بكل اختصار ملزمة التميز تحل امورك + المشروع وتضمن A+
الماده سهله ولطيفة، لها مشروع جماعي عليه ٢٠ درجه تشتغلون عليه اثناء الترم وتكاليف ببلاك بورد.
الاختبارات غالباً من التجميعات وانصح بملزمه التميز ممتازه، بشكل عام الماده خفيفة وحلوة وبإذن الله مادة قريد.
سهلة بالحيييييل بس نقصني الدكتور على المشروع، ولا الاختبارات تافهة بس تطلب حفظ كثير وحاول تصير منطقي وتفهم ماهو مثل الحمار تحفظ الكلمة ولا تدرين وش معناها، لو يغير كلمة وحده جبت العيد
سهله بس احفظوا الكتاب والمشروع عاد ذا ماله الا الدعاء ان ربي يسخر لك القروب الزين ولا الله يعينك بتسوي كل شي انت
مهملها انا الصراحة ومختبر ميدها في صبح رمضان لكن عوافي
مادة سهله جدا من ناحية الاختبارات ، بس يبي لك تكون مع مجموعه تشتغل ماهي خامله من ناحية التكاليف.
شف المادة سهله ومب دسمة واختباراتها بسيطة وأغلبها تجميعات، مشكلتها في التكاليف فا تعتمد على الدكتور فا القريد العالي مضمون ان شاء الله لكن ممكن تنقص بشكل بسيط
سهل بس حفظ كثير ماله داعي احس يفضل المذاكره قبل الاختبار بوقت قصير عشان المعلومات تكون واضحه وكان فيه مشروع الليدر كانت مره زينه والكل متعاون بس كان موترني طول الترم ما صدقت خلصناه
اختباري 10 الصباح، ذاكرت بعد الفجر "التجميعات" فقط وخذيت فل بالفاينل .. مادة سهلة
المادة سهله جدًا بس مشكلتها بالمشروع كلام كثير عالفاضي والله يعظم أجرك اذا طحت بمجموعة نايمه
المادة سهلة جدا مقدور عليها الميد و الفاينال سهلين جدا ذاكر 3 ايام و تكفي صعوبتها بالمشروع بس بتحس انك ضايع لكن اتبع ارشادات دكتورك و تتسهل
أكثر مادة يمكن تغثك بالمشروع، بتسلمه وأنت مو فاهم وش سويت اصلًا، مادة قريد ، و تراها سهلة واحفظ بتركيز لان الاختبارات من بين السطور ويجيبون أشياء ما تتوقعها
بتاخذونها اونلاين اسبوع اي واسبوع لا وهذي ميزتها، اشتركوا مع ملزمة التميز تجيكم الاسئلة نسخ لصق بإذن الله وذاكروها من بدري مثلا قبل ب4 ايام او ست لان كلامها كثير، والمشروع بتحسون انكم ضايعين بس لما ترجعون لمشاريع الدفع السابقة بتفهمون، فيه واجبات لكن بسيطه
الماده اختبراتها مره سهله نسخ لصق من التجميعات. فيه واجب واحد كل اسبوع غالبا سهل تعتمد على المجموعه اللي انت فيها.
أسهل مادة بالتحضيري
مشكلتها كلامها كثير ولكن ما يبي لها مخ يبي لها حفظ.
سهله
بس مشروعها ياخذ وقت بالذات لما يكون معك ناس بالفريق مايشتغلون
اهم شي شوف قروب كويس من بدري واختار اللي يشاركون ويتكلمون. التكاليف مو صعبه ولا تاخذ وقت طويل يعني ممكن كل تكليف ياخذ ساعة او ساعتين بالكثير. محتوى المادة سهل ويكفي يومين تذاكر له واغلبه تجميعات ولو غير يجيب شي من نفس التجميعات بس يغير بالصيغة او بنفس النقطة من الكتاب. والملازم للتجميعات مهمه ومو غاليه فلا تبخل على نفسك
انتبهوا لازم تذاكرون له انا سحبت والله ونقصت شي يسوا فا شدوا حيلكم وذاكروا له يومين ثلاث وبأذن الله الa بلس مضمونه
سخيف عطه حقه بس من ناحية مذاك للاختبارات
عاد بالسنة الاولى المشتركة ما يمديك تختار دكتورك فهنا البلشة
فالكم التوفيق
لاتستهينون لاتستهينون لاتستهينون فيها ، بالنسبة لي الفجب والنهج اسهل منها بكثيييير ، لان اختباراتها كانت من تحت السطور مو بينها بعد ، بس هي كمادة سهلة اهم شي ذاكرو الكتاب زيييين مره مره بعدين شوفو تجميهات
تقدرون تلمونها بيوم ، واغلبها تجميعات زيها زي الفجب والنهج
اتفه مادة ههههههههههههههههههههههههههه
المادة كلها سهله الا النهائي صعب مره
شف المادة كريه جدا بس ما تستاهل تشتري تجميعات المفترس (ما اشتريت) ولله اني اعرف ناس اشترتها واخذت B مع انهم كويسين وواحد منهم كان جايب الترم الماضي معدل 5
فما تسوى تشتري تجميعات
التجميعات الي في قروبات التليغرام احسن لك
ماده متعبه مره من ناحيه المشروع ٬ مذاكرتها غثيثه بس سهله
تعتبر مادة قريد مع المفترس رهييييبه الملزمه فاينلي ماطلع منها الا سؤالين وللأمانه ماكنت اعرفها في الميد
العله شوي في المشروع كنت مع عايشه العقيل الواجبات والمشاركة أنصفتني للأمانه واللي مارضى بدرجته تواصلت معه .. المشروع نقصتنا نص إلى الآن ما أدري ليه
لكن الاختبارات اشتركوا مع المفترس وازهلوا ان شاءالله
تافهه ومادة قريد اللي يقول غير كذا اطلع برا الجامعة
المادة بشكل عام سهلة حتى ان الحفظ فيها والكلام اقل بكثير من الفجب لكن الاسئلة من بين السطور فلازم تذاكرون زين وتنتبهون للنقاط وعليكم بالتجميعات خصوصا تجميعات والتسريبات الترم الاول يجي منها بالفاينل والميد
ملزمة المفترس نسخ لصق من الفاينل عليكم فيها
قسم بالله ماده مافيه اسخف منها لكن دكاترتها بالغصب ينقصون واختباراتهم فيها عك واستقعاد بشكل غريب حتى ال A خساره فيها
ماده مالها اي فايده وجودها مثل عدمها واذا طحت بدكتور سيء الله يعينك لانك بتاكلها
الواجبات عليها ١٠ درجات والمشروع ٢٠ درجه والميد ٢٠ سؤال ٢٠ درجه والفاينل ٤٠ سؤال ٥٠ درجه
انصحك بملزمة المفترس للميد والفاينل ماتطلع الاختبارات من تجميعاتها ولو تبي تلخيص اشتر ملزمة فطن
المشروع غثيث غثيث جدًا خصوصًا لو مجموعتك سيئة نصيحه حاول تدخل بمجموعه كويسه ولا بتتورط زي ماتورطت انا
الماده عليها ساعه وحده بس وبالنسبه لي سهله لكن غثيثه وواجد يهملونها وياكلونها
عطها شوي من وقتك واضمن لك A+
الحمدلله جداً جداً سهل ، الدكتور اللي سهل المادة علينا هو د. عبدالعزيز بن شهيل ، سهل في التعامل يسير في الدرجات واحلا من سواليفه ماتجد .
الماده سهله بس البلا في دكتورة الماده كرهتنا فيها
الماده يبي لها حفظ ذاكرو كل شيء بالكتاب لا تتركون ولا سطر لان جد تجي اسئله من بين السطور في الميد حسيت اغلب الاسئله كانت تجميعات وموفقين
ماده ادعي ان نموذج الي يجيك سهل يوم اختبر اليميني كل اسالته سهله وبسطيه انا اسالتي جاتني تعجزيه و كلها افكار لازم تتعمق مرره تحفظ تعريف مايكفي ابدا وفي مشاريع انت ودكتورك بعضهم يمشون وبعضهم لا وبتوفيق
مادة ما لها اي فايده للطالب ما تدري وش تذاكر وش تخلي في الكتاب غير واجبات المادة الغثيثه و اختباراتها التعجيزية، يحطونلك اسئلة بين السطور و امثله خارج الكتاب عشان يخسفون فيك، الصراحة المادة افضل حل معها تذاكرون الكتاب انا اكتفيت بالملخص و التجميعات و نقصت فيها
اول ما تشوفون الكتاب بتقولون اوه بسيطة وهي فعلًا بسيطه لكن اسئلة الاختبارات👎🏻👎🏻👎🏻 مو صعبة لكن بعض الاحيان يشطحون يعني يبي لها مذاكره بتركيييز، الميد بسيط لانه ٢٠ سؤال بس الفاينل ٤٠ وزيادة كل سؤال بدرجه وربع يعني صدق كان يخوف، التكاليف ركزوا مع دكتورتكم وش تبي بالضبط عشان ما تنقصون والمشروع حاولوا تختارون اشخاص تحسونهم كويسين ومتعاونين لان لو طحتوا بقروب مهملين بتروحون فيها والوقت مره قصير اللي تشتغلون فيه على المشروع وصراحه المشروع غثيييييث ما تدرين وش قاعده تسوين بس تبين تخلصين منه
المادة غثيثة ومره يبالها تركيز
سهله بس اذا خذتها عند باطه الله يعوض عليك هههههه
الماده تافهه بس ماعطيتها حقها دخلت الفاينل وانا A+ وطلعت C
ركز على التكليف وشف لك قروب ممتاز، الفاينل برضوا ركز فيه
المادة سهلة لكنها تكاليفها وواجباتها غثيثة والنهائي هو الي خسف في معدلي توقعت المشكلة مني بس طلع في طلاب عندهم نفس المشكلة وطلع من النهائي وما توقعت اني بطلع بقريد B
المادة سهلة بس اللي يكتبون الأسئلة ماش جانا في الشهري سؤال موجودة اجابته في كتاب الطبعة القديمة بس طيب والفلوس اللي دفعناها على الطبعة الجديدة؟ حسافة اللي يكتبون الأسئلة يكونون كذا لان المادة ممتعة صراحة
الماده كمذاكره سهله وسخيفه مره معلوماتها بسيطة بس الفاينل ركزوا عليه هو اللي يخسف كل الناس
دخلت ومجموعي خمسين بس جبت أ بالاخير بسبب الفاينل
كمذاكره وماده لطيفه خفيفه سهله
ميد سهل بس سؤال يحير
فاينل حفللله لانه اربعين سؤال درجه ونص
ومنها تقريبا عشر اسئله تلخببببببببط
داخله ومجموعي كامل
اخذت A
ماده غبيه ودكاترتها اغبياء
مادة على رأي الدكتور لان المشروع هو اللي بيقييمه من ذوقه الشخصي و الاختبار استعباط بالعربي مادة تبي تنقصك و زين انها ساعه
استهبال الاختبار النهائي, ترا دختله والميد والواجبات والمشاريع كلها فل, دخلت النهائي وطلعت ب الدرجه الزفت هذي في الماده التافهه ذي
الميد احمد ربك اذا جبت فيه ٩ الفاينل الصراحه بالنسبه لي كان واضح الصدز
مادة سهله لكن اسئلة الاختبار صعبة جدا
الماده سهله كتاب وتجميعات من ناحيه الاختبارات
اغث شيء فيها المشروع والواجبات ما تدرين الماده وش تبي فعليا مجهول كل شيء نسويه بالبركه بالواجبات
لكن مجملي تعتبر خفيفه
الماده سهله لكن الاختبارات كانت تحوس شوي والمتطلبات غثيثه بس اذكر الدكتوره عطتنا كامل
ماده كريهه لابعد درجه وللحين مدري هي وش تبي بالضبط غير النكد
ومشروعها هذا حكايه ثانيه
ذاكر من قلب وحفر في الكتاب وبتجيب A+ وانت نايم مب بس مغمض
مادة يكرهونها العلمي
احرصوا على انه اعمال السنه والميد كلهم كاملين، لان الفاينال كل* وتب* اتكلم جديًا مادة شينه وسيئة لأبعد الحدود. وحتى مواضيعها شينه مدري ليش ندرسها. اصعب من النهج والفجب والفاينال مايقارن ابدا معهم.
لا تقولون ماذاكرت، جبت في كل المواد اي بلس غير ذي الزفت. تريكات الفاينال👎🏻
سهله جدا لكن بعض الدكاتره يصعبونها
الميد يوريك انها سهله لكن يغدر فيك بالنهائي اصعب من نهج و فجب بكثير
