عند د.الخنين هو الوحيد الي ماسك المقرر. المقرر دسم ويحتاج هضم ونصيحتي لك وقت المذاكرة اول شي اقرا التشابتر كامل فقط قراءة بعدها خذ كل حزئية على حده ولخصها في دفتر خارجي مع الامثله بحيث تهضم المعلومة واعتمد ملخصك للمذاكرة (الزميلات الله يجزاهم خير مجتهدات ودايم يسوون ملخصات ولكن يجب عليك ان تاخذ في الحسبان ان تحديدهم مختلف) بعد ما تلخص بتستوعب ان المعلومات ثبتت في مخك يبقى عليك المراجعة وسؤال الدكتور عن الامور الي ما فهمتها وركز مع الدكتور اثناء الشرح لانه تسهل والله يوفق الجميع
اثقل مادة اقسم بالله اني افضّل واستمتع بمتوسط 1 و 2 اكثر منها ثقيلة وغثيثه وكلها كلاااااام حشو والكتاب كله اخطاء مب صعبة الصدق لكن معلومات كثيرة مره وتتشابه الحمدلله خلصتها باقل الاضرار
مادة معروفة في التخصص ومعروفة في الجامعات الثانية إنها سهلة نوعًا ما…
لكن في جامعة الملك سعود (طلاب) الوضع يختلف.
يدرسها البروفيسور صالح بن راشد العماري وما يدرسها غيره (احتكار من سنوات)
وهذا الدكتور زعل وعصب مرة لأن في طالب جايب 30 من 30 بالميد الثاني… طاااالب واااااحد وزعلان. ما يبي يشوف احد جايب A+ ابد وكويس اذا لقيت احد جايب A
95% من الطلاب على مدى سنوات في بحر الـC+ و C و D.
قريب جدًا راح يترك التدريس ويتنظف القسم أكثر وأكثر.
ماده كلها نظريه اسهل بكثير من متوسطات وتقدرين تجيبين فيها قريد حلو
لاتنزلونها عند حياة ابد
قيود كثير بس لازم تختارين الدكتوره الصح اذا شفتي مها الحربي اهربي
الدكتور رهيب بس الشرح مب ذاك الزود بس اهم شي لاتصير غثيث ولاتسوي نفسك دافور وتنشب له عشان يدفك لانه عارف ذا الحركات ، يكفيك انه يعرف اسمك من مشاركتك بالقاعه وماراح يقصر معك
الماده تقريبًا كلها نظري الا تشابتر فيه قيود بس
