راح تتعبك في التكاليف و البروجكت اما الاختبارات مقدور عليها بس لازم تمارسها علشان تكون فاهم ولا تواجه اي مشكله
اشتركت مع يزيد النوبيت و ما قصر يمكن هو افضل خصوصي يشرح ذا المقرر
سعد إيجاد انصح فيه اذا كانت لغتك كويسه، و تراه يمشي في المشاريع اللهم المشروع الاخير يستقعد شوي
الماده ضروري خصوصي لان السلايدات ماتفهمين منها ولا شيي... فعليا كنت معتمده على كنار وبس. اختبار اللاب كان مرره سهل مووويه ماينشال همه بس الميد يخسف خسف يعني تنقصين قريد عادي جدا. برضو كل اسبوع فيه لاب تكتبين كود وعليه تقييم بس عادي محد ينقص غالبا.
الاختبارات الورقيه شوي صعبه لان تكتبون اكواد وكذا فا يبيلها تركيز ومذاكره اول بأول. بس مقدور عليها.
ملزمة التميز!!!!!!!!!!!!!!! مفيدة جدا جدا جدا
مادة تحتاج تطبيق محاضرة بمحاصرة وحل اللابات والواجبات مع مقاطع العبيد والشميمري
الماده لازم تحركون يدكم وتكتبون اكواد وتفهمون جزئية اللوبز من البدايه عشان اذا جا وقت الميد ما تنزنقون. الماده المفروض اقل شي اجيب فيها هو a بس الميد كان صعب ونقصت كثير الفاينل لاب سهل الواجبات انتبهو تطيرون درجاتكم عليها الفاينل مره سهل المنسقه كانت زاهده
كلام اللى تحت مبالغ فيه مو معقولة اذا ما فهمت مادة وحدة يعني خلاص المكان ذا ماهو مناسب لي هد اللعب شويه
اللي داخل حاسب ويشوف المادة صعبة اعرف انك داخل المكان الغلط.
مادة ما اخذت اكثر من ٥ ايام مذاكرة بالنسبة لي (يومين الميد و٣ الفاينل) حرفيًا نزلتها وما اذكرها الا بوقت الاختبارات.
الدكاترة مايفرقون فيها واجد واصلًا صعب تغير شعبتك بالعال فما عندك اي خيارات تسويها.
الماده مب شينه ك دراسه اعتمدت على خصوصي وذاكرت بشكل نظري اكثر بالميد ولقمت واخذت درجه شينه وحسيت انها نهاية العالم بس تعلمت من اغلاطي بدال لا اوقف وانهار
ونوعت بالمصادر اكثر مااعتمدت على خصوصي واحد وهذا افضل شي..اذا مافهمت توبيك معين اكتب باليوتيوب ويطلع لي مقاطع كثير ادخل اي شي صراحه واغلبها اعتمدت فيها على (((الدسوقي))))خراافي بشكل!! بعدين تدربت على اكواد كثيييييييرررررر حاولت اكتب اكثر من عشره احيانا اقل بشوي واحيانا اكثر عشان اتدرب صح للفاينل وحمدالله مسكت القريد كان باقيلي درجه ويطير
الماده مب سهله ابد لازم تشد حيلك فيها، لا تسمع كلام الي هنا لان اغلبهم نيردات وحقين حاسب وبرمجة من يوم وهم بالمتوسط ف اكيد بيعرف يبرمج ف شد حيلك واللابات اسبوع باسبوع وبأذن الله تطلع بقريد حلو
عسل عسل عسل مرة أشوفها سهله وممتعة
استمتعت بكل كود كتبته
الميد طارت ٣ درجات لأن الوقت كان ضيق انتهى وانا ما خلصت كنت فاهمه
الكويز لاب ايزي مرة
الكويز الأول نقصت درجتين كان سهل بس خبصت أنا
ومسكت القريد الحمدلله
مادة صعبه لو اهملتها وسهله لو ذاكرت يوميا وعطيتها جهدك .. اشتركت مع يزيد النويبت بمنصة شغوف والتزمت معاه لانه مفصل المادة من والى انصحكم فيه
الصدق سمعت تذمر عن المادة قبل ما ادخل التخصص وكنت شايل هم ولكن الموضوع طلع ابسط من كذا باختصار المادة تبي وقتكم وتركيزكم عشان تطلعون بقريد حلو واساسا حلو تكونون مستوعبين زين عشان جافا ٢
اهم شيء التدريب التدريب والاختبارات السابقة اذكر تكرر سوال بالفاينل من اولد فاينل قديم وكان فيه رايت برقروام مثل المشروع (كان بسيط مره اللي تمرن على اولد كويز لاب يعرف يحل السوال )
بشكل عام ادرسو زين مره وباذن الله بتطلعون بقريد رهيب
كمادة سهلة وممتعة بس الاختبارات وخصوصا الميد صعبة والوقت بالميد كان ما يكفي بس ساعة ونص على ١١ صفحة واغلب الاختبار تريسنق اما بالفاينل الوقت كافي عموما المادة مقدور عليها بس يبي لكم تذاكرون اول باول واشتركوا مع كنار
من امتع المواد اللي ممكن تدرسه واذا فهمته بتحب جافا صدقني ولا تفكر بموضوع القريد كثر الفهم لانه مدخلك للبرمجة اذا فهمته صح بتسهل عليك مواد قدام
ال A+ صعب لكن مب مستحيل المادة مصادره ماتقضي لكن شخصيًا فضلت يزيد وذاكرت معه اول باول (التجميعات اهم شي بالمادة كله بدون تجميعات ماتعتب B+) وحاول تشيك على الدكاتره لان كثير منهم يده خفيفه بالكود والبعض يدف توصل الى قريد والله يوفقكم
الماده لاهي السهله ولاهي الصعبه كل ما عطيتها حقها كل ما عطتك قريد الماده الي من النوع الي راكمتها بتاكل تراب لازم من بدايه الترم هي واللاب تراجعها بالبيت و اول ب اول وبتصير اسهل من السلم لو تراجعها اول ب اول وممتعه بعد للامانه
عن نفسي اشوف المادة سهلة، طبعا يبيلك تدريب متواصل عشان ما تنسى طريقة كتابة الاكواد فكنت اتدرب على دروس العملي
لا تصيرون نفسي وتصدقون الي يقولون سهلة ابدًا وتحطون ببالكم انها صدق سهلة كذا مستحيل تمشون المادة مو سهلة تحتاج جهد وتدريب
اخوي اسمع مني، المقرر ذا لازم تفهمه وتختم عليه، لان من هنا الى ٢١٢ كلهم متعلقين في بعض، الحين عندك جي بي تي يشرح لك وكورس يزيد وبرضه شرح دكتور الشميمري لا يعلى عليه، تكفى لا تغلط غلطي وتهمل البرمجة، انا فهمتها متاخر وندمت ووالله انها تافهه. بس مارسها وبتسهل عليك وتستوعبها وبتستمتع. فالكم التوفيق 🤍
ماده سهله وممتعه لأبعد حد والله إنها المهرب من مواد تخصصي الي مدري وش مسوين فيها ، لآصار الاختبار صعب فهو صعب عشان يختبر فهمك مو صعب عشان يطلعك تصيحين ،
بكل صراحه الماده ممتعه ممتعه ممتعه اكثر شي فادني وحبّبني فيها أني أنا الي اكتب الكود وأفهمه بنفسي وقت اللاب وهذا نفعععني كثير بحيث حتى لو مرات أصير ساحبه على الجزئيه أو ماذاكرتها زين يجي اللاب وأفهمها بشكل كبير ، الاختبارات مو صعبه عادي ووقت الميد كان كافي الصراحه والفاينل يجنن والماده كلها حلوه وعسل وأحلى شي عليها ساعات كثير ، بالتوفيق
المادة للي ماعنده اساس( اول مره يبرمج) بتعتبر بالبداية شوي صعبه ولكن المادة ممتعه وسهله ( اذا كنت تحاول تفهم ) عليك بشرح معاذ الخلف و الشميمري ومهم جدا انك تذاكر اول باول لان اذا انفلتت السحبه الله يعينك
المادة مو سهلة بس ممتعة مرة، عليكم بالتدريب المستمر وفهم الاكواد لا تحفظونها تدربوا على اكبر قدر من الافكار وحاولوا تطبقون كل شي تعلمتوه على اللاب لين ما تحسون ان الفكرة لصقت بعقلكم خلاص، الميد حقنا كان تعجيزي عالوقت وانا برضو استهنت فيه شوي ف جبت ١١/٢٠ وجاني اكتئاب وفكرت احذف المادة بس هونت وشديت حيلي باللاب الكويز والفاينل تدربت على كل شيي حرفيًا وحاولت اجمع كل الافكار وافهمها وزي ما تشوفون قدرت امسك قريدي، التتوريال مهم تجي منه افكار التجميعات كويسة عشان تتدربين وملفات كنار الاساس فادتني مرة
المادة سهله لكن غلطتي كانت اني ركزت على مواد ثانية وما ركزت عليها ولقمت بالميد لكن الحمد لله عوضت بالفاينل
نصيحة المادة عليها 4 ساعات لا تضيعين وقتك على مواد ثانية وتهملينها اعطي كل مادة حقها وربي ماراح يضيع تعبك
معليكم من وزير الايجابيه الي تحتي يحب يسولف لانه يحرث الكتب حرث وما عنده اخويا تبي درجات ابعد عن الفياض انتهى
هالمادة انت وحظك بتقسيمة الترم
ترمنا كان ١٠ فاينل لاب فقط! والباقي من درجات العملي واجبات ومشروع وكذلك الاختبارات الميد كان سهل جدًا لكن جابوا فكرة غير مسبوقه وهي خوارزمية تكتب منها كود لكن سهله وتوقعنا فاينل يكون صعب لكن كان اسهل من الميد
وانصحك تتابع اول بأول وتحاول تسبق الدكتور لان الخطه تطول بالاساسيات صراحه يعني تقعد ١١ اسبوع على على الاف ولوبز بدون ميثود كثير
والعملي الفياض ترا جبار يفهم صح وماهو مثل مايقولون
حسبي الله وكفى المنهج سخيف لكن الاختبارات 💔💔💔💔
اهم شي نزل عند دكتور عملي((((( كويس )))))))) اذا تقييمه اقل ٧٥٪ انحش نصيحة عشان ترتاح وتعطيها حقها في النظري وتجيب لك قريد كويس
ذكريات معفىْه مع ذي المادة ولكن اقولكم حاولوا قد ماتقدروا تجيبون عالي فيها لان عليها ساعات كثير تاثر بمعدلكم ولكن ولكن ممكن انكم تحاولون ومع طلك وتجيبون قريد مو كويس نفسي مثلا ولكن اقولكم مو نهاية الدنيا مشواركم بالجامعة طويل وبتعيدون المواضيع مليونين مره بعد ذا المقرر وكل شي بيثبت غصب يعني الحين اشوفها مره مواضيع تافهه بس لما اخذتها زمان كان اعقد شي بالحياة بالاخير انتوا تتعلمون لغة جديدة كانها لغة كلام بس اللهم تستخدمونها باللابتوب اكيد مارح يكون سهل
خذيتها مع دكتوره رشا ( محاضره ) كان تصحيحها يجنن وخلصتنا بدري وارتحنا ، استركت مع كنار ١٠٠٪ رهييبه تدرسنا كل شيء وتعودنا على كل انواع البرامج صعبه او سهله كلها نتمرن عليها وموقعها شامل كل شيء رهيبه والماده يبي لها جهد ومذاكره اول باول عشان تعطونها حقها وتاخذون درجات زينه
سهله وممتعه وتخصصيه بحته مافيها كلام فاضي كل شي مهم، الشي الوحيد الي طيح القريدات الفاينل مليان الغاز
بنت وجبت اي بلس بدون خصوصي لاتضيعيون فلوسكم نصيحه اليوتيوب مليياااان
ركز انك تفهم حتى لو على حساب القريد ادري 4 ساعات كثيرة بس تراها من اهم المواد في الحاسب وتعتبر الاساس
دخلت الفاينل ب أ+ وطلعت ب+
الشاهد المادة سهله لكن تركيز وقت الاختبار مهم
بداية الترم بتحسين انك في عالم ثاني و ضايعة بس بعد كم أسبوع بتبدين تمشين اهم التطبيق في البداية دخلت الكويز من 5 وكنت معتمدة على السلايدات وطبعا ما يحتاج أقول وش صار السلايادات ما تفيدك الا بالنظري ويمكن يكون عليها 3 درجات او 2 في الميد او الفاينل اهم شي تفهمين العملي وتدربين انك تستخرجين الاوت بوت من كود ورقي ,هالترم كانت طريقة الأسئلة و ترتيبها وكتابة الاكواد الي على الورق اسهل من الأترام الي قبل وواضحة اكثر انا اشتركت مع كنار بعد الكويز وما ندمت ابد كانت تأسسك زين
المادة سهلة جدا صحيح ان البدايات بتكون صعبة طبيعي لانك اول مره تبرمج بس مع الوقت بتمشي عندك بوشناق ولا الامير كويسين بوشناق ميزته يدف بس الامير لا يعطيك حقك والي بيشترك مع يزيد لا نصيحة ترا المادة بدت تتوجه للفاهمين يعني اذا حافظ ماراح تجيب B لان ممكن يلعب بالسؤال يزيد ماقصر بس فيه جوانب بسيطة سحب عليها وممكن ماتذكرها انت وتجي
والافضل انك تفتح السلايدات قبل الميد بيوم تشيك اذا فيه شي مب فاهمه ومب موجود عند يزيد
بنت)
سهله جداا جداا وكل مصادرها باليوتيوب وثلث الكوكب خذوها تلقون اسئله وتدريبات بكل مكان🙏🏻 نصيحتي لاتضيعون فلوسكم بخصوصي وتعطونها الامصار والعلم مجاني
مذاكره يوميييية عن نفسي كنت اشوفها صعبه لاني اهملتها
ذاكروها يومياً وتدريبببببببببب
الماده مليانه تركات لكن حل تجميعات وبتصير سهله عليك خاصه الميد سهل مره وحرام تنقص فيه كثير
الفاينل وسط لكن مقدور عليه
العملي اصعب شيء لكن ميزته ان الدكاتره يتساهلون في التصحيح ويدفون فركز عليه مره احتياط لانه حرفيا اصعب شيء
صراحه الماده تعبتر سهله وممتعه مره ، لكن ما ينفع ابد اهمالها اول باول افهموا واللي بعد ما عنده اي فكره عن البرمجه يبدا قبل اسبوع من الدوامات ياخذ فكره بسيطه عنها ، تصحيحهم صراحه من احسن الاقسام مره بساعدون ويرفعون درجاتكم ويعطونكم بونس حتى في تصحيح الشيتات احيانا يكون آلي فيعني ابد ما يدققون ولو نقصتي تروحين تكلمينهم يساعدونك ويرفعون لك ، بس اشوف فاينل العملي يعتبر صعب شوي بس مقدرو عليه ، اما اختبارات النظري فهي سهله وسخيفه ، قسم البنات خليكم مع كنار
اشوف القسم شادها يالنسبه لمادة يدرسونها مبتدئين بالبرمجه الميد جابوا لنا نموذج كأنه فاينل من ٦٠ بوينت بس الدرجة من ٣٠ بوقت جدا قصير كانت اكبر صدمه واجهتها بحياتي فيه ناس حبته عشان توزيع الدرجات يكون اقل لكن فيه ناس مثلي راحت عليهم اسئلة كامله تركوها فاضيه بسبب الوقت وبصراحه كملت باقي الترم وانا مقتنعه اني بحملها وكنت راضيه اجيب دي بس عشان اعديها لانها سببت لي ضغط مو طبيعي لأن كنت مو فاهمه شي بس مضطره اغصب نفسي افهم وما كانت عندي القدره احل المقالي حتى لو كان السؤال بسيط الحمدلله مشيت بذا القريد
سهله جدا بس اختبارات النظري فيها سماجة ركز فيها
وتأكد دكتور العملي يكون جيد بالدرجات لان عنده درجات واجد
الصدق أنا دخلت مع كنار بطلله يعني تتأسسين صح أنا أؤيد تدخلون معاها لانه ثلاث دكاتره لماده وحده حوسه الصدق كان يمدي على الA+ بس انه خيارات الميد راجعوها زين لانه هي تنقصكم بس المقالي يتساهلون شوي فيه والفاينل لاب ما كان صعب لكن قللو الوقت علينا ف نقصنا فيه شوي بس تصحيحهم زين والفاينل مرره عسل
تعتمد بشكل كبير على التدريب المستمر خاصة لو انت طالب حاسب هذا اساس تخصصك فلازم تقعد تتدرب إما على اللابات او لو يعطيكم معيد العملي واجبات تدرب عليها وفالك باذن الله اعلى الدرجات
نصيحة التدرررريب ومن البداية ذاكرو والي فعلا فادني غير التدريب
اني احاول اكتب ملاحظات عن اكثر الاشياء الي قاعده اغلط فيها وانا احل احس يساعد بتثبيت المعلومات وخاصة في اسئلة طلعي الايرور
واي شي يخطر على بالكم حتى لو سخيف زي لو جمعت حرفين وش بيصير لو حطيت كذا وش بيصير روحو جربوه بالكومبايلر نفسه يفيدكم بالنظري مثل find output
وبس استمتعوا بالماده كل شي بيتيسر بعون ربي
الماده مممتعة وقت المذاكره بشكل بس بدايتها غثيثه مره وتحسين نفسك اغلب وحده
كان بالراحة يمديني اجيب A+ بس انا مااعطيتها حجم بالبداية ونقصي كان بميد وكويز الفاينل فل مارك ،، دكتورتي ماتشيك زين فاشتركت مع كنار اول ماتحسون انكم ضايعين اشتررركواا لا تتاخرون وتراكمات وتندمون ولو ودكم تريحون منكم اشتركوا من الاول وبالعافية عليكم اي بلسسس
المادة تدريب وتفكر وتكتب اكواد وتقول وين ممكن يكون فيه ايرور وبعد ما تذاكر تدخل التجميعات تتوقع المادة لعبتك وتاكلها باسئلة كلها تعاملك كومبايلر وتمشي حرف حرف بكل كود عشان ما يكون فيه ايرور. حل التجميعات كلها لا تخلي ملف ما تحله وبتفهم المادة مع كثرة الحل وكيف يجيبون الاسئلة وتركاتهم, وترا الملازم مو شامله لكل الاسئلة
(بنت) الماده مره سهله اذا ركزتو بالكلاس وسويتو اللاب والشيتس لحالكم، نصيحتي اللي بتشترك مع كنار لا تشوف حلها الا بعد ماحاولت تحل من نفسها
حلاة البرمجه انك تطول بالكود لين تطلع الاغلاط من نفسك
نصيحه قبل النظري راجعو التوتوريل وان شاء الله مع اللابات تكونون حافظين الاساسيات فا مايبقا الا تجميعات
والصدق ماتحتاج خصوصي للي يحب البرمجه
الماده سهله الحمدلله و مقدور عليها
بالنسبة للبنات ، اضمنو الجزء العملي ( الشيتات ر التقييم )
و ركزززوووو على النظري
انا ما خسفني الا ميد و فاينل النظري
دربو يدكم على التجميعات قبل الميد لان الوقت ضيق
ميزة العال ، المذاكرة لجزء تشمل الجزء الثاني
مثلا لو تذاكرين للعملي كانك قاعده تذاكرين للنظري ف فيه اختصار للوقت
( لا تراكمون الماده )
فيه مصادر كثير باليوتيوب بس انا كنت مع كنار شرحها مرتب و مقسمه كل شي
على اني عطيت الماده حقها لاكن الاختبارات الورقية صعبة وتعجيز وخسف مب طبيعي
ماده مب صعبه ركزو على العملي هو اللي بتفهم منه اغلب الاشياء تقريبا
نزل عند العبيد. واضمن الA+
مادة رهيييبة وانصحكم تنزلونها عند العبيد لازم تفهم اول بأول وتطبق اللابات وتفهمها كويس الميد الجزئية حقته سهلة بس دايم يحطون تريكات بالاسئلة ركزوا زييين حاولوا تحيبون فل فاينل اللاب يبيله تطبيق لازم تصير تعوف تكتب وتتدرب على اللابات حقت الجامعة واختبارات سابقة
اما الفاينل النظري هو اصعب شي بالمادة على دفعتي لازم تذاكرله زين وتدقق زين لأن فيه تريكات
بس ال أ+ مو صعبة مرة
مدري اذا قريدي يعتبر كويس 🥺🥺
بس ادخلوا مع كنار وبتضبط اموركم باذن الله
كابوسي كانت على اني اذاكر زييين طبعا الطالبات ذاكروا قد ما تقتدرون وتدربووووا لان اختباراتنا ص ع ب ه
الماده سهله جدا لكن يبغالها تطبييييققق الي ما يطبق اول باول ويفهم اول باول بيضيع، العملي سهل مضمونه درجاته لو تطبق واجد، المشكله كانت في الميد مو على انه صعب على ان وقته قصير ما يكفي فصارت الحرب مع الوقت بدل مع الاختبار، بس كمجمل الماده ممتع و انصح بكنار للبنات جدا جدا ساعدتني الله يسعدها يا رب
الماده حلوه وممتعه بشكل لا يوصف
انصحكم بعنف مراجعة كل لاب وطبق واهبد واخبز الي براسك لين تسلك
الاختبارات كانت متوسطه مب مره صعبه ولا مره سهله
اهم شي التطبيييييييق
المادة المفروض صعوبتها متوسطة لكن دفعة 44 الدفعة المنحوسة جابوا لنا أصعب اختبارات بتاريخ جافا 1 النظري والعملي كل واحد أصعب من الثاني وخسفونا خسف
انغدرنا حرفياً اصعب اختبار جافا ١ مر على سعود على رأسنا جاء
المادة سهلة لو انهم حاطين اختبارات معقولة مانزل القريد لكن اختبار دفعة ٤٤ مب طبيعي اصعب اختبار جابوه للمادة هذي اتوقع الميد كان سهل لكن الفاينل مافيه ولا سؤال من جزئية الميد وبعد نادر فيه سؤال مباشر بالخيارات لازم فيه لفة وفوق كذا العملي بعد جابوا لنا اختبار صعب مدري وش يبون بالضبط عموما كنت ضامن فوق B+ لكن بعد اختبار اليوم هذا القريد اللي اتوقعه
المادة تعتبر متوسطة اذا ذاكرت زين
يعيبها العملي شوي وانك تكون دفعة ٤٤٤ لفل سي عشان بيجربون عليك اصعب اختبار في كل مادة
بالنسبة لقسم البنات
المقرر مب صعب كدراسة وفهم خصوصا إذا اشتركتوا مع كنار،
لكن الاختبارات تعجيزية وكلها تركات وألغاز ووقتها قصير مرة (باستثناء الفاينل والفاينل لاب كانت تعتبر سهلة مقارنة بباقي الاختبارات ووقتها كافي رغم أن حلها طويل) وهو من ترم لترم أكيد فيه فروقات طفيفة،
⭐️نصيحتي لكم (اللي ما طبقتها) المذاكرة مهمة والتدريب أهم أهم أهم أهم ولأن التدريب يحتاج وقت طويل حاولوا تسوون كل شيء أول بأول
على فكرة قسم الأولاد اختباراته مختلفة وأسهل بكثير مننا فلا تاخذون بكلامهم وقريداتهم
خش مع يزيد وبتضمن درجات النظري ، العملي هو الي يخسفك غالبا 👎🏻👎🏻
اشتركت مع يزيد وحليت التجميعات كلها بأذن الله بتطلع بقريد يرضيك
اشترك مع يزيد وامورك بتمشي بالنظري بس العملي هو القروشه لازم تفهم اللابات من اول لاب الى اخر لاب وانحش من الفياض
الميد جابوا فكرة جديد تلحس
المادة متوسطة واختباراتنا هالترم 1444 الترم الثاني كانت حليوة بالنسبة للترم اللي فات لان المنسقة صارت ازين ، مقدور عليها مررة ولا عليك من الكلام بس ملاحظة الماددة تراكمية فاحرصي انك ما تمشين للتشابتر الثاني اللي وانتي فاهمة اللي قبل زيييين ، اسالي ووقفي الدكتورة عند اي سوال يجي ببالك و لا تتعدين كنار والتجميعاااتت يتكرر منها كثير ، اذكر بالفاينل جا كتابة برنامج كامل نفس حق كنار بالضبط وموفقيين
ماده سهله لكن وثقت بنفسي بزياده لأني ابرمج من قبلها وسحبت عليها وجبت قريد شين, ذاكر المنهج كله كويس ومارسها قد ماتقدر وماراح تجيب اقل من أ
مادة اغلبها تاسيسيه ,الافضل يكون عندك مصدر غير الدكتور مثل يزيد النويبت , الاختبارات النظريه اغلبها تركات و لازم تركز فيها مررره , لكن عموماً المادة لازم تعطيها حقها و تتدرب كثير .
المادة برأيي من متوسطة إلى سهلة لكن تعتمد على دكتورك ومذاكرتك تكون اول ب اول وانتبه للجزء العملي مهم جداً.
مادة ممتعة اهتمي بالفهم أكثر من الدرجات. لم أسجل مع كنار؛ برأيي الأفضل مذاكرة مواد التخصص بنفسك؛ عند وجود حلول للواجبات قد تتكلين عليها. يعني بالرغم من أني أخطأت بخق العملي، في ن حصلت على كامل الحمد الله، لأنني بعد فضل الله كنت أحاول حل الواجبات والتقييم لوحدي.أما بالنسبة للنظري أنصح بالاستفادة من الكتاب لبساطة أسلوبه، وسؤال د أسئلة بالمحاضرة وساعاتها المكتبية، وحل التجميعات مهم سواء للعملي أو النظري، فالأفضل حلها باكرا لكي تتأكدي مع د، وللمعلومية شيء طبيعي الارتباك عند دراسة الأفكار الجديدة.
تجميعات وافهم السلايدات لأنه ممكن يجيبون افكار جديدة زي ما سوولنا ذا الترم والعملي لا تنزل عند الصالح لا شرح لا تعامل ويعطيك حقك في الاختبار الميزة الوحيدة انه ما يدقق في الواجبات هل فيها نسخ ولا لا
المادة ماهي صعبه ابد وفك عقدتها بالاختبارات السابقة اختبارين ثلاثه وتتعود على طريقة الاسئلة وبتحس انها صدق سهله
والله المادة مو صعبة ابدا ادرسها اول باول وبتجيب درجة بسهولة بس انا استهنت فيها وجبت العيد
الماده نفسها سهله بس انت وحظك اذا بوشناق (المنسق) زوجته راضيه عليه بالترم اللي انت منزل فيه راح تجيب أ+ بس اذا كان متمشكل معاها الله يعينك يمكن تصير الماده اصعب من الريض والفيز حتى وتعجيزيه وهذا اللي صار الترم هذا, اهم شيء بالمادة الاختبارات السابقه ذاكرها زين وحل كثير وتدرب وقروبات الواتس تساعد
سهله لكن نصيحة لا تغلط زيي وتهمل العملي خاصة لو كان ال صالح يدرسك ، الميد والفاينل بالنظري سهله لكن العملي ما بدعت فيه مره لكن طلعت بقريد محترم
ماهي صعبه ابد هي كم فكره وينوع بالافكار ف ماعليك الا تهتم بالاختبارات السابقه لان بدونها بتضيع ،
واختباراتها ماهي صعبه ابد بالعكس سهله اذا تدربت ، وبتفيدك قروبات الماده بالواتس مره بس الله يعينك على صياح البنات بعد كل اختبار
الماده دسسسمممه وشي جديد عليكم وافكار جديده وبترم قصير بس هذا الشعور اول شهر بس !
وبعدين يبدا يصير اسهل وتعرفون نظامهم واهم شي انتم حلو التتوريالز والشيتس الي يعطونكم بنفسكم لو تقعدون يوم كله تفكرون بسؤال عادي لانه بيفيدكم شلون تفكرون زي الجافا و البنات كنااار كنااار من بعد الله ثم هي جبت قريد حلو بس لا تغشون منها الحلول لا شوفوا الشرح بعد ماتحلون الليبس عشان تفهمون صح وتراجعون حلكم وشوفوا شروحاتها وتجميعاتها وتدربوا انتم بنفسكم سووا اكواد ووضعكم بالسليم
شوفوا المادة دسسسسمة دسمة هي مستواها فيه السهل والصعب بس المنسقة خلت كل شي صعب لدرجة كانت اكره مادة عندي ركزوااا وشدوا حيلكمم الاختبارات فيها تريكات وغثيثة ما ابي اخوفكم بس لازم تتعلمون من اغلاط غيركم لان الدفع اللي قبل لعبوا علينا قالوا سهلة و اختكم بالله اهملتها ما عليكم من اللي يقول سهلة المادة فعلاً تحتاج شغل ولا بتلقمون
المهم دعواتكم لان جتني عقدة نفسيه من العال
الاختبارات عذااااب مهما ذاكرتي بيجيبون شي غرررريب بس الماده نفسها مع التدريب و خصوصا اللابات مقدور عليها و ممتعه اذا فهمتيها
ركزو على الاختبارات السابقه وبس .. ضيعت قريدين بالميد بسبب اني دخلته بدون م اشوف اي اختبار قبل بس تداركت الوضع بالفاينال
ماده ممتعه لقصى درجه يمكن الشابتر الاخير شوي غثيث لكن حلوه و ممتعه مره راح تحسون بالانجاز فيها ، كل التوفيق
المادة سهلة مو ذيك الصعوبة، مشكلتها انك مبتدئ فبتحسها صعبة، ثاني مشكلة الاختبارات يا ساتر اتكلم كبنت، عشرين الف صفحة وكلها رايت بروقرام راسك يصدع ما تقدر تكمل، الفاينل لاب كان اخيس شيء في الحياة، اذا تبين تجيبين درجات روحي عند وحدة تصحيحها زين لان حرفيًا بتحتاجين كل ربع
المادة اساسية لتخصصنا وناخذها بشكل مكثف هي مو صعبة كمادة لكن الاختبارات!! يعتبر اختباراتها استهبال والمنسقة ماتعاونت ان المدة قصيره نلخص تشابتر الخميس ويصير اختباره الاحد شلون مستوى الاختبار نفس السنين اللي قبل شي يقهر فرق اختبارنا بين العيال و الجامعات الثانية يعني مو كانه اول جافا ناخذه محسستني عندي خبرة بالكودينق عشرين سنة وترا ابدا الوقت مايكفي حتى الفاينل ابو ٣ ساعات ماكفى السبع اوراق اللي كل صفحة تعتبر دسمة ويحتاج لها تركيز غير ان احلموا يكون الاختبارات تجميعات مافيه شي يتكرر😂الله يسامحها
الطلاب بيقولون عنها سهله لان اختباراتهم سهله، بس البنات ابدا! اختباراتنا فرق مره اصعب بكثير .
الماده هذي اعتبرها اصعب ماده بالتخصص، والي اقولك كنار تكفي لا تثقين فيها! يبي لها تدريب تدريب وسرعه في الحل لان لا الميد ولا الفاينال وقتهم يكفي! يبي لك تتدربين على مليون فكره وتكتبينها لحالك! مره مايكفي تشوفين الشرح بس.
لا تثقين باي احد يقولك هذي اسهل ماده، هذي غلطتي وندمت جدا عليها.
ياخي الطلاب حفله والله, تراها سهله سهله بس نصيحة حاول تخلص المنهج انت بسرعه تشوف مقاطع سابقه
تحتاج المادة إلى جهد ومتابعة مستمرة وحل التجميعات ولكنها ليست صعبة
شوف بالبداية تحسها صعبه مع الوقت تصير سهله مره بس المشكلة التطبيق و الشرح مافي الا انك تجيب خصوصي او تشترك عند يزيد بمنصة شغوف
الماده ترا ممتعه مرره بس اضمن المد و الباقي سهلات
التجميعات ثم التجميعات مهمه مررره تجي كثير نفسها و الباقي سهلات الا عند قسم البنات رحمتهم والله😂💔
المادة تعتبر سهلة وتعلمك اساسيات الجافا، اختبارات قسم العيال ما شاء الله سهله، لكن اسئلة قسم البنات👎🏻👎🏻👎🏻👎🏻👎🏻
المادة ممتعة تعلمك اساسيات الجافا و الاوضاع حلوة يجيك الميد يشقك شوي تريكاته كثييييييررر مره ركز بكل فاصلة
طيييب ليش دامها ممتعة و مب صعبة جبت B
لان الي درسني العملي من بقايا اليهود الي مانحرقو و نزلني درجات حرام مره اني انزلها و خسف كم شخص معي
لكن المادة مب صعبه يبيلها شوي تشد حيلك
و حاول تطبق كثييييررر ب الكومبايلر اكتب اكتب لاتدور الاجوبه رح انت اكتب الكود و جربه
ركز بالاختبار وطبق بالاكلبس كثير الماده تريكاتها مو شوي
محتوى الماده سهل بس تحتاج تتدرب على اكبر قدر من التجميعات عشان تغطي التريكات الي ممكن تجي في الاختبار
ماده تاسيسيه للبرمجه العيب الوحيد فيها هو الجزء العملي محتواه مب كافي والدكاتره يسلكون فيه وعلى دفعتنا 443 حطو فاينل من 25 درجه فيه وماعلمونا عن الموعد الا قبله باقل من اسبوع
لازم تطبيق شبه يومي ولا بتضيع وحل تجميعات كثييير، تقريبا من اسوء المواد من ناحية اختبارات لدرجة تضحك وانت تحل كنها الغاز العاب قوقل مهيب برمجة ويحاول بكل الطرق يخدعك وفيه اسئلة كثيير تقيس قوة انتباهك اكثر من قياسها لمعرفتك بالبرمجة ف اقرا السؤال ١٠ مرات وراجعه ١٠ مرات بعد
مستحيل تجيب قريد إلا اذا تطبق كثير أو عند خلفية بالبرمجة
يبي له انتباه اول باول وتطبيق واجد
مادة مافي اغث منها بالحياة مذاكرتها ثقيلة بشكل،والاختبارات غريبة ماكانت تعجيزية بس مليانة تريكات المنسقة ماقصرت فينا الله يهديها وتحتاج شغللللل يعني اذا منزل مواد صعبة الله يعينك ماراح تقدر تعطيها حقها الا اذا اشتغلت فوق طاقتك، طبعا اكتب لكم وانا ماطلع قريدي لكن اتوقع انه بيكون كذا،الي يقولون سهلة لا تثقون فيهم اشتغلوا عليها مرة متعبة وماكنت متوفقة بدكاترتي الصراحة
منجد مادة غ ث ي ث ة والافرج حقنا بكل الاختبارات كان خايس الصراحة فشكله على حسب الدفعة بعد
تدرب على الاختبارات السابقه و بتجيب درجة ممتازة ان شاء الله
المادة فيها تفاصيل كثير غير الأفكار العامة ويبي لك تدرسين لها وانتي رايقة. مهم تدرسين لها اول بأول لأن كل اسبوع بينزل لك تتوريل وشيت مطلوب منك حلهم وعليهم درجات وافكارهم مقاربة من الاختبار لو نقلتي الحل بتتوهقين بالاختبار. وكل أسبوع بيكون عندك لاب تشتغلين فيه وبيكون ثقيل عليك مرة لو مو مذاكرة. المادة يبي لك تشتغلين عليها طول الترم
مادة سهلة بس لازم تحل اختبارات سابقة كثير عشان تعرف طريقة الاسئلة
المادة اساسيات والاختبارات تكون مثل الالغاز ما يبي لها انك تحفظ المعلومة قد ما تركز بالسؤال ومعطياته التركيس كثير فيعني ركز وامورك تمام إن شاء الله
سهلة المادة دخلت الفاينل وانا بالـ A+ بس كانت بعدها مادة بثره فسحبت على مذاكرتها شويتين ونزلت للـ A
المادة ممتعة وبسيطة دامك تفهم زين وما تسلك.
سهلة وممتعة جدًا بس عطوها حقها ولازم تفهمون صح لان الاختبار بيطلبون منكم تكتبون افكار اكواد ما مرت عليكم لكن تقدرون تحللون الفكرة وتكتبون الكود، وبرضو تدربوا على التريسنق كويس ، بالنسبة لي جبت فل مارك بكل الاختبارات (كويزز وميدات) والفاينل كان حلو مستواه
المادة هاذي اساسك في البرمجة وممكن بعدها تروح للغات كثيرة ، لازم تفهم كويس وترا لاتخاف في البداية تحس انك منتب فاهم بس بعدين بتفهم كلشي
اللي بالنسبة له البرمجه مفهوم جديد بيتعب شوي
المهم الماده تحتاج تطبيق ثم تطبيق ثم تطبيق
وبس موفقين
لازم تفهم المادة المادة مادة فهم حاول تظمن العملي عشان الميد والفاينل شوي صعبات
ماده سهله بس والله ياعليهم اختبارات تلعب بقريدك , والله لو اني ايش اعرف الاوت بوت اللي تبيه , يعني بالله لما اتوظف و مثلا بستخدم جافا بيجيني عميل يبيني اكتب الكود عالورق و اعرف الاوت بوت؟ اشياء غير منطقيه -.-
مادة سهلة مرة وحرام اني جبت فبها A
قسم البنات - المادة حلوة وسهلة ويمديك تاخذ اي بلس او اي ، ركز على فهم المعلومة بدل التجميعات وفالك القريد
عال 113 اسهل بكثيييير منها هذي problem solving تحتاج تعصر مخك
الكورس جدا ممتع مقدمة لجافا -AA1442
المادة تحتاج ممارسة وتدريب كثير
المادة سهلة وممتعة لكن تحتاج ممارسة
اشتركت مع كنار لكن كنت احل كل شي بنفسي بعدين ارجع اتأكد من حلها، قد ماتتدربين وتعطين وقتك للمادة بتحصلين درجات ترضييييك جدًا، بالبداية تحسينها صعبة لكن مع الوقت تصير ممتعة اكثر.
أهم شيء بهالمادة لا تشترك مع أحد وحل الواجبات والمشروع بنفسك، الاختبار العملي بيصير زي الموية، واختبار الورق يحتاج شوي تركيز لكن ينجاب فيه مررة
