أنا مااحب الاحصاء لكذا أشوفها غثيثة + اشتركوا مع حجازي وذاكروا والله يوفقكم
الله يذكرها بالخير من اسهل ماده ب التحضيري خذتها الترم الثالث اطلق ترم جامعي لي وتحياتي لكل الي عرفتهم بذاك الترم،، الماده مايبغى لها خصوصي ولا اي مصدر مدفوع سواء ملزمه او غيره خصوصا لو انك بنت اكتفي بشرح صفاء واختمي التجميعات بالتليجرام لان كل الافكار متكرره ومافي شي جديد وبخصوص الوقت يكفي بالراحه اذا متدربين ودعواتكم🤍🤍
من امتع واسهل المواد ، كل الي عليكم تفهمون كويس وما تحفظون وبس ، اختباراتها تجمييييعات وممكن سؤال بس يكون فكرة جديدة وبرضو ما تكون صعبه الي فاهم يحلها
حل تجميعات سابقة تجي الافكار نفسها و احيانا يغيرون اشياء بالأسئلة بس مقدور عليها والمراجعة اللي من الجامعة قبل الاختبار مهمة جدا غالبا ينبهون على الاشياء اللي ممكن تجي مجملا المقرر سهل بس درب يدك على الحل كثيرررر
هذي المادة عباره عن تجميعات اللي هي نفسها الاختبارات السابقة، يعني تذاكرون التجميعات تدخلون الاختبار تلقون نفس الاسئلة بالضبط بس الارقام غير، مشكلتها وقت الاختبار مايكفي خصوصا الميد وهذا اللي خلاني اجيب فيها A ما امداني احل اخر صفحة واول صفحة وراحت علي 5 درجات، الحل انكم تطبعون التجميعات وتحطون قدامكم تايمر وتتدربون على سرعة الحل ضروري ولا تعبكم بيروح
اما بالنسبة للماده مقدور عليها مره
مادة للتاريخ اسطورية جبت القريد هذا وانا ما درست للفاينل الا ٤ ايام + المد يومين الصراحة انها ماتقارن في الكيم بس انت وحظك مع الدكتور انا وفقني الله مع دكتور ممتاز انت يمكن تلقم مع واحد لك عليه
درستها الترم الثالث 444 المادة نسبيا سهله خصوصا مقارنه مع الريض والكيم بالنسبه لي هي أسهل مافيها افكار معقدة اذكر المادة معظمهم تعتمد على حفظ القوانين والتطبيق المباشر القوانين كثيرها هذا صعوبتها وغالبا بيجيك سوال بالميد او الفاينل يكون فيه فكرة الاختبارات السابقة بهالمادة برايي مره مهمه تعلمك طبيعة الاسئله بالميد الوقت كان اقل من الازم برايي فحلوا ميد سابق بنفس وقت الاختبار الفعلي عشان الوقت
ماده سهله بس مذاكرتها تحتاج وقت والله واختباراتها تجيك مثل اللي تذاكره بضبط يمكن فكره وحده جديده في الترم كامل
انا اشتركت عند حجازي وذاكرت بس الامثله اللي شرحها في مقاطعه مع اسئلة الخيارات في التجميعات
ماده سهله مهب معقده وتحتاج تفكير لكن ماده طوييييييله يبيلك تذاكرلها بدري واشترك مع حجازي لازم او اي خصوصي ثاني لان دكاترة الماده ما يعتمد عليهم.
مادة غثيثة لازم مدرس خصوصي
لا يغركم قريدي المادة مقدور عليها بس ضروري ضروري ضروري انك تاخذ خصوصي لحد يلعب عليك ويقولك لا تاخذ خصوصي وافهم الماده بنفسك معليك منه هذا اذا تخصصت واستقريت وقتها لا تاخذ خصوصي صح لكن الحين انت بمنافسة تخصص فا ضروري والله خصوصي خاصة تشابتر ثلاثه يبيلها خصوصي لحاله اما الباقي بسيطه بتفهمه بس الاربع هو اللي شوي صعب الشي الثاني ركز على الاختبارات السابقة والواجب اللي بتحله
الماده بالبدايه تحسها صعبة بس مع المراجعة ومذاكره اول باول ان شاء الله سهالات ودسمة بشكلللل الميد وقته قصير تدربو قدر المستطاع التجميعات كثيييرة لازم تدريب
مادة بسيطة بس ركز على الميد مهم مهم لانه يجي كله بالفاينل
والله ماده مدري شتبي كل شوي اكتشف شي جديد … بالنهايه بعد ما مت وانا اذاكر اكتشفت انها بسيطه شوي يبيلها مذاكره اول باول انت وياه !!
متوسطة أقرب للسهولة بس ركز مع الدكتور وخذ لك ملزمة حجازي تدرب فيها لين تنكسر يدك وبتشوف المادة سهلة
وإضافةً على كلامي السابق ضروري تشتركون من بداية الترم وتبدأون بدري وتقسمون المقاطع على الأيام بحيث إذا جاء وقت الاختبار تكونون جاهزين مو متأخرين
( الجامعة لازم تبدأ مذاكره من بداية الترم ما ينفع قبل الاختبار بيومين أو ثلاثه حتى لو كان ميد )
سهل تجيبون A+ بالراحة أهم شيء اشتركوا مع الحجازي + اكتبوا معه كل الي يقوله بطريقتكم وبشكل أسهل وأبسط عشان ترجعون له بعدين + جاوبوا على تجميعات كثير بأنفسكم واكتبوا الإجابات بورقة كأنك باختبار عشان تتعودون على السرعة
الصدق نادر افهم بالمحاضرة عشان كذا اعتمادي الكلي كان على الدورة ولولا الله ثم دورة الحجازي كان ضعت وأهم شيء بالمادة كلها هي التجميعات والاختبارات السابقة تجيك نسخ لصق بس تغيير الأرقام وهذا الي جنني وحببني بالمادة استغلوها حرام تنقصون بأسهل مادة علمية مقارنة بالريض والكيم
مدري وش اقول عن ذي المادة غرييييببببه … الدكتوره الي درستني سيئة سيئة .. لا تعتمدون على شرح الدكاتره لان بالنهايه الاختبار من العمادة توقعوا كل انواع الاسألة ممكن تجي انا انصح تشتركون مع خصوصي … الميد والفاينل كانوا سهلييين بس الفاينل جابوا فكره صعبه والكل قال مارح تجي بس انصدمنا وجت … متاكده انهم دفوها بالدرجات
يبيله مذاكرة أول بأول (مليان قوانين وخطوات للحل)
لازم تدربين كويس قبل الميد
لأن الوقت قصير والحل لازم مفصل (احتمال كبير ان ما يمديك تراجعين أجوبتك من ضيق الوقت)
الماده ممتعة مره بالنسبة لي احلى مليون مره من الريض ذاكروا اول بأول و لا تهملون الاختبارات السابقة اهم شي تجي نفس الافكار بالنسبة لي ما اعتمدت على شرح الدكتورة لاني ما كنت افهم استعنت بمصادر خارجية
المقرر نفسه سهل بس الي ممكن بيخسفكم مدة اختبار الميد غيره سهالات الوضع
دخلت الماده وانا خايفه من كلام الناس بس الحمدلله طلعت اسهل من ما توقعت اهم شي ركزو مع الدكتوره وحلو التجميعات وافهمو الافكار ماحس فيها تركات ولا شي مقدور عليه مره بس وقت الكلاس ركزوا
الميد والله ذاكروا وتجميعات مره تحسفت اني ماعطيتها اهتمام بعدد الفاينل نفس الشي ذاكروا وشوفوا التجميعات مره مهمه
المادة كريهه عشاني اكره الرياضيات ولا هي مقدور عليها للأمانة بس أنا ما اطيقها وكنت اسلك بالمذاكرة الحمد لله عديتها 💀
حملتها ثلاث مرات يالله قدرت اعديها قسم بالله اغث مادا قابلتها في الجامعه وانا الحين على مشارف التخرج وماحصلت اسوء منها
طاط ووطويط ووطواط ههههههههههههههههههههههههههه
بالنسبة لي اصعب مادة واجهتها بالتحضيري لكن مقدور عليها ، الميد اسهل من الفاينل بس الوقت كان ضيق لدرجه اخر صفحه حليتها على اخر الدقايق ، المهم انكم اشتركو من البداية اذا دكتورتكم شرحها مو مره وذاكروها كوييسسس
اذا انتي بنت صفاااء لاتعدينها بلا خصوصي بلا هم وحببي نفسك بالماده وبتشوفينها ممتعه وسهله والتجميعات ثم التجميعات ثم التجميعات ودعواتكم اتخصص بالي ابي🫶🏻
اول بأول ،. اهم شيء قبل لاتدخل اختبارك ذاكر التجميعات ومبروك A+
اغث مادة ممكن تقابلها بالتحضيري كلها قوانين وصداع ووقت الاختبار ضيق 1.5 ساعات للميد و 3 ساعات و 9 صفحات للفاينل
يعني لازم تتسابق مع الوقت تحل تحل لين ماتخلص بدون توقف نادر مايبقى وقت عشان تراجع
والخيارات كلها تركات ممكن حرف يغير الاجابه
لكن مقدور عليها والله يوفقنا واياكم
ماده مدري وش تبي الصراحه اللي تسويه احفظ وبس لا تسال ليه وكيف
مع الدكتور الصح بيخليها سهله
الدعاء والاجتهاد المادة تحتاج الكثير من الدعاء
غلطتي اني كنت معتمد على الكتاب.
ماده يجب عليك مراجعتها اول بأول ولا بتلقم😁
مادة مملة وتجيب الصداع وكلها قوانين ولو ما ذاكرت كويس بتجيب أم أم العيد
اشتركو مع مس هناء وبتصير اسهل من الفجب بعد
كل الي اقدر اقوله الله يسامح منسق المادة على الاختبارات التعجيزية الي صارت بالترم الثاني مقارنة باختبارات الترم الاول و السنوات السابقه فرق شاسع بالصعوبه الي يحدد صعوبة المادة هو المنسق.
المقرر مب ذاك الصعوبه بس الميد كان سهل جدا مقارنه بالفاينل الفاينل كان فيه اشياء تعجيزيه
والله المادة سهلة ما تسوى الهم لكن اللي كتب اسئلة الترم الثاني ما يخاف الله مب طبيعي كيف هو مصعب الاسئلة المهم المادة يبيلها خصوصي وما تتهاون ابدا فيها جزئية الميد سهلة يمديك تجيب فوق ٢٠ بالراحة والفاينل بعد سهلة لكن تشابتر ٣ شوي معقد عموما اللي يحدد صعوبة الاسئلة هو المنسق على مذاكرتي اللي ذاكرتها كان يمديني بقريد افضل بس بسبب المنسق طلعت بذا القريد عموما الحمدلله على كل حال وفالكم ال A+
مقدور عليها مب ذيك الصعوبه صراحة بس ثقيلة انا ما ذاكرت اول باول وحاول تشد حيلك بالميد لانه هو اللي بيرفعك والميد سهل جدا ٢٠ درجة بالجيب لان اغلبه تشابتر ون بس اللي حط الاسئله الترم اللي فات ما يخاف الله ولا كان جبت قريد احسن ( ركز على الفاينلات السابقة فادتني مررررره )
أعتقد المادة مقدور عليها لو ما راكمتوا الدروس و فهمتوها أول بأول 👍🏻
أخذتها الترم الأول و غلطتي إني ببداية الترم حسبت المادة لعبتي و أشياء نعرفها و كابرت ما اشتركت مع خصوصي و بنفس الوقت راكمت الدروس علي 🫣
بالميد نقصت قريد و كان عندي فرصة أتدارك الوضع و ما أنقص لهالدرجة لكن الحمدلله 🥺
و طبعاً بالفاينل نقصت الباقي
عالعموم حلّو الواجبات أول بأول و مرنوا يدكم على حل الأسئلة و شوفوا تجميعات كثير و حلوها و إذا الدكتور/ة ما تفهمون عليه/ا اشتركوا مع خصوصي
اسهل ماده علميه مرت علي في حياتي كل اللي عليك عطها حقها والحلو ان الميد حقها متأخر مره ف عندك وقت طويل تروق على المنهج وانصح بالحجازي ولولا استهبال المنسق كان خذيت A+ لكن الحمدلله على كل حال
ونقطه ثانيه ركزو على ميدنا والفاينل حقت الترم الثاني واختبار البديل وبديل البديل للترم الاول هذي فيها كل تريكاتهم تقريباً 👍🏻
عطها حقها وابدا ذاكر بدري وحاول ماتضيع درجات بالميد لانه تافه بالنسبه للفاينل وانصحكم بحجازي
اطمنكم بس الترم الثاني محد جاب قريد كويس الكل انشق اعرف واحد دخل الفاينل ب أ+ وطلع ب ساده ..... اقسم بالله الي يحدد صعوبة المادة المنسق ومافيه شي ثاني
باختصار شديد شد حيلك بالميد جب فوق ال٢٢ لانه سهل حرام تضيع درجات عليه الفاينل عليك بالدعاء بس الصراحه ان مذاكرتي مب اول باول ذاكرت قبل الاختبار ب٤ ايام يبيلك تشد شوي بالفاينل اهم شي تشيل التوتر من بالك والمادة بتطلع عادية صراحة
الماده ضروووري تعطيها حقها الحمدلله انا ذاكرت لها اول بأول من بداية الترم صح القوانين كثيرة لكن اذا يومياً اعطيت نفسك "ساعه" تراجع فيها اللي تاخذه ، راح تشكر نفسك اذا جاء الميد والفاينل .. بشكل عام الماده اشوفها متوسطه ماعدا شابتر ٢ و ٣ هذولي فيها صعوبه تقريبًا اذا فهمتها الباقي كله بالجيب لانه سخيييف .. اما الدورات مع حجازي سهّل علي الماده بشكل كبييير من ناحية تجميعات و شروح سهله وبسيطه وواضحه
اول شي للان ما طلعت القريدات لكن نتأمل انه نجيبها دعواتكم.، بخصوص الماده المنهج جميل توقعته اصعب وبشكل عام الصعوبه تكمن في التشابتر الثالث وبدرجه اقل الثاني. اما الباقيات تافه + ادعوا ان المنسق ما يستهبل لانه مدري وش فيه علينا الترم ذا جلدنا بالميد وبالفاينل الى حدٍ ما + بوجهة نظري حجازي بيساعدك بشكل مب طبيعي من ناحيه الشرح والمذكره كل شي ممتاز
اذا دركت تشابتر ٢ وتشابتر ٣ اظمن لك الA+ باقي التشابترات ذاكرها اول ب اول
والله ماده مافيه اتفه منها كل اللي تحتاجه انك تعطيها حقها واول ب اول وتحرك يدك لكن للاسف على حظنا الترم ذا لعبوا فينا بالميد ولعبوا فينا فالفاينل ،المنسق مدري وش فيه مشخصنها معنا عموماً انا بالميد نقصت ٣.٥ والفاينل تونا مختبريه وان شاءالله نطلع ب A يارب . وفالنهاية صعوبة او سهولة الماده يحددها المنسق بالاختبار واي احد تحت قاعد يذم فالماده اعرفوا ان ماعنده سالفه ولا انه ما ذاكر وسلامتكم 👍🏼
ذاكرو اول باول ولا بتاكلون هوا
ما طلع القريد بس حطيت A+ يمكن تصير معجزة يعني ادعوا لي بس
المهم انها مادة خسيسة المنهج مو بذاك الصعوبة بس الاختبارات شي مريع كأنها تحدي لنا حسبي الله عليهم
مادة سهلة اذا كنت تذاكرها بشكل مستمر
المادة تعتبر متوسطة الصعوبة يبغالها شدة يعني بعيدا عن الدراما يبغالك بعد كل محاضرة لو مابتذاكر عالاقل تفهم الدرس ايش افكاره وتركز وقت المحاضرة.. وقبل الميد باسبوع تبدأ مذاكرة جدية ونفس الشي مع الفاينل الفاينل ماتتغير افكاره غالبا ثابتة لكن ركز فيها مضبوط وبس والله
المادة سهلة بس ثقيله ودسمة تحتاج وقت وتدريب كثييير
ماحملت المادة بس تونا اختبرنا الميد واخخخ بس والله نص العيال انكسرو وحرفيا مختمين التجميعات بس ذا الاختبار مرره صعب ومبالغ فيه..., صراحه جبت العيد بكم حاجه يعني قلبت ارقام وسويت اشياء بس ادعولي ان اكون جايب فوق 20 يارب
ميد الترم الثاني شقنا شق باقي ما اختبرنا فاينل بس شدوا حيلكم بالميد والافرج حق ذا الترم اتوقع بيكون 17-20 الناس ثلاثة اربعاها جايبه العيد خاصتًا في اخر صفحة والاختبار كله تركات المهم ادعوا لي اجيب A
قاعد اذاكر للميد ولسى ما اختبرت والمادة وصخه بشكل الميد يبيلك وقت كثير عليه كيف الفاينل بيكون وبدون بلوك ، لكن الله ييسر + حطيت درجة اي كلام
المادة تحتاج الى اهتمام من البداية ومذاكرة التجميعات والواجبات لأن كثير اسئلة تجي منها في الميد ما ذاكرت التجميعات زين ونقصت لكن في الفاينل اهتميت فيخا طبعا كنت عند الدكتور مجدي ادريس النور اذا جاك احمد ربك واسجد لله شكر
تشابتر ثري عليك فيه والباقي سهل مجرد مذاكرة تفهمه
وقاعدة بيز مهمة عليها 3 فالميد و3 فالفاينل
ندمان اشد الندم اني راكمت
اي نعم ماده غثيثه ودسمه لكن لو تتابع اول باول بتتسهل عليك جدا
اذا كان دكتورك سيئ حجازي بيساعدك
لكن احذر انك تراكم لانه هو اللي بيجيب فيك العيد
ذاكروا اول باول
ركزوا على شابتر ٣ و ٢ هم اصعب شابترين بالكتاب
المادة سهلة جدًا لكن كثير ينخسفون لأنهم خايفين منها
ركزي بالشرح مع الدكتورة وامورك تمام ان شاء الله
سهلة جدًا جدًا بس ابدي ذاكريها بدري وعلى رواق
هالماده مسببة لي رعب من بداية الترم، الميد كان سهل بس الوقت مايسعفك ابدا والحل لهالمشكلة اذا تبي تضمن الميد انك تدرب يدك على اختبارات سابقة بحيث تكون سريع بالحل
الفاينل طلعت منه وانا اقول بحمل الماده بس ربي ستر وجبت د+ مدري كيف، من الاخر ذاكروا زين لا تستهينون فيها ترا التدريب يسهل لك كل شي
وانصحكم بابو عمر حجازي اعتمدت على ملزمته وشروحاته ١٠٠٪ الكتاب مالمسته ابد اشتركت معه ب٣٥٠ ريال بمنصة مساعد التعليمية
غلطت غلطة اول ترم كالعادة المادة جدا سهلة لو تراجع و تفهم الميد خشيت بدون مذاكرة زينة جبت 9.5 من 25 النهائي ذاكرت له زين و طلع ولا اسهل الحمد لله حسبت درجاتي و كانت 33 في النهائي و الحمد لله طلعت 30 وفوق عشان كذا جبت d+
شوف الماده كانت تلخبط صح بس مو مره صعبه انا ما عطيتها وقتها ولا اهتميت ودكتورتي كانت الله بالخير ما تعرف تشرح ولكن لو ذاكرت اول باول اتوقع امورك تمام الميد كان من سهل الى متوسط اما الفاينل كان من صعب الى صعب جدا فيه اساله جديده ما قد شفتها كان شين ولكن بالنسبه للتكاليف فهو في الغالب يعتمد على الدكتوره ولكن مب بذيك الصعوبه وغالبا تلقا حلها في القروبات
بالتوفيق للجميع هي مادة تعتبر صعبه لكنها ليست مستحيلة وكل شيء مقدور عليه مع التدريب وشدّة الحيل وانتبهوا ع التجميعات تدربوا عليها كلها لان جتنا افكار جديده ووهقتنا والكتاب ابد مايكفي للمذاكرة للأسف، درجتي مااعتبرها سيئه كوني ذاكرت وتعبت خلاص الحمدلله هذا قضاء وقدر ف اهم شيء توكلوا على الله وذاكروها زين وفالكم الدرجات العالية يارب
المادة لو ذاكرتها أول بأول بتعطيك اللي تستاهله
لا تذاكر من مذكرات أو ملخصات، مصدرك الأول الكتاب
أنبه مرةً أخرى، لا تأجلها، المادة ما ينفع تحشر نفسك في فتره قصيره، القوانين كثيره جدًا
مذاكرة مع التجميعات كل درس بالترتيب اسئلته تلقاها
يرحم والديك ذاكر ترا سهله بس تجميعات و عندك يوتيوب قناة الجامعة شارحينها
دعواتكم❤️
طبعاً تلخيص القوانين وتعرف متى تستخدم كل واحد مهم عشان ماتضيع بالاختبار +حل اكبر قدر من الاختبارات السابقة+انصح بأبوعمر حجازي كخصوصي
سهله اذا تدربت زين والوقت فيها عامل مهم خاصه بالميد نقصت فيه اربع درجات بس شديت حيلي بالفاينل وتدربت كويس والحمدلله طلعنا ب A+
الحق لله المقرر سهل و بنسبه ما يعتمد على دكتورك ، مب لازم تخاف منها او أي شي انت الي عليك انك تذاكر و مب لازم اول باول. لاكن كثير من شعبتي الي جابو درجات منخفضة كانو يذاكرون ليلتين قبل الاختبار . الي عليك انك تعطي المادة حقها و تبدا قبل الاختبار باسبوع او اثنين كل واحد حسب فهمه.. والواجبات الإلكترونية لا تشيل همها غالبا بتشوف اجوبتها تنتشر، لاكن الواجب الورقي عليه ١٠ درجات مهم جدا انك تسويه بشكل كويس. واهم شي وانت تذاكر عليك بحل اختبارات سابقة. وفالكم جميعًا الدرجات الي تتمنوها و اكثر 👍
مب سهله بس مقدور عليها غدروا فينا بالفاينل وجابو اشياء جديده ماكانت بالتجميعات فذاكرو كل شي، ومن تجربتي اسحبوا على الكتاب وخلو مصدكم ملزمه الحجازي
مادة مقدور عليها انا ما ذاكرت للميد والفاينال الا قبلها بيوم وجبت A يعني اللي بيذاكر اول بأول ال A+ ابد مو صعبة
ماده مقدور عليها اهم شي ذاكر اول باول بالنسبه لي الميد كان اصعب من الفاينل بس صدق تجميعات مهمه + احنا جتنا افكار جديده بالفاينل ما قد شفتها قبل بالتجميعات بس سهل انك تحل
كل التشابترات سهله الا يمكن تشابتر ٣ فيه صعوبه شوي
المادة متوسطة اذا ذاكرتها اول باول بتصير سهله معك ، طريقة المذاكرة الي انصح بها انك تعتمد ع الكتاب وتعتمد كيف هو حال ، بعدين ادخل تجميعات اهم شي اساسك قوي وفاهم وملم بكل الاشياء ، الماده مو تعجيزية لكن يبي لها جهد وبالتوفيق
طيب معكم واحد من دفعة 444 جبت بالميد 17 من 25 وتعتبر كويسه بالنسبه لدفعتنا بس يوم جيت للفاينل تعبت وجاني هلع وصداع وتوتر مقدرت اذاكر باختصار تشابتر 1 سهل تشابتر 2 سهل تشابتر 3 صهيوني تشابتر 4 متوسط تشابتر5 مدري لاني ما ذاكرته اختباري الفاينل حرفيا بعد ساعه استسلمت للامر الواقع لان كذا كان فيني مرض مقدر اذاكرها هل ماده ولا ذاكرت الا 1 و 2 وفكره بسيطه عن 3 و 4 بسسس يعني رايح اختبر ما ابي احمل الماده بس
سبحان الله المادة هذي كانت مسببه لي هلع ورهبة.
طبعا السبب اني دخلت التحضيري وانا مو عارف كيف اذاكر ومتى اذاكر حتى
لكن الحمدلله دخلت التخصص الي ابيه وجبت A+ في ريض 106 على صعوبتها عند الطلاب.
الشاهد هو أن طريقة المذاكرة تلعب دور قوي في تحديد مستوى صعوبة المواد بالنسبة لك.
للامانة اذا انت من الطلاب الي يذاكر اول باول وبعد كل محاضرة يحل اسئلة ويتدرب بشكل مكثف بتشوف المادة سهله اما لو نظامك ماتبدا الا قبل الاختبار باسبوع او اسبوعين بتشوف المادة تعجيزية عشان كذا فيه اختلاف كبير في التقييمات تحت بعضهم يحط سهل وبعضهم يحط صعب جدًا, عمومًا نصيحتي للجميع المادة ذي متوسطة الصعوبة لكن دسمة بشكل يخليها صعبة, افهم المقرر فهم واحفظ القوانين وحرك يدك يوميًا حل اسئلة وتجميعات وركز مررره على الاختبارات السابقة اذا ماسويت هالخطوات مستحيل تجيب قريد عالي والله يوفقنا ويوفق الجميع.
الماده لحد الان تجيني كوابيس منها ارتاع كلما جا طاريها، كانت ابشع ماده اخذتها بحياتي كلها، اغلب مشاكلي مو مع الماده كثر ماهي مع الدكتوره الي مشخصنتها معي😓 يعلم الله اني ماضريتها بشي لكن الله يهدينا ويهديها الحمدلله على كل حال واللي صار خيره بس يعني لحد الان بقلبي عليها تكه وضعف مستواي تدريجي من حركاتها😞 عالعموم الماده يبيلها مذاكره وتدريب كثير ومكثف وباذن الله بتشوفون اللي يسركم
حسبي الله ونعم الوكيل على من وضع اختبار الفاينل الترم الثاني 1443هـ
والله العظيم جات افكار بالنسبة لجزئية الفاينل ماقد جت في اختبارات سابقة ابدا بسبب انهم شالوا المعطيات اللي كانت دائماً تجي في الاختبار لكل ترم و اكلنا مقلب للي اعتمد على الملازم والاختبارات السابقة
(ولكن اللي شاف افكار الكتاب كلها ) بيطلع بقريد عالي
عالعموم لو الواحد اعتمد على الاختبارات السابقة + الملازم وجا الاختبار مثل الاختبارات السابقة بالراحة بتاخذ قريد عالي جدا
وانا في ثالث ترم تخصص لازلت اشوفها اصعب مادة اخذتها
المادة مب مستحيلة انك تجيب فيها درجة A او A+ ، لكن يبي لك تخصص لها مذاكرة كل نهاية اسبوع ، يعني ساعة او ساعة ونص في الاسبوع تكفي ، المعلومات في بداية المادة سهلة الى متوسطة ، لكن الفصول الاخيرة هي اللي يبي لها تركيز مع الدكتور ويفضل انك تشترك بالمحاضرات الاضافية ، والتجميعات تلعب دور مهم جدا جدا لان 70% من الاختبار بيجي زيها
حرفيا بكل اختصار الكتاب تعبان لابعد درجه اعتمد على الاختبارات السابقه وامورك زي اللوز يعني شف الافكار بالاختبارات و افهمها ودور ملزمه اوميقا هذي كانت شي جبار لو عرفت للاختبارات خلاص بتصير جدا واضحه لكن تعتمد على الكتاب بتضيع مرا و بتهج
المادة يبيلها مذكره يوميه لكن مقدور عليها جدا لكن اذا طحت عند بلة نصيحة اشترك بدورة حجازي لان شرحه ابدا ما ينفهم+حل بيدك هذا اهم شي
المادة اتوقع لو طحت بدكتور غير السوداني الي طحت فيه يمكن اشوفها اسهل، الدكتور الوحيد الي مر عليّ يدقق بالمشاركات وكل مشاركه بدرجة الى ماتجيب درجات المشاركة كامله يعني لو غبت كم يوم او جت بعض الايام ماشاركت فيها بينقصك وليته يشرح زي الناس
انا حملت الماده كوني ما ذاكرت زين للاختبار والسبب هو اني ما ركزت بالتجميعات رجاء من الجميع اللي بيختبرون شوووفوو التجميعااات وحلوها وعطوها حقها لانها جدا جدا مهمه ودايم تجي الاسئله بنفس الافكار.
من امتع امتع المواد اللي خذيتها فالتحضيري ، استمتعت مره وانا ادرسها ، ذاكرو اول ب اول والله العظيم الماده مره سهله ، اللي يصعبها فقط هو انك تراكم على نفسك ، لا تراكم الدروس عشان ماتحصل جبل معلومات قبل الميد ب كم يوم وتضيق فيك الوسيعه ، لا تستخسر ساعه وحده كل يوم يومين لها ، اسمع كلامي وبتدعي لي
ممكن تستغرب اني جبت A+ واقول متوسط، فعلا المادة كريهه ودسمة لكنها مو إعجازية. خذ نصيحتي وركز. اول شيء الجامعة وفرت شرح اونلاين كامل للمنهج اعتمد عليه ترا والله يكفيك ولخص بعد كل درس القوانين الموجودة بدفتر خارجي. بعدها حل اختبارات سابقة. حل اكبر قدر منها كل ما فضيت افتح لك اختبار وحله صدقني بتكون مدرك المادة كامله. اسحب على أسئلة الكتاب والاكسرزايس تراها بتضيعك مو مثل الريض تفيدك. فملخص كلامي شف شرح الجامعة فقط وحل اختبارات سابقه وفالك القريدات العالية ان شاء الله
درسني واحد اسمه محمد بله كرهني بالاحصاء نظامه اذا ماشاركت بالمحاضرة او غبت فيها بيجي نهاية الترم ولا راح يعطيك درجات المشاركة كامله وشرحه ماهو مفهوم وزودها ياخذ ربع الى ثلث ساعة زياده عالمحاضره واذا خلص بدري مايمشيك لازم تقعدون لييينن تنتهي المحاضره واذا انتهت يبدأ تحضير ويضيع وقت زياده
تساهلت فيها و لقمت ، حرك يدك بالباست اقزام وبتمشي امورك
اخذتها الترم الأول كان عندي كيم واحص.
اللي يحط الأسأله مايخاف من الله وما يراعي الطلاب وحسبي الله ونعم الوكيل.
جاب لنا نظرية بيز في الميد والفاينل.
واغلب الدكاترة قالوا ماراح تجيكم فاينل
ما ذاكرناها ولقمنا
لا تستسهل الماده نفسي وتلقم ادرسها زين وبتجيب قريد كويس
ذاكروا اول بأول دربوا يدينكم على الحل الاسئله كثيره والوقت قليل فلازم تدخلون الاختبار متدربين سواء ميد او فاينل، الميد فرصتك الذهبية لا تضيع عليك تدرب عليه كووويسس وشد حيلك مره لا تضيعيون وقتكم بمذاكرة الاسئلة الي بالموقع حقهم لانه ما راح يجي منها ذاكروا الواجبات وتجميعات الميد والفاينل (لا تعتمد على مصدر واحد للمذاكرة)
نصيحة نصيحة نصيحة ،،،،هذي. المادة مقدور عليها والله
بس بشرطين
تذاكر اول باول يعني كل يوم او يومين بالكثير
الشي المهم 🛑🛑والله الاختبارات السابقة تجي نفس الشي مع اختلاف شوي بسيط يعني حرفيًا تفتح الميد او الفاينل تلقا كل شي قدامك مع اختلاف الارقام بس فيه كم سوال جديدة ومختلفة
مثل Row data في الميد عليها حوالي 11 درجة وكانت. في الجيب
والفركونسي دستربيوشن تيبل كذلك يعني سهلة فيها A
كل دكتور له شرح يفرق وتحس انك تسمع الدرس اول مره وكل دكتور يكتب القوانين بطريقة تختلف عن الثاني
المادة صعبة وفيها الف قانون لو لا الله ثم مرذكرة حجازي ما جبت حتى c وما عندك وقت في الميد
الماده يبي لها تذاكر اول باول والواجبات حلها اول ما تنزل لانها طويلة ومعقده حاول تحلها مع قروب من الطلاب عشان تخلصون اسرع اخر تشابترين فيه واحد اسمه هابي شرحهم، الفاينل جدا سهل دخلته وكنت لازم اجيب فل عشان اخذ الB+ والحمدلله قدرت، الميد الثاني جدا جدا صعب ركز فيه ولا يغرك سهوله الاول، الي نقصني في الدرجات هي الواجبات والميد الثاني.
المادة مب بذيك الصعوبة بس المد حقها الوقت ما كان يكفي جدا قليل وكان عندي كيمياء واحصاء بترم واحد هذا كان الي مصعب الوضع علي
من امتع المواد اللي كانت عندي والله سلبيتها كثرةة القوانين بشكل بس ، لكن حرفيا حرفيا حرفيا ماده تعتمد ع التجميعات ، يدك لاتوقف وامش ع الاختبارات السابقه قد م تقدر ووضعك بيصير افضل من الكويس حتى ، برضو الافكار مش كثيره وكلشي بتحصلونه متكرر قبل
صراحة غلطتي هي دكتورتنا حتى لو المادة سهله مستحيل اشوفها غير انها اصعب شي درسته واكثر شي عقدني ،،نصيحة اختاروا دكتور كويس وابعدوا عن (داىْه) لانها تقرا ما تشرح شي وشخصيتها واسلوبها وتعاملها وشرحها صفر 👎🏻لكن اعتقد ان المادة سهله لا تخافون ولا تسمعون كلامي
هو يضحك من شخص جايب سي بلس انه يقول سهل بس يمين الله انه سهل لكن انا حمار ماذاكر له كويس ولا هو اشياء تافهه مقدرو عليها يبي لك تدريب بسييط عشان اللخبطه بس حتى القوانين تنحفظ بسرعه بس تدربو زين
المادة مب صعبه لكن قوانينها كثير حاولوا تذاكرونها اول ب اول وتحلون اختبارات سابقه كثييير لين تتعودون على سرعه الحل لان الاسئله كثيره جدا بالاخبار والوقت ضيق ف حطوا تايمر وحلوا الاختبارات عشان تتدربون. انا اشتركت من حجازي كان مرتب لنا سلايدات حلووه ترتب الافكار واغنتني عن الكتاب الصراحة. وفي ملزمة لواحد اسمه مغازي كان حاط فيها اختبارات سابقه كثير وسلم التصحيح حقها. عموما ماده مملة لكن مب صعبه ومقدور عليها تحتاج منكم تدريييب على سرعه الحل وبأذن الله أ+
مادة اشوفها مب ذاك الزود لكن انا اهملتتتها ولقمت لدرجة اني ما ذاكرت الا يومين قبل الفاينل فا الغلط مني اني جبت فيها د لكن لو شديت اتوقع ما راح انزل عن بي بلس خصوصا انتم بالثلاث اترام بتصير بترم لحاله اما حنا كان معها الكيمياء فا كان ضغط مب طبيعي
مادة دسمه و يبي لك تتعود على بعض المصطلحات الانجليزيه لازم تذاكرها اول باول و بالاختبارات ذاكر تجميعات لانها مقارب لها
ذاكروها اول بأول ويتمشون فيها زي السلام عليكم
التجميعات مهمة لان الافكار تتكرر بتغير الارقام والواجبات ايضا ، تحتاج المادة لتدريب اكثر من مراجعة وحفظ ، ركز على الوقت في الميد لان كل دقيقة مهمة وفي الاختبارات حل السؤال اللي تعرفه وخلي اللي يبغاله تفكير اخر شي
المادة حقت روقان وهدوء وتعطيها من وقت كثيييير ومو تقعدون على الكتاب لأن ماوراه فايدة أفهم وطبّق تجميعات وأكثر مادة ندمت على قريدها هي لأن ببساطة كنت اقدر أختم التجميعات وأجيب فيها درجة حلوة بس الحمدلله 🚶🏻♀️💔
كل شي كان صعب جدا واخر شي سهلوا لنا الفاينل لان درجاتنا كانت نازله مره
الماده سهله بس بالنسبه لي كانت غثيثه المد كان سهل نفس التجميعات بالضبط اما الفاينل كان اونلاين والاسئلة ماكانت سهله والوقت كان قليل مررره اخر الاسئلة حليتها عشوائي بسرعه
مادة سهلة، قوانينها كثيرة وتتشابه فذاكر من بدري عشان يمديك على التجميعات.
لا تدخل الإختبار وأنت ما شفت التجميعات لا تدخل
مع اني جبت فيه هو والريض نفس الدرجة الا اني اشوفه اخف بكثييير من الريض بس مشكلته قوانين كثيره مره
بالنسبه لي اشوف الاحصاء صعب شوي لان قوانينه كثيره وتتشابه وكان نصه اونلاين ونص حضوري ف صار فيه تشتت ولكن اعتقد لو كانت الظروف مختلفه بيكون اسهل بكثير
التجميعات فيها افكار شوي مختلفه
ماده حلوه بس ذاكريها زيين عن نفسي ذاكرت المنهج ثم ذاكرت التجميعات اشتركت مع رائد بس ما استفدت منه ابداً اللي كنت افهم معها هي صفاء ابوحلوه مهم مهم جداً التجميعات كل ما ذاكرات اكثر صرت اذكى
حجازي وكفى
سحبت على شرح دكتورتي والكتاب تماما واعتمدت على شرح حجازي وملزمته
اهم شي تدربوا على اختبارات سابقة
الماده سهله افكارها وكلها قد اخذناها من الابتدائي اول تشابترين بعدين تزداد صعوبة الماده وتجي افكار جديده ومن العوائق بعد انها باللغه الانجليزيه والاختبار في مصطلحات وتعاريف + قوانينه كثيره ودسمه يبغالها حفظ من بدري اما الاختبارات كانت بسيطه وتجي نفس الصيغه تقريبًا كل سنه بالضبط مع تغيير الارقام بس -جبت العيد في الفاينل لأني ما ذاكرت لقوانين الفصلين الاخيره كويس ولا الميد سهل مره
صعبة اذا ماذاكرت بوقت لانها مليانه قوانين واذا نسيت قانون مشكلة كبيرة لان أغلب الاسئلة فيها فقرات كثيرة تعتمد على القانون الاول.
بتكون سهلة وبتاخذ A+ بمجرد انك (تذاكر).
المادة متوسطه كنت ما افهم شي وقت المحاضرات بس كنت اشوف فيديوات صفاء وقت المذاكرة و جبت مدرسة للاسئلة الي عندي و الحمدلله مره مره سهلت علي المادة
ماده كلها تجميعات و تعتمد على دكتورك بالشرح الا اذا بتشترك عند حجازي عاد يختلف الوضع انا طحت لاني ما اشتركت ولا كان دكتوري منه فايدة لانه جديد توه اول ترم له و ما فهمت اخر تشابترات زين
ماده سهله تعتمد على التجميعات نفس الافكار كلها قوانين بس الفاينل هو اللي خسفني كان صعب شوي اغلب الاسئلة تريكات وموب واضحه
للامانه المادة صح طويلة وقوانينها كثير بس سهله مررررره وتقدرون تجمعونها الميد كان حلو بس الفاينل كان يقهر شوي جايبين فيه تريكات كثير وفيه سؤال ما حليته ابد ما حسيت انهم ساعدوني بالتصحيح ابد الحجازي فنان لا تتعدونه صدق ذاكرت الماده منه ب٣ ايام تقريبا سريع ومختصر وواضح وشامل وذاكروا التجميعات يجي منها
المادة سهلة لو ذاكرت التجميعات قبل الاختبار
لو تدخل الاختبار بدون تجميعات اقعد ببيتك ولا تختبر أفضل
يجي ك ث ي ر من التجميعات وبعض الأسئلة نسخ لصق
بالبدايه كان جدا بسيط، بعدين الي في النص كان يحتاج انكم تمسكونه وتفهمونه زين
حاولوا تركزون مع استاذتكم حتى لو مافهمتوا مره اكتبوا كل ملاحظاتهم، لما تمسكونه بتفهمون
الي خسفني بالميد وبالفاينل هو اني ما كنت حافظة القوانين زين ونسيتها فما قدرت احل اسئلة وتروح علي درجة السؤال كلها بس الاسئلة تجي اسهل من الامثلة الي بالكتاب وتقريبا نفس التجميعات كل ترم نفس الافكار وتطبيق فوري بس لازم تكونين حافظة القوانين زييين وركزي مع دكتورتك بالشرح
ماده تحتاج فهم و حل تمارين و اسئله كثييرر
مادة كريهة
فيها حفظ للقوانين كثير والنظري حقها خايس الي يجي بأول صفحة بالاختبار.
حجازي ممتاز ويفي بالغرض. بس لا تعتمدون عليه اعتماد كامل اذا تبون تصيرون مرتاحين نفسيًا. وهذا الغلط الي سويته ماكنت اركز مع دكتورتي واعتمدت عليه وبالميد نقصت درجة كاملة بس على اول صفحة. التجميعات مهمه.
ب اختصار الاسئله كلها من اختبارات سابقه بس تغيير في الارقام
عطوها حقها وذاكروا اول بااول لاتراكمون نصيحة هذي غلطتي
واحفظوا القوانين كويس وتدربوا على التجميعات
احفظو القوانين كويس وحلو تجميعات واموركم بالتمام
مادة جدا ممتعة خليت تخصص الاحصاء رابع رغبة بس عشانها
احلى مادة بالتحضيري! مو طبيعي قد ايش يجنن وسهل ولطيف بس يعتمذ عالدكتورة كثييرررر لأن لو جاتك وحدة خايسه معناته ودّعي المادة
مادة صعبة جدا
و تحتاج تحتاج مدرس خصوصي
وهذا اكبر غلط سويته في اني اعتمدت على نفسي فقط في المذاكرة
كانت مادة في اول ترم لي واكثر مادة كرهت الجامعة بسببها نجحوني بالرحمه ولا مفروض اني حاملها المشكلة ماكانت في المادة اكثر من انها مني كنت توني فطفوط واحسبها ثانوي اذاكر قبل بيوم واجيب ٩٩ بس اكلت فيها زق بس خلصت الترم الثاني بمعدل 5 واكتشفت ان المادة كان مفروض اجيب فيها A+ عليكم بالاختبارات السابقة
الماده فيها صعوبه بالمذاكره والحفظ لكن عليكم بالتجميعات ركزو مره مره عليها تراها مهمه جدا ويمكن تتغير الارقام بس وبالميد انتبهو من الوقت انا بديت احل وبسرعه وحالتي حاله وممداني ارفع راسي الا وخلص الوقت لكن مالاحظت اي تريكات الصدق والفاينل سهل ترا مره والوقت يكفي وزياده
ماده ثقيلة دم بتطلع روحك على غير سنع والميد انسي انه بيمديك تحلين الوقت بيخلص وانتي في الورقه الثالثه اذا شاده حيلك بتوصلين الرابعه ، اغلبها تجميعات بس مو يعني مابينغدر فيك بكم سوال جديد ، وكل الدكتورات سيئات لان محد فاهم الماده اصلا
الصدق ما كنت فاهمة أغلب المنهج بس اللي لاحظته مستوى الأسئلة أسهل من المنهج خصوصًا تشابتر 3، لكن جبت A+ لأني لاحظت أن الأفكار في الاختبارات شبه ثابتة واللي عليك أنك تمسك التجميعات والواجب الورقي وتاكلها أكل وتفهمها زين وبالغالب ما يطلعون منها، وهذا ما يغني عن فهم المنهج لكن بيضمن لك ٨٠٪ من الاختبار
اخيس مادة ممكن تجربونها بالتحضيري، نقصت بالفتري 9 درجات وحسيت خلاص هذي نهايتي، لكن ذاكرت الكتاب بالنهائي مع طعم الدموع وقعدت احل كل التجميعات بيدي وانا حاطه وقت، و طلعت بمعدل A يمكن ما نقصت الا درجة او ما نقصت ابد، يعني كانت مشكلتي اني ما ركزت على التجميعات، اللي يتغير الارقام واسئلة النظري بس.
المادة مب سهلة خصوصًا للي بياخذونها الترم الاول
ف هي كأنها رياضيات+حفظ
فيه اشياء شوي مب مفهومه الصدق لكن اهم شي التجميعات لاتدخلون لا ميد ولا فاينل بدونها
لان الصيغة تصير نفسها تقريبًا
الواجبات مااحسها مهمه اهم شي التجميعات حلّوا حلّوا لين يطلع الحل من خشومكم
وبالتوفيق
اسوء ماده واصعبها يبي لها تمارين وتدريب كثير وغير انو الدكتورة دانه كانت دايخه وماتشرح زين والمادة دسمه وثقيلة جدا
مادة حفظظظظظظ اكثر من الفهم من كثر القوانين الي بتستخدمونها
مادة صعبة و يبيلها مخمخة بنت كلب
تجميعات تجميعات تجميعات تجميعات تجميعات تجميعات لو تجيب اكثر طالب ممتاز ودرجاته عاليه وتبيه يجيب A+ بذا الماده من فهم ماراح يجيب لن الكتاب تعبان مره عشان كذا احفظ التجميعات وتدرب والA+ بالجيب
لا تفهم شيء بس احفظظظظظ - AA2022
ركز ع التجميعات بس والله يقويكم
كأول ماده علميه لك بالجامعه
صعبه.....بس ركز على الواجبات والتجميعات
والله كا ماده تاخذها احتمال اول ترم لك في الجامعه صعبه جدا اذا كنت تدرس لحالك و دكتورك مب كويس الكتاب يعني فوضى غييير تماما عن الاختبارات بكل الابواب باستثناء الباب الاول لكن تقدر تجيب فيها قريد لو تركز على التجميعات يعني هذا اهم شي حاول تتأسس من الكتاب من قواعز اساسية وتروح على طول للاختبارات الساب
اصعب مقرر بالنسبة لي ذاك الترم اذاكر وكني ما اذاكر
الى الميد اعطيها متوسط لكن الوحدة الثالثة تحديدا صعبة جدا
والاختبارات وقتها ضيق جدا فيحتاج تتمرس على نماذج كثير لانك منتب موقف حل طول الاختبار
