والله كل الي بقوله من واقع تجربه، الماده بالنسبه لي من امتع المواد الي درستها تتكلم عن النبي ﷺ والصحابة رضي الله عنهم. اذا عندك معلومات سابقة بتسهل عليك، ميزة المادة تعليم ذاتي ٢٥ درجة واجب تحله ب ١٠ دقايق سهل و ٢٥ ميد و ٥٠ فاينل الاختبارات حضوري بتطبيق QQ ميزتها تنساها طول الترم، الاختبارات متوسطه فيها كم سؤال صعب الصدق لو لا البونص الي عطونا جبت A فيها ولكن انشبو للدكتور لازم عشان يعطيكم بونص، البعض يشوفها صعبه لكثرة الاسامي والارقام ولكن يمديك عليها مب كثيره مره, اشوفها اسهل من سلم 107
الي تحتي اقسم بالله انهم كذابين ويبون الشعب تفتح الله لا يوفقهم
صعب والله كانه ماده اجبارية مو مادة اختيارية
لا تاخذ بكلام الي يقول سهله ولا يغرك انها تعليم ذاتي رح دورلك ياذيب مواد سلم أسهل منها بكثير وبمراحل، وش الي حادك تاخذ ماده سلم وكأنها ماده اجباريه؟ من كميه المعلومات الي فيها، إذا ملزم تأخذها ترا مب شرط تجيك نفس التجميعات ولا تعتمدها (لحالها) في هذي الماده خصوصاً وبالتوفيق
الصراحة هالترم الاختبار كان عن كل شيء الا سيرة الرسول عليه الصلاة والسلام، بس المادة بشكل عام بسيطة وما تشيل همها ومريح إن مافيها حضور وواجباتها ومضمون فيها 25 درجة
المادة مرره ممتعه وما ندمت اني اخذتها يكفي اني ما اشيل همها طول الترم يكفيها مذاكرة يومين قبل الميد ويوم قبل الفاينل والواجبات موحدة وحلها موجود . نزلتها عند دكتورة علياء ابا الخيل ميدها ما كان سهل تقريبا نفس مستوى التجميعات او اصعب بتكه بس فيه بونس . المادة فيها حفظ اسماء وتواريخ واي شي ممكن بين السطور ممكن يجيك . الفاينل بدعو فيه ما قصرو يمكن حول 10 اسئلة جديدة يعني اذا بتنزلونها لا تتوقعون ان الA+ مضمونه
الصدق المادة ممتعة وانك تعرف السيرة النبوية شيء جدا جميل بس مشكلتها حفظ التواريخ.
بس بشكل عام المادة سهلة
بالتسبه لي اسهل سلم اخذته ممكن لانه ممتع ومع اني مو مره مع الحفظ بس اهون من غيره (١٠٦، ١٠٨، ١٠٧)
احلى شي مافي محاضرات والقصص تحمس، الفاينل يكون دقيق شوي ماشوف تكفي التجميعات لازم كتاب
أمتع سلم قد درسته ومذاكرته ممتعة حرفيًا مافتحت منهجها سواء بالميد او بالفاينل الا قبل يومين
ومع احترامي اللي يقول ما ذاكر قاعد يستهبل ،الغالبية جايبين A+ على احصائية المنسق
الصدق الماده كمذاكره ممتعه وكل شي سهل الا الفاينل كان مقلب قوي لازم تذاكر من الكتاب لان الملخصات نكبتني
اول سلم اجيب فيه اقل من A والله شي يضيق الصدر
لحد يعتمد على الملخصات خليكم على الكتاب
انا غلطت اني ما ذاكرت الكتاب
و الصدق ماكان عندي وقت الم المنهج كله بيومين
ممتاز جدا الكتاب ومفيد ومعلومات جديده تحتاجونها لكن الفاينل كان صعب صراحه
افضل واسهل مادة سلم نزلتها, لكن لا تذاكر الا من الكتاب, الملخصات ممكن تراجع منها بعد المذاكره
ذاكر الكتاب،
غلطتي اعتمدت على الملازم والملخصات
المادة مو سهلة صح انها اختيارات بس الاختيارات نفسها تتشابه و تتلخبط لا تسمع كلام الي يقولك بديهيات
من المواد الي مره ما ندمت اني نزلتها ، حرفيا المادة ممتعه جدًا خصوصا انها تتحدث عن أشرف الأنبياء وهو نبينا محمد عليه الصلاة والسلام 🤍، حرفيا كأنها رواية وتعيش أحداثها ، صعوبتها فقط بحفظ اسماء الشخصيات وايش سووا ، والتواريخ والي هي عبارة عن التاريخ الهجري لكل حدث/ و بعد البعثه ، ولكن فيه ملخصات كثير مجمعهم وتسهل عليكم، صراحه الفاينل كان شوي سيء لأنهم جابوا أشياء مره دقيقه ومتشابهه ، واحسن طريقة للمذاكرة تشوف مقاطع يوتيوب عن الوٍحده تسرد القصة قم تقرأ الدرس
السلم هذا مريح الصراحه من ناحيه انه تعليم ذاتي الميد يعتمد على الدكتور ولكن الفاينل موحد وبعض الاسئلة دقيقة جدًا ف لازم تذاكر الكتاب كله زيين مع الهوامش والدروس المستفاده من الوحدة
من الاخر لا تذاكر إلا من الكتاب والتجميعات، اما الملخصات والملازم تراها نكبة اسحب عليها
والاختبار حرفيا استقعاد نص الاسئلة يجيبها بين السطور إذا انت راعي حفظ وماخذ عند الدكتور المانع احتمال يدفك قريد بتجيب درجة حلوة غير كذا بتتبهذل
ميزتها انها تعليم ذاتي ما تشيل هم الحضور بس عليك تشد حيلك بالاختبار
نصيحة اعتمد على نفسك وذاكر كويس من الكتااااب تضمن درجة كويسة
سهل وخفيف يعني طول الترم مافيه محاضرات بس يوم واحد تشد فيه للميد ويوم للفاينل كثير طلعوا من الفاينل يسبون الاختبار بس كان بسيط وواضح من الكتاب ف على الاغلب انهم اعتمدوا على التجميعات المقرر ممتع جدًا بس يبي له حفظ خصوصًا الاسماء والتواريخ
انتبه تنزلها اذا منتب راعي حفظ ولا عندك خلفيه سابقه عن سيره النبي انا اقوى شيء اخذته بالمدرسه كيف تتوضى وجيت هنا مستانس انها تعليم ذاتي ولا فيه محاضارات بالعربي تبي مطوع فاهم
المقرر يتكلم عن سيرة الرسول صلى الله عليه وسلم، يعني راح تحفظ تواريخ واسماء وأرقام، بالنسبة لي اشوفه اصعب من سلم ١٠٣، نصيحة قبل تنزل المقرر ادخل التجميعات وشف الاسئله إذا هي سهله بالنسبه لك توكل ونزلها، وخل اعتمادك على الكتاب والتجميعات ولا تشتري الملازم والملخصات لأنها نصب انا داخل الفاينل معتمد على ملزمة حول ١٥ سؤال ما مر علي، مده المذاكرة تعتمد على حفظك بس اتوقع الشخص الطبيعي بياذكر النهائي في أربع أيام، لو رجع فيني الزمن ما نزلتها الحسنة الوحيدة دكتور المقرر أحمد المانع يدف قريد أو أكثر
مادة تدرس سيرة الرسول صلى الله عليه وسلم مهمة لكل طالب أن يأخذها و يتعلم الشيء البسيط عن رسول الله محمد صلى الله عليه وسلم و بداية الاسلام كيف كان، المادة المفروض تكون اجبارية في كل الجامعات افضل مادة درستها في الجامعة
أخذته مع دكتوره نوره ال رقيب وماقصرت
والله سلم ممتع ومعلومات سبق ودرسناها في المدرسة سهل مره
اجمل سلم لا محاضرات ولا روحه للجامعة معك طول الترم ٢٥ درجة على الواجبات تقدر تخلصها بربع ساعة و٢٥ درجة للميد سهل جدا ، الفاينل ٥٠ درجة مذاكرة يومين تكفيه
اول شي اللهم صلِ وسلم وبارك على سيدنا محمد
ثانيا سلم ١٠٠ تعتبر من اجمل المواد اللي درستها في الجامعة مادة ممتعة جداً ، بالنسبة للسهولة ، المادة بس تحتاج تعطيها حقها وبس يوم قبل الميد ويومين قبل الفاينل وباذن الله بتجيب قريد ممتاز ، غير كذا القسم متعاون تقريباً اعطو ٣ درجات للجميع ، واذا بقالك درجة عالقريد بتاخذه ، غير انك راح تكون مرتاح طول الترم ماتشيل هم المحاضرات . خيار ممتاز جداً للسلم
اكثر سلم استمتعت و انا اذاكره لكن لعلي استسهلت المادة و غلطت بالفاينال
تقريبا اغلب القصص موجودة في يوتيوب شخصيًا كنت اشوف مقاطع عثمان الخميس لانه يذكر التفاصيل اللي بالكتاب
سهلة المادة ماعليكم من الي يبالغ ويقول صعبه لو منزلينها اهم شي ركزوا عالاسماء والتواريخ(الغزوات-ولاده النبي،وفاه النبي الخ…) كلها تقريبا اشياء خذناها سابقا بالابتدائي والمتوسط بس بتوسع اكثر
الماده سهله جدا وممتعه لدرجه ذاكرتها من اليوتيوب سمعت القصص كلها وغلطت فيها اني ماحفظت التواريخ كويس عشان كذا نقصت بس سهله واحسن شي انها تعليم ذاتي 💯
المادة جدا ممتعة وبسيط وخاصة انها عن سيرة الرسول علية الصلاة والسلام والصدق انا ذاكرت من ملزمة الاجتهاد فقط وضروري تعطي المادة وقت شوي وبسيطة
المادة يجب ان تكون اجبارية , لا يوجد اجمل من دراسة سيرة الحبيب صلى الله عليه وسلم , توجد بعض مناطق اللبس في المذاكرة ولكن المذاكرة من ((الكتاب)) في خلال يوم - يومين تجعلك تضمن المادة باذن الله , الاسئلة مهمه للتمرين
سلام عليكم حياكم الله الصدق الماده سهله والله العظيم بس مذاكرتها متعبه ومتعبه جدا يبيلك مجهود فيها + الفاينل والله كان صعب جدا والظاهر على حسب ماشفت انه اصعب فاينل سلم ١٠٠ الى ماقبل دفعتين ماضيه ،، جبت فيها أ+ الحمدلله هذا بفضل الله ثم مجهودي للماده ثم بفضل الدكتور الاسطوري أحمد المانع انا متأكد انه دفنا بكم درجه .. عموما بالتوفيق ومن رايي اذا ماتحب الحفظ ومعرفتك بالسيره ضعيفه لا تنزلها رح مع سلم ١٠٨ اسهل لك .. بالتوفيق يارب
المادة ممتعة جدا وهي عبارة عن سيرة الرسول صلى الله عليه وسلم , المادة سهلة لكن كنصيحة مني انت لازم عليك تذاكر الكتاب كويس وحتى الجمل او الكلمات الي تحس مارح تجي اقراها بس لو مر عليها مرور لان بالاختبار النهائي فادتني هالحركة جاني كم سؤال وانا فقط ميزتها لاني قريتها وعموما الاختبارات اختيارات وكلها سهلة لكن لحد يعتمد عالتجميعات وبس ذاكر كتاب ثمن تجميعات وأنصحك بملزمة التميز فيها تلخيص للكتاب عن نفسي ذاكرته بالفاينل ومافرق شي عن الكتاب.+ جانا بونص درجتين كان عن طريق استطلاع والله يوفق الجميع
لحد يلعب عليكم المادة للي مايحب الحفظ بتكون صعبة عليه لأنه كلها اسماء وتواريخ ولازم تحفظ هالاسماء وتحفظ وش قال كل واحد منهم لأن بيجيك بالاختبار مين قال هالكلام مين راح لهالمكان وهكذا ف ماتحب الحفظ ؟ انحاش وانقذ عمرك لأنها ابداً مو بديهية نفس باقي السلمات
مادة تعليم ذاتي وتضمن 25 درجة من الواجبات و كلها عبارة عن سيرة الرسول صلى الله عليه وسلم ، سمعت تهاويل كثيرة وشفت العكس ممتعة بالمذاكرة لأبعد درجة حتى القصص الي تعرفها تسمع معلومة جديدة تخليك تتأمل
المادة الوحيدة الجامعية اللي استمتعت بمذاكرتها مو من عادة الواحد يستمتع بالمذاكرة الا بهذي المادة واصلاً اغلب المنهج قصص للرسول ماره علينا من قبل ويكفيك ان مافيها محاضرات.
مادة قريد باذن الله
سهلة جدًا، لا تتوقعون انكم بتجيبون درجة حلوة وأنتم ماتقرون كلمة، القصص غالبًا تكون مارة عليكم بس المطلوب انكم تحفظون الأحداث البارزة والأسماء والتواريخ، يكفي انه مالها محاضرات ولا شي بس تحلون الواجبات اللي اساسًا حلها موجود وتذاكرون قبل بيومين للميد وقبل بثلاث ايام للفاينل، الميد تكتبه الدكتورة والفاينل موحد مع العيال، أخذتها مع علياء ابالخيل وعطتنا سؤالين بونس بالميد
سيرة الرسول صلى الله عليه وسلم، المادة تقراها تدخل في مخك، فيه اسماء كثيرة للصحابة لاكن تكون بالغالب ماره عليك، نهايةً المادة سهلة جدا و غالباً قد مرت عليك القصص و الغزوات الي فيها.
المادة جميلة جداً وانصح فيها ويميزها ان ما فيه محاضرات والواجبات تحلها من اول الترم والاختبارات تذاكر لها قبل ٢-٣ ايام المشكلة الوحيدة اللي واجهتها ان بعض الاسئلة في الاختبارات غريبة وتحتمل اكثر من جواب لاكن رغم ذلك انصح بالمادة جداً يارب تكون كل السلم زي كذا
ملخص الاجتهاد+ راجع الكتاب عشان الاشياء الدقيقة جدا وذاكر قبل الميد بيوم والفاينل يومين =a++
اذا ما لك بالحفظ اهرب لان كلها تواريخ واسماء بس ممتعه وخفيفه ونصها معلومات يعرفها اخوك بالابتدائي
كثير قالوا لي الماده مقلب ومهب مادة قريد وصعبه تواريخ واسماء وحفظ وانا ما احب الحفظ ابد
سجلت ودخلت الماده ممتعه مره الواحد يتحمس يذاكرها وخفيفه وسلسه وتتعلم عن حياة الرسول من مولده الى وفاته والغزوات قصص ممتعه جدا جدا انصح تسجلونها
وبالنسبة لي سلم 100 اسهل من سلم 107 اللي الكل متفق انها قريد
مادة من الكتاب إلى القلب مريحة ما فيها محاضرات وسهلة وتتكلم عن اهم شخص في هذه الحياة اللي هو قدوتنا جميعا وهو الرسول عليه الصلاة والسلام وتعلمك كيف كانت حياته الاختبارات فيها تعتمد بشكل كبير على الكتاب حاول انه يكون مصدرك الأساسي وركز على كل معلومة فيه ولو كانت بين السطور والتواريخ والأسماء مهمة مادة جدا سهلة إذا ذاكرت الكتاب وبالتوفيق للجميع
مادة ممتعه وتزيد ثقافتك الدينيه، مافيها كلاسات لانها تعليم ذاتي ولا متطلبات فقط تحل ٢٥ واجبات بالبلاكبورد و٢٥ مدترم والفاينل عليه ٥٠، بس يبي لها استعداد كويس وتراجع زين اهم الاسماء والتواريخ ويصير وضعك تمام اما اللي بيهملها يحسب زي باقي السلم احكام شرعيه وكذا تجي بدون مذاكرة مارح تعجبه ابدا
مادة جدا جدا ممتعة وبسيطة اجمل سلم بتاخذها وانت مستمتع مافيها فلسفة او كلام زايد يعني
وماراح تحس بالوقت وانت تذاكرها ياليت تصير اجبارية صراحة ولا فيه محاضرات ولا قروشة
ياخون وربي اسهل سلم واسهل ماده ف الجامعه ماتحس انك منزلها حتى مايبي لها شي واجد بس حفظ
المادة بسيطة وتسمتع بمذاكرتها، مؤلفي الكتاب حاطين التواريخ اللي تتشابه عشان يسهل الحفظ على الطلاب، الفاينل كان سهل جدًا واعتقد اعطوا الطلاب درجة اضافية
يحتاج تركيز للي بين السطور وحفظ كثييير للأسماء
قسم بالله انها اسهل سلم هذا اخر سلم واسهلهم كنت متخوفة كلن يقول صعب لكن ممتع ممتع لابعد حد مذاكرته ممتعة جدا فاينل جميل انصح الكل ينزله بس اكيد طبعا لازم تذاكرون مو تدخلون الاختبار بدون مذاكرة وتقولون صعب طبيعي يعني لكن حتى مذاكرته سهله وممتعة
والله صعب انا شاطره بالحفظ لكن ذولي يجيبون من بين السطور بشكل مرعب الفاينل صعبببب دخلته واناA+ وطلعت واناC+ 🤷🏻♀️
من المواد التي اقترح على الجامعة تصير اجبارية ، نصيحتي لكم في هذا المقرر ، اولا ان تحتسب الاجر في معرفة سيرة نبيك عليه افضل السلام واتم التسليم ، المقرر ابسط البسيط لايوجد تعمق فيه والاختبارات مفهومة وواضحة ، انصح ايضاً بان مذاكرته لاتكون قبلها بيوم الاختبار ويكون هناك يوم للمراجعة ، المادة مافيها شي صعب لكن بعض الطلبة يستصعب حفظ الاسماء والتواريخ ، لكن بشكل عام المادة جميلة وسهله وواضحة نعم لابد من المذاكرة وحفظ الاسماء ومادون ذلك يسر ولله الحمد ، لاتنتهي مسيرتك الجامعية ومانزلت هذي المادة
بالنسبة لسلم صعبة تحتاج وقت وحفظ وفهم
مادة سهلة والله في حالة كانت عندك خلفية عن سيرة الرسول من قبل لأن هذي المادة ملخص للسيرة ، الإختبارات كلها خيارات على جوالك في القاعة و إذا جيت تذاكر ذاكر من الكتاب مباشرة و حاول تكتب الأشياء المهمة في ورقة خارجية مثل التواريخ و الأسماء و غيرها، و فيه ملخصات و اختبارات سابقة تاخذها من اللي درسوا قبل،و هي دراسة ذاتية يعني ما فيه محاضرات فتقدر تاخذها في ترم صعب او غيره، التقسيم 25 اختبار، 25 واجبات في البلاك بورد 3 اسئلة خيارات او توصيل لكل وحدة و فيه 12 وحدة يعني 36 سؤال و النهائي 50 درجة خيارات
امتع سلم واسهل سلم بالنسبه لي بس قصص وافهمها و اعرف الاشخاص ما اشوفها بذيك الصعوبه
احلى مادة اخذتها ممتعة مرا من ناحية المذاكر المصدر الاهم انك تذاكر من الكتاب لا تعتمد على الملخصات ركز على الاسماء والتواريخ والمراجعة من التلقرام فيه كويزات كثير و تجميعات
الماده تتكلم عن سيرة الرسول وبعض الغزوات اذا تحب القصص بتعجبك مرا الماده سهله بس يبي لها شوي تركيز
لو تبي أ+ بتحصله. مادة ممتعة، اقرا من الكتاب واحفظ زين وامورك تمام. بعض الدكاتره يدف. الميد والنهائي في تطبيق QQ تحمله. لو ماتحب تحفظ دور سلم ثاني
ماده سهله واحسن شي فيها تعليم ذاتي 25 واجبات و 25 ميد و 50 فاينل, الميد كان سهل مره لاكن الفاينل اصعب بشي بسيط لان يحطون الخيارات فيه متقاربه لاكن بالمجمل ماده سهله جدا واغلب المعلومات تكون عارفها لانها سيره الرسول اللهم صل وسلم عليه ف نصيحتي شدو حيلكم بالفاينل لانهم يصعبونه ف ذاكرو للفاينل زين
المادة سهله جدا تتكلم عن حياة الرسول والعرب قبل الاسلام وبعده والتاريخ الاسلامي ، اخذتها عن بعد ، عند لمياء ابا الخيل الله يسعدها وكان تقسيمها ٢٥ اختبار شهري ، ٢٥ واجبات الكترونية ، ٥٠ نهائي ، المادة سهله وممتعة ومن اسهل مواد السلم الي درستها . بس لو شديت حيلي شوي كان جبت أ + بس الحمدلله .
مادة ممتعة تتكلم عن سيرة الرسول عليه الصلاة والسلام من ولادته لين وفاته وتتكلم عن ابرز الغزوات اللي شارك فيها و عن بعثته وابرز الاحداث نصيحتي ذاكروا المادة من الكتاب لانها زي القصص مره ممتعة اقروه كأنكم تبون تثقفون بسيرة الرسول مو عشان درجات و صدقوني الدرجات بتجي بالراحة لازم تركزون بأهم التواريخ و اسماء الصحابة مره مهم و فيه ملخصات حلوه لها
٢٥ ميد ٢٥ واجبات (هذي اضمنوها ) ٥٠ فاينل
بالمجمل اذا تبون سلم سهل ترى فيه اللي اسهل منه لكن هذا السلم ممتع و تعليم ذاتي
صلوا على الرسول
ماده جميله و ممتعه تقراء قصة الرسول واهم الاحادث الى اخره. مشكلتها في طريقة وضع الاساله بذات في الفاينل يكون متعمق في الاسماء بشكل كبير
مادة ممتعه جدًا وسهله اذا عطيتها حقها ، موضوع المادة سيرة الرسول عليه الصلاة والسلام ، جدًا مفيدة ولابد كل شخص يعرفها وجدًا سهله ومممممتعه
ماده جميله جداً واي احد يقول صعبه مستهتر سيره اعز الخلق صلى الله عليه وسلم عطها حقها والمفروض نكون عارفينها كلنا من قبل بس الله يصلح الحال
الماده ممتعه عن قصص النبي ويبي لك تذاكر زيين وبين السطور لان اسالتهم يجيبونها بين السطور
وتعليم ذاتي تعتمد على نفسك لو اخذت كل اسبوع وحدتين تذاكرها بتسهل عليك مره واسالتهم شوي مصعبينه يجيبها لك بلفه ف عندك خيارات احسن منها وتقسيم درجات 25واجبات 25 الميد 50 فاينل
ماده حلوه وممتعه لاكن فاينلها تعقيدي
المادة حلوة بس عيبها حفظ تواريخ واسماء صحابة كثيررررة في الغزوات
بفضفض لكم شوي الصدق اني درست المادة وكنت خايف من شيء كنت خايف ان المنهج يكون معدل ومحذوف زي ماحذفو دروس الجهاد وعقيدة الولاء والبراء من مناهج المتوسط والثانوي وزي ماشالو وحدة تطبيق الحدود بالثانوي بس الحمدلله انه للان ماتعدل هالشيء بذي المادة ياخي شيء يقهر لما تشوف تعديل بمناهجك الدينية عشان ترضي الحمران والغرب
الماده ممتعه كدراسه لكن الي يصعبها كثره الاسماء والتواريخ
تعليم ذاتي بمعنى ما فيه محاضرات ابدا مجرد حل واجبات في البلاك بورد عليها ٢٥ درجه وميد ٢٥ درجه وفاينل ٥٠ درجه
الفاينل كان جدا جدا صعب ونقصت فيه اكثر من ١٠ درجات
سهل جدا واعمال السنه يعطونك اياها هديه بس ركزوا على التواريخ ( مو كثيره نفس ما يقولون) واسماء الصحابه وش سووا وضروري تراجعون من التلخيصات اللي الناس يسوونها بتلقونها منتشره مره تساعد وبرضوا فيها لها تجميعات انا اذاكر لها قبل الاختبار بيوم يومين وجبت كامل بس ذاكروا بذكاء واقروه كانها قصه
بعيدا عن الدرجات الماده ممتعه كأنها قصص ومستحيل محد يتأثر ويستشعر رحمة الله علينا ببعثة الرسول، ومن ناحية الدرجات الماده سهله لحد يقولكم معقده وكلها تواريخ لان التواريخ ماتتعدى ١٠ بس يبي لها مراجعه انا راحت علي ٥ درجات والسبب اني ما اراجع
اولاً صلوا على سيدنا وحبيبنا محمد اللهم صل وسلم عليه ثانياً هذا المقرر مهم جدًا لدراسته لمعرفة سيرة اطهر الخلق وخاتم المرسلين صلوات الله عليه وستعرف قيمة وعظمة هذا الدين العظيم ومراحل الدعوة فيه من نزول الوحي على الرسول الى معاداة قومه له وحربهم عليه والى كثير من الامور اللتي لابد ان تعرفها وفالغالب انه لديك سابق معرفة ثالثاً المقرر تعليم ذاتي يعني بتكون مرتاح جدا من اوقات المحاضرات الذاتية والاختبارات البسيطة وسهولة الواجبات واخيراً المقرر يعتمد عليك 100/ اهتم فيه والدرجة بترضيك ان شاء الله
المادة سهلة بس تحتاج دقة وتركيز شوي
والنهائي كان صعب شوي
كل شي حلو الا الفاينل شدو حيلكم اذا بتنزلونها
أنصح بالمادة، تعطيك ملخص على سيرة الرسول ص فستفيد، تعليم ذاتي فمو لازم تحضر أي محاضرة، الواجبات كأنهم معطينك ٢٥ درجة مجانية لأنه يمديك تحلها كم من مرة الى ما تجيب كامل، وبرضو حسب تجربتي بعض أسئلة الاختبار تجي منها.
طريقة المذاكرة برأيي، أنك تقرأ الكتاب بفهم وتحدد وتلخص المعلومات المهمة، بعدها تروح للتجميعات عشان تثبت المعلومات وتعرف المعلومات الي ما لاحظتها.
برأيي الي يقولك أن المادة صعية غالبا ما ذاكرها صدق صدق، أنا عن نفسي المنتصف ذاكرته بيومين والنهائي برضو بيومين.
عموما بالتوفيق!
سهلة جدا وممتعة لو اقدر اخذها مرة ثانية اخذتها, مب مثل فوضى 107
تحتاج تذاكرها بجديه واول باول مو بوقت واحد وتصم كل شي بين السطور وماتترك ولا صفحة لانهم ماراح يجيبون ولاشي واضح ولا تتكلون على ملخصات
شوفو المادة مو صعبة … بس على انه سلم ؟ والله تقهر و اسئلة حرفيا بين السطور و فوق هذا كله يخدعك بصيغة السؤال ؟ لا تنزلها اذا عندك خيار ثاني
يتكلم عن سيرة النبويه ويعتمد على ثقافتك فيها ، اذا تشوفين نفسك ملمه فيها فالماده بتصير مره سهله لكن اذا مو مره فيعتبر فيها صعوبه شوي بالنسبه للاختبارات الدكتوره تسوي الميد والفاينل موحد وللامانه كان فيه نوع من الصعوبه
صعب الفاينلللل مصعبينه وبفهممم ويغيرون بصيغه السوال بشكل
المادة سهلة لكن يبي لك تقرا بين سطور الكتاب وتتراجع الاسامي والتواريخ ، حلاتها انها ما تتعبك طول الترم بالمشاريع وغيرها، في واجبات عليها 25 درجة بسيطة ، والميد من 25 والفاينل من 50،
المادة سهلة ولله الحمد ولكن لازم تأخذها وتدرسها صح لأنها قبل ماتكون مقرر جامعة هي سيرة رسول الله ﷺ فبتستفيد انت من المعلومات استفادة شحصية وعشان القريد بعد والمادة مافيه شيء صعب التواريخ متوسطة والغزوات أقل من ١٠ بالمقرر وكلها مختصرة كل اللي عليك انك تقرأ الكتاب مرة مرتين وتفهمه صح وتحفظ التواريخ وأعداد المقاتلين وأهم شيء تفهمه لأن الفهم بيسهل عليك الحفظ وإن شاء الله تتيسر لك طبعاً المقرر تعليم ذاتي يعني الموضوع كله يعتمد عليك الواجبات سهلة والاختبارات سهلة إذا درست زين الله يوفقكم جميعاً يا رب
اكثر مادة ممتعة في سلم اخذتها هي باختصار تتكلم عن سيرة الرسول اللهم صل وسلم عليه وعن الاحداث اللي صارت معه من مولده او حتى قبل مولده الى وفاته وكيف العرب كانو يعيشون قبل ومن هالكلام اكثر حاجة ممتازة فيها انها تعليم ذاتي يعني تعتمد عليك 100% حتى لو انك منزل عند أسوأ دكتور يكون معليك لانه واجبات 25 فالبلاك بورد وميد اسهل شي من 25 وفاينل من 50 وسهل بعد
بس لازم تعطي المادة حقها ماهو تهملها وتجيب B وتقول مادة صعبة هي سهلة بس يبيلها اهتمام ومراجعة لان فيها معلومات كثير وتعتمد عليك بالاول وبالاخير
الماده مب سهله بس ممتعه كلها اسماء وتواريخ الترم الماضي الفينال كان مب طبيعي داخل A+ طلعت B+ لا تعتمد على ملخص راجع من الكتاب بعدين حل تجميعات ركز بالاسماء لا تتلخبط وبس
حطيت صعب لان كماده سلم المفترض تكون اسهل من كذا الفاينل كان كله اعداد مقاتلين و اعداد الابل والخيل واسماء الصحابه كثير وتواريخ وفوق ذا فيه اسئله تريك اذا انت شخص ماتحفضين بسهوله ابد ما انصحك
المادة تعليم ذاتي وجدًا سهلة وممتعة في المذاكرة وهي المادة الي انسجم فيها وانا اذاكر وغير كذا فيها معلومات اتوقع الاغلب عارفها من قبل وفي معلومات جديدة هي بس متعبة شوي في التواريخ والاسماء كثيرة بس نصيحتي ابعدوا عن الملخصات لأن لو تذاكرون الكتاب زين والتجميعات بتشوفون الاختبار سهل
الماده سهله جدًا وممتعه مره، ما تتعب وانت تذاكرها والله من جمال السيره، وفوق كذا تعليم ذاتي
المادة ممتعة ولكن فيها تفاصيل كثيرة يعني مايصلح مذاكرة تسليك والحلو فيها انها تعليم ذاتي ماتشيلين همها لا محاضرات ولا شي بس حل الواجب
المادة جميلة للغاية خاصة انها عن سيرة الرسول صلى الله عليه وسلم لكن الاختبار فيه كثير أسماء من بين السطور دخلت الاختبار A+ وطلعت بA
المادة مرة حلوة وتستمتعين وأنتِ تذاكرين، يعني يكفيك شرف أنك تدرسين سيرة الرسول ﷺ ، المادة تعليم ذاتي مافيها محاضرات بس اسئلة تحلينها بالبلاك بورد وسهلة مرة، الميد برضو سهل، لكن للأسف دخلت الفاينل A+ طلعت A المشكلة انه كان مليان اسماء ويلخبط وبرضو ارقام
المقرر كله اسماء التواريخ يعني ما يكفي انك تذاكر الاحداث بس لازم تحفظ كل اسم وكل تاريخ لأن حرفيا الاختيار النهائي كان كله عباره عن اسماء وتواريخ
المادة لو ما يجي منها الا انك تفتك من الدكاترة يكفيها. مذاكرتها امتع من باقي مواد السلم. اختباراتها ماهي سهلة ولا هي صعبة.
المادة سهله ومايحتاج تفتح الكتاب طول الترم, لو بس تبدأ قبل اسبوع من الميد وترجع تبدأ قبل اسبوع من الفاينل بتجيب أ+ بالراحة ذاكرت جزئية الميد والفاينل كلها بنفس يوم الاختبار مع ذلك جبت A لكن لاتقل مذاكرتك عن اسبوع قبل الاختبار واهتم اهتم اهتم اهتم بالتواريخ واحفظها زين هي والاسماء وامورك تمام
الماده كانت سهله لين دخلت الفاينل وجت اساله مدري من وين الخيارات تتشابه والتواريخ نفس بعض توقعت بتكون اساله واضحه لكن اغلبها جابوها من بين السطور لازم تذاكرون من الكتاب وتحفظون كلل شي خاصه الاسماء والتوارييخ والادله بس الماده تعتبر سهله لو ذاكرتوا زين انتبهوا من الفاينل بس واحلا شي ان الدرجات الفصليه مضمونه ١٠٠٪
الماده سهله
بس ترا سالفة تذاكر قبل الاختبار ب 12 ساعه ذي ما تصلح الا اذا انت شخص يحفظ بسرعه
وخاصة الاسماء
فيها تواريخ بس التورايخ مو كثيره مره
الاسماء مشكله كبيره جدا ... كثيره مره وتلخبط بين الناس
انا الي نقصني كثير الفاينال
عشاني ما عطيته حقه
""سمعت"" انه يدفون درجه وحده اذا باقي لك على القريد
مشكلته بالتواريخ والاسماء صراحه فاذا عندك خيارات ثانيه لا تاخذها
ما تحس انك تدرس مادة يعني سهلة معلومات تعرفها من اول اللي هي سيرة النبي صلى الله عليه وسلم بس شوي يبيله تركيز على التواريخ والاسماء
المقرر تعليم ذاتي فما تشيل همها الا وقت الاختبارات
ومذاكرته ما أقول سهله لان فيه تواريخ واقوال صحابه لكن تتسهلل..كأنك تقرأ قصه والواجبات مثل الفجب في التحضيري وخلصها بيوم وافتك وبوقت الاختبارات عطها وقتها بالحفظ (وهذا الشيء قللته وقت الفاينل ونقصت عن القريد بلس بس خيره الحمدلله) وفالك التوفيق
المقرر تعلم ذاتي وبالنسبه لي هذا يفرق كثير في الماده , 25 واجبات 25 ميد 50 فاينل ، المقرر سهل لكن دسم شوي بالتواريخ
ممتعه جدا لكن فيه تواريخ كثيره واسامي كثيره ونظامها تعليم ذاتي يعني مافيه دكتور مافيه محاضرات ، يعطونك واجب على كل وحده والاختبار تذاكر من الكتاب والاختبار يكتب عن طريق مجموعة من الدكاتره على حسب علمي والفاينل من ٥٠ مب من ٤٠
سهله جداً وممتعة بوقت المذاكرة
الصراحة سهله ما اشوفها صعبه
