فيه دكاترة يدهم خفيفه ويدفون
السريهيد والشعلان
وبعدهم يجون المبارك واليزيدي(مدري إذا فيه زيادة)
صدقني اكثر مادة تتحتاج تكون فيها حريص على الدكتور
منهجها سهل وممتع بس الفاينل لان كل المنهج معك بتشوفه دسسم كذلك الماده بتأخذ من وقتك بالترم فحاول حاول انك تنزلها بترم مو دسم بس صدقني خذها بأقرب فرصه وافتك منها ورسالتي للسريهيد تضبط طلابك بس وانت عارف انه بعض الدكاتره مايدفون ليييه ياخيييي ليييه اتقي الله في نفسك
(ولد) مادة منفوخة بكل صراحة اصعب ريض بلا شك بس تهويل الناس كان موب طبيعي صعوبتها بطولها اكثر من مفاهيمها واشوف منهجها حلو اصلا وسهل بس اختباراتها متعبة مرة طويلة غالبا الوقت ما يكفي والصراحة انها مزاجية موب ثابتة المستوى اترام 46 حلوة( باستثناء الفاينلات) بس 45 كانت اصعب بكثير بس بشكل عام تقدر تجيب فيها قريد زين بس انها تحتاج جهد اكثر من باقي الريضات صراحة و اذا قدرت تنزل عند السريهيد او الشعلان واجتهدت غالبا 80% انك بتاخذ B+ وفوق واذا ما نزلك واحد منهم موب معناته ما تقدر تجيب قريد زين بس بتتعب
مادة مهما عطيته ماراح تعطيك باختصار.
فاهم كل المواضيع؟تحسبه كافي؟ بيغثونك باطول اختبار عشان ماتلحق تحل ويقولون ها شف اسئلة واضحة! ولا يجيك دكتور مايتساعد ب حجّة ان حلك مب نفس حلّي مب عاقل الخوارزمي..عالعموم الله يوفقكم بس شدًوا حيلكم لانه مرض
ياربي لك الحمد ما جت بالساهل ولكن ما فيه شيء مستحيل شد حيلك ياوحش المادة تبي من يعطيها حقها
الاختبار يا بيجيك صعب يابيجيك طويل جدا تخلص على نهاية الوقت
زبدة كلامي حرك يدك وحل كل الاختبارات السابقه محتواها اسهل من كل مقررات الرياضيات الباقية لكن اختباراتها للاسف صعبة
امراض نفسية وعقد هي الي ماسكه المادة مستحيل دكاترة
اسوء رياضيات بتاخذها شخصيًا خذيت ٦ مواد ريض وكلها كانت بالنسبة لي مستواها متوسط الى سهل وقريدي ما ينزل عن A+ وهذا ما استحقيت القريد هذا فيها لكن الله يجزاه خير الدكتور تساعد معنا ولا داخل الفاينل وانا B+ .
إشكالية المادة ان منهجها طوييييل وافكاره ماتخلص والمنسق كارثي يا يجيبلك سؤال ماينحل وفكرته مايحلها الا دكتور ولا يمغطك يإختبار طويل ولا يكفيك الوقت.
زبدة الكلام احرص انك تنزل عند دكتور متساهل ويده خفيفه بالتصحيح لأن مستحيل تجيب قريد كويس بدون مساعدة من دكتورك
الماده مادة حظ دكاتره ودكتورات محتوى الماده طبيعي
اهم شي بهذي الماده الدكتور اذا نزلك السريهيد اسجد سجود شكر لانه مب بيدفك بيزحف بدرجاتك والشعلان ممتاز والشمري ممتاز والمبارك جيد لكنه مايدف وحاول تذاكر هذي الماده اول ب اول وبتجيب قريد عالي وذاكر مع …………
الحمدلله حذفت المادة وباخذها برة الجامعة
لازم تتدرب كثييييييييييير عشان تتعود تخلص بسرعه بس بدون ماتغلط اهم شي لان بيفرق معك بالاختبار والله رحت فيها الميد الاول الاختبار حله يطول وانا اقعد نص ساعه افكر بالسؤال والوقت ساعه ونص بس مايكفي لكن لو تدربت وعرفت ترتب وقتك بتلحق تخلص وفعلا لازم تحرص تنزل عند دكتور يده خفيفه بالتصحيح لانك انت فاهم لكن وارد انك تغلط باشياء بسيطة فاذا دكتورك يده خفيفه يدري انك فاهم والغلط وارد ويعطيك درجة السؤال ولكن مو نهاية العالم اذا دكتورك ماهو كويس
باختصار شديد نزل عند دكتور زين اي بنت تقولك ان الماده صعبه انا ما ادري وش اقول ميدات سهله لهم بعدين يجون ينجلدون معنا بالفاينل هذا اولا ثانيا اي واحد يتبكبك هنا انه جاب العيد وهو منزل عند السريهيد ولا الشعلان ولا المبارك ولا اليزيدي يعني مدري وش اقول صدق عزائي صدق للي نزل عند المنجي ولا العراجي ولا الي زي كذا هو الي اكلها صدق يعني انا منزل عند المنجي بدينا ٣٥ طالب خشينا الفاينل ٨ او ١٠ باختصار نزل عند دكتور يدف وبس
لا تضيع ولا درجه بالميدات لان الفاينل بيشقك مهما ذاكرت ونزل عند دكتور يده خفيفه اهم شي عد ذي الماده لا يهمك القريد
لا ما دفونا دف انتي دكتورتك دفتك بس
الطلاب ليه يقولون انها صعبة ؟ لان الطلاب درسوا قبلها 106 بعضهم و خذوا 101 وكانوا فاهمين الوضع تذاكر ويجيك نفس المعتاد واللي بالاختبارات السابقة, لكن هنا تعتمد 200% على الفهم يعني سالفة انك تحفظ خطوات المسألة كيف تنحل وتدخل الاختبار تلقى السؤال جايك بطريقة ثانيه بتوقف ماراح تحل لكن لما تكون فاهم يصير مهما يغير بشكل السؤال يصير انت فاهم ومو متعود على طريقة وحدة بالحل, التدريب مهم و الفهم مهم لو فهمت وصعبوا السؤال تقدر تحله لانك فاهم مب حافظ صدقني مقدور عليها (الطلاب احرص تنزل عند دكتور يده خفيفه)
قسم البنات: الميدات مرة سهلة ادرسوا لها مرة كويس واضمنوها ، اما الفاينل كان دمار مرة صعب مهما درستوا ما ينحل لكن دفونا دففف لدرجة انا داخلة باقي لي درجة واطلع من الA+ وطلعت بA+ الحمدلله. لا تفقدون الامل وبالتوفيق للجميع.
محتوى المادة ابد ماهو المشكلة المشكلة بالاختبارات مب بس تحتاج فهم لكن سرعة حللل مهم مره انا بالميد الاول صرت على حافة الA بس عرفت وقتها ان السر بفهم النظريات و الحل الكثير والنتيجة لا الميد الثاني ولا الفاينل صار تعجيزي بالنسبة لي زي مايقولون, لاتاخذ التعليقات مقياس للمادة صح كثير من الكلام حقيقي بس انت وكل امرك لله وشد حيلك
المادة يبيلها شدة حيل ويبيلها واحد يحاول انه يفهم لا تحاول تحفظ - اقصد بالحفظ مب انك حفظ الارقام المعنى انك تحفظ طريقة الإجابة كأنها إجرائية هذا ماينفع في ذي المادة- وحاول تنزل عند دكتور صاحي مثل السريهيد والشعلان والشمري وماجد المبارك. وفيه ملزمة محمد ندا تعتبر أفضل الموجود. المشكلة ان الاسئلة كل شوي تتجدد والمواضيع كل شوي تتوسع وعندك نظريات كثيرة في المقرر فهم يقدرون يطالبونك بإثبات نظرية من بين 100 نظرية موجودة في المنهج فصعب انك تستوعب هذا الشي كله لكن عندك مذكرة محمد ندا كويسة.
لا تذاكر مافيه فايده بتجيب درجه خايسه حتى لو ذاكرت
الحمدلله على كل حال منسق يهودي يعنفك بالاختبارات
حمدلله على كل حال الماده بالنسبه لي ممتعه الا شابتر ٤ عند البنات كله نظرايات وكلام ما ينفع له إلا الحفظ بالنسبه لي وهذا غلطي لان كل الشباتر بعده مرتبطه فيه أنا أشوف التكامل وكل الريض قبله اسهل بالنسبه لي
حسبي الله ونعم الوكيل في من شارك بهذا الفاينل
حسبي الله على من عسر علينا ولعب بمعدلاتنا
منسق العيال مدري وش يبي عالعموم ماراح توصل مواصيل ابو ندا اذا كنت حاطه براسك🙏🏼وسلامتكم
" طالبات " الميدات متوسطه وتركز على الخطوات وفعليًا ٦٠/٦٠ مو سهل لا تتحطمون إذا نقصتو ٢-٤ جيبو اعلى اللي تقدرون الصح والخطأ لازم تبرير إذا صح أو مثال إذا خطأ ولا تنقصك الفاينل كان صعب جدًا وتوقعت اقل لكن جا أعلى الحمدلله كتبت القانون بس وشرحت كتابه بكم سؤال الاختياري 5 ما عرفتهم حطيت عشوائي تصحيح المقالي مراعي ما اشتركت بس كان عندي الملزمة لا تعتمدين على النظر وحلي بيدك واختاري دكتورة تشرح زين واحرصي على الحضور بيصير وقت الفاينل تركيزك على التدريب مب الفهم من الصفر فتضمنين درجه ممتازة بإذن الله
غير الفاينل
تصحيح الميد يجيب المرض نصيحة خشوا بعينهم لو شكيتوا انهم منقصينكم بغير وجه حق
بيخلونكم تلفون على الدكاتره كلهم اذا تصحيحهم غلط لا تيأسووووون انشبوا بخشومهم لما يعدلون الدرجة
ولا تحذفون المادة لمجرد انكم طيرتوا قريد قريدين ثلاثة لان المشكلة فيهم مو فيكم❤️
واذا شفتوا احد جايب ملزمة للجامعة اضربوه
"بنات" اوك كمحتوى المادة صدق ممتعة و ما ينطفش منها، مشكلتها يمكن انه نظرياتها كثيررةة بس عادي يعني يمشي الحال. وقت الميد عشانها من البنات يجي الاختبار يهبللل حاولو حاولو تدخلون الفاينل ب ٦٠/٦٠. الفاينل يجي من العيال و المنسق الله يهديه يحط اسألة حتى لو انك لاحس المنهج لحس مرح تقدر عليها. الدكتورات كيوت يشيلون بعض الاسئلة الغريبة و يحطون أشياء شوي منطقية، بس لسا تبقا أشياء ما انشالت بطير ٤-٣ درجات إذا انت دارس زين غير الاسئلة الثانيه الي ممكن تنقص زيادة. فنصيحتي اضمنوااا أعمال السنة
*للبنات *
الماده ك محتوى سهله جدا والميد الاول والثاني سهلين ف حاولوا تضمنون درجتهم لان الفاينل يكتبه منسق العيال و مستواه اصعب بكثير ف ابدوا ذاكروا له من بدري وحرفيا ذاكروا كلل شي واعيد واكرر شدوا حيلكم بالميدات اذا تبون تطلعون ب قريد جيد
نجحت فيها وهذا صراحة من انجازات في حياتي
مادة كمحتوى سهلة وممتعة بس المنسق يهودي ولد يهودي اتمنى انه يقرأ التعليقات عشان يعرف اني ادعي عليه
الماده الصدق حلوه مره واستمتعت وانا اذاكرها وشديت حيلي مره مره اكثر ماده ركزت عليها بس مدري وش صار بالفاينل صدق صدق الوقت كان مره مايكفي انسحبت الاوراق رانا ماخلصت عموما مااخوفكم مقدوره عليها بس يبيلها تدريب سرعة حل اكثر من اي شي ثاني لان حرفيا كل شي فاهمته بلاختبار بس ماامداني وخلاني استعجل باشياء كثيره ولا امداني على كثير داخله وانا اي بلس وطلعت بي من الضغط
اذا جبت D+ حطها بلنكد ان على طول، وترا البنات يقولون الفاينل اصعب لانه موحد مع العيال، هي المشكله كلها بمنسق العيال
" للبنات "
والله المادة محتواها مو صعب ابد مقدور عليه ومفهوم لا تستصعبونه لكن المشكلة بالاختبارات الفاينل
وعليكم بالدعاء لان حسيت القريد ارزاق اكثر من انه اجتهاد هذا مو يعني انكم ماتجتهدون!😭 لا تحتاج مذاكرة جدا لكن ادعوا لان يوم طلعت القريدات ناس قالوا دفوووونا مرة وناس لا وانا من ضمنهم دخلت أ+ وطلعت ب لكن تخطيت 🤲🏼
دعوواتكم لي بليز
داخله اي بلس وطلعت B تفجير اقسم بالله
كنت داخله ب A+ وطلعت ب B+ مايحتاج اقول شي واضح لكم
كنت داخله ب B+ وطلعت بدي بلس شوفة عينكم ,يعني مدري احس حتى الخصوصي ما نفع ،حاولو تضمنون درجات اعمال السنه قد ما تقدرون عشان حتى لو عيدتو بالفاينل ما يكون بداك السوء
دخلت الفاينل A طلعت C+
ويا المنسق اذا تقرا كلامي تراك بزر
المادة كا محتوى سهله لكن المنسق مايبيك تجيب قريد عشان يكسر عين ابو ندا قسم بالله تحسه طفل مب دكتور
اذكى شي ممكن تسويه خذوه صيفي بجامعه ثانيه بينزل لكم القريد بدون درجه ولا يتاثر بالمعدل ،ولا اذا خذتوها بسعود توقعو اسوء درجة،مهما ذاكرت للفاينل مافيه فايده لازم يحطون تريكات تخليك ما تدرين وش تحلين، بالنسبه لي لو يومين قبل ذا الاختبار ذاكرت ماده ثانيه اصرفلي من هاذاااااا
ياخي مب معقول ليه مايكون فيه رقابه على الاستهزاء الي قاعد يصير! تدخل فاهم الماده بس لازم يعقدون الاسئلة، الاختبارات وظيفتها تقيس فهمك للمنهج فقط، مب تحدي.
مشكلتك مع واحد خارج الجامعه وتجي تصعب الاختبارات وطلابك تسطحهم بالقريدات 🤔 مدير المنطقيه
قبل تقول اي شي تذكر ان حبايبنا تاكين ب يوني ريت ويقرون كلامكم
لاتضرون الطلاب اللي بعدكم وتقولون كلام ممكن يضرهم واعان الله الطلاب على هم المادة - ماهي تعجيزيه ولا صعبه مره مره بس بتاخذ منك وقت عشان تجيب قريد فيها
بخصوص الي يقول الطلاب سبايك والله انه صادق
بكره فاينل هذي الماده ان نجوت فهي الرحمه وان هلكت فهو الظلم
الي تحتي، وش دعوه الطلاب سبايك، الدكاتره بيدهم كل شي ومهما اشتكينا مافيه فايده مالنا الا الدعاء وحسبي الله على اي احد له دخل بالتصعيب الي جالس يصير
طلاب جامعه سعود مع كامل احترامي هم اسىِك طلاب شفتهم في حياتي،ياخي عدد الطلاب اللي ياخذون الماده يصل تقريباً الى500طالب ورا ما تطلعون تتكلمون قدام الناس وتقدمون شكوى عشان يحسون فينا لازم تصير فيه خطوه جريئه من الطلاب ويطلعون يتكلمون ويوصلون معناتهم،اقسم بالله دراستنا الجامعيه صارت كابوس ب النسبه لنا والسبب تسلط الدكاتره علينا.
مرت سنة تقريبًا على دراستي لهذه المادة وما زلت أسترجع التجربة وأفكر فيها كثيرًا، باحثًا عن إجابة لسؤال حيرني:
لماذا كانت الأسئلة بهذه الصورة؟
ولماذا يتعمد البعض مهما كانت مناصبهم الضغط نفسيًا على الطالب؟
هل هو إثبات سلطة؟ أم هروب من ضعف أو ماضٍ مؤلم؟
لا أعلم، لكن المؤكد أن ما حدث كان تجربة قاسية ما زالت آثارها باقية
ولهذا ادعو دائمًا على كل من ساهم في هذه المعاناة بشكل مباشر أو غير مباشر
نزل عند الشعلان، السريهيد ، المبارك ، الشمري وبتشوف كل خير.
بخصوص المذاكرة فيه بلاي لست لمقاطع الدكتور تركي السريهيد على اليوتيوب أفضل من مليون ابوندا ذاكرها ثم شف الاختبارات السابقة وأمورك سليمة.
انا خريج لكن مازلت بين فترة وفترة ادعي واتحسب على القسم اعان الله اي طالب ياخذها
اسال الله انه يكون بعونك على ذي الماده نصيحتي تقرب من ربك اكثر عسى الله يطلعك من ذا الماده باقل ضرر
يارب انتقم لكل طالب درس هذا المقرر
اختبارات صعبه وسيئه الوقت غير كافي والشرح لا يوافق مستوى الاسئله !!!!!
يعني مدري وش اقول القسم ماخذينه وضعية تحدي مايختبرون فهمك
على كثر مقررات الريض الي اخذتها
المقرر هذا يواجه مشكله مع الاسأله الي تنحط بالاختبارات ومستواها
والمشكله الاكبر عدم وجود وقت كافي انك تستوعب الاسأله هذي
ينتهي نص الوقت وانت ماحليت الا ٣ اسأله بسبب طول الاسأله وتضيع درجتك بالمد عشان الوقت
اتمنى يشوفون حل للمنسق
وطريقه انتقاءه للاسأله الي تنحط بالاختبارات
والله ان المقرر منطقي محتواه ولكن الاختبارات للاسف عكس ذلك
ياجماعة الخير يا بشر مين مثلي شافت الميد معقول بس انخسفت في درجة الميد ؟؟؟؟؟ مو معقوله درجة تحت العشرين و المشكلة اني طالعه وانا حاسه اني مستحيل انقص اكثر من ٣ درجات من كثر ما اني حاسه اني حاله زين !! نعم يعني جالسه افكر إذا الدرجات كذا بالميد الاول اجل كيف الميد الثاني و الفاينل
يا جماعة والله ما اكذب عليكم تبون قريد تبون يتعاون القسم المتحًلف المعىًل هذا عليكم تداومووون تراهم ما يصدقون خبر تغيبون على طول مصادر خارجية ويجيبون لك اختبار الدكتور نفسه لولا رحمة الله ما كان حله خصوصاً الميد الثاني والفاينل، شدوا حيلكم وفالكم اعلى الدرجات والمادة كمقرر ممتعة ترا لا تشيلون هم بس احضروا ونزلوا عند الدكاترة المعروفين مثل الشعلان والمبارك كويسين والله والشمري بعد سمعت انه ممتاز
اسال الله العظيم ان ينزع البركة من راتب اي دكتور يصعب المادة ويضيع راتبه بالمستشفيات
{ وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ * مُهْطِعِينَ مُقْنِعِي رُءُوسِهِمْ لَا يَرْتَدُّ إِلَيْهِمْ طَرْفُهُمْ وَأَفْئِدَتُهُمْ هَوَاءٌ}
اللي اخذوها سنة ٤٥ معي هل مازلتم على قيد الحياة؟ اخخخ والله اذكى قسم بالجامعة اغلب الدكاترة مسوين انهم مرنين بالحضور ومايحرمون ومايحضرون اصلا تدري ليه ياعزيزي الطالب ؟ عشان تغيبون ويجيكم اختبار ماقد شفته بحياتك ووش السبب ؟ والله تغيبون وتذاكرون مصادر خارجية ماتركزون مع الدكاترة !!! طيب انا وش اسوي اذا معي طلاب مايبون يداومون؟ حضر ياخي وفكنا لكن لا هم مسوين ذي الحركة ومايحضرون عشان يشوفون الدفعة وش وضعها نصيحة داوموا حتى لو تدري انك مب محروم اذا شافوا حضور محترم بيتساعدون معكم عالاقل بيدفونكم
اختباراتها صعبه والله الصدق مقارنة بالمواد الريض الثانيه لازم دكتورك يفزع لك ب ذي المادة عشان تعدي "اذا انت طالب كويس مايهم الدكتور ان شاء الله تشق المادة حتى لو دكتورك ماش" الشي اللي يقهر بصراحه على ايام دفعتي اني نزلت عند احد افضل دكاترة المادة بس طلاب شعبتي استغلوا طيبة الدكتور ويغيبون لانه مايحضر واخر شي مادف اغلب طلاب الشعبه نفس شعبته الثانيه ومعه حق كل محاضرة كان مايحضر الا ٥ طلاب او ٦ و نشوف فيه الزعل على عدد الحضور وكانه تنرفز وبدا يتغير مب نفس بداية الترم كان حبيب مره
نصييييييييييييييحة احضروا احضروا لا تغيبون ولا تجيبون مذكرات اي مصدر خارجي ولا تتكلمون عن اي مصدر خارجي وبتجيكم اختبارات معقولة
المادة مب مشكلتها فهم مواضيع عشان تشترك مع خصوصي، المادة علتها باختباراتها واللي القسم يعقدها بافكار جديدة ومجردة. عشان كذا حاول تثبت اغلب النظريات او شف اثباتاتها لأنك بتستخدم هالطرق بمسائل اخرى وبتكون فاهم وحافظ النظرية ومتى تستخدم. انا اعتمدت على الكتاب ولكن فوضوي بالاخير شوي بس شرحه جبار وتمارينه بنفس مستوى الاختبار وأصعب وبعضها نسخ لصق، وشفت شرح السريهيد، كويس بس بيعطيك النظريات ولازم تراجعها كثير لين ما ترسخ وعيبه ما عنده مسائل تطبق عليها. الميد الاول سهل جدا حاول تضمنه، الصعوبة بالباقي بس
والله مره مره يبي لك تشد لاتقعد تدور قريد بس انجح وافتك من عمرك
الله لايوفق اي طالب يجيب مذكرات خصوصي معه الله لايوفقه كانه متعمد ادعوا عليهم ذولي اللي صعبوا المادة وبسببهم طاحت قريداتنا ,,, في بعضهم مساكين مايدرون يشتري المذكرة من طالب قبله بدون مايكلم الخصوصي وتلقاه مايدري انه ممنوع يجيبها ويجيبها معه بالمحاضرة يحسب انه مجتهد كذا علموهم ترا بعضهم مب متعمدين والله نبهوهم
(( البنات ))
اول شي لا تشيلون هم الميدات ابدا ان شاء الله انها مضمنونه بس الميد الثاني حطو جهد اكبر فيه لانه اصعب من الاول ونصيحه جمعو درجات قد ماتقدرون بالميدات وحاولو تجيبون مجموع قريب من ٦٠ لان مقدور عليه ميداتنا تعتبر سهله ، الفاينل موحد من العيال والمنسقه تحذف الاساله الي تشوفها صعبه ((بسس)) لازم تترك كم سوال يكون مستواهم عالي لا تتوقعون ان الفاينل يجي بسهوله الميدات ، انا دخلت ومجموعي A+ وطلعت بA والسبب كم سوال كانو صعبين بالفاينل يعني احسبو حساب كم سوال صعب بالفاينل بيروح عليكم
نصيحة لوجه الله وانتم بكيفكم وكل طالب يتحمل لاتقول ان ماراح أأثر لكن ترا اكثر شي لاحظته القسم يركز عليه عدد الغيابببب .. لاتقول مايحرم دكتوري او مايحضر انتبه من الدكاترة وبالأخص "طلاب تركي السريهيد واخلاق " اذا لاحظوا فيه غياب بيجيبون اختبارات مستواها عالي جدا يحسبون ان الطلاب ساحبين عليهم ولاتجيبون طاري اللي ببالي وبالكم كلكم تعرفونه لاتجيبون طاريه ابد ابد ابد وترا الغياب كل الدكاترة بس اللي ذكرت اسمائهم هم بالاخص يعني ولا حتى الباقين يدققون وموفقين خير
اهم شيء نزلها عند السريهد يشوتك شوت واشترك مع ندى وتمشي فيها
ماده غثييثه لحد يدور قريد عدها بس.. يبيلها مذاكره اول باول ضروري خياراتي بالدكاتره للامانه بالترتيب الشعلان بعده المبارك او السريهيد متقاربين مره.. اذا اخذتها عند المبارك اكتب قد ما تقدر يعطيك النص حتى لو غلط مايقصر يده خفيف مره.. السريهيد يده ثقيله بس بالقريد يدفك واحد او ثنين بعضهم ٣ حسب مزاجه ماينضمن والله نصيحه سجل مع ابو ندا و لحد يهتم بقريد الماده عدها وبس لانها تاخذ جهد و وقت بالترم على الفاضي( اسئله صعبه جدًا و افكار جديده دائم)حط حيلك بالميد الاول لان الثاني غالبًا تنخسف و الفاينل بعد
المادة معقدة فالمذاكرة وبتتعبك لان فيها افكار كثير مرة، الافضل تذاكر قبل الاختبار بفترة او تتبع مع الدكتور كل محاضرة عشان تفهم وتسهل عليك المذاكرة
الاختبارات فيها صعوبة بس يمديك تحل اغلب الاسئلة اذا مذاكر زين
نفس كلام اللي تحتي بالضبط ، ركززز مع السريهيد واحضر معه واشترك مع ابو ندا وصدقني بتعديها ، لان الافكار الصعبه من السريهيد وبمحاضراته للمعلوميه يعني طبيعي يشرح لك فكره مجنونه وتشوفها بكره فالميد ، ماده يبيلها مجهود والله ييسرها لكم من عنده يارب ، كثر الدعاء واقرب من ربك واكثر من صلاه الوتر ، كابوس وانتهى حمدلله
اعتمدت على محمد ندا واحضر عند السريهيد واشوف سلايداته والحمدلله طلعت بقريد ممتاز المادة دسمه ماينفع تذاكرها قبل المد باسبوع حاول تاخذ راحتك بالمذاكره ولاتسرع مقاطع ابو ندا شفها كامله واهم شي شف من السلايدات طريقة حل دكتورك انا كنت عند السريهيد وماقصر بالتصحيح اهم تشابتر بالمادة تشابتر 4 الفيكتور سبيس وحل اختبارات سابقة اقل شي ٣ اختبارات
اخيرًا افتكيت من المادة القبيحة ذي الله يعين كل واحد بياخذها نزلوها عند السريهيد نصيحة والاختبارات لاااازم تذاكرون من بدري ترا الاختبارات شي واللي تدرسونه شي ثاني
المنسق؟ بيني و بينه يوم القيامه قسم بالله ما يمشي حىىىبي الله عليه الله لا يوفـ.ـقه والله مقرر مقدور عليه لكن مع ذا المنسق اهم شي تعديها داخل الفاينل ب طلعت د
المادة صعوبتها في اختباراته و اقولها للمرة الالف والله المادة ممتعة من ناحية الدروس والافكار وحتى تكاد تكون اسهل من 106 لكن المنسقين والي يحطون الاختبار معقدين ام ام الشغلة لدرجة الاختبار يصير تعجيزي وبدون مبالغة اصعب اختبار مر علي في دراستي الجامعية وخاصتا الفاينل ،، فنصيحتي لا تدور دكتور شرح دور دكتور يدف بالمختصر ، عندك منصور اليزيدي دفنا دفة محترمة
اول شي نزلها عند دكتور كويس (بالتصحيح) .. الشرح لا يهمك غالبًا بتشترك مع ابو ندا
المادة سهلة بالميد الأول وحاول تجيب فوق 20 .. الميد الثاني والفاينل المنهج يكون أصعب لكن مقدور عليهم لو كان الاختبار مب تعجيزي
عمومًا المادة صعوبتها بالاختبارات عشان كذا اقول نزلوا عند دكتور يده خفيفة
اليزيدي كويس ما قصر معنا.. والشعلان يقولون كويس
الي اختبروا فاينل 461 يعطونا رايهم باقي الاختبارات زي ماهي عليه ؟
المادة لازم تعطيها حقها مثل اي مادة ريض ثانية
ابو يوسف ماقصر بالشرح بالنسبة لي كان كافي و وافي
ميدات الترم ذا كانت اسهل من الترم الماضي يعني اشوف تقدر تطلع بمجموع ٤٠ وفوق بالراحة من الميدات غير ١٠ درجات التمارين
الفاينل بديت متأخر للأسف والاختبار ماكان سهل ابد كان يحتاج وقت مذاكرة
عموماً المادة مقدور عليها ان شاءالله ولاتشيلون هم
مواد الريض كلها تبي منك تفضي لها يوم كل اسبوع تلحق على الي درستوه (بالنسبة لي كلاس التمارين هو الي احاول الحق عليه وما أحضره الا انا الي حالة اغلب التمارين بنفسي) لا تراكمون ابدًا عشان ما تأزمكم، المادة بالنسبة لي طول السنة سهلة و خفيفة و مافيها تعقيد ولكن واجهت صعوبة ب جزئية الفاينل كبيرة مرة ف ربط المعلومات والنظريات مع بعض صعب.
مادة دراستًا متعبه متعبه مهما تحط من جهد لا تتوقع الكثير تعبت معها مره مرهقه عقليا ونفسيا تذاكر تذاكر وتحس انك فاهم ولما تخلص وتبي تراجع وش يصير ؟؟ يجيك فقدان ذاكره للي درسته قبل ، بالنسبة للميد ( البنات ) اشوفه لا بأس فيه والي حل الواجب ربح ٣ درجات بونس احرصوا عليها ولا تضيعونها بتشكرون نفسكم بعدين ، اما الفاينل فهو كارثه جحيميه إسرائيليه ، ما أنكر ان تقدر تجيب منه درجات ، بس لازم يحطون فيه سؤال راح تتركه فاضي من الحيره ، القريد للحين ما نزل بس حطيت اف لأن أبي انزل تعليقي فلا ترتاعون
ياعيال الي جايب قريد زين يقولنا وش الوضع لان كل المقيمين الي هنا يسفلون مره
يا اخوان اللي جاب قريد صاحي يعملنا الكيف البكائيات اللي هنا ازعاج على قل سنع
مادة سهلة يرجال ماعليك من كلامهم
الدارس فيها مفقود الخارج منها مولود
الماده متغيره من يوم ماجاء السريهيد لانه بلسانه يقول انه رئيس لجنه الاختبارات يعني مايحطون اختبار الا بموافقته والافكار الصعبه افكاره، الماده ممتعه كمحتوى لكن الاختبارات صعبه مره مره باختصار لازم تكون فاهم جذور الماده !نصيحتي؟ نصيحه خذها صيفي كزائر برا والله وتالله ان ترتاح لان الماده متعبه مذاكرتها وثقيله بشكل لا يوصف لو ماعندك مشكله تدفع وتاخذها صيفي برا وتركز بترمك لان احتمال كبير ياتحذفها او تحملها او بتطلع قريد مخيس اذا ماكنت متعمق بالماده مره حتى ندا مب فايدك مره هو حق انه يخارجك منها
المفروض يحطون خيار بقسم البنات ولا العيال لان صراحة الي عندنا شغل مبزرة عشان بس فيه خصوصي يشرح المادة بنوريكم الويل القهر مافيه احد بكل القسم يعرف وش يشرح اجل اسأل السريهيد عن السبان والفيكتور ما يعرف جواب وشحط بالموضوع عشان يضيع
عممت كل القسم لان صدق مافيه احد بيعتمد على شرح دكتور ويجب فوق الB وكله من اخلاق الي صاير
عالعموم قسم كله يحسب الوضع تحدي اجل يجيب نص الاختبار اسئلة ابستراكت ومحد قد شرحها خير شر!
المادة يبيلها خصوصي باختصار وتدريب كثير كثير
ويبيلها دراسة اسبوع اقلل شيء قبل الميد والفاينل اسبوع ونص ، واشتركوا مع محمد ندا وفالكم +A
اصعب اختبار في مسيرتك الجامعية، اسوء وأوصخ واقذر قسم ومنسقين، هذا وهم مسلمين اجل لو كفار وش بيسوون فينا
ما عمري جبت قريد خايس و ما انخسف معدلي الا من هالمادة و ما اقول الا حسبي الله على القسم لان طول مسيرتي الدراسية ما شفت اسئلة زي كذا مفروض يتكفلون بعلاجي النفسي بعد الي مريت فيه عشان اعدي المادة ذي بس
يعني مدري شقول اسوء ماده اخذتها الى الآن اختباراتها معفنه بمعنى الكلمه حتى مايعرفون يكتبون المطلوب بشكل واضح الله يعين اللي بياخذها بس نفس المحتوى مو شين
اقسم بالله اني اتذكر يوم طلع القريد وشفته D فرحت فرحه مافرحتها بحياتي كلها
إذا قدرت تعديها ب D يعتبر انجاز
مبدئيا المادة نفسها مااعجبتني المذاكرة كانت تطفش مره مافيه متعة بنات لا تستهينون بالفاينل ابداا هو يحتاج مذاكرة اكثر من الميدين بكثير اشوف اسبوع كامل تجميعات عشان تختمونها وتقدرون تفهمون اسئلة الفاينل بشكل عمييق لان ماتجي من التجميعات كل ترم يختر ع اسئلة جديدة انا دخلت الفاينل بb+ وطلعت c ، من وجهة نظري لازم خصوصي المادة صعب تنفهم دكتورتي شرحها ماكان واضح ابدا ماسهلت الموضوع علي
حطيت بلينكدن اني عديتها بكل فخر😎😎
اخذت المادة قبل سنة ونص وتوني اتذكر اقيمها
انت بس حاول تعديها لا تطلب شي اكثر من كذا وانت تذاكر تحس انك كويس وفاهم وتقول اللي بالتقيمات يبالغون بس خش الميد ولا الفاينل وشف وش يصير معك
الصراحه المادة غريبة ماتدري وش المطلوب منك والاسئله اغرب حتى لو حليت التمارين الميد ما يجي نفسه ابدا
لا تعتمد على التمارين في نهايه السكشن ابدا
اعتمد على الاسئله السابقه
لا تحذفها اهم شي افتك
دخلت الفاينل ب b طلعت ب d 🤡
تخيل معي عزيزي ان الطلاب وصلت فيهم المرحلة انهم يقولون ريض106 اسهل !! انت فاهم وش معنى الكلام هذا؟؟ المادة كمحتوى ممتع وسهل بس الاختبار يشقك لين تكح بمعنى الكلمة والله لو تذاكر 30 اختبار سابق ان يجيك اختبار يصلخك انت ومذاكرتك واختباراتك السابقة اللي ذاكرتها والسريهيد كان يوعدنا انه بيدفنا ولا خلانا نشم ربع درجة ما اقول الا حسبي الله ونعم الوكيل في الهنود اللي ماسكين المادة!!!!
اي رد ايجابي هنا يا انه قبل سنه ونص او انه من قسم البنات
الماده محتواها سهل مره لكن اختباراتها صعبه خاصه الميد الثاني والفاينل
ماده تافهه جدا وفهمها جميل وسهل لكن يكون عندك "لجنة" ما تفهم لا عربي ولا انجليزي وتحط لك اختبار صعب وطريقة كتابة اسئلته تحتاج تسأل المراقب معنى كل سؤال عشان تفهم المطلوب تحسه مكتوب من غباء اصطناعي مو من انسان
المادة كمحتوى سهلة لكن كاختبارات صعبة جداً سواء في الميدات أو اختبار الفاينل (قسم العيال)
بنات اكتبو ارآكم ننزلها ولا ناجلها اختباراتها تتقارن ب106 بنسبه لاختبارات قسمنا؟ لان اختبارات106 سهله يكتبونها
تكفون كلوا الكتاب في الميد الاول والثاني لان اخر تشابتر اللي بيحيكم في الفاينل صعببببببببببب بيخسفكم اول كيد بالراحه فل مارك (في قسم البنات) الميد الثاني كان اصعب بس ما زال تقدرين تجيبين فيه درجات لو شديتي حليك بس حنا كنا مضغوطين ونزل الافرح مرررره الفاينل ما كان صعب الله حق بس زي ما قلت اخر تشابتر صعب
يبدو لي أن المادة بدت تأخذ منعطف ثاني من أسهل مواد الريض لطلاب الهندسة إلى أصعبها هذا وأن دل دل على سذاجه القسم نفسه إلى متى والأستهتار بنفسيات الطلاب ودرجاتهم وش الهدف اللى ناوين توصلون له ؟
طبيعي جداً معدلك ٤.٨٨ وتروح عليك مرتبة الشرف منها
مانزلتها بس الله ياخذ من يصعب علينا تخصصي بحوث والمادة ذي متطلب لكل تخصص وعلى حظ دفعتي قامو يصعبونها
نصيحه إذا ذي المادة ما تفتح لك مواد الاترام الجاية لا تنزلها لا تنزلها لا تنزلها لين ما تسمع انه منسقها تغير أو حسنو من وضع اسألتهم غير كذا ترقب أسوء قريد في حياتك الجامعيه إن عديتها بعد
المادة كمحتوى عادية بس الاختبارات صعبة جدا
مالك الا تاجلها لين يتغير المنسق
بالنسبة للعيال، هذي المادة اصعب ريض ممكن تاخذها، المشكلة صعوبتها في اختباراتها مو محتوى المادة، ادع ربك انك تعديها على خير وسو اللي عليك سواء تذاكر من خصوصي او الكتاب او اي شي يخارجك منها. الله يعينك.
مادة محتواها تافه ، بس اختباراتها تعجيزية
ياشيخ حسبي الله عليهم بس الماده محتواها سهل لكن اختباراتهم عجيزية حرفياً مو اختبارات مقياس لفهمك هذي اختبارات مقياس لتعجيزك فيك خير حلها يخسفون فيها بقريدك ودرجاتك ومهما عطيتها وقت وذاكرت لها مابتحصل تعبك
ماده تشوفها تافهه بس تدخل اختبارها يخترع اسئلة من ريض ١٥١ ويدمجها معها وحتى فيه الدكاترة يشرح تكامل ببعض اسئلتها؟؟ الخصوصي مو مفيد بهذي المادة والمصدر الوحيد الكتاب بالمعنى الحرفي, اي مصدر غير الكتاب تراك ما بتجيب قريد اسمع هذي كويييسسس, الكتاب اهم من التجميعات, منسق المادة ابتلاء والله يريه افعاله في نفسه هو وكل من يكتب الاختبارات. اختبارات ١٠٦ كانت اسهل منها (متخيل؟)
نظام المنسق عند العيال عطوني وجه ولا بزعل عليكم . وفعلا زعل
التقييم بالنسبة للبنات: أسهل ريض ممكن تدرسينها بحياتك ميدات تافهة وفاينل معدل عليه لدرجة صار سهل
التقييم بالنسبة للعيال: أتحداك تنجح ميدين كل واحد أصعب من الثاني وفاينل تعجيزي لدرجة قسم البنات شافوا الفاينل قالوا لا ما ينفع وراحوا عدلوا عليه للبنات وصار سهل مرة
ما نقول إلا حسبي الله ونعم الوكيل على المنسق الظالم الله ياخذ حق الطلاب منه
درست قبل هذي المادة 5 مواد ريض وجبت فيهم كلهم A+ وهذي المادة جبت فيها C , حسبي الله على منسقها بس.
الي صار في الترم الثاني 445 استهبال الهندي ابن الكلب حالف ماتطلع بقريد الكلام للعيال المادة سهل جدا كا مفهوم بس يقدر يجيب اسئلة من تحت الارض اسوء قريد جبته في حياتي الجامعية كان +B بس بعد قريد 244 انصدمت ما ابي اخوفك بس تقدر تعديها بقريد ازين
مجموع اعمال السنه كان ممتاز جدا لكن الفاينل كان صعب جدا وحتى الميدات ،حاول تنزل عند دكتور كويس وتفهم الماده زين زين ولا منتب شايف قريد يرضيك
الماده فعلا مره صعبه
صدق انصح البنات يشتركون مع محمد ندا و يحلون من اسئله الكتاب و ان شاء الله تجيبون قريد زين
بس الحق حق الصعوبه المستحيله عند العيال الله يكون بعونهم و يسخر لهم منسقهم.
من اصعب مواد الريض اللي بتاخذها لو انك ولد وللاسف الصعوبة مب بالمادة لكن المنسق قاعد يتحداك مب طبيعي فرق المستوى بين اختباراتنا واختبارات البنات فرق شاااسع لأبعد درجة جانا ميد اول صعب و ميد ثاني اصعب ويوم جاء الفاينل شافوا افرج البنات مرتفع وقرروا يخلونه صعب بعد وما اكتفوا منسقين البنات على كذا اخذوا الفاينل وعدلوا عليه وخلوه اسهل للبنات والعيال اللي اكلوها عموما لو انك ولد الله يعينك ولو انك بنت ف بتعتبر مادة قريد او اسوء قريد ممكن تطلعين فيه B
دخلت الفاينل مجموعي ٥٩ طلعت ب+
فانك تعدين الماده نعمه لحد يهتم بقريدها
للعيال فقط -- اذا اعتمدت على ابو ندا حدك C اسال مجرب , نصيحة مني ذاكر من الكتاب (ذاكرت من الكتاب بالفاينل وحليت), بتقول وش اللي كتاب ومدري وشو , والله مذاكرة الكتاب ممتعة بشكل وتفهم المادة فهم صح وبتحل زين لان المنسق اخلاق مايبيك تحفظ حل يبيك تفهم وحل تمارين الكتاب مهمممة توسع مداركك واذا صعب عليك شي ياكثر اللي يشرحون باليوتيوب واذا ذاكرتها اول باول بتجيب A بالراحة بدون دف , تكفون ياشباب اكسروا عين اخلاق البزر
اذا انت ولد وقاعد تقرا تقييمات ايجابيه لاتنخدع ذولي البنات لاقينها, اختباراتهم سهله وهذا الصح يختبرون فهمهم لمواضيع المادة, اما اللي يسوونه قسم العيال استهبال والله يبونك ب5 شهور تصير عالم رياضيات مخضرم ومخترع 3 نظريات باسمك وماخذ براءة اختراع... حسبي الله ونعم الوكيل... القريد هذا والله رغم ان الدكتور بتل يرفس فيني لين وصلته لكن ورب الكعبة انه اكثر قريد تعبت عليه بحياتي
الحين تجي سوسو كاجموغلي وفوزيه بنت هنو وتقولك سهله وحاطه قريدها A وطبعاً مالها عذر تحط الا كذا لان ميداتهم تحلها بأصبع رجلك اليمين وفوقها صعبوا فاينلنا عشان آفرجهم عالي وفوق فوقها يوم وصل لهم الاختبار منسقتهم عدلته وصار اسهل
مادة تحدي بين ابو بكس والخصوصين لان واضح كبرياء ابو فسيه مقتصر على عند مين نفهم الماده
نصيحتي حاول بكل ما اوتيت من قوه تجيب درجه ممتازه الميد الاول لان ما راح ينقذ مجموعك بالفاينل الا هي
المادة الوحيدة الي تتمنى تاخذ زائر عند البنات
افرج شعبتنا ميد الاول 17 الثاني 14
وهذي شعبة بس وباقي الشعب تقريبا نفس بعض
طبعا الفاينل صعب ليش عشان افرج البنات مرتفع ولله ميداتهم تقدر تحلها بالنظر بس الي جانا ذا الترم شي جنوني ولله
ميدين صعبات وقالوا الفاينل راح يكون اسهل وبتطلع وانت بالقليل 33 ولا 35 لكن الي صار شي ثاني ما نقول الا حسبي الله ونعم الوكيل
الماده محتواها سهل ووقت المذاكره سهله بس الاختبارات كانه ماده ثانيه مو طبيعيه حتى البنات اختباراتهم صعبه بس الحق بالنسبه للعيال تعتبر ابسط بشوي من اختباراتهم المرعبه .. بكل الاحوال الماده كان ممكن تكون افضل لو الاختبارات ماكانت بذي الغرابه.. ترا ماجبت A بس اسوي لها جذب عشان كذا حطيتها
والله داخل الاختبار وانا A بس مدري وش صار بالاختبار فعليا الاختبار استهبال. يعني الميد الاول صعب والثاني صعب والفاينل صعب مدري كيف يبون نطلع بقريد ذولا. حسبي الله ونعم الوكيل من الاخير ابو ندا ممتاز وفاهم الماده وبيفهمك الماده لكن بتجي بالاختبار تشوف ماده ثانيه. الاسئلة المجرده اللي بدون ارقام واجد
اخذت 7 ريض بهندسة الحاسب ماشفت اصعب من اختباراتها ومحتوى الماده تافههه بشكل لكن الاختبار تعجبزي غير الدكتور الي يدخل بالفاينل والميدات ويضحك يقول كيف الاختبار ؟ توقعت الميدات صعبه بيسهلون الفاينل لكن الفاينل اخس منهم كلهم ، اشوف فيه مواد اصعب منها محتوى زي ريض٢٠٤ و ٢٠٥ واختبارات مو سهله صعبه موه بس يجيك من الي تذاكره لكن ذي غريبه تذاكر شي وتشوف شي ثاني
حسبي الله عالمنسق وام المنسق اللي ماربته عشان يطلعلنا اختبارات زي ذي ، مقرر ماراح تستفيد مهما ذاكرته لأن كل اختبار افكار جديدة عشان يستمتع بالدعاوي اللي تجي عليه
كلامي طبعاً لاختبار العبال ، حق البنات سهل جدًا بالمقارنة
شي يغبن اذا شفت الفرق بين قسمنا وقسم البنات
ما ادري ليش متسلطين علينا شي مقرف
لاتغرك التقييمات الخضراء تراها مب للعيال
قاعد اكتب الكلام ذا قبل ماينزل القريد بس اتوقع اني عديتها وانا عالحافه، قسم بالله مب مصدق اني افتكيت منها ماده قبييييييحه بشكل مايوصف، المنهج مب صعب تقدر تدخل الاختبار وانت فاهم وملم لكل شي بس المشكله الكبرى بالاختبار نفسه، طبعا المنسق مايبي يقيس مدى فهمك للماده قد ماهو يتحداك، اتوقع وعلى اللي شفته من اختبارات سابقه الاختبارات كل مالها تصعب ويجيبون افكار جديده
البنات اختباراتهم سهلة، العيال شق
المادة من تالي صارت صعبة مره وتحتاج تفهم كل شي ولا تعتمد على ابو ندا
المادة كمحتوى متوسطة الصعوبة بس الاختبار لفل ثاني، الميد الاول اسهل من الثاني بشكل عام حتى جزئيته اسهل عموما شد حيلك وفكر انك تعديها لا تفكر انك تجيب قريد
غالباً لاشفت تعليقي بتكون يا اما ناوي تنزل الماده أو نزلتها عموماً ماودي أحبطك ولكن الماده سابقاً كانت مادة قريد طبيعي لو انك جيد بالريض تطلع أ أو أ+ الآن مادة تطلب فيها السلامة لان للأسف منسقها حط براسه ان الطلاب يذاكرون من اسألة اختبارات فقط وأنهم مهملين النظريات فا كثير اسألة فيها نظريات ووجع راس وللأسف نسبة تكرار الاسألة السابقة كافكرة يعني لاتتعدا ١٠٪ الماده من الترم الماضي رسمياً تغيرت للأسواء فا كان الله في عونك يعني نزل شوي طموحك وموفق ان شاءالله
تذاكر وتراجع شهر قبل الاختبار وتحل تجميعات 6 سنوات ورا (تبلع الماده) وتحيب درجة سيئة واللحين بدخل الفاينل بذا القريد، حسبي الله ونعم الوكيل، الله يعينك اذا طبيت فيها حاول تمشي وضعك باي شي وروح عند دكتور يدف لعلها تتيسر لك.
ماتدري وش يبي المنسق والله ماتدري وش يبي يعني مادتك مال امها فايده بالتخصص ويجي يصعبها وهي سهله حسبي الله عليك يابو بكس
ماده اقسم بالله تظلمك بشكل
يعني طبيعي جدا تذاكر قبل الاختبار ب اسبوعين وتطلع من الاختبار جايب ١٥ من ٢٥
الماده محتواها مقدور عليه ولكن الي يحطون الاساله الله حسيبهم وبس
انحش بأي قريد اقسم بالله انها عقدتني هالمادة
والله مادة صعبة صراحة يبيلك تشد مره
ميد 1 و 2 سهلة مرة ومقدور عليها، دخلت الفاينل بA طلعت بC+
لكن ما اقول الا فكككككككة وبس
الله يعينك
حاول تنزلها عند الشعلان او السريهيد
الاخوة في الهندسة الصناعية وهندسة الحاسب: كمحتوى اشوف ان المادة اسهل بكثير من 204، لكن كاختبارات العكس تماما، 204 اذا تحفظ الحل غالبا بتمشي امورك لكن حفظ الحل ب244 بيجيب فيك العيد، لان كل سؤال طريقة حله جديدة ولو يغير كلمة وحدة بالسؤال منتب عارف وش بتسوي، فحاول انك تاخذ المادة كفهم عشان تضبط امورك، ونزل عند دكتور تصحيحه كويس اهم شي، زي الشعلان والمبارك واليزيدي
الماده دسمه وجزئية الميد الثاني وورا يتفننون فيها بكثير ويبيلها اجتهاد
افضل خيار للمادة الدكتور الاسطورة الشيخ تركي السريهيد سواء تبيه من ناحيه شرح ولا دف نصيحه لاتحتار
المادة بسيطة بإذن الله ذاكر زين وتفلح فيها + الدكتور منصور اليزيدي افضل واحد لهذه المادة من ناحيه التصحيح والإحترام والتعامل يكقي بس انه من صبيان عسير عسير الهول 🫡🫡🫡
باقي ما خذت الماده اصلا بس الي قهرني الي تحت بالله كل tbn 😍
اشوف الماده (omg oversize)🙃🙃 حتشقك وانت تضحك (wow very nice) 😀 الله يعينك (good luck)😌 وايه صح نزلها عند الشعلان ولا السريهيد عشان ماتحمل (damn good bye)!
صراحة المادة غريبة بشكل.. المحتوى أسهل وأخف من 106 من رأيي الشخصي بس الاختبارات اصعب like oh okay 😑😑بس عادي لأن ابو ندا أفضل من يشرح وأفضل من يحل أختبارات وافضل واحد in general, ف معه ماتحتاج ولا شي ثاني!(بإذن الله), حرفياً سجل معه المباشر و المحاضرات واحضر اغلبها + حل المذكرة بنفسك مع اختبارات ماضية و ان شاء الله تضمن اغلب الاختبار وبس (if i had a choice i wouldn't take this damn course but i don't so here we are 🤓🤓) ايه صح ونزلها عند الشعلان لأنه افضل دكتور رياضيات في العالم بدون منازع.
مادة رهيييييبة لاني احب الجبر بصراحة استمتعت بدراستها اشتركت مع دانة ابراهيم بشغوف شرحها حلو مرررة مرة مرة وترد عالاسئلة وكان في نسخة محلولة من الكتاب ارسلوها بالقروب بداية الترم تدربت عالتمارين بالكتاب والاختبارات السابقة وكانت منسقة المادة حنان العوهلي اسئلتها حلوة مرة وحتى الصعب افكاره بالكتاب ومن شرح الدكتورات فكانت الاختبارات لطيفة واكثر ريض استمتعت فيه الصراحة كاني العب لعبة او احل لغز لكن تحتاج مذاكرة اول باول خصوصا خصوصا اخر ثلاث تشابترات لان الفاينل اصعب من الميدات
اسال الله انه يكون بعونك على ذي الماده نصيحتي تقرب من ربك اكثر عسى الله يطلعك من ذا الماده باقل ضرر
نزلها عند منصور اليزيدي يدف دف ماهو بصاحي وذاكر اول باول
الماده محتواها وسط لكن دسمه مره ، والمصيبه الاكبر الاختبارات المنسق اخلاق يمخمخ عليها ، وبالماده ذي عادي يجيك الافرج ٦/٢٥ وذا الي حصل بالميد الثاني
بالمختصر اسال الله انه يعينك على اغث ريض تمر عليك
اسوء ريض بالجامعة لو نزلك دكتور مخيس انحش احذفها واجلها لترم ثاني ونزل مادة بدالها
لانها صعبة مره اسئلة معقده جداً يجيك شي غير الي تدرسه افكار غبيه واخر شي تخصصك كله مايحتاج هذا التعقيد برياضيات
حسبي الله عليهم بس
سريهيد او الشعلان او دكتور كويس تقييمه
لو نزلك اخلاق الله يعينك بتشد حيلك اخر شي بتلقم قريد معفن
حسبي الله على القسم تصعيب بشكل غير مبرر مادة سهله خلوها مادة صعبه
نصيحتي لك اذا يهمك القريد نزل عند السريهيد او الشعلان
لان هم الي يدفون بتصحيح ويخلون الطلاب يعتقدون انها مادة سهله
السريهيد يصعب الاسئلة مع اخلاق المنسق بعدين يجي بالاختبار يدف طلابه وياكلونها الطلاب الثانين
ذي اكثر مادة حطيت فيها جهد وطلعت بقريد اراه سيئ مقارنه بالجهد الي بذلته
نزل عند الشعلان ولا السريهيد , اشترك مع ندا واذا ما قدرت بتلقى مقاطع مسجلة للسريهيد ,ثقل المادة يبدا من التشابتر الرابع واغلب التشابترات مترابطة يعني افهم لا تحفظ, اضمن درجات الكويزات ولا تطيح عند معيد سيء.
اسهل من ريض ١١١ بكثير حلوه الماده الصدق ويمديك تلحق على نفسك لو تاخرت بالمذاكره بس الدروس تعتمد على بعض
المادة ممتعة ومترابطة بشكل تراكمي ( ميزة وسلبية ) ، الكويز الاول والثاني والميد سهل جدا الفل مارك اذا شديت حيلك ، الفاينل مشترك مع البنات وغالبا بتجي كم فكرة جديدة خلها اخر شي واضمن اللي تعرفه ، الاغلاط الحسابية البسيطة شائعة جدا لانه الحاسبة ممنوعة والحل لازم يكون سريع ، خذها مع دكتور يدف بحالة الA مثل المبارك ولا السريهيد
بنت
جزئية الميد والكويزات سهلللله جدًا وكلها تجميعات بدون مبالغة
الفاينل بيكون اصعب لأنه من قسم العيال لكن نصيحتي تمشون مع محمد ندا مع تدريب على اختبارات سابقة ( الفاينل مايجيب تجميعات كثير )
تحتاج تدريب وحفظظظ مره احفظوا زين عموما اسهل من ١٥١ وكويزاتها تقدرون تجيبون فيها فل مارك بالراحة وحاولوا تدخلون الفاينل وانتوا A+ لانه اصعب من الميد
المادة ميزتها انها مترابطة جدا يعني اذا فهمت تشابتر اللي بعده بيكون اسهل، حاول تنزلها عند السريهيد او تابع شرحه في اليوتيوب
المادة لين الميد تطفش وتافهة والدرجات فيها مضمونة، جزئية الفاينل ما كانت سهلة أبد وما فهمتها الا من شرح السريهيد باليوتيوب لأنه يشرح أسئلة تشبه التجميعات وفادتني كثيير
من اصعب المواد الي نزلتها رافعين مستوى الاختبارات بشكل مزعج وفيه ظلم بتصحيح يعني بتحصل شعب الشعلان والسريهيد درجاتهم اعلى من شعب ثانيه مثلا لانهم يدفون دف بذات السريهيد يجيك يصعب الاختبار على الطلاب بعيدين يدفه طلابه بس شغل م ب ز ر ه
الماده كفهم موب صعبه مره الا يمكن تشابترين بس
وفيه مصادر كثير بيوتيوب بس احسس افضل تشتركون مع احد مره بيسهل عليكم خصوصا تجميعات فاينل العيال ماكنت افهم شي فيه والبنات حاولو تضمنون اعمال السنه لان بيجيكم فاينل زففت اذا المنسق لسى احلاق
بعيد عن تقييم البنات اللي كله مدح لان الماده عندهم اسهل بكثير … ماده حرفيا تحتاج تكون فاهم رياضيات ١٠٠٪ لان المنسق في كل ترم راح يجيب لك على الاقل فكرتين جديدة والسريهيد ما صار يدف مثل اول ف نصيحتي لك ذاكرها اول باول مع خصوصي لو تبي ونزلها عند الشعلان لان درجات طلابه اعلى من السريهيد 😁
مادة جدا سهلة تحتاج دكتور يعرف يشرح وتحتاج تدريب و المادة من اولها لاخرها تعتمد على المصفوفات والعمليات عليها والمحددات وكل هذي سهلة بس التشابتر الرابع طويل وفيه شوي صعوبة تحتاج فهم وتدريب
المادة اجمل واسهل من ١٠٦ بمراااااحل.
انا شخصيًا ماعمري حضرت كلاسات دكتورتي ( حرفيًا معتمده على ابو ندا) والكويزات ما اذاكرها الا قبلها بيوم والميد ذاكرته قبلها بيومين. والفاينال بديت اذاكره قبله ب ٣ ايام (حرفيًا زنقة كلاب الله لا يعيدها ومره ما انصح احد يسويها ) وهذا قريدي الحمدالله، مب ذكاء مني بس الحمد الله الماده مايبي لها تدريب زي ١٠٦. اعمال السنة وخصوصا البنات يجي نسخ لصق من التجميعات وهي الي بعد الله ساعدتني مره. اما الفاينال اصعب وكان به شوية افكار جديدة فذاكروه زينن.
غريبه لكن تافهه،، اشوفها اسهل من ريض ١٥١ لكن في هذه الماده بالذات احرصي ان دكتورتك ممتازه ع شان ما تحتاجين خصوصي واهم شي حاولي تفهمينها اول باول لان مالها مصادر كثير في اليوتيوب نفس مواد الريض الثانيه،، اضمني اعمال السنة مالك عذر تنقصين فيها لان قسم البنات اسئلته حلوه ونفس افكار التجميعات،، الاختبار النهائي كان سهل و وقته كافي بقت لي ساعه وربع للمراجعه اهم شيء تدربي قبل الاختبار على التجميعات،، كل التشابترات سهله بنظري الا ٨ ونهايه ٤ يحتاجون مجهود اكثر من غيرهم
ماده محتواها سخيف و ما ينفهم مع اني اشتركت مع خصوصي بس الصدق ما كنت اذاكر اول باول من ضغط الترم الثالث و مستحيل يمشي فيها واحد فاهم فهم عادي فما بالك اذا حفظت بس الميد(بنات) كان سهل و افكار مكرره بس تعالوا شوفوا التصحيح يمشون على مبدا لو في كلمه خطا كل الحل خطا (جبت ٢٢) و الكويزات متكرره لكن اي جمع او طرح غلط درجة تروح لانه اختياري وامتحنونا بالصح والخطا، الفاينل مصخره تحتاج تكون مخلص الماده قبلها باسبوع و مفصفصها لان الدكتوره يتعامل معك كانك حاصل على دكتوراه يلعب لعب بالمفاهيم دخلت للفاينلB
يا انها سهله يا الشعلان كان مسهلها
افكارها سهلة الفهم لكنها كثيرة ويبيلها حفظ، مادة يبيلها تدريب أول بأول قدر الامكان لأنها تعتمد على بعض، اول فصلين تافهه، فجمعي درجات في الميد والكويز الاول، المادة كويزين وميد ونهائي. الاسئلة فيهم صح وخطأ مع التبرير ،و اختياري، ومقالي. النهائي اصعب من الميد، في النهائي حقنا 90% منه من جزئية اللي بعد الميد فلا تتركين حاجه ما تفهمينها فيها لأنهم مجمعين كل الافكار تقريبا، وفي المقالي كل سؤال يجي اكثر من فقرة و يعتمد على مفهوم معين، فاذا مو فاهمه يروح عليك السؤال كامل.
صراحة المادة عليها تسفيل على غير سنع
مادة جدا سهلة واسهل من التكامل ١٠٦ ومهمة برضو في كثير اشياء خااصة اذا انت طالب حاسب
انا كنت عند السريهيد الي مخلي المادة موية، شرح اسطوري وشوت درجات
كثير يدخلون النهائي بقريد ويطلعون بقريد اعلى!
ابد اختر دكتور السريهيد ولا الشعلان وما يحتاج تخسر فلوسك على خصوصي ركز مع شرحهم وان شاء الله تجيب القريد العالي
الماده هذي عباره عن مفاهيم وثيرومز ضروري تكونين فاهمتها اذا دكتورتك او دكتورك شرحهم مو ذاك الزود اشتركي من بدري ولا تراكمينها ابدا الماده سهله وبسيطه اذا اعطيتونا حقها
الماده اسهل من ١٠٦ ومفهومه ومافيها تعقيد (وكل الوحدات بسيطه الا وحده بس عن المتجهات كان يبيلها تركيز شوي لأن افكارها جديده) لكنها تراكميه مره يعني اي معلومه تاخذها من الدرس الاول تتراكم معك لين اخر درس ف ضروري الفهم اول بأول وحفظ النظريات لأن في النهايه بتنحاس من كثر المعلومات المتراكمه وتضيع فيها وانصح بشده الاشتراك مع محمد ندا كان رهيب في شرح الماده((**ويا بنات حاولوا تضمنون درجات الكويز والميد لأنهم سهلين مره ونسخ لصق من التجميعات والفاينل هو الي طير درجاتنا**))
مادة سهله جدا بس القسم حقها معاق حسبى الله بس يبون يصعبون المادة ماراح تقدر تعدي الا بالي مايبونه الي هو الخصوصي لو عرفو انك مسجل عند خصوصي راح يصعبون كل شي كانك مسجل من رواتبهم يعني اكيد بسجل اذا شرحكم خايس حرفيا اي شي يشرحه المحاضر ماراح يجي بالاختبار عشان كذا لازم خصوصي بس لا يدري الدكتور لانه بشخصن ويصعب كل شي عليكم قسم مريض قسم بالله طبعا انا طالب حاسب يعني مالي بالرياضيات واختبارات محد يمشي فيها الا الي تخصصه رياضيات لان اغلب اسالتهم نظريات وفهم بحت سجل عند خصوصي وحاول تفهم معه
للأمانة مابعد نزل القريد فمب أكيدة درجتي لكن نقول ان شاء الله😂
بالنسبة لي المادة مرة تعتبر سهلة ومقدور عليها (قسم البنات) الكويزات والميدات مررررة سهلة الميد كان موية حتى ،الدروس بشكل عام سهلة ولا اشوف المنهج مرة دسم مقارنة ب ١٠٦
الفاينل كان من قسم الاولاد كان طويل وياخذ وقت في الحل مرة لكن يعتبر سهل ومقدور عليه كان فيه اسئلة اصعب يقدرون يجيبونها لكن الحمدلله ماجابوها
المادة صعبة وتمشي، لكن المشكلة بالمنسق ال****، اسمه أخلاق وليس له بالأخلاق صلة، ما يهمه فهمك بقدر ما يهمه تعقيدك والتزامك بالمصدر الأجنبي السيء واللي محذوف منه كثير والكلام فيه كثير وغير مرتب، ويترصد لباقي المصادر والمذكرات المرتبة وذات الشرح الواضح ويجيب أسئلة خارجها مع العلم ان الطلاب معتمدين هذا المصدر، هذا فعل مسلم؟! وبالاختبار يكتب الأسئلة بطريقة ما تفهم بسببها السؤال بينما انت فاهم المنهج كامل، كذا قذارة! فوق كذا توك مخلص من الميد وقرف المادة وتبي ترتاح يقول الخميس كويز زيادة تشابترين!!
اول فصلين سهلة مرره ، لكن الرابع والثامن صدق صعبة ويبيلك تذاكرينها اول ما تشرحها الدكتورة وتحلين تمارينها ، المادة مقدور عليها بس ذاكريها اول بأول انا غلطتي ما كنت اركز مع الدكتورة وكنت اجمع المحاضرات لقبل الاختبار باسبوع واضغط نفسي
تحتاج تدريب بشكل الفاينل جانا طويلل اكثر من انه صعب حرفيا سؤال ما لحقت وتوتر من طوله وخيارات وصح وخطأ ومقالي
لكن مقدور عليها بس مشكلتهم الفاينل جابوه صعب وطويل اول مره باختبار ريض الكل يبي اوراق حل زيادة
الماده مواضيعها غريبه شوي يعني اول شابترين مصفوفات والوضع تمام الرابع والي بعده عن الفضاء وغثيثه شوي ماتدخل الراس بسهوله ، بس لو تعطين الماده حقها الدرجات فالجيب ، المد مستواه عادي انا مشكلتي كنت غاطسه فالتجميعات والتجميعات مافيها درس ١.٨ وجابو منه كثير كان متوسطنا ٢١.٧٥ ، الفاينل نصيييحه ذاكري الثيرمز والاكزامبلز والتمارين الي معنا ، لان الفاينل يشطحون ف ماينفع تعتمدين على التجميعات بس طبعا ضروري تمرين عليها تشوفين الافكار
بتضحك من سهولة المواضيع ولكن مافي احد بالجامعة يشرحها زين كل المحاضرين شرحهم رايح فيها لو تدخل قروب خصوصي ابوندا كانك داخل قروب الشعبة كلهم موجودين وفوقها كل سؤال بالاختبارات يا يكون فيه تركات ولا طويييييل عشان يضيع الوقت وما تقدر تحل والدكاترة كلهم بدون استثناء فيهم عقدة الخصوصي اذا عرفو ان اي طالب مسجل عند خصوصي يجلدونكم بالاختبارات
والله ياخوان هذي اكثر مادة بالحياة تحتاج فهم مو حفظ ابدا, اذا انت من نوع الطلاب الي تذاكر قبل الاختبار بكم يوم وتحفظ المادة حفظ بدون فهم صدقني بتشوف الماده صعبة جدًا, اما لو انت من الطلاب الي يفهم المقرر ويذاكر اول باول بتمشي امورك, عمومًا نصيحة بالمادة ذي خذها مع محمد ندى لازم لان اغلب الدكاترة شرحهم ماش وأفهم لاتحفظ وتدرب على الاختبارات وكيف اسئلتهم لان دايم الاسئلة فيها لعب وتريكات, اما عن المقرر اول 3 تشابترات سواليف الرابع متوسط الصعوبة ,الباقي لو تفهم الرابع بتشوفهم سهله والله يوفق الجميع.
المادة كمنهج ماهي صعبه بس البلى من اسئلتهم تحسهم يدورون اكثر اسئلة مستحيل يحلونها الطلاب ويحطونها ، الي منزلها لا يقرب اختبارات البنات لأنها اسهل بمليون مره وفخ لك اذا جيت تذاكر ، حسبي الله على المتسببين بس
اول ثلاث تشابترز سهله جداً الرابع مو سهل لكن اذا فهمته صححح خلاص مشت امورك في الخامس والسادس السابع بسيط مو ذاك الزود. ليش حطيت صعب ؟ منهج الماده بشكل عام متوسط الصعوبه لكن البلاء بالاختبارات شق يبيلك تفهم المنهج وتحل مليون سؤال تجميعات
المادة فيها سبع تشباتر ،اول ٣ واخر ٣(٥-٦-٧)تقريبا سهل بس يبيلك تفهم كويس وبالنسبة للتشابتر ٤ فيها شوية صعوبة الصراحة بس لو تنزلها مع خصوصي امورك تمام وبالنسبة للاختبارات مستواها وسط يعني الميد كان سهل بس الفاينل جابوا افكار جديدة بس الخصوصي ما يقصر
بالنسبة للبنات الميد كان عسل
لكن صدمنا الفاينل مرررررررررررررررررره داخله الفاينل باي بلس طلعت ببي بلس
عموما لا تركزون على التجميعات بالفاينل مره لان وقتنا غيروها عن قبل فاذا تبين درجة كويسه افهمي المنهج كامل صح بعدين تدربي بس لا تحطين كل اعتمادك ان الاسئلة بتجي زي التجميعات
المادة اذا بتذاكرها اول باول بتكون بسيطة وانصح تاخذها مع خصوصي
الحقيقة المادة سهلة، انا سجلت عند خصوصي وأهملت في المد الأول عشان كذا جبت B ولا كنت اقدر اجيب A+ بالراحة لو شديت حيلي
حاولوا تضمنون درجاتكم بالكويز والميد الميد سهل مرررة فحاولوا ما تخسرون فيه درجات
الفاينل الصراحة بما انه يدخل فيه من التشابترز الاخيرة "وهي تعتبر صعبة شويتين مو حل مصفوفات مثل التشابترز الاولى"
المادة كدراسة وكويزات وميد سهلة لكن الفاينل حقهم خاااايسس مرة والمادة من بعد شابتر 4 تصير خايسة
الماده سهله كمحتوى بس الفاينل مره صعب
قسم بنات - المادة محتواها سهل والكويزات والميدات حلوة لكن الفاينل تعجيزي دخلت وانا A طلعت وانا خايفه احملها
المادة محتواها سهل وخفيف موب زي ١٠٦ بس الاختبارات حقتهم اخيس اختبارات بالنسبة لي ادرس فيزياء ولا اختبر اختباراتهم داخله بمجموع كامل ونزلت قريد تصحيحهم سيء وانا متاكدة من حلي ومتاكدة اغلب النقص لانه طريقة حلي غير مع انها صحيحه ما اشتركت مع احد
الماده مو صعبه بس الافاينل تعجيزي
اخذت المادة في 2020 - 1442
صعوبة المادة بالاختبارات و الا محتوى المادة متوسط، شخصيا الشرح ما يكفي واحس الدكتور يعطك السهل و بالاختبار يجيبون الصعب.
احتجت الى خصوصي و ما قصر الاسطورة ابو ندا.
والله اغث ماده درستها
نصيحة حلللوا كثير ولا تعتمد على شرح الدكاتره
ماده سهله الى متوسطة، أعتمد على محمد ندا ومذكراته ولا تعتمد على الكتاب، أفكار الاختبارات بتشوفها صعبه ومستحيله لو أعتمدت الكتاب في مذاكرتك، بس سهله الى متوسطه اذا كنت معتمد ندا .. وحاول تنزلها عند دكتور يده خفيفه بالتصحيح لأن ممكن تخطي في خطوه وحده ويطير عليك قريد كامل.
لو عرفت كان في مذكرة ابو ندا قبل الميد كان وضعي كويس. الماده نفسها متوسطه الصعوبه بس يصعبون الاختبارت ولا في دكتور شرحه كويس. دفعة1442-2020
زي ماقال طويل العمر محمد ندا وفك عمرك بس ادرس معه اول بأول
وترا المنهج تافه بشكل تافه لكن قسم الماده سيء
محمد ندا يا رجال و فالك ال+A
