مادة من اسمها واضحه تتكلم عن الحقوق فيها ١٢ وحدة والدروس كانت جدا جميله ومفيدة صراحه استمتعت بالمقرر والحقوق الي يتكلم عنها معروفه عند الكل حق المرأة حق الطفل حق الزوج والزوجة وحق الغير مسلمين في البلد المسلم واشياء يعني بديهية الا اخر فصل شوي ثقيل لكن مذاكره قبل الفاينل بيومين كافيه واهم شي عندك التجميعااتتتت مهمه جداا جاني منها كثير بالاختبار
اسهل سلم درسته مرا سهل وبديهي
حب كبير للدكتور وليد الحمدان
للامانة اشوف 102 اسهل منه ، عموما كل مواد السلم تعتمد عالدكتور
المادة محتواها جدا سهل لكن تكفى ركز معي المادة كلها تعتمد على الدكتور اذا شفت ( لم يحدد ) احذفها قبل يقفل التعديل لاتقول تراها سلم صارت معي هالترم وجانا دكتور سييييئ خسف بالشعبة كلها
مادة سهله وبسيطة لو بقارنها ب١٠٢ فاشوفها اسهل منها وابسط
سبق واخذت ١٠٧ و ١٠٢ واقدر اقول هذا اسهل منهم بمراحل( مع انهم بعد حلوين )
المنهج حلو ومب مقعد ولا فيه احكام كثيره وتفصيلات يعني اذا نزلت/ي عند دكتور/ة كويسه ال A+ مضمون بأذن الله
الحقوق مره تلخبط أحس ندمت نزلته في أسهل منه
ممتع مرة ومواضيعه واضحة وحلوة صدق
من اسهل السلمات و الكتاب حقه واضح وقليل تقريبا ١٤٠ صفحة
المادة مقدور عليها لكن يبغالك تعطيها حقها شوي عن الباقيات، مذاكرة قبل الفاينل بيومين وتجميعات راح تقفل لك المادة بA+، يجيبون من التجميعات بس بعض الاسئلة من السطور ولازم تقرا كل شي بالكتاب مو سرط تحفظه بس اقرا ولاتترك شي، فالكم التوفيق
هي مادة على اسمها تدرس فيها حقوق الانسان بشكل عام في الاسلام مثل حق الطفل وحق الزوج والزوجة وحق الام وحقوق غير المسلمين وفيها اشياء ثقيلة شوي اللي هي الهيئات مثل الامم المتحدة وجمعية حقوق الانسان وكذا تحفظ بعض الاشياء عنها صراحة ان المقرر بشكل عام بديهي ولافيه صعوبة مثل ماتوقعتها يعني أسهل مما كنت اتوقع والشي اللي زاد السهولة ان الفاينل ماطلعت اسئلة التجميعات عنه لانه المنهج واضح بس انهم مغيرين الصياغة في بعض الاسئلة فقط مع ذلك الفاينل كان اسهل من الميد حقنا لانها تعتمد على الدكتور وبالتوفيق
الماده سهله مررره واشياء تعرفها من قبل
المقرر سهل موب صعب ، يحتاج منك تذاكره قبل بوقت وتناظر الاختبارات السااااابقة لأن جاء منه كثيير ،، فيه بعض المقررات ما يهم الدكتور بس هالمقرر أحس لازم تنزلها عند دكتور ممتاز 👍🏼
عادي يعني مب سهل ولا صعب وطبعا زي اي سلم ثاني يعتمد عالدكتور/ه.
انا ذاكرت بليله الاختبار واعتمد عالتجميعات وجبت أ+.
اقرو الكتاب بتركيز وحلو التجميعات وفالكم الفل مارك.
شوي اعمق من السلمات الثانيه واصعب بتكه بس التجميعات يجي منها مره كثير ف ركزو عليها.
انا الفاينل حقي كان مليان تجميعات ف مهم مهمم تمرون عليها ومب بس بذا السلم بكل السلمات.
بالنسبة لي كانت سهله و حلوه مواضيعها تحتاج حفظ بسيط لتاريخ و مقر بعض الهيئات و المنظمات و يعتمد بشكل كبير على الدكتور/ه طبعا نزلو مع ناس كويسه و ابحثو عنهم و اهم شي مذاكرتك انت هي الي تحدد لو انزل مع اسوء شخص تقيماً في النهاية بتاخد على قد شغلك و درجاتك الا اذا احد ظلمك فلا تحطون على نفسكم ممسك شدو حيلكم و ذاكرو اول بأول مواد السلم اصلا كلها ممتعه بالنسبة لي و مواضيعها حلوه لو ترجع بعد المحاضره و تشرحون لأهلكم موضوع اليوم بيمشي براسكم و معد تنسونه
سهله جدا بس يبيلها مذاكرة قبل الاختبار بثلاث ايام نظام انك تذاكر ليلة الاختبار انسى A+
من تجربتي ، الفاينل سهل وكله اختيارات ( تجميعات+ اقرو الكتاب مهم )) مايطلعون منهم
مواد السلم تعتمد على الدكتوره اكثر نزلو عند ناس كويسين وفالكم A+ ،دعواتكم لي🫶🏻
مره سهله حتى الفاينل حقها سهل
المادة بشكل عام سهله وطبعا يعتمد على الدكتور/ه بشكل كبير ( يعطي بونس ولا)
تتكلم عن حقوق الإنسان، غير المسلمين، الطفل، المراه، الحياة،الحرية،العدل والخ..
نوعا ما بديهية ولكن تحتاج تقراء وتذاكر المنهج بتركيز.
يجيبون ادله بس تصير واضحه مره وقصيره غالبا.
الفاينال والميد كلهم ذاكرتهم بليلتهم والحمدالله.
الصدق المادة احسها مفيدة مره وتعلمك اكثر عن حقوق الانسان في الاسلام واننا افضل بكثير من الغرب الي يدعون اننا مسلوبي الحقوق وغيرها.
استمتعت بمذاكرتها
اذا جاكم عبدالله العنقري لاتنزلوها عنده بيعطيك تكليف ١٠ صفحات بخط يدك
الميد واعمال السنه يعتمد علو الدكتور ة لكن الفاينل جاء كثير من التجميعات واغلبه واضح مشكلته المنظمات والهيئات في النهاية هي الي تلخبط شوي
مادة سهلة نصيحة لا تضيع فيها القريد واعتمد على الكتاب و الملخصات خلها للمراجعة
فيه الاسهل منه ما انصح فيه
الفاينل موحد صعب ودقيق
المادة سهله بس يبي لها مذاكرة اول ب اول، انصحك تنزل سلم ١٠٢ او سلم ١٠٧ أسهل لك من كل النواحي
سهل بس الفاينل شوي يبيله شدة حيل لاني جربت ١٠٧ وكان اسهل
سهل بس مو لدرجة انك تسحب على الماده وتجيب A+ ، انا جبت العيد بالميد ٢٢/٣٠ وقررت اني اوقف تطنيش للماده والحمدلله فل مارك بالفاينل وبونص غياب وصلني A+، لاتنسى الكويزات والتجميعات
