اللي قال الماده تافهه يجي ابيه بكلمة راس
المادة افكارها سهلة ومقدور عليها لكنها كريهة
لازم تنتبه لاربع خانات بعد الفاصلة ولا ترا الناتج بيفرق وبتغلط !!
وتحتاج تتطبق كثير قبل الاختبارات عشان تتاكد من فهمك للفكرة هل هو كامل ولا ناقص
بعض افكار التجميعات تتكرر بالفاينل، لكن لازم تذاكر زييييييين
شرح انور ممتاز جدًا جدًا وللاسف اكتشفته قبل الفاينال بيومين وما امداني الحق. المادة مب صعبه اسهل من ١٠٦ بالنسبه لي بس مشكلتها الاختبار النهائي الاختياري بدرجتين فيخسف مره.
انصح بالملزمه حقت رضوان حلوا كل المسائل الي معكم وبعدها شوفوا التجميعات. حاولوا تدخلون الفاينال باعمال سنه كامله او قريب من الكامل عشان تضمنون شوي البلس.
المادة تعتبر من اسهل مواد الريض لكن مشكلتها الاختبارات فيها لف ودوران لكن مذاكرتك للاختبارات السابقة راح تفيدك مرة وتتعرف على افكار الاسئلة
يا شباب خذوها عند الزهراني، والله تصير أسهل واحلى ماده
إذا درستها عند الزهراني بتفهم وبتصير اسهل مادة عندك
اعتقد انها اسهل ريض بالجامعة بس مادري وشلون وبطريقة او بأخرى الاختبارات كلها تركات وغصب تنقص حتى لو حلك كله صح
يالربع والله المادة نفسها جدا سخيفة وواضحة بس اللي صاير بالاختبارات مب طبيعي!!!!! تحل زين وبالخطوات فجأة تلقى نفسك جايب 10 من 25
يالي تقول انها سهله لا اصيدك
بسم الله الرحمن الرحيم
الماده قوانينها كثيرة وفيه تشابه بالقوانين
الميد: مشكلته الوقت يبيلك سرعه عشان تقدر تخلص كل الاسئله
النهائي والكويزات سهله
لا تهمل الماده وتتراكم عليك
حاول انك بالميد تجيب درجه لان هو الشيء الوحيد اللي يخسف بالطلاب
مادة غثيثة جداً ومملة والمنسق ماقصر صعبها بالاختبارات، خسارة القريدات فيها مثل شرب الموية.
سيئة جداً
وحل الاسئلة ياخذ ١٥-٢٠ دقيقة للسؤال الواحد
اي خطأ بالتعويض راحت عليك نص الدرجة تقريباً
وتعتمد على الحفظ والقسم فيها ماشاءالله جداً متنوع بالافكار الغريبة العجيبة
المادة سهله جدا لكن ممكن تطلع من الاختبار تتوقع انك جايب A+ واخرتها C ولا تدري كيف
(((( التصحيح يكون على الحل النهائي فقط ))))
مادة سهله لكن قوانينها كثيره وتحتاج حفظ + تحتاج ماتفهي ولا ثانية بالاختبار عشان ماتنقهر على اخطأ غبية نطير جزء كبير جدا من درجاتك (حلك لازم يكون صح 100% ولا بتروح عليك)
وبالتوفيق.
زي اي مادة رياضيات بس اشوفها اسهل من الباقي لان نظامها مجمعة افكار من اكثر من مادة وحاطينها بمادة وحدة، المادة بشكل عام اشوفها متوسطة الى صعبة، الميد على وقتي نظامه ٦ اسئلة كل سؤال بقريد فشد حيلك بالميد والباقي سهل، الفاينل سهل ومكرر كثير، فيها كويزين سهلات كل واحد ١٠ درجات والباقي عند المعيد.
المنهج من أوله لنهايته نفس الفكرة، بس اختلاف قوانين. مهم تعرف كيف تقرأ رموز القوانين وتطبق عليها.
