كشخص ما يفهم ولا يتذكر بالاعراب اي شيء المادة كانت تجيب الطراش والله بدون مبالغة، المصادر الكتاب ومقاطع اليوتيوب لو تبحث عن اي موضوع تبيه بتحصله مشروح بأكثر من قناة بس حسيت الافضل ذاكرلي عربي لانه يختصر كثير مايسولف زي بسطتهالك، الميد حسب الدكتور وحلو لو تمر عالتجميعات وتتدرب، الفاينل كان سهل وموحد وضروري مره تتدربون على الاختبارات السابقة لان تتكرر نفس الافكار
صعبه مرررره انحاشووو منها
مادة تتكلم عن اساسات الاعراب وانصحكم تنزلونها عند خطار
يخي والله ان تكامل اسهل من الاعراب بنسبة لي وجبت فيه قريد اعلى من ذي المادة الخلاصه سجل عند دكتور كويس مره ولا لا تنزلها و خذ ملزمت طموح و ملزمة التمييز والله اني ما ابي اقطع رزقهم بس خايسه شريتها وفالاخير رحت للمصادر المجانية وشفت التجربة حقت طموح ممتازه و واحد من العيال يمدح فيها
عموما الاعراب عندي مضروب وما اقدر افهم ذي المادة ابدا والحمدالله طلعت باقل الخساير
المادة كويسة لكن حاول تسجل عند دكتور كويس لان 60 درجة في يد الدكتور
الفاينل بكره واكثر ماده مذاكرتها تخلص بسرعه والصراحه متوتره من الاختبار ولكن ان شاءلله خير اوافيكم بالقريد
مادة قريد، اعتمد على الملازم
اعراب x اعراب ، لذلك اذا مستواك سيء عطها ٤ ايام مذاكره واعرف كيف تعرب وشف شروحات يوتيوب لكل درس بالكتاب اما اذا عندك خلفيه بالاعراب يوم يومين بالكثير يكفي
اخذتها مع عبير الطلحي عسلللل الله يسعدها خذوها معها لا تفوتونها بتسهل لكم المادة وبتحببكم فيها🫶🏼❤️❤️❤️❤️
الماده شينهههه شينهههه بنسبه لي أنا اكره العربي ولا اعرف وش يعني أعراب وجبت مدرسه خصوصي ومع انه دكتورتي شرحها زين لكن ميدها فيه صعوبه ودخلت الفاينل وانا A بس ماقدرت على الماده 💔
مادة كريهه بس الb+ فيها تقدر تقوب سهل واذا تبي اكثر من b+ لازم تشد شوي
النهائي خسف الصراحة مصعبينه ولا يجي من التجميعات شي
يبيلك تفهم وتذاكر للنهائي بشكل مكثف ٣ او ٤ ايام وتفهم مع الدكتور اول باول واللي ما تأسس زين راح يتعب اكثر واكثر )محدثكم متأسس وقاري كتب
طبعا انا ما احب ماده العرب ولا شي وكنت شايله هم مذاكرتها ولكن حمد لله تيسرت ذاكروا الكتاب وكل درس افتحو مقطع بسطهالك او اي شي لكن هو الافضل يغطي الافكار الي عندنا لا تخلون شي وتسكبون الميد من الدكتور /ه مو موحد والافضل تنزل عند دكتور/ه كويس عشان تضمن الفاينل اما الفاينل ما جاء نسخ لصق تجميعات افكار مقاربه له وسهل للي مذاكر بالعكس الي يقول صعب ماعنده سالفه يمكن سؤالين حصل فيهم لبس فقط وابد لا تشيلون همها وعطوها حقها بس
مببب سهله عطوها حقهااا والله يدخل عبير المهيدب الجنه
أيه واحد يقول صعبة والله ما ادري وش وضعك هههههههه
الماده سهله سهله سهله بس ذاكرو لها زين وعطوها حقها لا تتهاونون فيها واذا استصعبتو شي شوفو قناة بسطتهالك باليوتيوب يجنن شرحهم ويشرحون اغلب مواضيع الكتاب وذاكرو التجميعااات وبس
لازم التذاكر الكتاب كله وحتى الاستثناءات اللي فيه و ما تعدي ولا شيء، الميد كان معقول لكن اغلب اللي في الشعبه كانوا ناقصين فوق الخمس درجات والفاينل لازم تكون مذاكر زين لان التجميعات ما جت فيه كثير يمكن سؤال او سؤالين بس و الباقي من مذاكرتك
نزلو مع دكتوره كويسه ، ب اختصار دخلت الفاينل مجموعي ٦٠/٦٠ واتوقع طلعت ب B+ للان مانزلت القريدات بس والله الفاينل شخل ابونا شخل
صعبهههههه و تعتمد على الدكتور
المادة تعتمد على الدكتور، اذا بتنزلها عند دكتور يعطيك حقك وميده مب صعب بتجيب قريد حلو المادة بشكل عام تافهة كلها اشياء بالسليقة ودروس متوسط وثانوي، الفاينل سهل جدا (موحد).
سهلة بس يبي لها مذاكرة يعني ماتقدر تخمن بالاجابات
ذاكر من الكتاب والامثلة اللي فيه مثل الكلمات يعني موب المثال نفسه وبتجيب فل
ويحتاج مراجعة من تجميعات الخ
نزلتها عند فاطمة العتيبي حلوه صراحة والدكتورة مره تجنن وأخلاق تقدرون تجيبون A بالراحة بس فيه دكتورات أفضل
الميد كان زي السمن على العسل وجاء الفاينل وخلاني اكره المادة بس لولا الله ثم دكتورة نورة كان كلنا اكلنا تبن لا تعتمدون بس على التجميعات تدربوا بأشياء ثانية خاصة على الفاينل لأنه كان حقرة بقرة ماعرفت شي الا رقمي الجامعي ويارب كتبته صح
يحيى خطار عمي وبس
نزل عنده وانت مغمض
الماده تحتاج تركيز وداسه اول بأول
وطبعا هذا الترم اختلف النموذج الاختبار النهائي
فلاتعتمدون مره على التجميعات
٦٠ درجه بتكون اعمال السنه عاد هذي وذمه الدكتور فيها يحطها بالي وده، ٤٠ درجه اختبار نهائي هذا الترم الاختبار اختلف عن قبل وصار اصعب من قبل.
الماده ماهي بذاك الصعوبة بس عطها حقها وذاكر التجميعات و امورك بالسليم
الماده صعبه ولازم تعطيها حقها بتقول عرب والماده ماده قريد والى آخره بتلقم زيي 😂
المادة صعبة حتى وانا متأسسة كويس بالنحو الا ان اسئلة الاختبارات كانت صعبة بالنسبة لي
اهم شيءالدكتوررره الدكتوره الدكتوره
نصيحه مني
التجميعات وتمارين الكتاب يجيبون منها وذاكرو كويسس ولاتهملون ،وفيه مقاطع اذكر يتابعونها للي يبون احد يشرح لهم
نزلتها عند فهد الخلف كان الميد سهل حقه و الفاينل مب عنده
-المادة قواعدها سهله بس طبقق للن في اشياء تعتمد على معرفتك السابقهه
+حل تجميعات بعد كل درس
-شوف قناة بسطتهالك باليوتيوب صدقني بتنقذك باذن الله مع المادة الحلوه ذي✨
نزلها عند العثيم وازهل
اشوفها اسهل من عرب 100 عكس العالم
اختبارات سابقة ومشاركة ما يعطي تكاليف
اضمن دكتور اسطوري مو كويس بس عشان تضمن أ فيها غيرها انسى
دكور دكتور يدف نصيحه ولا بتلقم
مهم الفهم وحل تجميعات قدر الإمكان
المادة سهله مجملًا لكن لا تستهين فيها وتختلف سهولتها من صعوبتها على حسب دكتورك ف حاول تنزل عند دكتور تقييمه عالي
المادة للأمانه ماهي سهله ولا هي صعبة مره لكن تحتاج اهتمام لان كلها عبارة اعراب و الفاينل فيه بعض الاسئلة ماشُرحت زين بالكتاب
المادة متوسطة الصعوبة ولكن تحتاج مراجعة اول بأول لا تراكم المنهج عشان ما تروح عليك
صعب 👎🏻لولا الله ثم الدكتوره عبير المهيدب ماجبت هالقريد
اخذته مع حسه مريشيد وكانت اعسل مس شفتها بحييييياتي حبيت الماده منها والفاينل كان كله تجميعات
لا تاخذون عند ريم السهلي شرحها فوضى واختبارها صعب مره، لي اسبوع اذاكر له وشفت شروحات وكل شيء ولكن اختبارها للأسف صعب جدًا
لكن كان فيه سؤال بونس بالاختبار
احسها مستواها وسط لكن لازم تنتبهون في المحاضره او تشوفون شرح عشان تفهمون وراح تضمنون الفريد
بالنسبه لي كانت مره سهله لاني كنت فاهمه عربي في الثانوي ومتدربه عليه كويس
خذيته مع اريج السويلم لا تتعدونها ابدا
للي فاهم في الماده بيمشي فيها زي الفل لكن الي ما يعرف بتغثه وبتاخذ منه وقت وجهد
النماذج في الفاينل مررررره تفيد اما الميد كل دكتور او دكتوره يكتبون من عندهم فضروري تاخذون عند احد كويس شرحه وكويسه اسئلته
سهل مره بالنسبة لي( كنت أعرف عربي مرة زين هههههه) بس صدق خفيف وبسيط وحرام تنقصون كثير
الماده سهله بس المشكله لازم تحفظ و تراجع كثير و منها لازم يساعدك الدكتور
ماده قروشة و غالباً على حسب الدكتور بس المادة فعلاً غثيثة و متعبه نوعا ما و يبيلك تشد حيلك و اختار دكتور ممتاز و امورك كويسه
بوجهة نظري على الاقل اذا الدكتور متساهل و ومتعاون المادة بتكون سهلة اما العكس بتكون كابوس، بحكم تجربتي الاسطورية😂 نزلت عند دكتور سهل و متعاون و المادة من بساطتها ما تحس بثقلها بالاسبوع بعدها فجأة بنص الترم تقريبا قشعوا الدكتور و حطوا بداله دكتور غثيث و ثقيل و صارت اثقل مادة باسبوعي بفارق عن البقية
هذي الماده الي صدق لا تجازفون وتنزلون عند اي دكتوره صعبه وكلها قواعد وتحتاج احد متمكن بالشرح ولا بتلقمون بالفاينل
شييينه مره المادة👎🏻👎🏻👎🏻👎🏻 تقدرين تجيبين قريد اذا المس كويسه بس
يعتمد على الدكتور بشكل كبير
اسهل من عربي المدرسة بكبرها والاسئلة كلها اختياري
