مقاطع الدسوقي و مذكرة حمادة و الاختبارات السابقة ذي مصادر المادة ولو ركزت عليهن بتجيب A+ وانت نايم
اشوف صعوبة المادة بالتريكات الي ما تتعلمها بالمحاضرات التريكات هذي بتتعلمها بالتدريب فقط و مع الوقت خلاص بتصير متمكن و لا تخاف إذا ما عرفت لكود و ما عرفت طريقته عادي لأنها فكرة و تحرقها
والله انها مب صعبة ابداً بالعكس عادية تميل للسهولة لكن الي يعيبها فقط تحتاج منك تتدرب كثييير كثير عشان توصل لمرحلة انك تحسها سهلة وتافهه والبلا لو ما سويت كذا بتشوفها صعبة جداً واختباراتها تجميعات مقدور عليها بس اهم شي تدرب
لا يبيعون لك الوهم ويقولون لك مادة قريد ..
سهله بس تدرب والاختبارات السابقه نسخ لصق الخيارات والاوتبوت
المادة تحتاج ممارسة وفهم لأن الاختبارات صعبه شوي خصوصا بأسئلة الاوتبوت. انا نزلتها بترم صعب وماكان عندي وقت لها. فيه شروحات باليوتيوب ولكن حسيت الأمثلة اللي تنشرح باليوتيوب سهلة بزيادة مقارنة بأسئلة الاختبارات اللي عندنا. النظري يتكرر كثير من التجميعات السابقة. بالتوفيق
ماده رائعة وتثري معرفتك بالمنطق البرمجي اهم شي افهم الافكار زين واحضر مع الفياض وفالك ال A+ باذن الله
المادة اشوفها سهلة (كمحتوى) وضروري تشوف التجميعات لان يتكرر منها، مو المادة اللي تشيل همها طول الترم واذا كنت تفهم بالبرمجة من قبل فبتكون مادة قريد بالنسبة لك، موفقين جميعا
المادة بسيطة جدا لكن في البداية بتحسها صعبة لكن اول ماتبداء تدرب بتصير بسيطة وتافهه, وخاصة ان الاختبارات تجميعاتتتت, يعني ايزي لاتشيل هم بس تدرب كويس
اخف ماده بتدرسها بالجامعه بس لاززززززززززززززم تحل كثير فيها عشان تستوعب اسئلتها كويس
ماده سهله واختباراتها تتكرر بشكل كبير مره والدكاتره اللي ماسكينها اغلبهم كويسين يعني ماتنحد على دكتور واحد وغير كذا الدسوقي في اليوتيوب شرحه جدا ممتاز اهم شي حل اختبارين ثلاثه قبل اختبارك وبتلقى الدنيا سهله
المادة حرفيًا تعتمد على تدريبك وفهمك ونوعية المواد هذي اذا انت فاهم كويس غالبًا ماراح تعاني فيها بالمذاكرة ، اول شي لازم تختار لك دكتور كويس في هذي المادة والصراحة ما اشوف فيه افضل من خالد الفياض بعدين تصير تتابع المواضيع اول باول وتحرص انك ما تطلع من الموضوع الا وانت مطبق عليه بالجهاز وفاهمه ، عندك مصادر خارجية للشرح مثل عادل نسيم وغيره ، عمومًا المادة مب صعبه وسهل تجيب فيها A+ لكن اللي نقصني اهمالي فيها كنت مهمشها طول الترم ف نصيحة للجميع حاولو تتدربون اول باول وقبل الميد حلو اختبارات سابقة .
اول شي الاختبارات دايما ماتخلو من : كتابة كود يؤدي غرض ما+ اسئلة اوتبوت(اصعب شي بالمادة وتخسفك بالدرجات).المادة سهله وممتعة وشروحاتها بحر باليوتيوب وعشان اختصر عليك اوصيك بهالكومبو الناري: شرح يوتيوب دسوقي او عادل نسيم(عشان تفهم كيف تكتب كود) + مذكرة حمادة(غنية باسئلة الاوتبوت) وهات القريد،موفقين
