سهلة جدا كمنهج وصارت عن بعد ١٤٤٦ ، ٥٠ درجة أعمال السنة انت ودكتورك فا احرص تنزل عند واحد ما يشغلك، الفاينل ٥٠ الباقية وخيارات كله ، فا مقدور عليها بحول الله، افضل انك تذاكر من الكتاب وتقراه وتحل اختبارات سابقة بتساعدك كثير وما راح تأخذ وقت أصلا فا تضمن
اخذت ملزمة تسهيلات والصدق المادة سههههله جدًا
نزلته ب٢٠٢٢ اسوأ سلم نزلته بحياتي كلها لا محتوى المقرر ولا شيء يشفع
المادة سهله اهم شي اضمنوا اعمال السنة لأنّ الفاينل من ٥٠ صح كله تجميعات لكن جاء حول ٣/٤ اسئلة من بين السطور وخذوا ملزمة الاجتهاد كويسة وتفك ازمة
مادة بسيطه ونزلوها عند الفوزان
سهلة احفظ الكتاب ١٠٠٪ وتجيب A+ بإذن الله
مع التجميعات
ما يبي لها شيء
ترى تلخبط شوي نقصت بالميد حول ال٤ درجات عند هند البراهيم بس دفتني
من نوعية المواد اللي تعتمد على دكتورك كليًا. يمديه يزققها عليكم ويمديه يسهلها عليكم مرررة. انا دكتوري كان بالنص صراحة مش حالك عشان كذا ماقدرت عالA+ ولا هي مقدووور عليها تماما. مشكلة المادة الكبرى اللي مخليتني حاطها "سهل" مب "سهل جدا" مع ان من سهولتها مجموع ساعات مذاكرتي للميد والفاينل مايتعدا ربع ساعة ((كنت احفظ تجميعات ويجي نفسها بالضبط)) هو الفاينل. عرفتوا اللي سهل بس صعب مررررة تفلل فيه وهذي مشكلة مرررة لو انك مب مفلل اعمال السنة. 50 سؤال من كتاب ميتين صفحة لاازم بيجيب لك اسئلة ماتدري وش تبي
مادة سهله جدا ذاكر قبل الاختبار بيومين واشتري ملزمة "الاجتهاد" وان شاء الله الA+ في الجيب
قراءة المعلومات مع محاولة الفهم + تجميعاااااات = A+ .. يوم يومين كافية للمذاكرة. واهم شي في المادة تختار دكتور كويس لانه بيسهل عليك،، ملزمة التميز ماشي وضعها وكنت اذاكر منها
اصعب من باقي السلم . بس هذا ما يعني انه ما يمدي أ+ . مذكرة الاجتهاد ممتازه . المذاكرة للمنتصف يومين تكفي بس النهائي يحتاج 3-4 ايام لو بتذاكر من الكتاب مع الشده . الاسئله تتكرر من اختبارات سابقه كثير
نزل عند دكتور كويس، وما بتحس أنك منزل المادة لأن في دكاترة بيغثونك بالتكاليف وبعضهم ما بيطلب منك شيء أنا عن نفسي، دكتوري. فلل، لي، أعمال السنة كاملة والفاينال عادة يجيبون أسئلة جديدة فلا تستغني عن الكتاب وخلك مع التميز مراجعة فالكم التوفيق
اسهل سلم اغلبه تجميعات الاختبار في QQ
بنات سهل سهل سهل بشكل يضحك خذيته عند فاطمه المد طلعت مصدومه من سهولته نزلوه بدون تردد
هذا اول سلم اخذه واشوفه سهل جدًا مدري ليه الي هنا مبالغين، او يمكن عشان توني ما جربت الباقي المهم من تجربتي اشوفه سهل وبديهي بس ما ينلم بليلة
المادة جدا سهلة لكن يبيلك تحفظ مره ممتاز وأعتمد ملزمة المجتهد
مادة سهلة لكن نزلها عند دكتور جامد وما يغثك باعمال السنة والفاينل يجي واجد تجميعات لكن فيه اسئلة جديدة ولا تعتمد على الملازم ابد مر على الكتاب
المنهج بديهيات جدًا وتجمعيات لكن فيه معلومات تحتاج لها مذاكرة وتعتمد على دكتورك
سهولة المادة تكمٌن في الدكتور فلذلك لازم تنزلها عند دكتور محترم ونقطة على السطر..
ثاني سلم انزله بعد ١٠٢ واشوفه سهل لكن مو اسهل شيء، صراحة المنهج ممل كله بديهيات لكن حفظ كثير جداً وفيه غباء شوي ببعض الدروس مدري وش تبي خاصة يوم يحطون لك مواد قانونية، الاختبار النهائي كان موحد واشوف مستواه سهل عن نفسي مذاكرتي كانت تسليك وضمنت ٤٣ سؤال من ٥٠ وال٧ الباقية كنت شاك فيها وجبتها اغلبها صح (الترم الاول ١٤٤٦) ، عن نفسي استمتعت في ١٠٢ اكثر وحسيته مفيد في الحياة الواقعية اكثر لذلك انصحكم تنزلونه قبل هذا، وممكن لان دكتوري ب ١٠٢ كان اسطوري عشان كذا طفشت في هذا الله اعلم
اذا كان اول سلم لك لاتنزلينه ابد واذا كان قبله بيوم عندك اختبار برضو لا مو صعب بس حركه ينلم بيوم مستحيله ولا يجي من التجميعات نسخ لصق يجي غير مباشر الاختبار موحد وصعب صراحه يبي له تركيزز ومذاكره مو صعب جداً لاكن متوسط نقصت ١١ درجه مع اني جايبه فل في اعمال السنه ميزته انه اونلاين بس نزلوه عند دكتوره نوف القحطاني رهيبه لابعد حد
مهي اصعب سلم بس معي سهلة بعد نظام تذاكر قبل الاختبار بيوم و تبي A+ مستحيل تفلح معاك نزلها عند الاسطورة محمد الفوزان رجل بكل ما تعنيه الكلمه
المقرر اوله مره يصير عن بعد بس الصراحه كان ممتع مره بذات انه دكتورتي كانت نوف القحطاني مرره جميله و راقيه
بالنسبة لتكاليف الصراحه كان واحد وعليه ٢٥ درجه
كان المحاور سواليف لا اكثر السوالف الي فس راسك اكتبها حرفياً واختبارها مرره سهل الجواب واضح وضوح الشمس 🌞
بالنسبه للمذاكره في ملازم كثير تغني عن الكتاب مثل التمييز والاجتهاد وفي غيرهم كثير بس هاذولا الي جربتهم
دايم اذاكر السلم ليلة الاختبار واطلع بA+ بس هالمره انصدمت ان الفاينل مره يبي له تركيز نقصت 14 درجه وانا باعمال السنه ماخذه 50/50 فذاكرو الكتاب زين وعطو الماده حقها لا تلقمون مثلي
شف هي اذا تبيها مادة متعة فيه متعة الصدق
اسئلتها كانت اكثر من النص من التجميعات
والباقي يا انهم مغيرين اللي كان جواب حطوه بصيغة سؤال او انها بين السطور من الكتاب
انصح بملازم الاجتهاد اذا عندك وقت كافي ( تغني عن الكتاب )
وملازم التميز اذا مزنوق ( مو مرة تغني )
بالنسبة لي خذيت من التميز وفادتني واجد الصدق
انا اخذت سلم ١٠٠ ، ١٠٦ ، ١٠٨
واشوف ان هذا اصعبهم بالمذاكرة ، المادة نفسها مو صعبة سهله بس فيه اشياء تتشابه كثيييير
الميد حقنا كان كله تجميعات بس الفاينل اوكي جاي من التجميعات بس فيه اساله تبخبط مره لان اغلب الخيارات تكون صحيحه ما انصح فيها الصدق الا للي بيذاكر زين
سهل جدا اللى يقول غير ذا الكلام غلطان
يعتبر اصعب السلمات السهله يعني اصعب من 106,108,109 هل هو صعب جدا لا بس اصعب السهلين يعني خلوه اخر خيار اختباراته سهله جدا جدا حتى الفاينل للامانه لكن محتواه شين غثيث يعني فيه اشيا تتشابه كثير كثيرر مو شوي وكله اخلاقيات وكلام يتكرر وبين السطور يعني مهو واضح الي ما تخلطون بين محتواه لا مرره متشابه هذي سلبيته لكن لو نرجع للمحتوى كمحتوى بتحسونه تافه وشي معروف ومن حياتنا بس لمن يتذاكر يصير غثيث لانه يتشابه نفس ما قلت لكم قبل و اخذته عند دكتوره هند البراهيم جعلها بالجنه صدق اختصار كلمة اليسر هي.
ك ماده سلم ف هي تعتبر مهب سهله واصعب من باقي مواد السلم داخل ومجموعي 60/60 وجبت فالفاينل 33/40 يعني مجموعي A بس دفني الدكتور بسبب الاعمال الفصليه الزياده الي سويتها
اصعب من 102-108-109 .. اذا تحسبونه زيهم ترا لا .. مب شين بس يحتاج مجهود اكبر
مختصر كلام الطلاب حسب الي قريته( ما درست المادة انا) :
-اضمن اعمال السنة ولا تضيعها
-الفاينل يكون صعب شوي
-المادة سهلة وتحتاج حفظ في بعض التشباتر
-المادة بشكل عام سهلة ان شاء الله.
كان معكم ابو عقلا لا تنسوني من دعواتكم
أخذتها ب٢٠٢٢ وأول سلم أخذته والصراحة يمكن طريقة مذاكرتي كانت غلط لكن أنا أشوف 108 سلم هو أسهل سلم وبعده سلم ١٠٥ و ١٠٧ ما اذكرت استمتعت بدراسته انصحكم ب١٠٨ الأفضل
سهل ممتنع دراسته سهله لكنه يلخبط مررره والفاينل يلخبط برضو فأحس حرام تضيع عليك سلمات افضل من كذا يعتبر خيار اخير جداً فيه افضل منه بكثير ١٠٥ و ١٠٢ و ١٠٩ .
درست انا سلم ١٠٢ و ١٠٧ واقدر اقول بكل ثقه ان ذا اسهل مادة سلم او عفوا معليش اقصد اسهل مادة درستها في حياتي الجامعية
الماده محتواها سهل جداً وفي كم شابتر حفظ غثيثين بس تخلصونهم بسرعه
الاختبارات مكرره وورقيه مب زي الالكترونيات
دخلت الفاينل ومجموعي فل ومعي بونص درجتين وفوقها في سؤال غلط بالاختبار لكن سبحان الله قدرت انقص 7 درجات رغم اني واثق من إجاباتي لكن عوافي سلم
اسهل سلم والاختبار تافهه
نصيحه نزلوها في ثاني ترم
دخلت الفاينل مجموعي ١٠٥ وانا بالميد مذاكر ملخص قبلها بيوم والفاينل
والله الماده سهله انا اهملت الفاينل ولا كان جبت أ+ نصيحه نزل عند السحيباني وشارك معه
البديهيات بالمادة ذي ممكن تكون اقل من 102 او 105، لكن لاتزال المادة سهلة، اهم شي اضمن درجات اعمال السنة
المادة سهله وممتعه ومفيده خذيتها عن السحيباني عسلل
غثيثه وترم ١٤٤٥ الاول يعرفون وش جاء بالفاينل
المادة سهلة بس مب سهلة جداً الفاينل يجيك كم سؤال صعيب شوي يعني اذا انت منتب ٦٠ من ٦٠ ممكن تنقص
خذوها مع عبير الشبيب وادعولي
ماده سهله حاول تنزل عند دكتور كويس
مجموعي 60/60 بس النهائي كان موب سهل ومذاكرة الله بالخير
الصدق الماده سهله جدا و يكفي تحفظون زين الصدق الفاينل حقنا شوي لعبو فيه بس أنه أنا ما سلمت الماده وذاكرتها زين ف ما حسيته مره صعب اهم شي لا تتساهلون بالماده ابد
الماده بشكل عام سهله جداً لكن فيها أشياء تحوس افضل شي تنزلينها عند دكتوره كويسه أنا نزلتها عند لان صراحه الفاينل كانو مخلينه كانه اساله قدرات
على حسب دكتورك لان الفاينل موحد وغالبًا بيكون صعب لانهم بيجيبون اسئلة ما قد جت قبل وموجود منها كلمتين فالكاتاب حتى الي كتب الكتاب ما انتبه لها ، حاول تكون عند دكتور كويس واطلع 57/60 كأقل شيء عشان تضمن أ+
المادة كمقرر سهلة بس الفاينل انكبت شوي ما توقعت بيجي بذي الصعوبة بس استعدوا له كويس انا توقعت بيكون سهل وما استعديت كويس
مادة سهلة فاينلها صعب شوي
اذا تقدرين تاخذين غيرها خذي لان الفاينل دايم يلعبون فيه لعب بس سهله لكن مشكلتها الفاينل فقط
بنسبة كبيرة تعتمد على الدكتور بس اتوقع فيه أسهل منها واجد لان محتواها فيه حوسه شوي
المادة سهله انصح بعلي السحيباني بيضبطكم بدرجات اعمال السنه اذا تشارك معه وماتغيب بيعطيك فل بالمد الاول والثاني والفاينل عليك
وانصحكم بملحص فطن وتجميعات التميز فادتني مره
عبير الشبيب لا تتعدونها بهالمادة❤️❤️❤️❤️❤️
خذوها مع عبير الشبيب وادعولي
الماده سهله جدا جدا و اكثرها بديهيه
لكن هالترم الفاينل كان عميق عمييييق مره للاسف خسف بي حسبي الله و نعم الوكيل
ما أنصح صراحه بالسلم هذا اختاروا واحد اسهل دكتورتي بالميد اسئلتها كانت سيئه والدرجه طلعت سيئه فا حذفت الماده
اذا درجتك بالميد كويسه كملي فيها بس ما انصح تجازفين لو سيئه
سمعة الماده انها سهله مره غلط الماده ماهي سهله ويحتاج لها مذاكره والكتاب دش كلام لا تستهينون فيها ابدا غير ان الخيارات مبنيه على "الأصح" تختارينه
يمكن يحالفك الحظ وتجيك تجميعات بس مو مضمون هالشي
والفاينل سمعت انه شين من اللي كانوا معي
للامانة المادة فيها دروس مليانه تفاصيل ما لها داعي بس الفاينل جا من بين السطور بس صراحة ما كان شي صعب يعني الي مذاكر من "الكتاب"وراجع من التجميعات بيمشي حاله + اختاروا الدكتور بعناية ولا تعتمدون على الملخصات
هالترم عطونا اصعب فاينل ممكن يجيك مدري ليش صعبوها كذا
مادة تتكلم عن الاخلاق في الاسئلة بعض التريكات انصحكم تذاكرون التجميعات راح تفيدكم
١٠٨ و ١٠٢ اسهل منها
يجيبون على الفهم اكثر من الحفظ
واذا اجبارية بتخصصكم نزلوها مع هاجر الشملان❤️
اختبار يجي اسئله منه من تحت سطور لكن تجميعات الموجوده لطلاب كفتني للمذاكره صراحه.
الماده حضوري
بالنسبة لي ماذاكرت الا التجميعات وجب A
والسبب كان في اسأله بالنهائي من بين السطور
المادة ممتعة شوي
الفاينل بين السطور
خذوها عند عبدالعزيز المطيري اسطوري لكن الفاينل فيه اسئلة بين السطور والفاينل موحد
من اجمل المواد اللي تدرسها خصوصا اذا انت طالب ادارة
المادة سهلة ولكن لا تسمعون كلام الي يقولون انها بديهيات لا مو بيديهيات فيها اشياء لازم تذاكرها لأنها مو بس احكام فيها معلومات ما كنت تعرفها من قبل انا استهترت ولقمت لذلك نزل المادة ولا تستهين فيها وتقدر بسهولة تجيب A+ ان شاء الله
مو سهل مرة فيه اشياء ماهي بديهيه يحتاج مذاكرة يومين + يعتمد عالدكتور
تعتمد على الدكتور بالكامل
كانت تحتاج وقت كثير عشان الفهم وحفظ وحفظ الادله وتكاليف كانت بسيطه لان دكتوره سهلتها لنا بس الماده نفسها تحتاج وقتتت وحفظظ يعني ما يكفي يومين تلم فيها المنهج
المادة شربة ماء ولا تشيل همها، واعتبرها مكمل عدد ساعات فقط، لكن مشكلتها تكاليفها كثيرة شوي والباقي ساهالات ، مذاكرة الميد خلصتها في يوم والفاينل في يوم كذلك، المنضور هذا منضوري كطالب هندسة ولا اعرف مقاييس التخصصات الأخرى وكيف يشوفونها لكن المادة سهله
قرف وكمية لخبطة, مذاكرة الكتاب ما اشوف لها فايدة بقدر التجميعات لان الاسئلة تتكرر واجد , اذا تقدر تاخذ غيرها احسن لك
الماده سهله وبديهيه الصدق لكن فيه كم جزئية تحس الاشياء كلها متشابهه ماعرفت اشرح بس يعني مثلا الفرق بين الامانه والاخلاص يعني المادة كلها اشياء متشابهه لكن انا افضل ١٠٨ لكن بشكل عام المادة سهله بس حاول تضمن ٦٠ اعمال السنه لان الفاينل فيه تريكات
الماده سهلة لكن ليست اسهل من 108
المادة بشكل عام مو صعبه و لكن يحتاج لها تركيز و مذاكره الاسئله دقيقه بالفاينل و الميد كذلك بالنسبه لي.
فيه اسهل منه، مشكلته كثير كلامه +اختبار البنات النهائي يعتبر صعب
بس اذا اجتهدتو وخذتو مع دكتوره تعطي بونس تضمنون الكامل باذن الله
للامانه الفاينل كان مويه لان الماده تعتمد مرررره على الدكتور و دكتوري مداته صعبه بالنسبه لي بس هو سوا طريقة تعويض بالفاينل و الحمد الله جبت الدرجه
حاول تضمن لك دكتور و تذاكر التجميعات لانها نسخ لصق ٩٠٪ تجميعات ١٠٪ جديده بس تنحل
اسهل سلم اخذتها قبل سنة تقريبا مع وليد الحمدان اهم شي حلوا كل التجميعات
مو حلو كثير اشياء متشابهه ودلالة كثير بس اتوقع يهون عن السلم الثانيين زبدة الكلام نزلوا عند دكتورة كويسه عشان تضمنون الميد
شباب الي درس سلم ١٠٧ يكتب هنا مين افضل دكتور ننزل عنده المادة؟
الميد على حسب دكتورك الفاينل ذاكر كويس لانهم ينبشون بين السطور
المادة سهله بشكل مو طبيعي وجميلة وكلها اشياء بديهيه بس اني تساهلت مرة للفاينل وطيرت قريد للأسف
من اسهل وامتع مواد السلم خصوصا لطلاب الادارة
مادة قريد بس تحتاج تضمن أعمال السنة (60) درجة والباقي فاينل ،أهم شي دكتور كويس
المادة سهلة بس لازم تذاكرون زين للاختبار النهائي يجيبون ادلة كثيرة
الماده سهلهه و الدكتوره الي خذيت عندها مخليتها سهله اكثررر الله يسعدها ، نقصت يمكن درجتين بالفاينل علشان كذا ماخذت A+ بس الماده سهلههه
ماده سهله وفيها بديهيات كثير لكن عطها حقها بالحفظ لان فيها تشابهات كثير، اشوف يومين مذاكرة قبل الاختبار مناسبة جدا
مره سهل يبي له حفظ وتفرق بين المصطلحات زين ، اشوفه اسهل السلمات
أول سلم اخذه وسهل مرررة والنهائي سهلل وواضح ماشوف فيه بين السطور زي مايقولون المذاكرة اقروا كل شيء بتركيز وبتجيبون A+ اهم شيء تختارون دكتورة زينة
خذيته عند سميرة القحطاني سهللل مرررة
المادة غبية جداً و جدلية، بمعنى مافيها فهم، تبي درجة مضطر تحفظ، التعاريف و التعدادات، تقبل الاضافة و التعديل و غالباً بتلقى اكثر من جواب صحيح في الخيارات اذا منت حافظ فعليك السلام، ما انصح فيها ابداً نزل سلم اسرة في الاسلام اقلها فيها صح و خطأ
المادة سهلة الا عند تركي الحقباني الخرتيت، ابعدوا عنه يجيب مقالي كثير و عليه ٢٠ درجة
سهل مررررة مرة من اجمل السلمات وبديهي
بالفاينل يجيبون اسئله من بين السطور واشياء غبيه مالها فايده يبي لها تركيييز
مررره سهل والاختبار كله تجميعات، ذاكروا الملخصات واحفظوا التجميعات وتطلعون مبسوطين
سهل مره مريت عالكتاب و ذاكرت التجميعات و الحمدلله مرره حلو و سهل و اغلبه بديهي بس فيه اشياء تحتاج تركيز شوي
اسهل سلم وكله تجميعات بس عاد ذاكري الكتاب لا تدخلين الاختبار ما ذاكرتيه
المادة غثيثة شوي مذاكرة و كمواضيع، لكن مجملا معقولة جدا و الفاينال سهل (بما انه موحد) اما اعمال السنة و الميد يعتمد على دكتورك
سهل مره بس يعتمد على اسئلة الدكتوره هي الي تحدد صعوبته
حلوة مرة واغلب اللي فيها بديهي
مو صعب لان الاختبار من التجميعات ولا يبيله حفظ جامد
