاق، CH: اشتقاق لكن مع فلسفة
اجتهدو وجيبو البلس لان المادة ممتعه وسهله واختباراتها واضحه مافيها تريك زي الكيم والاحص لكن اهم شي تدربون يدكم على حل الاكسرسايز
ماده خرا احسب اني ذاكرت واخر شي هالقريد
مادة عسل ومنسقها عسسسسل الاختبارات سهلة ويعلمنا اذا بيجي شي مهم والاشياء المحذوفة كل الي عليكم تشتركون مع محمد ندا واضمنوا A+ بس اهم شي تدربوا زين قبل الاختبارات
عطها حقها وحل اختبارات سابقة لأن دايما تجي نفس الاسألة بس الارقام تتغير
المادة سهلة اختباراتها سهلة لكن أهم شيء تدرب وتدرب وتدرب وحل اختبارات سابقة وراجع أول بأول ولا تراكم، الاختبارات سهلة غالبًا ما تحتاج خصوصي إذا دكتورك زين
مادة تحتاج اول ب اول مع ابو ندا وامورك طيبه ان شاءالله كنت اقدر على A+ لكن للاسف انخسفت بالميد
خش مع محمد ندا وازهل المادة
اححلى واسهل ماده مقارنه بالكيم والاحص عليك بالاكسرسايزز اللي بالكتاب والتجميعات
الماده سهله جدا ابسط ماده فالتحضيري
ترا هذي اهم ماده بالتحضيري يا تجيب درجه وتفلح يا تجيب العيد ويرمونك بتخصص مخيس ف انتبهوا
المادة اخذتها بالترم الاول 444 الصراحة بالبداية كنت افكرها مادة تعجيزية ولا عطيتها حقها بالميد لكن بعد الميد حسيت ان الماده سهله ولكن بسبب نظرتي الاولى فيها والخوف ضاع مني قريد بس الحمدلله عوضت بالفاينل مع محمد ندى وجبت A بالاخير لا تحكم عالمادة بسبب كم شخص قال انها صعبه وممكن ما اعطاها حقها وبالتوفيق للجميع.
انا اخذت الماده بترم الثاني 1444 و ذاكرت لها بس حذفت الترم لاسباب قهرية، فا الحين اخذها مع الكيمياء، الماده والله على حسب دكتورك و انا للاسف دكتوري بتصحيح دقيق لاكنه حبيب،لاكن انا والله ذاكرت كل الدروس و فهمتها و رحت على الفاينلات من سنه ١٤٤٢ الى ١٤٤٤ كلهم مع البديل الي هو اصعب من العادي و يوم دخلت اختبارها اليوم تفاجأت انه حاط لي افكار جديده! ، السوال الاخير دايم يجي داله بس حسبي الله على المنسق حطه جدول و لخبط افكاري، الاختبار النهائي حاط جدولين و ميد جدول، حسبي الله على المنسق و الدكتور حقي
مادة عطها حقها من فهم للدروس وحل اكسرسايزز الخطة وتجميعات وتبشر بالقريد ان شاء الله
ونت تذاكر سهل الموضوع جدا ، اذا جيت تحل كانك مذاكر مادة ثانية سحر ولله مب طبيعي
باختصار المادة ذي على حسب الدكتور
مادة عبارة عن عشوائيات كل شابتر منهج جديد
الصعوبة الي واجهتها باول شابترين بعدها سهالات
لا تتراكم عليك وحل اختبارات
أغلب مواضيعها درسناها في الثانوي، ولكن هنا ندرسها بالانجليزي وبخطوات مختلفه
التركيز في حل الدكتور مهم لأن بيقول نقاط تنكتب في الحل وعليها ربع، وربع مع ربع بتنقص شي يضرك كان يمديك تتجنبه بتسجيلك للملاحظات
الكتاب وتمارين كل فصل مهمة هي مصدر المذاكرة الرئيسي ولازم تفهم فكرة التمارين لأن عادي يدمج لك أفكار
كل الاختبارات السابقة مهمة، وكمان الواجب الورقي يجي منه نسخ لصق
حل بيدك ولا تقول بعينك هذا سهل
أكتب ملاحظات في الحل، مثلًا أول خطوة نكتب كذا، ثاني خطوة نكتب كذا وثالث خطوة كذا وإلى آخره
المادة سهلة لاكن مع الاسف فيه طلاب كثير مسوفين و يقول انها صعبة. منهج ثانوي غالبًا ما عدا اخر شابتر . الميد ذاكر الواجب الورقي و الافضل انك تحله بيدك مب تنسخه ويجي الاختبار تقول صعب. الفاينل الله حق كان فيه افكار جديدة لاكن اذا تبي تطلع بافضل قريد انصحك تذاكر قبل الاختبار باسبوعين على الاقل يكون عنذك وقت تراجع الاختبارات السابقة. اذا اساسك بالرياضات كويس، ما تحتاج تشترك مع احد ابدا. الي عليك تحضر المحاضره و تجيب معك دفتر و قلم و حل مع الدكتور. المقرر سهل لاكن عطه حقه. فالكم التوفيق و النجاح 👍
اول نصيحه لاتضيعيون درجات الميد لان اغلبه من الواجب الورقي اذا ماكان كله للاسف انا طلعت من الميد وباقيلي درجه وربع واضيع الA+ وحسيت مستحيل اجيبها لكن ذاكرت قبل الفاينل باسبوعين تقريبا مع محمد ندا وشفت اخر ٣ اختبارات سابقه وتدربت عليهم وطلعت بقريد كويس ، وزي ماقلت لاتضيعون درجات الميد واشتركوا مع محمد ندا وبتضمنون الA+ باذن الله .
وصلو على النبي❤️
المادة مره سهله اذا ركزت عليها, الترتيب بالأهمية:
1- اشترك بدورة او اشتر ملزمه (يفضل محمد ندا) شرح الدكتور غير كافي. وذاكر كل درس بيومه اول ما ترجع عشان تفهمه صح وتعرف طريقة حل المسائل (وسجل ملاحظات)
2- بالميد: ذاكر الاختبارات السابقة، الواجب الورقي يجي منه اسئلة كثير، الواجبيين الالكترونيين، اسئلة الخطة (اطلب الخطة من الدكتور اذا ما اعطاكم اياها)
3-بالفاينل لا ابدأ مبكر حتى لو كنتوا ما خلصتوا المنهج، أبدأ ومعليك وسوي نفس اللي سويته بالميد.
لو تلتزم بروتين مذاكرة بتكون لك أفضل مادة
جبت بالميد 3 من 25 و راكمت المادة لين قبل 5 ايام من الفاينل وكنت اداوم باخر اسبوع لانه وقتها باقي لي محاضرة وحدة على الحرمان ومع كذا عديتها بd الحمدلله، نصيحتي لك من البداية لا تراكم المادة عطها لو كل اسبوع شي بسيط من وقتك و بتجيب قريد كويس، اما اذا راكمتها لا تربش روحك و تخاف حاول تبدا قبل المادة باسبوع اقل شي وبتمشي امورك ان شاء الله، و عليك بخالد خشان باليوتيوب شرحه بطل و مختصر اما غيره الصراحة يطولون بالشرح، والله يكتب لكم اللي فيه الخير جميعاً
اذا بتعتمد على الكتاب نفسي بتنكب نفسك
الماده ممتتتتعة بشكل ، وسهله صدق اذا فهمتوها زين ، اشتركت مع محمد ندا وكان اسطورة بالشرح كل شي يشرحه يفسر لك الشرح وليش صار كذا ووش معنى كل شي ويثبت بمخي الشرح صدق ، كنت اذاكر شبه اول باول يعني يجي ايام ااجل وكذا بس افهم بوقت المحاضره غالباً ف يساعدني هذا الشيء ، وحلوا كثير كثير لان حسيت الميد والفاينل كلهم كانوا تجميعات.
مادة يبيلها جهد عالي الصراحه و عيبها ممكن يجيك السؤال بمليون طريقه نصييحههه محمد ندا لازم تشتركون عنده و المادة فيها كثييير من منهج الثانوي اخر كتاب بس بتعمق اكثر و اصعب تشابتر ٢ الباقي سهالات
متوسطة تميل الى السهولة . ممتعة رهيبة . الي عليك عشان تجيب القريد هو اول بأول او على الاقل تبدا قبل الاختبار بفترة طويلة وباذن الله تضمن . وبالنسبة للميد ركز على الواجب الورقي اكيد بيجيك منه سؤال اقل شيء والفاينل ان شاء الله بيجيك سهل اهم شيء ركز في كل شيء يشرحونه الدكاترة وحاول تفهم وحل كثير وامورك طيبة
ان شاء الله تحياتي
مادة جميلة وممتعة ال A+ فيها يبيلها جهد عالي جدًا لكن ال A متوسطة الصعوبة خصوصا للشخص اللي يجب الرياضيات مشكلتها ان الفاينال حق دفعتنا كان صعب جدًا
الميد اغلبه من الواجب الورقي والفاينل تجميعات
شرح الدكتور خالد خشان على اليوتيوب بقناته بإسم Dr. Khaled Khashan ممتاز وراح يفيدكم ان شاء الله ومجاني
الماده صعبه جدا لو دكتورك سيء لكن اذا كان كويس بتشوفها تافهه جدا واسهل من الاحصاء للاسف اني طحت بدكتور ما يساعدك ابد ويدور اي الغلطه عليك عشان ينقصك وشرحه مب ذاك الزود
لله دركم ي دفعة 43 ريض الترم الثاني جابو لنا رسمة الراشونال الي ماقد جت ب أي فاينل من بعد 2010
المادة مو سهله الصدق بس دكتورتي كانت منيره العنزي الله يسعدها ويوفقها دنيا واخره كان شرحها بططللل ولا احتجت اشترك مع خصوصي وتكاليفها سهله كان واجبين ورقي وواجبات الكترونيه وميد واحد وفاينل
سهله بس ذاكر وتدرب وتجيبA+
المادة اخذتها من سنة وقد قيمتها بس الحين ابي اقول لاي احد ناوي على تخصص فيه مادة 106ريض نصيحة نصيحة نصيحة تاسس زيييين ل101 واشتركوا مع محمد ندا عشان ما تخلصون المنهج الا وانتوا متاسسين كويس لان تقريبا 90% من اللي تاخذونه الان بتاخذونه ب106 لكن قرقر اكثر لذلك اذا تأسستوا زين الان باذن الله بتسهل عليكم وصدقوني كل اللي مامشوا ب106 زين لانهم ماضبطوا امورهم ب101 من البداية! بالتوفيق جميعا وعسى تدخلون التخصصات اللي ودكم🤍
اشوف المادة هذي سهلة لو ذاكرتها اول باول انا سحبت عليها بالميد جبت 20/25 ذاكرت زييين للفاينل جبت فل مارك و A+ شدو حيلكم ووضعكم تمام اهم شيء ملزمة محمد ندا
بأختصار الماده هذي اذا ما ذاكرتها من اول الترم اول باول بتضيع وبتحملها الا بلطف الله ان قدرت تلحق قبل الميد ب٣ اسابيع يمكن تجيب شي كويس ونصيحه شد حيلك بالميد لان هو الزبده اذا جبت العيد فيه بتنضغط نفسيًا وتقعد تفكر بالحمل وهواجيس الى يوم الفاينل فا اعيد واكرر الميد الميد حط حيلك فيه اضمن ٢٠ وفوق عشان تذاكر للفاينل وانت مرتاح ومنتب متوتر وبإذن الله بتجيب قريد
اي زي ما انت شايف سهله جداً وجايب فيها F
لاسف كنت مهمل وقتها عام ٢٠١٩ بس بعدين خذيت ١٥١ و ٢٤٤ وجبت فيها A . الى يومكم هذا مدري شلون حملتها هههه
ماده سهله الى متوسطه اذا ما راكمتها لها شروحات واجد و مصادر كثير واهم شي تشوف نماذج اختبارات سابقه (محلوله)عشان تعرف طريقة الاسئلة بس و لا تعتمد على التجميعات كثير شوفها بعد ما تقفل الكتاب و بتجيب الدرجه اللي ترضيك
حملتها 3 مرات لكن اقولكم المادة صعبة جدا اذا ذاكرت قبل الاختبار بخمس ايام بس
درستها عام ٢٠١٩، المادة سهلة وتحتاج تدريب ومذاكرة أول بأول، على وقتنا كانت ميدين كل واحد من ٢٥ و١٠ درجات على واجبين الميدين كنا نذاكر لها قبل بثلاث اسابيع - شهر ، اذكر الميد الاول يكون متوسط يميل للسهولة ويشوفون الافرج بعد الميد اذا كان مرتفع يصعبون الميد الثاني وفعلا هذا اللي صار معنا الميد الثاني جانا صعب جدا من عالم ثاني بس الفاينل كان سهل جدا وناس كثير جابوا فل فيه، المادة باختصار تحتاج مذاكرة اول بأول وتدريب
التدريب ثم التدريب ثم التدريب
ماده سهل ولكن لازم تراجع اول ب اول و الميد غالبا يكون من الواجب الورقي و دعواتكم ♥️
المادة يبيلها مذاكرة وان الشخص يركز ويفرق ولا ممكن يتلخبط .. لازم الشخص يلم الدروس صح ويراجع + الميد والفاينل يبيلهم اكثر من يوم لحد يتساهل ويأجل
الماده سهله بس بشرط انك تعطيها حقها بالدراسه وتذاكر اول بأول وهذا اللي ماسويته والله يوفق الجميع
الماده حلوه ولا هي صعبه و الافكار اغلبها من ثالث ثانوي بس عليها اضافات بسيطه َ الحفظ قليل يعني يعتمد على فهمك للماده بشكل عام مو صعبه ابد على كثر، الكلام اللي سمعته الشخص اللي بيذاكر بيكون 70% بيجيب فيها B و طالع
المادة حملتها 3 مرات ، انتبهوا انتبهوا انتبهوا اغلب الدكاترة يرسبونك حتى لو كنت ناجح ، اذا تبي تتأكد من درجتك رح للقسم نفسه نصيحة والله يوفقنا واياكم يارب
التدريب المستمر(ماتقطع فترة وتراكم) والتركيز بطرق الحل وتلخص متى تستعمل الطرق بيختصر عليك وقت الاختبار، انصح بحمد ندا كخصوصي
بصراحه لو انها ماده بالترم الثاني مثلا كان قدرت اجيب A او A+ لكن لانه اول ترم وماكنت اعرف وش الطبخه عكييتها بالميد ونقصت واجد ، تجهزت للفاينل كويس وطلعت بأقل الاضرار ، كنت امشي مع محمد ندا بمنصة شروح الرجال ما قصصر يشرح كل الماده مع واجباتها واختباراتها الميد والفاينل لازم تكونون معه بيفيدكم وااجد
عط المادة حقها , حتى لو ماذاكرت أول بأول حاول تذاكر قبل الاختبار باسبوعين الى ثلاث وتدرب على جميع الاكسرسايز المحددة بالمقرر
المادة ممتعة حاولوا ما تراكموها واللي عند دكتورة ابتهاج يا حظهاا
الماده عاديه لابعد حد وما فيها تركات كل الي عليك تذاكر اول ب اول وتعطيها حقها وبتعطيك حقك
المادة سهلة جدا جداً للي يذاكر اول بأول, اقرب بريك امسك الكتاب وراجع الي اخذتوه بالكلاس
واذا ماتذاكر اول بأول صدقني بتتوهق ويصير فيك زي الرياكشن هذاك حق الي انزنق زنقة الكلب ,
ونصيتحي ي طلاب التحضيري الجامعة ماهي نفس الثانوي الي بتاخذه بالمنهج تأكد ان الي بيجيك بالاختبار اصعب منه بكثير كان معكم طالب هندسة وتحياتي
ندمت اني ما تدربت اكثر على الاختبارات السابقه😓 محمد خشان الي بليوتيوب افضل استاذ شرح ذي الماده بالنسبه لي وليتني عرفته قبل الميد
الميد ياحبيباتي احفظو اسئلة الواجب زي اسمكم وتدربو على اختبارات سابقه بعد والله الماده تسهل مع التدريب والممارسه+ ترا مايطلعون عن اسلوب الاختبارات السابقه
اهم شي من هذا كله (((الاختبارات السابقه))) الله يوفقنا واياكم
المادة بإختصار تحتاج ( التدريب التدريب التدريب ) !!
كل ماتدربت و حليت المسائل اكثر من مرتين ، ثلاث بفهم
كل مازادت درجتك في الاختبار و نصيحة لوجه الله تعالى
( حل كل افكار الكتاب + الاكسرسايز المقررة عليك )
و شف افكارها كلها ،،
حل تجميعات (بعد ماتخلص الكتاب) والله العظيم المادة تحتاج وقت كبير
والتهاون فيها و انك تقدر تذاكر قبلها بإسبوع (بتشوف انها اصعب مادة )
للامانة المادة سهله واخذتها باول ترم جامعي لي وماعطيتها حقها ابدا, تحتاج منك مراجعة اول باول ولا تراكم شيء على نفسك واضمن لك درجة, جبت فيها C+ واندم كل ما اتذكر اني ضيعت فيها وماصحصحت ولحقت على نفسي الا بالفاينل, محمد ندى افضل خصوصي يشرح المادة واللي يقولك المادة صعبة هذا ماعندة سالفه اهم شي شد حيلك وافهم الدروس وحل اسئلة سابقة بكثرة وركز على الاختبارات السابقة عشان تفهم كيف تريكاتهم بالاختبار وتفهم للمادة صح
وقت الاختبار جداً قصير ساعه ونص و٢٥درجه مهب زي الثانوي وغيره ومافيه خيارات كله تكتب وتنقص شوي مشكله كبيره ومافيه وقت تكتب قوانين بعدين تتذكرها بالمسائل
مفروض الريض يكون خيارات
يعطيك المسائله والخطوه الي بعده تختار وش هي وعلى حسب مره تختار القانون مره تعوض وكذا وكله خيارات افضل للطالب والمصحح
الاختبار تعجيزي وظالم للطالب ولايشمل الكتاب بشكل جيد ومحاوله وحده بس ٢٥ درجه والنهائي ٥٠ ومره وحده ظلم ممكن يجي الطالب تعبان او ماعنده فكره عن الاختبار ويضيع ولازم كلشي صح تقريباً عشان تجيب معدل
بسم الله الرحمن الرحيم اودالتنبيةبمخالفةلاتكاد تخفى عن كل تقييم مادةتارة ترى شخصاً يقول(كنت اظنها صعبه ولكن طلعت سهلة)لا يا اخي هي بالفعل صعبة،لكن بتيسير الله سبحانه وتعالى وتوفيقه لك اصبحت تراها سهلة وتذكر ان كل الفضل بيد الله سبحانه وتعالى فمن علق امله بالله فله ظن لا يخيب هو الذي خلقك ورزقك وانعم عليك والله لن يصعب عليه ان يرزقك باعلى الدرجات ولكن الخيرة في ما اختاره الله وتذكر ان الانسان لو خير بين اي خيار اخر وبين الخيار الذي اختاره الله له لاختار الخيار الذي اختاره الله وصلى الله على محمد
ماده معقده يبيلها مذاكره وتدريب كثير والصدق ما اوفيتها حقها ف حملتها للاسف لكن لازم تمرون عالتجميعات وتعطونها حقها.
سهلة يبغى لها مذاكرة اول بأول
اصعب ماده مرت علي بالتحضيري ، الله لا يعيدها من ماده
الماده سهله بس لازم تذاكر وتتدرب ولا اشوفها تحتاج لا خصوصي ولا ملزمه شروحات اليوتيوب تكفي
لازم تتدرب كثير و ماتتراكم عليك و المقرر سهل اذا اشتغلت و تدربت كثير وراح تستمتع
عليك بملزمة ندا وبعد ماتخلص الدرس ابدا حل التمارين وسهل والله لكن يبي له مجهود وحل مسائل
كل ماحليت كل ماسهلت عليك
درست ريض ١٠٦ و١٠٧ و ٢٠٣ وبالنسبه لي ذولي اسهل من ١٠١ ك فاينل لان كان الفاينل من ٥٠
فيه واحد كل شوي يحط سهل جدا و A+ وش بتستفيد ؟؟
المادة سهل بس اول ياول و صدقني ال A+ في الجيب , و انصحكم في ابو ندا
ذا الرجال رههههههيييييييببببببب
المادة تعتمد على اللي بيكتب الاسئلة يعني متاكد لو اني خذتها اول ترم بجيب A+ بس الترم الثاني صعبوا الاختبار
تعتبر سهلة بالنسبة لرياضيات بس مع مذاكرة اول بأول والمد يمديك تضمنه الاسئلة كانت مشابهة لأسئلة الواجب انا بس لو ذاكرت الواجب زين كان على الاغلب جايب A
استغرب وشلون اغلب الي في التقييم جايبين +A مع انه اعلى واحد في شعبتي جاب +B
عموماً المادة مو صعبة يبليك تذاكر باستمرار وتحل الاختبارات السابقة وبتقدر تجيب قريد حلو
الماده والله ابدد مو ع كلام الناس ، اذا عطيتها حقها بس ابد بتمشي امورك والله ، فيها صعوبه في بعض الاشياء صح بس مو مستعصيه خلاص ، شد حيلك اول ب اول والميد اذكره كان بالمتناول بعد وبتمشي امورك بإذن الله
المادة كانت صعبه (( علي )) لأني كنت متساهله فيها بشكل جنوني وبالمد نقصت اكثر من ١٥ درجة لاني كنت متوتره من الكلام اللي يجي منها والفاينل حليته وانا ابكي كنت اقول خلاص بحملها لكنها عدت الحمدلله ، لكن مافي شي صعب على اللي يذاكر اول ب اول ، نصيحتي ذاكروا اول ب اول وتدربوا لا تقولون هذا سهل ما يبي له تدريب ، بعدين راح تحتاج هالتدريب كثيير + لا تسمعون كلام اللي يقولون صعب حتى انا لا تسمعون كلامي لاني ما شديت حيلي ، المادة صعوبتها تعتمد عليك وشكرا
المنهج كله ٤ تشابترات ، وكل فاينل يجي فيه الليميت والاشتقاق والرسمة الأخيرة ، بس تدخل تحل وتنصدم بالدرجة ... نصيحه لحد يستهين فيها
هي كمادة بتعطيك ايحاء اثناء دراستها انها سهله وتقول هذا التفاضل الي خوفونا منه؟ لكن اختباراتهم فيها تلاعب وخدع نصيحتي لك وقت الدراسة لاتقول سهله وتسوف ذاكر اول باول والواجبات شف افكارها كيف وحلها بنفسك ( لاتنقلها لاتنقلها ) ذاكر اول باول وبشكل اسبوعي توقع كل شي يجي بالاختبار اي شي سواء تافه او صعب ذاكره توقع منهم كل شي وكل الافكار ممكن يجيبونها شف الافكار السابقة
مفاهيم كثيره ذاكروا اول بأول لا تسوون سكيب لاي فكرة ما تفهمونها الاختبار شامل لكل شيء و مستواه عالي شوي + تدربوا تدربوا تدربوا دايم
موب صعبه ابدا، اذا كنت متأسس بالريض من اول بتفلح و امورك تمام.
ما عليكم من الطفل اللي مقيمها صعب
هو كا ماده جدًا تافه واشياء ثانوي بس الفاينل نكبونا فيه جابو لنا نموذج جديد مليانه تويستات مافيه الا كم سؤال مباشر الباقي لازم تستعمل مليون طريقة لعللل طلع معك اجابه كان مرعب الصدق بس تقدرون تسوونها
جدا سهل اذا فهمتو اول باول و فيه كثير من الثانوي
المادة سهله بس المد لا تتهاونون فيه وادرسها اول ب اول والله ما تتعب فيها
الماده سهله بس ما اسامح سوال الراشونال بالفاينل
ماده تعتبر سهله على حسب الدكتور و شرحه و الي عليك تذاكر اول باول و تتمرن على الحل
المادة حلوه ماهي صعبه بس يبي لها مذاكرة وتركيز بالنسبة لي مقارنة في الكيم والإحصاء تعتبر سهله
مادة سهههههله لكني اهملتها اهمال مو طبيعي بس انتوا لو تعطيونها حقها ما راح تنزلون عن A ركزوا على الاكسرسايز و الاختبارات الساااااااابقة مهمة واشتركوا عند محمد ندا
ماده حبوبه من الدرجة الأولى حسنة التحضيري لو ادرسها كل ترم عادي
المادة مب ذيك الصعوبه لكني اهملتها جداً لو تذاكر يوم واحد بالويكند ان شاء الله اضمن لك A+
اذا تبي تفهمل المادة صح والاختبارات عليك بالتجميعات والتمارين الي بالكتاب ووضعك سليييم، كل المنهج نفس الثانوي اذا فاهمه صح
سسههللل ومقدور عليه بس يبيلكم تراجعون اول بأول وانا اضمن لكم الA+
سهله لو ذاكرتي أول بأول وحليتي من التجميعات والتمارين اللي في الكتاب بتجيبين A+ بالرااحه
الصراحه كان اهمال مني المد نقصت اكثر من عشر درجات بس حاولت قدر المستطاع ابقى في الB لكن الحمدلله على كل حال الماده حلوه والله بس ررركز على الواجبات الالكترونية يجيبون نفسها
غالبا المد سهل جدا ولكن الفاينل شتتتتتتتتتت
بالقليل من الاجتهاد تقدر تجيب قريد عالي
التدريب مهم جدا خصوصا للفاينل ركز على الواجبات الالكترونية لان الافكار بينهم متقاربة
اهملت توقعت زي الثانوي وزود على كذا كنت ترم كورونا يعني درس التفاضل ما درسته
المادة يبي لها تدريب
حل كل المسائل والاكسرسايزز بالخطة اكثر من مرة. تعبت شوي فيها بالبداية عشان دروس كثيرة كانت جديده علي بحكم انه الثانوي كان اونلاين. بس المادة ككل حلوه ولازم تمرن يدك، فيه قناة باليوتيوب خشان حقت الجامعه ممتازه جداا.
للامانه سهله بس انا ما عطيتها حقها وجبت هالقريد
بمذاكره الميد بيومين وانا مو عارفه عن المنهج شي وهذي غلطتي
الفاينل شدييت وختمته بدري منهج لطيف جميل ممتع
لكن الفاينل جابوا شي ما جا بالتجميعات ولا اختبارات بديله من قبل
ف لا تقولون مستحيل يجي
ما فيه شي مستحيل
لازم تدرب نفسك على الحل و مذكرة محمد ندا اشوفها ضروريه
المادة مو صعبة ابدا بس انا ما اعطيتها حقها لانه اول ترم بس بشكل عام الميد نفس الواجب الورقي بالضبطط والفاينل نفس حق السنوات اللي قبل نفس الافكار تتكرر بس يبيله مذاكره اول باول
المادة جدًا سهله وإذا كان اساسك زين بالثانوي ما راح تتعبين مع المادة لأني حرفيًا أكثر المنهج من منهج الثانوي، وركزي زين بالمحاضرات ولا يفوتك شيء ولا تنسين تحلين التجميعات وفالكم الA+
المادة بدون حتسي كثير.. براكتس وممارسة من بداية الترم واعتمد على الكتاب ولاخصوصي ولاغيره وفيه ياليوتيوب خشان ممتاز.. وA مسألة وقت
المادة تعتبر سهلة نوعًا ما لكن دروسها كثيرة ولازم تراجع اول باول
الماده مو سهله ولا صعبه بس يبيلها تدرب على المسائل كثير المد كان سهل بس تصحيح دكتورتنا كان دقيق بزياده الفاينل يجي نفس التجميعات لكن يحطون سؤال او سؤالين فكرته جديده
الماده تجنن والاسئلة سهله ما تجي افكار مختلفه عن الكتاب اهم شيء ذاكروا الكتاب والواجب الورقي اذا مره عندكم وقت ذاكروا تجميعات عن نفسي ما ذاكرت الا اختبار واحد لجزئية الفاينل لانه ما فيه واجب ورقي لجزئية الفاينل
بالنسبة للشرح اعتمدت على شرح استاذتي ما اشتركت مع احد
المادة جدًا حلوه وبسيطه بس لا تسوون غلطتي وذاكروها اول بأول لا تراكمونها عليكم
سهلة مرة مرة مرة شدوا حيلكم واضمنوا درجتها حرام معدلكم ينزل بسبب مادة سخيفه زي كذا
المادددههه جداً مقدور عليها لا تخافون اهم شي مذاكره اول باول والاكسرسايز والتجميعات وكلها لو فهمتو الفكره الاساسيه خلاص الباقي يتسهلل عليكم بس ماده يبيلها شغل
انا مو شاطره بالريض ابدا عشان اكون صريحة معاكم فإني اطلع من هالمادة B يعتبر شي كويس لي فإذا انتم شاطرين صدقوني ماتنزلون عن A وكثيييير اعرفهم A+ لاتخافون ابدا المادة ماتحتاج منكم مجهود خيالي تحتاج بس تعطونها حقها 👍🏻
بالميد بس ذاكرت امثله الكتاب والريليتد بروبلم والتمارين اخر الدرس ثم شفت واجبات الترم و كم نموذج من السنوات السابقه والفاينل نفس الشيء انصحكم بـ ملزمه محمد ندا حقت حلول الكتاب ما احتجت اشترك مع احد لان كنت اركز مع الدكتوره واكتب الخطوات اللي تقولها الماده تحتاج عشر ايام مذاكره على الاقل بالنسبه للميد والفاينل
الماده سهله ولكن جابو لنا فاينل صعب اصعب من البديل حتى داخله الفاينل القريد حقي A+ وطلعت وانا C+
تدربوووو اول بأول حلو مسائل قد ماتقدرون وحاولو تدخلون الفاينل وانتم ضامنين درجه كويسه
ذاكر باستمرار وحل كثييييير ،ركز على الاختبارات السابقه
الماده افكارها جديده يبي لها تدريب وتعويد لليد ع المسائل و**ضروري تعرف الاجوبه النموذجيه لأن اكثر شي ينقص في الاختبار هو الخطوات **حتى لو كانت اجوبتك صحيحه واحسن شي مذكرة محمد ندا يحل باجابه نموذجيه -اذكر جا سؤال فاينل نفسه بالضبط وبالارقام وانقذني لأنه كان سؤال دسم -وشرح خالد خشان في اليوتيوب
الماده لو ماتزققوا بالفاينل كانت بتصير سهله لو تحرك يدك وتحل واجد وتحل تجميعات بتصير جدا بسيطه واذا كان اساسك برياضيات ٥ و ٦ حق الثانوي ممتاز بيسهل عليك واجد لكن لكن اذا بغوا يزقون في النهائي كلنا اسفين لانهم زقوا بالنهائي حق الترم الثاني وشفنا صواريخ على الورق مب اساله انتبهو يا دفعه ١٤٤٤ تنكبون
مادة يبي لها تركيييييييييز و دكتور كويس غير كذا صعبه
المادة حلوة واحس مرة فيها من دروس الثانوي فاللي متأسس زين بالثانوي بيسهل له
وطبعًا اللي يفهم ويذاكر أول بأول بيجيب اي بلس
+ التجميعات اهم مصدر للمذاكرة سواء فاينل او ميد
ماده سهله ومايبيلها زود مذاكرة
الماده سهله ويمدي تجيب قريد براااحه بس يبي لها تدريب وممارسة واهم شيء التجميعات
لو اتقنت تشابتر ٢ ان شاء الله كل الباقي سهل بس يبغالها تدريب كثير واول باول وركزي مع دكتورتك لان شرحهم ابسط من شرح الكتاب بكثير وهو الي شوي ممكن يضيع بس لو مريتي عكل الامثلة الي بالخطة واسئلة السنوات الي قبل وفهمتيها صح بتشوفين الاختبار سهل. بس الفاينل يجي اصعب من الميد فحاولي تضمنين درجات الميد
الرياضيات عبارة عن ممارسة
الحل الكثير = ثبوت المعلومة
اشترك مع ابو ندا و حرك يدك و استفد من الساعات المكتبية خصوصا في خطوات الحل و امورك توب
تابع اول باول وحل الاكسرسايز
مادة صعبة وغثيثه بالويل عديناها بعد الحمل طبعا
المادة صعبة بس لو تذاكرها اول باول بتجيب شيء زين
افهم من دكتورك وذاكرها اول باول وبتجيب A+
الماده سهله وواضحه بس مذاكره اول باول وامورك بالتمام
المادة عبارة عن مويه مقارنة باللي بعدها بس اني كنت دلخ وداخل الاختبارات بدون ما اذاكر بيومها في المد والفاينل
الحقيقه الماده حلوه ولذيذه وتمنّيت إني أعرف كيف أذاكرها من بدري 💔💔
المادة لااازم تذاكرها اول باول، غير كذا ماراح تجيب درجة حلوة
مادة لذيذة بكل ماتحمله الكلمة من معنى،
صعوبته بس في ١.٤ و شابتر ٢ كامل و ٤.٥ الباقي سهل مرره بس انا حمار ماذاكرت الميد لان كان عندي اشغال و طار قريدين مني ولا المفروض جايب A على الاقل لو شديت اهم شي ذاكرو كل اسبوع لو يوم واحد لازم مراجعه
سسههللههه بس امشوا فيها اول بأول وخلاص تضمن الA+
سهله سهله سهله بس يبي لها ووووقت وتدريب مكثف
الماده مقدور عليها لو تذاكرها اول باول لكن الفاينل كان تعجيزي و لو تقارنه بالميد الميد كان اسهل منه بكثير و مستواه معقول ما اقول الا الله يسامح من حط الفاينل بس
اسهل ريض بتاخذها خلال مسيرتك الجامعيه استمتع عزيزي طالب التحضيري ماراح تمر عليه سهول وتعاون القسم بذا الماده غير بالتحضيري.
مادة دسمة لكن مقدور عليها واسهل من الكيم١٠١ والاحص١٠١
مب صعبة ابد لكن يبيلك تكون جيد في الرياضيات و للأسف صعب تعتمد على دكاترة الجامعة سيئين
اسهل ريض بتدرسها
سهلللله وما عليكم من اللي يقول صعبه
٨٠-٪ دارسينه بالثانوي
سجل عند خصوصي اسمه (محمد ندا)، وحل الاختبارات القديمة لان أفكارهم نادر تتغير وفالك الـ A، بس ذاكرها اول بأول لا تتراكم عليك .. انا طالب متخصص وعديتها من سنتين بس كل اللي اعرفهم سجلوا مع ندا جابوا A وطالع؛ عالعموم لا تجي تفتح الماده قبل الاختبار بيوم يومين وتتوقع انك تنجح.
والله العظيم اذا ما اعطيت المادة وقت وراكمت كل شي الا اخر لحظة في قابلية تسقط بكل سهولة، مادة فعلا تفرق بين الي يحب الرياضيات والي يكره الرياضيات
نصيحة ذاكر اول باول وتدرييييب بس والله تعتبر ماده سهله بس يبيلها تدريب
المادة حلوه مره وممتعه لابعد درجة كل اللي عليك تركز وقت الشرح واذا مافهمت فيه الخشان يوتيوب شرحه وافي والريليتد والاكسرسايز ووضعك تمام👍🏻
الماده صعبه جداً جداً طبعاً نجحت فيها ب B بترم ال 20 درجه هديه
يبي لها تركيز عالي ومهمه للي يبي يدخل حاسب وهندسه
سهل جداً مقارنة ب المواد المتقدمة ك 106 و 244
اذا مره مره مره شديت حيلك ممكن تجيب درجة عاليه بس يبي له ممارسه مكثفه
حلوا التمارين اللي فيها افكار مره مهمه + PE
المادة عبارة عن أول جزء من الكالكس (تفاضل)سهل لكن له متطلبات سابقة زي الجبر يعني يعتبرونكم فاهمين أشياء كثير مثل ضرب مقص،فرق بين مربعين،جمع الكسور الخ.فإذا ما عندكم أساس بالرياضيات بتجتهدون أكثر من الشخص العادي.عموما سهلة درستها وما كنت اعرف الا الجمع والضرب وبالفاينل سحبت على ٣ دروس وفوق هذا جبت A
سهل جدا للمجتهد اللي يذاكر قبل الميد والفاينل بوقت كافي ويتدرب على اللاكسرسايزز والواجبات الورقيه
المادة رااائعة والاختبارات حلوة مرة والتصحيح يتعاونون فيه، ركزوا مع دكتورتكم وتدربوا كثير على الاختبارات السابقة وتجيبون أ+ بإذن واحد احد
المادة سهله جدا ولو انا معطيها حقها بجيب A+ بالراحة
