المادة بالنسبة للمستجدين كابوس لأنها دسمة مع كتاب البديرات لكن بعدين بتكتشفون انها أسهل مادة بالقانون في البداية تتكلم عن القوانين وتقسيمها الى عام وخاص وتعرفك بالقوانين وانواعها والخ وكلها سهلة ، بعدها نظرية الحق ربما تواجه فيها صعوبة كمستجد لكن مع البحث والقراءة بتفهم وبتمشي عاادي وبتلقى شروح كثير اصلًا (هذا اذا انت ميح بالقانون وداخلة بالبركه مثلي) لكن لو تعرف بالقانون بتصير اسهل بعد، نصيحة لاتهملون فهم ومذاكرة هذي المادة لأنها الأساس في تخصصك وتعتبر مدخل له ولحد يحذف، اخذتها عند نوف الوهيبي
مادة روعة اذا بتاخذها عند البديرات بتنبسط بس التعامل عنده صفر
مادة تغث ومالها اي فايدة لطلاب السياسة والادارة تفصل في اشياء ماتفيدنا بالتخصص وفوق كذا الفاينل موحد وجايبين كل انواع الاسئلة الي تخطر ببالك(عرف،اشرح،قارن،جدول،صح وخطا مع التصحيح اذا وجد خطا،اختيارات)، اذا انت طالب ادارة او محاسبة او سياسة لاتنزلها الا مع الامير لأنك ماتستفيد منها شي
احزن على اي طالب مادرسها عند البروفيسور جمال العجرود الله يذكره بالخير. اخواني المستجدين والمستجدات المادة لا تدرسونها عشان تعدي او عشان قريد ذاكر المادة لنفسك لان اساس التخصص وعموده الفقري ذي المادة بتسهل على نفسك كثيير اذا خلصت المادة وانت فاهم مرتبطه بكل مواد التخصص بكل مادة تاخذها بعدين بترجع وتقول ايه ذي المعلومة اذكرها بالمبادئ غالبا الدكاترة الي يمسكون المادة من نوعية الدكاتره الي صعب تجيب قريد عندهم لكن يفهمونك صح عموما شدو حيلكم بذي المادة والله يوفقكم
سهله ويسره المادة
اخذتها مع نوف الوهيبي
المادة فيها معلومات كثيييير يبيلك تذاكر اول بأول
المادة سهلة لكن دسمة مواضيعها كثيرة ومفصلة عشان كذا يبيلها مذاكرة أول بأول وكل شيء يتسهل، الي بيراكم بيعتبرها صعبة لان عقله بينحاس مع كثرة المعلومات
درستها عند دكتورة عفاف جمال مادري اذا للان تدرسها او لا بس الله يسعدها وين ما كانت محد طلع من عندها واخذ اقل من c
سهله اذا ذاكرتوا اول بأول
المادة دسمة جداً فأحرصوا على انكم تفهمونها زين لأنها بتأسسكم صح
صح ان الماده دسمه بس مقدور عليها و م راح اقول لكم ذاكرو اول ب اول لان راح تنسون المعلومات بسبب كثرها وبتطفشون ف ركزو ب المحاضرات وخذوها نظام سوالف وقصص وراح تلصق بمخكم + نوف الوهيبي عسل راح تفهمونها بسببها وشيكو ع التجميعات لان اختبارنا نصه منها وفالكم التوفيق حبايبي💋
اولا
ذاكروا اول باول
ذاكروا اول باول
ذاكروا اول باول
نصيييييحة صدق تمنيت انقالت لي المادة سهلة بس دسمه ضغطت نفسي قبل الفاينل لدرجة اني كرهت التخصص
ثانيًا الله لا يوفق الي اقترح ال٣ اترام 😍
المفترض جزئية الحق محذوفة مع وضع الترم وقصره والميد باس* الفاينل ونص المحاضرات صارت مسجله مراعاة من الدكتورة لاختبارات المواد الثانية صدق استهبال قدروا قدرات الطلاب مب منطق!
هذه مادة تاسيسية ومهمهة جدا لمسيرتكم اذا فهمتوها بتدخلوا المقررات الي بعدها وانتوا عندكم نبضة عامة عن المقرر ايا كان قانون دستوري او جنائي الخ. المادة عبارة عن نظريتين: نظرية القانون ونظرية الحق. نظرية القانون تدرس تعريف القاعدة القانونية وخصائصها وفروع القانون من العام والخاص ومصادر القانون ووين ومتى يطبق القانون الخ. نظرية الحق تدرس عن الحقوق: الشخصية السياسية حق المولف الخ. نصيحة نزلها عند دكتور يشرح مو عند دكتور يكب درجات وبس. البديرات والدبيان كويسين.
المادة فيها حقها ودسمة جداً يبي لها مذاكرة اول بأول وذاكر التجميعات لان الفاينل حقنا جاء منه كثير وفيه واحد باليوتيوب العطاس بيفيدك
المادة دسمة يبيلها مذاكرة أول بأول، بس أغلبها معلومات خام مافيه مفاهيم صعبة كثير.
ذاكروا أول بأول وفالكم الـ A+ -إن شاء الله-.
مادة تنفهم لكن مشكلتها دسمة
المادة عبارة عن نظريتين نظرية القانون ونظرية الحق الحق اصعب شيء شدو فيه القانون سهل جدا موفقين يالمستجدين
حبايبي المستجدين المادة تنقسم لنصفين نصف سهل جداً جداً ونصف متوسط، تعتمد بشكل كبير على الدكتور الي بيدرسها. هي اهم مادة تبدأ فيها التخصص لانك راح تسترجع اغلب معلوماتها في المستويات الجاية وممكن في امور ما تتضح في القسم الثاني بشكل كامل لكن مع تقدمك في المواد راح تبدأ تستوعبها وتربطها. اهم شي تركز فيها وتذاكرها بشكل يومي وتحتفظ بالكتاب لانك راح ترجع له بالمستويات الجاية كمراجعة لبعض المعلومات
اخذتها عند دكتور ممتاز وطلعت ب بقريد ممتاز ولله الحمد ، نصيحتي للجدد هذي اهم مادة بالتخصص اذا فهمتها صح بتسهل عليك دراسة التخصص
صعبه وتحتاج فهم وخاصه طلاب الاداره اي ياخذون الماده بتصير الماده عليهم اصعب من الصعبه هاذي الماده بالذات يبيلها مذاكره يوميه لان مستحيل تختمها بيومين او ثلاثه بتتمنى انك بديت تذاكرها من ساعه ما اتولدت باختصاااار
المادة هي اساس القانون فطبيعي راح تكون فيه اشياء غير مفهومه وجديده بس خوذوه عند دكتوره نوف الوهيبي الله يذكرها بالخير مره عسل
الماده بتتسهل لك وبتصير تافه بنظرك اذا اخذتها بامثله و قصص اشوف ان الماده مهمه و مرتبطه بمواد ثانيه عشان كذا لاتحفظين وبس لانك بتضيعين بالمواد الي بعدها
المادة سهله جدا اذا كنت مع الدكتور العياضي بس اذا غيره ونت تبي A أو A+ صعب مره
ماده دسمه وصعبه تحتاج تسمع وتركز مع الدكتور وتسجل معاه وبرضو تحتاج مذاكره بشكل دوري عشان تقدر تختمها عالنهائي ، بس بالنهاية الماده ذي ركيزه القانون فافهموا قبل الحفظ وفالكم التوفيق
المادة صعبة واختبارها النهائي موحد لكنه سهل..
تحتاج مذاكرة يومية👍🏻
