خذته مع د أريج العقيلي، شرحها ممتاز وكنت أتابع زيادة شرح د سارة البسام، مررة ساعدني وثبت معلوماتي
الميد والكويزات أشوفها سهلة
الفاينل مستواه أعلى بكثير
الفاينل لاب كذلك سهل
بشكل عام المقرر يعتبر ممتع وخفيف
مادة حلوة خصوصا مع اريج العقيلي لكن يبيلها متابعة اول باول للاسف راكمتها جدا مقدور عليها بس تدربوا اول باول خصوصا تشابتر ٧ و٦ وشروحات ساره البسام وشرح الدسوقي وتتوريالز اليوتيوب المنوعة كلها ساعدتني الصراحة
المادة تافها جدا والمحتوى سهل و ممتع ,, ولكن منسق المادة مب عاجبة الوضع وقام يصعبها وهي وما تسوى , عيب المادة ان مصادرها قليله مرة ومافيها الا تجمعيات قديمة مرة (من 2019 وتحت) بسبب منسق المادة محتكر التجمعيات , شرح يزيد عبد الكريم لك عليه (المقاطع المسجلة) , الماده هذي تقدر تقول انها 40% حفظ والباقي فهم , و العملي حقها صعب ولكن مقدور عليه
درجات اعمال السنه مهمه بشكل ماتتخيله حاول الميد اهم من الفاينل بكثيرر ، ادخل الفاينل ومجموع اعمال السنه لا يقل عن ٤٠-٤٥ واهم شي لا تجيبون المشاريع من برا خاصه chatgpt لان لو انقفطت بتاخذ صفر فا انصحك لو تسلم المشروع ناقص وفيه اغلاط اهون بكثير ، الاختبار العملي صعببببببب
المادة ممتعة وتعتمد على الفهم والتطبيق ،اول فصلين نظرية وتختبرون فيها كويز وخلاص معد تجي، الفصول الباقية مترابطة ومكملة لبعضها فعالاقل افهموا مع الدكتور اول باول عشان ما تتأخرون ويتراكم عليكم، لأن المادة كمفاهيم اساسية سهلة وتتعلمها ببساطه لكن الفكرة انك تثبتها بالتكرار والتمرين. المشروع تلقى اغلب اللي تبي في السلايدات، فيها اختبار عملي وعليه 15 درجه لا تستهينون فيه طبقوا كثير وتمكّنوا من ال syntax، بيساعدكم في فصول ال sql انكم تفهمون تسلسل الاوامر كيف يمشي مو بس كل كلمه وش تسوي والله يوفقكم
الماده مب صعبه لكن اذا اخذتها مع الهدلق بيكرهك فيها
حلالاه لو اتفل بين عيون الهدلق كانه منقصني ٤ قريدات
المادة سهله وماتستاهل كل التعقيد ومصادرها تجميعات وسلايدز فقط ، للبنات شوفو شرح دكتورتكم اللي تكتب الاسئلة عشان تعرفون وش يجي وشرح سااره البسام مهم وكااااافي جدا ويخلي المادة سهلله وتحط تمارين مفيدة،بالنسبة لتشباتر الكويريز والمابنق والجبرا كلها تحتاج تماريين وحلل من التجميعات لين تثبتون فهمكم مهم،والتتوريلات فالمادة تساعد كثير وتجي نفس مستوى الاسئلة،التجميات لللفاينل لاب مهمم تجي كوبي بيست منها ، والتجميعات للفاينل النظري الميدات برضو مهممه يتكرر منها، والسلايدز برضو يجي منها ،
الماده ممتعه لكن الي ماسكينها شادين، اختبارات ومشاريع صعبه جدًا خصوصًا الاسئلة النظريه ومافيه تجميعات لأن العبدالكريم يحرص انها ما تطلع و حق العملي الهدلق ماسك كل الشعب وفا*لها ما يعطي محاضرات وخاسف كل الطلاب الكل*ب
ماده مصادرها ضعيفة والمنسق يزيد اسئلته صعب ويجيك المعيد الهدلق يكمل الناقص بدون ما يشرح اي شيء واختبار صعب وخسف بالتصحيح والدرجات ، والاخ يزيد مافي امل يعطيكم اي نموذج الميد او الفاينل 😂😂👎
لحد يشترك مع ماجدة اللي من طرف كنار ، ماشرحت كل التشابترات شرحها في شابتر ٣ و ٦ كويسه الباقي مره مايسوى صدق لا تشتركون مع احد اكتفوا بتسجيلات سارة البسام وللعملي تدربو من موقع w3 school ومن التجميعاااااااات اهم شي
تعتبر ثقيله حاولوا ماتراكمونها ولا تهملونها وحاولوا تنزلونها مع دكتورة كويسة نزلتها مع اريج العقيلي واختبارها الفاينل كان غير متوقع اما الميد فكان يعتبر متوسط الصعوبة المادة تافهه اذا عطيتيها شوي وجه بس اذا سفهتيها عادي مقدور عليها بس بتصير اصعب شوي هي سهله وحلوة بس وتااااافهه عبارة عن رسمتين وشوي برمجة sql بشكل بسيط جدا وشوي تحليل جداول
المادة كمنهج مقدور عليها ولكن يعتمد على الدكتور اول تشابترين نظرية حرام تنقصون فيها والباقي اغلبه عملي حاولوا قد ماتقدرون ماتنقصون باول كويز والميد لأن الفاينل كان سيء لأنه مع اريج العقيلي ظلمتنا مررره كانت جايبة كل شي من السلايدز اذا كنتوا بتاخذونه معها فركزوا مرررره على السلايدز اكثر من التجميعات
الصراحه سهل سهل سهل لكن الطلاب مايذاكرون بالفهم
سهل محتواها مره ، بس لو الماده مع اريج العقيلي انتبهي من الفاينل هي المد والكويزات تجنن يجي النهائي وانتي مستانسه على المجموع اخرتها يروح قريد قريدين :(
المادة سهله بس تحتاج تفهم SQL زين، اختباراتها نوعًا ما صعبة، فيه كثير جابوا العيد بفاينل العملي (اول مره يسوونه علينا) وبعضهم جاب العيد بالميد او الفاينل، خلاصة الموضوع انهم دفونا دف الارض بكيرف وداني من ٨٧/١٠٠ لA+ يعطيهم العافية ما قصروا
مادة لازم تذاكرها اول باول واتوقع ما يكفيها شرح الدكتور افضل تدور مقاطع مسجلة عشان بعض المعلومات تحتاج ترجع تستذكرها اكثر من اي مادة ثانية و بعض المحاضرين الله يهديهم مو ذلك الزود فيها وهذي المادة لازم تفهم طريقة الاسئلة في المد والفاينل وتوزيع الشابترز (حاول تتدرب كثير بالنماذج) لان الوقت ضيق فيها
المنهج سهل مره
الرليشنل الجيبرا حسبي الله بس على جواد غصصب احل بطريقته
المهم انخسفت بسبة اني احل بطريقة برا المنهج
اول ٣ تشابترز تُعتبر حفظ
الباقي فهم وسهله نوعاً ما
ماده قريد الا اذا يزيد العبدالكريم الله يضيق عليه منسق الماده الله يعينكم اختبارات صعبه واختبار عملي
لاتحكمون عليها من أول تشابترين لأنها نظرية ، احكموا بالباقي ، بالنسبة لي كانت مادة ممتعة مره على أني كنت اشيل هم البروجكت بس الحمدلله عدت وصدق أهم شي تحلون كثيير ككثييرر سواء كويريز أو تجميعات عشان تعرفون نوعية الاسئلة ، وبالنسبة لمواقع التدريب عندكم w3school sql كنت دايم اتدرب عليه
المهم في هالمادة التدريب التدريييييب على كل شي تاخذه وبتاخذ أ+ وانت مغمض
المادة مب صعبة بس افهمها صح واهم شي تدرب كثييير لأنها شوي تلخبط انا غلطتي فهمت وما تدربت وضيعت بالفاينل