اذا كنت سريع وفاهم A+ بالجيب
الأفكار مب صعبه لكن الأسئلة حلها طويل جدا اللي خلاني اجيب قريد سيء الوقت ما اسعفني افضل طريقة انك تحل اختبارات سابقة قد ما تقدر يعني حل كل الاختبارات الشابقة اللي بيعطيك اياها الدكتور وترا بيعطيك كثير حول ٨ لكل مد و٧ للفاينل، الاختبار بيكون مشابه بشكل كبير للاختبارات السابقة، الزبدة حل الاختبارات السابقة لين ما تقدر تخلص الاختبار قبل الوقت المحدد
اتفق مع الي قال ماده تقهرك وبس
ماده ما راح تتعب ب مذاكرتها لانها واضحه جداً كمفاهيم ما فيه شيء معقد
بس تطبيق فهمك على الورق وقت الاختبار وبعدها تشوف نتيجتك ب تنصدم فعليا من الدرجه مع انك فاهم بس هذي طبيعه الماده
الماده بسيطة جدا والسبب الدكاتره الي ماسكينها حل اختبارات سابقة وامورك زينه
الماده يبيلها تدريب كثييييير على الاختبارات السابقه لأنهم يجيبون نفسها تقريبا و الوقت قصير مره ما يكفي والمشروع يأخذ وقت الصدق فلا تتساهل فيه عطه حقه
سهله بس لازم تتدرب على الاختبارا السابقه عشان تعرف كل الافكار الي ممكن تجيك وماراح يطلعون من الافكار الي تحلها في الاسئله السابقه
المادة متوسطه يحتاج لها تدريب كثيير مره مررره
يعني تدخل الميد الاول والثاني والفاينل بدون تدريب تراك بترسب
لازم تذاكر لها اول باول الماده مب بسيطه ابدا اذا بتطيز لها وقبل الاختبار بكم يوم بتذاكر تراك بتلقم
شدو حيلكم وفالكم التوفيق
والله يجزا شهاب مراد الف خير
الماده سهله. ماهي صعبه ابدا يعني مو من النوع اللي فيه تريك و ما يمديك تحل، لا يمديك تحل بس الحل طويل و الوقت ما يكفي ابدا خصوصا الفاينل.
المادة سهله لكن الصعوبة في وقت الاختبار ما يكفي وتوقيت الاختبار
لاتتهاون بالمادة لأن فيها حقها و الي بدعو فيها ناس كويسين لان الاغلب يشوفونها صعبه
درررررب يدك على الاختبارات السابقه حل ٤ اختبارات بنفسك وادخل الفاينل او الميد ومبروك عليك
بالنسبة لي سهله جدًا بسبب عدة عوامل اولها كنت حريص واذاكر اول باول ومركز مع الدكتور في المحاضرة والعامل الثاني هو أ.د يوسف السلوم الله يجزاه خير شرحه ما شاء الله تبارك الله ممتاز وكلاسه كان ممتع اعطي المادة حقها وان شاء الله ربي ما يخيب تعبك
