سابقًا كانت جزئية الميد الاول هي الصعبة والباقي سواليف لكن اللي صار ذا الترم حرفيًا جزئية الميد الاول صارت اهون شي وصعبوا الباقي خصوصًا تشابتر القراف اسئلته النظرية كابوووس
معلومة تراني جايب الاول فل لكن الثاني والفاينل كارثة
ياساتر يالتعليقات تهووووويل اقسم بالله
المادة استهترت فيها انا ، الصدق انها مخيسه بس مقدور عليها لو عطيتها وجه لخمه لان فكرتها جديده وكلها اثباتات وتحليل
وهي تجيك بترم صعب عندك فيز ١٠٣ وريض ١٠٦ وذي، فصعب تدير كل الأمور
يالله مصيبه هذي الماده مب سهله لا يلعبون عليك ولا هي رياضيات عباره عن حفظ وغب&اء
احفظ زي الافدغ وتمشي امورك، مادة مملة بشكل لايوصف
الماده ١٠٠٠٠/١٠٠٠٠ رهيبه رهيبه رهيبه الكومنتات يبالغون الماده ممتعه جدًا اذا دربت يدك عليها وفهمت المغزى منها
ماده رْق رْق رْق اهين امها من ماده
اخيس مادة خذتها في تاريخي ماده خايسه بشكل لا يعقل حسبي الله ونعم الوكيل هذا اللي اقدر اقوله
مادة غريبه الصراحة , جزء كبير منها حفظ , تحس انك تتحايل على المنطق
لايخوفونكم احلا ريض خذته ممتع مره
قبيحة بشكل لا يوصف خصوصًا شابتر ٥ و٩ يع
ماش ماش هو ريض منطق ريض غثيثثثث مهما ذاكرت عجزت افهم هالماده
فطبيعي اذا مافهمتوا وشفتوا كل الي حولكم يقولون سهله وحلوه كل شخص وله رايه
انا اشوفه اغث واثقل ريض مر علي بحياتي للان وعجزت اتقبله
مادة سهلة وممتعة وما تحتاج خصوصي يكفيك شرح الدكتورة مع الأمثلة والتمارين واختبارات سابقة
الفاينل صعبوه بس كان مقدور عليه
نصيحة لا تتركون اي شيء فاضي بالاختبار اذا ما عرفتوا الحل اهبدوا اي شيء من عندكم
مادة ممتعة، وسهلة ومافيها تعقيد ابدا وفيها ميزة الشي اللي بتذاكرة هو اللي بيجيك بدون فلسفة، نصيحة لاتدخل مع خصوصي والله المادة مب محتاجه الدكتور مالك الله يجزاه خير مسوي قناة بالتيلي وشارح فيها كل شي ولو تحل مذكرته كامله اتحداك تدخل الاختبار وتجيب العيد بيكون بينك وبين الفل تفاصيل بسيطه وتقدر عليها باذن الله عندي لك نصيحة ذاكر للميدات كويس اذا جبت فيها فل بترتاح وهي جزئيتها الاصعب بالمنهج مع ذلك تعتبر بسيطه اذا فهمتها بترتاح لان جزئية الفاينل سهله وممتعه وبترتاح بالفاينل اذا درجاتك حلوه بالميد
حل مذكرة مالك لين ما تطفش ومبروك A+
ماده غثيثه لا يغرك التقييم…لازم تعطيها حقها ولا تهملها لانها مرض
مادة عبارة عن حفظ طريقة حل مالها فايدة ومافيها منطقية تدخل وتطلع منها حصيلتك العلمية منها 0%
كيف تذاكرها ؟ ذاكر مع مالك وملزمته وحل كل الاسئلة واحفظ طريقة الحل وانتهينا
ماده كريهه رياضيات غريبه الخصوصي شرحه خايس وما سمعت كلام الطلاب الي يقولون مالك وبس للاسف اذا تبي A+ ذاكر مع مالك ولا تشترك مع خصوصي نصيحة شرحه سيئ
مادة غريبة عجيبة بس اذا تبون تطلعون باقل المخاطر ذاكروا تجميعااات .. بليلة الاختبار ماكان يمديني اخلص فانتقلت للتجميعات وذاكرت كل اللي اقدر عليه وصدق جت نسخ لصق وباختصار حتى لو مذاكرين كويس احس بتضلمون نفسكم لو ماشفتوا التجميعات والاختبارات السابقة حتى لو اختبار واحد لان جد احسها مرررررررره مهمه
حذفت المادة
يا الله يا معين يليت اقدر احذفها من الوجود
مادة ماتدري وش تبي
مهما حاولت تفكر بمنطقية الحل ماتضبط ما اكتشفت انها تنحفظ الا يوم جبت ام العيد
يسلمو
لا تستسهلونها وتهج معكم بعدين
مادة سخيفة وتعتبر عندي اسهل من ريض ١٠١
لا تعطيها اكبر من حجمها ذاكرها بهدوء وماتحتاج خصوصي بعد مقاطع مالك تكفي وزياده واهم شي اختبارات سابقه هذي زبدة الماده باختصار
يمكن قريدي ماش بس نقصت بالتمارين واجد والميد الثاني مذاكرتي نص ونص بس ترا ماده تااافهه
هذي اسهل ريض بتمر عليك بمسيرتك الجامعيه لان لو تدرسها طلاب متوسط بيفهمونها موب زي التكامل والتفاضل ،، المادة اغلبها اثبات تثبت حالة معينه
المادة مقدور عليها ولاتقارن بالتفاضل او التكامل ابداً اسهل منهم بواجد انصح بفديوهات مالك باليوتيوب هي افضل مصدر
اسهل ماده ريض مرت علي بس انت و حظك بالدكتور جاني العراجي ونظامه يا تاخذ درجه السؤال كامل او صفر و بالتمارين حمد الخراجي الله يسامحه يتفنن بتعذيبك بالكويزات طار قريد كامل منه
عن نفسي اشوف انها سهله الى متوسط بس المشكله التصحيح نصيحه شوفوا نموذج ميد الدكتوره نفسها حلته وتدربوا عليه
وتدربوا على تجميعات سابقة كثير
احس احس تصحيحهم الفاينل اهون من الميد
كنت احاول افهم مع الدكتوره ايضاً فيه في اليوتيوب الحجاج كان كويس
الماده تعتمد علئ دكتورك ولا تعتبر سهله مره عن نفسي ما كنت اذاكر لها الا قبل كل اختبار ب٤ ايام اذا جاك العراجي انحاش احذف الماده ولا حاول تغير باي طريقه لان يظلم شعبته والمصادر مالك ومذكره حنش ولاتشترك باي دوره نصيحه
الماده تعتبر سهله صراحه وحتى الاختبارات كلها سهله ومن التجميعات الي يصدم تصحيحهم تراهم دقيقين لابعد حد ما تتصورون ترا ينقصون على الحرف فحلوا زي حل الكتاب بالتفصيل لا تتركون ولا شي والباقي ان شاء الله سهل واشوف ان التمارين مره تساعد انك تفهمون الدرس فركزوا عليها
الماده ممتعه وغثيثه بنفس الوقت تصحصيهم خايس ف ركزو على اول ثلاث تشابترات لانهم يعتبرون الاثقل واللي نقصت فيها كثير بالميد والباقي سخيييف ،برضو تدربو على تجميعات سابقه قد ماتقدرون تجي نفس الافكار وبعض الاحيان نفس السوال بالضبط
الماده تحسونها السهل الممتنع لين صارت صعبه مدري كيف تنذاكر حفظ اكثر من انها رياضيات صراحه حووومت كبدي لدرجه جبت بالتكامل قريد اعلى بس حرام تعتبر شوي سهله حاولوا تذاكرون كويس بس مشكلتها مصادرها موب ذاك الزود يعني بتتعبون شوي هي صح كريهه بس احس لو عطيتها حقها قدرت
غلطة العمر قسم بالله،،، اني اشتركت مع خصوصي مشهور وعنده قروبات لكل مواد الريض (اتوقع عرفتوه)،،للاسف اني ما خذت بنصيحة الطلاب اللي خذوها مسبقًا وهي شروحات استاذ مالك وملزمته اقسم بالله أن اسلوب شرحه (بالمقاطع) اسطوووووووووري،،، والمصيبة ان شرح الخصوصي سيييء وصعّب علي المادة والله،،،نصيحتي الوحيدة اعتمد على شروحات مالك وملزمته + حل اختبارات سابقه ،،،ومبروك القريد
وع مقرفه الماده خصوصا شابتر ٥ و ٩ ونهاية ١
المادة معاقة والله ما تدري وش تبي بس سهلة ال أ+ فيها اذا ذاكرت زين انا كنت اشوف الناس يقولون سهلة سهلة وتوقعت يكفيها يومين لان فيه اختبارات ثانية بمواد اثقل قبلها وما كفاني.
المادة بكل اختصار بتجتهد فيها بتجيب ال أ+ بالراحة لان ما يخترعون اسئلة نفس التجميعات بالضبط (لو اخترعوا بنرسب مادة محد فاهمها كلنا حافظين كيف نحل بس)
المصادر:
مقاطع ومذكرة مالك
ومقاطع الزوم بالتلقرام
لو فيه مصدر كويس وشامل كانت بتكون سهله. اول مره تشوفها تنصدم لان اول مره تدرس مادة كذا وعجيبه والاندكشن والبروفز فقط حفظ خطوات والخطوات كلها نفسها بأي سؤال, بس بعد ما تحل تفهم. مذكرة خالد طنش مع شروحات مالك ممتاززة. الاختبار يجي نفس التجميعات ٩٥٪. يمدي تخلصها بثلاث ايام لاربع. الخصوصي ابو عـمـ* شرحه وتعامله سيء ولو اشتركت لا تتوقع الكثير وخذ بس اللي تحتاجه, لو لا بس خذ مذكرة خالد طنش بس بتحتاج حلول لها
المادة سهلة جدا ودكتورك هو دليلك للمادة، انا كان يدرسني بن عميرة وشرحه لك عليه وببعض الجزئيات كان يطالب انك تحل نفس حله لكن عموما يقبل الحل مهما كان اذا كان صحيح الا بعض الجزئيات مثل ما ذكرت، حسب ما اسمع ان برهان هو الافضل من ناحية تصحيح، ومذكرة مالك ومقاطعه تغنيك عن كثير من المصادر والحوسه الزايده (انتبه ان مذكرة مالك فيه جزئيات محذوفه او هو مزودها من عنده كثير فدايم تأكد من دكتورك اذا شفت اسئله ما قد انشرحت بمذكره مالك)
ماده غريبه مره بالبدايه وبعدين بتشبك معك
مقاطع مالك اهم من الدكتور وقبل كل اختبار شف التجميعات لان كثير اشياء تنحذف بكل السنوات
المادة سهلة لكن كنت تعبان بالفاينل ونزل قريدي
مادة غريبة و دكاترتها اغرب. رياضيات مجرده. الي عليك تحفظ طرق الحل من مالك و تطبق واجد و تخش الاختبار لا تقروش عمرك بالنظري! ريض ١٠٦ تعمق بالنظري بيفيدك. ريض ١٥١ يحوسك زود. دكاتره لا تتجاوز المنصف و برهان على كلام واحد من الشباب. يد خفيفه في التصحيح يمشي لك. والي يدور شرح افضل السيئين العراجي لكن تصحيحه زبال و يدقق على كلام واحد. ولا عطيتها حقها اذاكرها قبل الاختبار بثلاث او اربع ايام ان كثرت و طلعت ب أ+ ما فيه خصوصين كثير ولا تحتاجهم اصلا.
المادة تعتبر من سهلة إلى متوسطة الصعوبة تعتمد على أساسك بالرياضيات بالبداية تحسها غريبة ومافيها منطق، بعدين بتتعود ( بتشوفها غير منطقية للأبد بس بتتعود مع الحل) دكاترة المادة محد يعرف يشرح ما عدا العراجي فلا تحاول تفهم معهم بتتعب عمرك، لو يدرسك مالك حظك حلو شرحه كويس وبتفهم معه، ولو ما يدرسك شف مقاطعه باليوتيوب وما تحتاج خصوصي مقاطع مالك تكفيك وزود إن شاء الله خاصة جزئية الميد الأول شرحه أسطوري، بعد الميد الأول شرحه يجي منه يكفيك بس مو واو، المنسق اختباراته سهلة أو متوسطة B+ مقدور عليها بالراحة
بدون مقدمه ، تحتاج دكتور يده خفيفه ( برهان ، المنصف ، الخ ) ابعد عن العراجي ( المنسق ) يمشي لك اغلاط تافهه او شي مو ضروري. ما تحتاج خصوصي يكفيك مالك وحش الماده مقاطع موجوده بكثره ملازم عنده كل شي تحتاجه في المادة صدقني انه شرحها بما يرضي الله. المذاكرة تعتمد على اساسك في الرياضيات اذا ماش خذلك مده قبل الاختبارات و ذاكر زين اذا لا فامورك سليمه اهم شي تعرف طريقة الحل والجميع يتفق على طريقة مالك ( و اسال دكتورك !! ). مادة في البداية ما تفهمها مع الوقت بتشوف انها سهلة B+ وانت طالع مقدور عليها مره.
ماده مب صعبة بس مب سهله تقدرون تجيبون فيها قريد بس كلها نظريات وغرييبه والتصحيح عند البنات دقيق بشكللل عادي تطلعين من الاختبار تحسين انك ضامنه الفل تطلعين ناقصه ست درجات لازم تدريب واجد ودقه كل خطوه راجعوها ولو كتبتو اقل من المطلوب بنتقصون ولو اكثر بيتنقصون بعد
اشوفها من اسهل مواد الريض حرام ما تجيب فيها قريد الا اذا صعبو عليكم الاختبارات شف مقاطع مالك للمادة وبتفهم كل شي بسهوله
الماده مو صعبه مقدور عليها مره
لكن
بالنسبه للبنات التصحيح كلن ظالم ظالم بشكل مخيف يدققون على ابسط الاشياء و ينقصون عليها بشكل مهول وهذا الشي الي نقص الاغلب و كثير من بعد الميد الاول حذف الماده بسبب التصحيح السيء
الاغلب يقول عنها سهلة وهي سهلة اذا ذاكرتو بفترة كفاية قبل الميد او الفاينال مع مذاكره اول باول بس انها غثيثة لان مو رياضيات زي ما احنا متعودين عليها والتصحيح دقيق مرا الاختبارات سهلة بعد هي مادة قريد بس لا تستسهلونها بزيادة انا ذاكرت قبل الميد باربع ايام وانخسفت للاسف فاضمنو الميدات لان ما يطلع من التجميعات شي
امامك خيارين يا صاحبي ، اما انك بتفهم و بتشوف المادة سهلة و بتطلع بافضل قريد. اما انك بتشوف المادة صعبة و غريبة اللهم تحفظ طرق الحل و تطبق و الله يكتب الي فيه الخير ( هذا انا ). دور لك دكتور يدف من الاخير انا كنت عند برهان حلواني شرح هج لكن يده خفيفة بالتصحيح. المصادر يا دوبك ماعندك الا مذكره مالك و مقاطعه.
مالك = A+ والله شرح مالك باليوتيوب ما قصرر ابدد وفيه اختبارات سابقة موجودة بقناته على التليقرام
أعمال السنة مرة سهلة وحرام تنقص فيها ومن ضمنها الميد، الفاينل يبي له مذاكرة وتدريب صح ولا بتجيب العيد مثل ما جبته
QQ اخذتها عند المنصف شرحه ماعجبني لكن تصحيحه خفيفففف و التمارين مالك و كلهم كويزاتهم سهلة
شرح مجاني و خفيفف من التروث تيبل الى الدايركت بروف >>> هديل المديني اكاديمية فيجن احسن لك
بعدها مع مالك لاني عانيت بالبداية افهم معه ماعنده مقدمة هههه و هو يحل يشرح لا تخاف و ان ودك تكون فاهم النظري شوف مذكرته المحلولة فيها القوانين
اغث شي ال inductive و strong مع انهم ثلاث خطوات و اذا مافهمت من مقاطعه بالتيلي روح اليوتيوب اقصر شوي
الباقي سهل
و يفضل تحل تجميعات لان المادة كذا
ماده سهله جدا جدا ذاكرت الميد بيوم ونص تفريبا علما باني مذاكره جزئيه الكويز فالزياده في جزئيه الميد تشابتر و نص فقط و درجتي كانت في ال أ الفاينل ذاكرته في ثلاث ايام و كانت غلطه بس انا ماخذه معها ريض ١٠٦ وجافا ون فصعب الموضوع علي و اهملتها ولكن ال أ فيها سهله جدددا
ماده غريبه بشكل شبه مستحيل تطلع منها ب A+
ابدا مو ريض واسألتهم غريبه مره والماده مهمه من ناحيه دكتور دور دكتور تصحيحه رهيب ولا بتروح فيها
اغرب مادة درستها no questions asked حرفيا ياتصير فاهم كل شي وتعرف تحل السؤال كله او بتترك الصفحة فاضية مب من الصعوبة بس من الغرابة (التشابترات الحلوة Proposition logic and trees and boolean algerba(اسهل التشابترات)- اهم المصادر بالنسبة لي كانت مذكرة ابو عمر برمجي و مقاطع مالك و اختبارات ماضية لانهم يجيبون نفس نوعية الاسئلة و مقاطع عبدالله الزوم بالتيليقرام والمادة اذا عرفت نظامها وطرق الحل المختلفة بتصير مره سهلة بس يبيلها تدريب و فهم للconcepts حقت كل تشابتر وبس 👍🤓
اسوأ ريض بتاخذونه
المنهج غريب واسئلتهم اغرب
جبت قريد حلو لكن المادة وع وغثيييثة وهبد بهبد ولا تدري وش يصير بس تمشي
مادة غثيثه لازم تعطيها حقها , اغلب دكاترة التمارين فيها سيئين مثل مالك , مصدرها الخارجي مقاطع مالك , كل درجات الماده اختبارات وكويزات , لكن عموماً الماده سهل تجيب قريد عالي اذا عطيتها حقها
كل كثر المدح الا انها م عجبتني ابد ابد لان م كأنها رياضيات والماده مزعجه بالنسبه لي
من اجمل و اخف المواد بس ركزو بالشرح و افهموها و حلو تجميعات تعتمد على الفهم اكثر من التدريب لان نمط الاساله و الاجابات واحد
بس البروفز و الريليشن شوي صعبين قبل الميد كنت مره خايفه منهم بس لنا بديت اتدرب يصيرون مرههه سهلين في وحده اسمها kembrly تشرح الماده بيوتيوب مره حلو شرحها و مختصر و لا تستغنون عن التجميعات حرفيا هالماده كل الاختبارات كانت شبيهة بالتجميعات
الماده مو ريض ابدا مادري وش هي شيء غريب ، عموما اغث تشابتر البروفز اذا خلصتوه وفهمتوه زين بالنسبه لي الباقي تهون ، تشابتر ٩ يسبونه بس بالنسبه لي صار سهل مع كثرة الممارسة ، نقصت كثير بالميد بس الفاينل كان سهل مره وكله تجميعات
ماده تافهه اهم شي احرص ان يكون تقييم دكاترتك (المعيد والمحاضر) زين فالدرجات بالذات لأن الماده اذا بغا الدكتور يغلطك فيها بيسرف
ماده تافهه والله بس لا تراكمها واعتمد على مقاطع مالك وحاول تنزلها عنده و ( انحششششششش) من حازم حنفاوي لانك بتكره ام عيشتك ولو نزلت لك عنده احذفها اصرف من بدري اصرف لك لانه بيخسف بك بدون سبب
مادة غريبة صراحة متعودين عالريض انه ارقام فجأة ما تشوف الا قوة براهين ، على كلٍ هي بسيطة لا رتبت امورك ومشيت من بدري مع مالك ودكتورك مب تراكم لين الميد والفاينل وتبلش < هذي غلطتي لحد يسويها
الماده حلوه لكن ممكن في البداية تحسينها غريبه لكن سهلة و انصحكم ب د مالك عنده قناة بالتلقرام تلقون فيه شرح الماده شرحه حلو ، استمتعو فيها
ممكن اسهل رياضيات مر علي لكن اسوء واغث واحد بمراحل ماده حرفيا مادري وش تبي كل سوال طريقة حل مختلفة ومصادرها زباله وانا كنت منزل عند العراجي وهو مرا مرا يدقق بطريقة الحل وقروشني بس الماده بالنسبه لي عقيمة جدا و ماستمتعت فيها نهائيا من المواد الي مذاكرتها ثقييييييلة عموما نزل عند المنصف محاضره و تمارين نزل عند طنش + هج من مالك ك محاضر لانه يغثك غثى مقاطعه تكفي لل تنزل عند مالك تراه بثر بثر شرحه جيد بس انه بيشغلك
المادة عادية بس انا غلطتي مسكت المنهج كامل بيوم كثر الله خيري جبت سي بعد
من اغرب المواد الي اخذتها بحياتي، المحتوى سهل لكن غرييب الحل عباره عن هبد ماتدري من اي منطق ومن اي طريقه صار الحل كذا، ماراح تستوعب الماده وش تبي الا متاخر لان فعلا ماتدري وش تبي الماده مواضيعها غريبه وحلول الاساله اغرب، كل دكتور له طريقة حل والسؤال ينحل اكثر من طريقه، باختصار مادة هبد، اهبد بالحل ان عجبهم بتاخذ درجه وان ماعجبهم بيعطونك صفر بدون تفاهم لان دكاترة ذي الماده سيئين بشكل لايصدق بالتصحيح وبالشرح
مادة سهلة لكن مصادرها قليل وغير واضحه
افضل حل انك تركز مع دكتورك بقدر الامكان بعدين تشوف مقاطع مالك مشكلة مالك احياناً صعوبة وصول المعلومة بسبب انه كان يخش بالتمارين على طول وماتدري وش يسوي عشان كذا يحتاج تفهم من دكتورك اول بعدين تتابع مقاطعه
نصيحتي لاتدخل الاختبار الا وانت شايف كل الاختبارات السابقة من 1439 الى اخر اختبار بعدن ماتذاكر المنهج كويس واضمن لك درجة جميلة ان شاء الله
هالمادة بدايتها كان علامة استفهام وشرح الدكتورة ماكان يساعد لذلك لين نهاية السمستر وهي علامات استفهام وانا شخصيا ماحبيت المادة اول تشابترات يبي لها احد متاسس زين عشان يفهم على طول وماكان فيه احد يشرح الا هديل ومااعجبني شرحها بالبداية اعتمدت على ملزمة مالك وكان غلط لان كان فيه ملزمة هيام اللي ماامداني عليها مفيدة للبنات خصوصا لان الكويزات والميد من قسمنا ملزمة مالك ماتفيد الا بتشابتر ٥ لكن مالك بالفاينل مرره زينه انصح فيها مع قناته وللمراجعة ترا افضل قناة شرح للمنهج باليوتيوب حقت dr.Ahmad hagag
والله الماده سهله مره انت بس ذاكرها زين وتدرب عليها قد ما تقدر (ملزمة مالك مهمة) واضمن قريدها صدق ما تسوى انك تنقص فيها
مقرر غريب 😂 اول شابتر سهل بعدين شابتر ٢،٣ صعبات بعدين الباقي كله سهل جدا جدا ..
عالعموم مالك مهكر المادة تشوف مقاطعه وشروحه وخلاص وضعك تمام
الماده سهله لكن الاختبارات صعبه
افهموا مع دكتورتكم + حلو كل المسائل والتمارين الي معكم وال A+ بالجيب ان شاء الله.
اصعب شي بالماده يبداء من ١.٧ الى نهاية شابتر ٩،
شابتر ٥ غثيث بس اذا حليتوا كل المسائل والاكسرسايزز بتعرفون تحلون.
عندكم مالك باليوتيوب اذا فيه شي مافهمتوه وانصح فيه ل شابتر ٥ و ٩ | التشابترات بعد ٩ تافهه مره مره. اذا قرب اختباركم اسحبوا على التمارين وذاكروا التجميعات لانها مره اهم والاختبار يجي نفس افكارها بالضبط. الكويزات للبنات اختياري حاولوا ماتنفعون فيها لان الاغلب ينقص عليها مو على المقالي.
الصراحة المادة يبيلها شغل, الشابترين الي بالنص يبغالك تشد فيهم والباقي كله سهل, تابع مقاطع مالك (ولو دكتورك حق التمارين خالد طنش احسن واحسن), وتجيب ال +A بالراحة بإذن الله
المادة سهلة و حلوة اذا انت من محبين احص ١٠١ و كارهين ريض ١٠١ الصدق
طبعًا بتحس انك ضايع و حايس رح دور مقاطع مالك و امش معه
اول تشابتر ماتوقع له مقاطع بس سهل تحفظ قوانين و تطبق
الاوضاع سهلة والمنسق حبيب اختباراتها بسيطة و رايقه المادة يبيلها روقان لانها كلها اغلبها بروفز
مادة سهلة كمفهوم ودروس ، لكن صعب تجيب طريقه حل ترضي دكاترتها
الفاينل كان سهل مرررررررة لأنه موحد
وبالعادة البنات يحطون لهم اسئلة سهلة
حلوة مره المادة مافيها تعقيدات يمكن تشابتر واحد او اثنين الي شوي فيهم شغل لكن الباقي سهل الحمدلله أسهل ريض أخذته
الفاينل بالنسبة لي اسهل من الميد بكثييرر + دكتورة نهى مره متعاونه وتساعدك بقد ما تقدر
المادة حليوه مع ان الميد ماكان عاجبني مره وزفت فيه
بس الفاينل بالرغم من انه موحد مع العيال واسئلتهم بالعاده مش ولا بد لكن كان فاينل ١٥١ سهل جداااا
مادة خفيفة قوانينها قليلة اللي عليك تحفظ اساليب الحل وتشغل يدك على مذكرة مالك وفيه مقاطع لمالك ع اليوتيوب تستفيد منها بشكل كبير
المادة حلوة واختباراتهم بعد مب شينة
٣ قريدات طيرتها بخطئي أنا سحبت على درس وجا صفحة كاملة عنه بس المادة عادية ويبي لها فهم اول بأول وتدريب
اوكي انا درستني هندية وما كنت افهم لهجتها زين فالصدق كان حظي زفت شوي
الي باقوله عليكم بملزمة مالك، هيام خذي الشرح منها وطبقي عند مالك وان كانت دكتورتك صاحية فيمكن ما تحتاجين هيام حتى.
المادة سهلة وملزمة هيام تشرح كل شي وتحل كل التمارين. خصصوا يوم كامل لحل التجميعات قبل اي اختبار للمادة لان التجميعات كثيرة ويجي نفس مستواها
الماده سهله الصدق ، الشي الوحيد الكريه فيها هو شابتر ٥ بس لو تشوفين فديوات مالك بيصير سهل.
حل كل تمارين مذكرة مالك وأ+ بجيبك ان شاء الله
واذا تبي شرح شف شرح مالك المسجل
(مذكرة مالك حقت معيد تمارين)
الماده ولا دكتور عارف يوصل مفهومها عشان كدا خد خصوصي ابو مهند واحفظ وطببببببببق
سهلة بس يبيلها دكتورة تفهم وتركيز والكويز والميد كانوا قص ولصق من الترم اللي فات
المادة بالبداية غريبة مررة بس مع الوقت تتعودون عليها واحس لازم مصدر خارجي ولازم تتمرون على التجميعات كثييير لانها تتكرر
التشابترز تتنوع مستوياتها فيه السهل وفيه الصعب ، الاسئلة ماتخرج عن الكتاب مايحتاج تذاكر تجميعات
ذاكروا زين وتستطيعون، تصحيحهم بالفتري كان جلد تدقيق مب طبيعي، والنهائي اسئلة من الفضاء لكن الظاهر رقعوا لنا درجات اخر شيء لأن ما اتذكر اني حاله بالنهائي زين ابد.
المادة ماهي صعبة بس تحتاج ممارسة ودكتور ومعيد ممتازين
بس يبي لكم تحلووون كثييير وان شاء الله بيمشي معكم لان الاختبارات نفس نظام التجميعات والقسم حليلين بعد
