المادة ابداً مو صعبة لكن الي تدرسة ابداً مايجيك في الاختبار، المادة تحتاج حل كثير جزئية الميد الثاني بتكون اسهل من الاول لإنه تقريباً مراجعة للأول الا في جزئية الديبندنت بيكون متعب واخر تشابتر في العادة هدية ويجي في الفاينل وعليه من ٦-١٠ درجات(هدية اضمنوها)
ماده سهله بس الي يجيك ب الاختبار مو زي الي تدرسه عشان كذا حل اختبارات كثير وتدرب وبتطلع بقريد باذن الله
المادة كل مافهمت بدري وحليت كثير كل ما كان أفضل، أنا يوم بدينا بالac خلاص كنت متمكن من الكهرب شكل ممتاز وماكنت أشيل هم أي دائرة يجيبها الدكتور، بالنسبة للدوائر الصعبة بالميدات صعوبتها بشكلها تعلم الريدرو وتصير كل الدوائر واضحة
سهلة بس لاتتهاون فيها يجيبون دوائر صعبة بالميد الاول.
اتمنى يرجع بي الزمن واصحح اغلاطي واجيب قريد فيها لان المادة سهلة جدا.. اخي القارئ لاتكرر غلطتي حتى لو فهمت الدروس 100٪فهمك ماله فايده بدون لاتحل بروبلمز الكتاب والاختبارات السابقة + ادارة وقتك بالحل،المادة سهل القريد فيها لكن الحمدلله على كل حال عزائي الوحيد ان فيه احد بيقرا هالتقييم ومب مكرر غلطتي
مادة سهلة لكن يبيلها تتمرن كثير، افكارها بسيطة بس بعض الاحيان يجيبون دوائر صعبة بس اذا تمرنت ومرت عليك بتكون سهلة عليك
مادة سهل فهم الكونسبت فيها لكن الاختبارات فيها حقها و لازم تشد ، لكن جدا مقدور القريد العالي فيها
المادة مادة اساسية بالكهرب والسر فيها الحل الكثير مع فهم كيف تحلل الدائرة و بس تحفظ كيف تحلل لازم تعرف ليه سويت كذا وليه كذا وبتجيب A+ إن شاء الله
اهم مادة بالهندسة الكهربائية , مادة الصدق تحسها صعبه اذا ما تمرنت عليها لكن هي بالصدق سهله و افكارها واضحه و الدكاتره الي يدرسونها , البيشي و ال الشيخ كلهم ممتازين و تعاملهم اسطوري
