سمعة المادة العالمية كانت مروعتني بشكل بس الحمدلله يارب مدري هو حظي وخلوا الاختبارات بسيطة ولا وش المادة محتواها مو صعب الصدق وله فكرة كيف مو اي كود نستخدمه وكيف نحسنه ، مافيها لاب الحمدلله، اشكر مصطفى من هذا المنبر لان ساعدني بشكل كبييييييير دكتورتي شرحها كان سطحي جدا، نقصي كان كله على البروجكت مسكناه كله وتعبنا عليه بس سلمناه بدون رن وطارت الدرجات انتبهوا الرن عليه اكثر من النص ومهم اكيد يكون الكود منكم ، من افضل مواد العال وإذا ضمنتوا البروجكت تضمنون القريد إن شاءالله
روعوني ترويع على ذا المادة الله يسامحهم انا مدري كان حظي حلو بالاختبارات ولا ايش بس المادة بالنسبة لي اهون من جافا 1,2 مع ان دكتورتي شرحها مو كويس بس كنت اذاكر مع مصطفى وحليوه المادة التجميعات مره مهمة، النقص اللي نقصته كان على البروجكت اول مره اخذ بروجكت برمجة يحتاج له وقت تفهمون وش المطلوب وتوزعون الشغل عشان تاخذون راحتكم لان ستركشر مو المادة الوحيدة اللي تاخذونها، مو مشكلة اذا تخلون احد يساعدكم بس اهم شي تفهمون لان وراكم مناقشة ويمكن يسالونكم اسئلة تلخبطكم بس عشان يختبرونكم انا من قسم البنات
المادة معطينها اكثر من حجمها حاول تنزل عند دكتور ما يدقق بالمشروع.
من ناحية الدراسه مقاطع الضلعان ممتازة واذا فيه شي مب واضح فيه مقاطع تمارين للدخيل.
المد والفاينل كل واحد يبيله ٣-٤ ايام تمر على المقاطع و كم تجميعه.
الفاينل كان اصعب من الاترام اللي فاتت جابو كم سؤال غبي بس الباقي عادي
المادة يبيلك تعطيها حقها، فهمك للينكد ليست ممكن يخفف عليك الضغط بنسبة 20%, لكن الميد سهل انك تضيع فيه درجات، خاصة باسئلة الاكواد (اللي تكون خيارات)، حاول تنزلها عند دكتور يمشي بالمشروع (والصراحة ياكل من وقتك كثير)، وبالمادة ذي ما اتوقع ان فيه احد يدف بالقريد، السدحان ان كثّر عطاك درجتين والا ثلاث، بس لا تتوقع فيه احد يدف قريد كامل والا اثنين
يبغا لها شغل وفهم مشكلتها الاختبارات المشروع سهل والواجبات سهلة حاول انك ما تنقص فيها ولا درجة الاختبارات الكود يجي خيارات اللي هو اغبى شي ممكن تشوفه وفوقها حاطين لك none ف يعني الموضوع سيء من ناحية الاختبارات الوقت ما يكفي فيها لازم تتدرب بما فيه الكفاية على اختبارات سابقة على أساس تقوي طريقة فهمك لسؤال الكود لأنه اكثر شي يطول المنهج سهل بس جزئية الميد فيها صعوبة والباقي سهل جدا
ماده صعبه ودسمه ، للامانه درجات المشروع والواجب حرام تخسرها اضمنها اما الميد سلم عليه والفاينل ماكان سهل زي ماسمعت لكن مقدور تجمع درجات فيه عكس الميد ، عالعموم بالنسبه لي اهون من ١١١ و١١٣ ومن الاخير لا تضيع درجات اعمال السنه ، اضرب واهرب
والله المادة ما تستاهل كل هالضجة جدا سهله بس يبيلك تعطيها حقها عشان ما تلخبطك
مقاطع فهد الضلعان باليوتيوب مصدرك الاول مع السلايدات ولا تطلع منهم
اصعب شي اول درس اللي هو البق او الباقي هين
وغالبا هو اللي يخسرك درجات وبرضو الميد لازم يجيك سوال ثقيل يطير ام درجاتك
اللي جانا من كثر ما كان سوال صعب الدكتوره اللي حاطه حاطه غلط ف عطونا جزء درجة هالسوال
عطها حقها وبسيطه
الي تحت جايب B ويتكلم عن البنات الي يجيبون B+ 😂😂 المادة تافهه اترك عنك الصياح، ما كنت اذاكر الا قبل الاختبار باربع ايام لكني كنت احضر اغلب المحاضرات واركز بشرح الدكتورة، نجاح غيرك ماله دخل باهمالك يا طفل، وصلت لهذا العمر والمستوى وهذا تفكيرك؟ بعذرك جايب هالقريد
ياخي المفروض فيه تقييم للبنات خاص فيهم مب طبيعي تطبيلهم الهطوف. تلقاها طول الوقت قدام السلاديات بغرفتها وماعندها حياة وجايبه B+ وتقولك الماده سهله . طز فيك زين.
للامانة هي تعتبر كمادة عادية ماتستاهل كل هالضجة اشتركت مع مصطفى كشرح جداً ممتاز ولكن جداً يطول يبيله نظام اول باول وااشتركت مع منال عشان التجميعات والواجبات ولكن بالنسبة للمشروع انتبهوااا ترى لبنى نقصتنا ٨ درجات لأن اغلبنا كان ماخذ البروجكت الفيز ٢ من منال فانتبهوا حاولوا قد ماتقدرون تتدققون على كل شي بالبروجكت .... اما بشكل عام تراها اكواد بسيطة ومقدور عليها جداً ماينخاف منها لهالدرجة بس عطوها وجه وخذناها مع لبنى الحنطي وكانت هي المنسقة
الماده والله ما تستاهل الدراما الي عليها ، المد والفاينل نفس التجميعات ابدي مذاكره بدري ومري على كل التجميعات وال A فالجيب ، طبعا خسفني المشروع ولا لاختبارات تمام ، والواجبات جايبين نفس حقات الاترام الي قبل
بإستثناء المشروع الماده جدا سهله بس احضر كل المحاضرات و تدرب على الاختبارت السابقه و فالك الدرجه العاليه ان شاء الله
الماده سهله بس المشروع عليه ٢٥ وصعب مره
الماده بتكون جدا سهله اذا حضرت كل المحاضرات وتدربت على الاكواد وحليت بنفسك الواجبات
اسهل عال إلى الحين، الاختبارت كله خيارات والمشروع صعب شوي من ٢٥ درجه
نصيحه احضر كل محاضرات الدكتور المشكله تشابتر ال PA هو الصعب والباقي سهل سهل سهل نصيحه لا تشترك خصوصي نصيحه مامنه فايده لايلعبون عليك الطلاب ركز مع دكتورك او مقاطع مسجله قديمه
المادة سهلة لكن انا اهملتها في البداية اهم شيء شد حيلك في الميد لان الفاينل سهل مره تجيب فيه فل
سهله بس انا السبك راكمتها على نفسي و تقروشت معها ، ماده سهله اذا ذاكرتها اول باول و مواضيع تفاهه خصوصا بعد الميد ، و ذاكر problem sets بعد اول باول لانهم يجيبون منها كثير بالاختبار
المادة جدا ممتعة و مهمة للي تخصصه علوم حاسب. المقرر عبارة عن ٢٥ درجة ميد، ٢٥ درجة مشروع و ١٠ درجات واجبات. اهم شي في الميد انك تتقن كود الليست و لازم تحل اختبارات سابقة لان دائما يجيبون اسـئلة من السنوات الماضية في الميد و النهائي. حاول قدر الامكان تجيب درجة ممتازة في المشروع. اشوف اغلب الطلاب يقولون ان الميد اصعب من النهائي وانا اتفق. الميد اكثره كود و النهائي يمكن ثلث الاختبار كود و الباقي مفاهيم و رسم. لا تهمل المادة لانها مهمة و جدا جدا ممتعة
انا اهلمت هذا سبب اني لقمت
الماده سهله مره ذاكر السلايدات وافهمها وراجع اختبارات سابقه دايم يكررون اسئله منها اصعب شي الميد
المادة موب سهله ابدا بس اذا عطيتها وقتها متاكدة بتصير اسهل ب ٨٠٪ جزئية الميد الاصعب بس الكويز الثاني والفاينل سهله جدا مشكلتها بدايتها صعب مره، شرح فهد الضلعان باليوتيوب رائع مره دريت عنه اخر الترم فادني مره بجزئية الفاينل المهم المادة مخيسه ماعجبتني الصدق بس الفاينل سهل تضمن +٣٠ درجة باذن الله
المادة محتواها كثير لكن ممتع ، انصحك تشوف مقاطع الضلعان ، ابد في PA من بدري ،المادة حقت قريد اذا شديت حيلك
الماده محتواها كثير لا تخليها تتراكم عليك
الميد هو مفترق الطرق لان الفاينل تااافه
PA ابد فيه من بدري عشان ما تتوهق زيي وترا والله الماده ماخذه اكبر من حجمها من ناحية الصعوبه هي بس تحتاج منك تعطيها وقت كافي
المدخل الحقيقي لعالم البرمجة وللأمانة من أمتع المواد بس حل ال PA بنفسك وصدقني بعد المادة بتطلع شخص مختلف كليا
لا تشترك مع أحد وحل بنفسك وفالك بالدرجات.
بس ابد ال PA من بدري، سهل بس يحتاج وقت
