مادة A+ لكني قصرت معها جداً . ميد 1 مواضيع مألوفة - مو يعني ما تشد حيلك فيها - فحرام تغلط فيه ، ميد ٢ مواضيعه جديدة وطرق حل طويلة . بالاختبار ركز في خطواتك لو غلطت صعب تعرف غلطك لن الخطوات طويلة وبيطير وقتك وانت تدور، ١٠ اسئلة بس الوقت يادوب . الفاينل متوسط وبيبقى وقت تراجع .احمد كمال حبيب وكويزاته مفيدة وشرحه اسطوري كنت اسجله وارجعله للفهم ، اكتفيت بمسائل اللكتشر والشيتس والتتوريال. مذكرة الاسطورة مالها داعي وندمت عليها. نصيحتي افهم كل مسألة من بدري لن غالبا بيكون عندك ميدات ثانية معها وتنحشر
تحتاج تدريب وتحل اسالة بدقة عالية؛ لان انا نقصت كثير باخطا تافهه نسيان اشارة، عدم قراءة السؤال جيدًا، عدم التركيز في المعطيات، عدى ذلك المادة علميا سهله، انا اشتركت مع مهندس احمد وكان كافي لكن كنت اتابع المقاطع دون تدريب خلفه الا قبل الاختبار بيوم او يومين، لا تغلط غلطتي،
بالتوفيق.
المد الاول انتبه تنقص المد الثاني الفريم شوي صعب مب مره الباقي سهل نزل عند احمد كمال اسطوره بهالمادة
مشكلتها الميدات وبس ، حل مسال كثير
كمفهوم المادة سهلة لكن المشكلة بالاسئلة خاصة الميدات لأنها خيارات وكل الخيارات متشابهة انت بس اضمن الميدات وهي سهلة بس فيها تركات وبتطلع بقريد حلو ، والدكاترة في هذي المادة اغلبهم نفس الشي ، وفيه خصوصي المهندس احمد ممتاز بس يطول ومر على مذكرة الطلاب اهم شي حل كثير
المادة حلوة وممتعة، اعتقد خلاص عندك تصور عن اكبر مشاكلها وهو توزيع الدرجات، ولكن بسبب التوزيع الميدات اسئلتها مباشرة ومافيها لعب الا سؤال يمكن بالاختبار الواحد، والفاينل مقالي فبيمشي الوضع.. لاتخاف الموضوع سهالات مرة
المادة محتواها سهل جدا لكن صعوبتها بالميدات 10 اسئلة ب25 درجة، فذاكر للميدات بجدية لان الخطأ بسؤالين يطير عليك قريد، الفاينل مقالي 6 اسئلة، مستوى الاسئلة بالاختبار من سهل لمتوسط، انصحكم بتنزيل المادة عند الدكتور احمد العمران شرحه يغنيك عن الخصوصي و مستوى كويزاته نفس مستوى الميد و ما بتطلع من محاضرته الا وانت فاهم.
لما تدرسها بتشوفها افكار تافهه كنك تدرس الرياضيات حق المرحلة المتوسطة (ما ابالغ )، ولكن لا تخلي تفاهة الافكار تخليك ما تتمرن لازم تتعود انك تحل بيدك وبعدها يبيلك تتعود وشلون تحل السؤال بسرعة وتلقط التريك .. لأن نظام الاسئلة بالميدات كله تريكات واللي يلقط التريك بيحل بسرعة، واذا تبي خصوصي عندك المهندس احمد سعودي وممتاز .. عيبه انه يطولها شوي بس لا تعتمد على شرحه لازم تحل بيدك واحرص على انك تكثف التمارين قبل الاختبار بكم يوم، وبشكل عام المادة ممتعة لك كمهندس
وفقنا الله واياكم.
التدريب ثم التدريب ثم التدريب ترى المادة افكارهاا جدا كثير لكن هذا لا يعني انها صعبه تدرب وافهم الكونسبت لكل تشابتر يشيخ حتى لو المد خمس اسئلة من 25 درجة بتجيب قريد كويس تدرب ومعليك
مادة متوسطة الصعوبة اهم شيء حاول تعدي الميدات بسلام تقدر تطلع ب 25 من كل واحد اذا ذاكرت من البداية وخليت قبل الاختبار بيوم مراجعه وركز على اخطائك في التمارين حاول تعرفها قبل الميد عشان تحل زين
عيبها فقط المدات ولا المادة ممتعه الصراحه عدا جزئيه الفاينل
والله ماده جميله ما فيها أي مشكلة، ولكن القسم كله شيبان تقل دار عجزه ما حد فيهم يبي يصحح فخلوها اختيارات 10 أسئلة، وكل سؤال عليه درجتين. و ونص يعني تخيل الفاينل 6 أسئلة والمد 10 أسئلة مثلا، وكلها فريم. ولا ترس مخك بيفصل في الاختبار غير التركات، واللي. حط الخيارات ما فيه اوسخ منه يبيك، تغلط غصب يعني المفروض الافرج B B+ خلوه C C+ ترى عادي يمكن تكون فاهم المادة، وتجيب قريد شين والعكس. ظلم كبير للطالب كرهت الماده قسم
الماده تدرس القوى للاجسام الساكنه وماده اساسيه فقسم المدني بتشوفها سهله و واضحه ومواضيع بسيطه او شيء قد اخذته فال 103 فيز ولكن مصيبتها فالمدات , اختبار من 25 درجه على 10 اسئله و خيارات ! وفوقها يشوفون الاخطاء الشائعه الي يطيحون فيها الطلاب واحتمال تلقاها من ضمن الخيارات وهذا اكثر شيء بيغدر فيك بالماده ويخسف بك , اما الفاينال عباره عن اسئله مقاليه و ارحم بكثييير من الميدات ونصيحتي ذاكروها اول ب اول و افهموها زييين وبالذات الماده تعتبر سهله كمفاهيم اما قريدي اخذته لاني كنت اطيح باخطاء تافهه للاسف
مادة منجد سهلة، مافي تريكات ولا لعب فالاسألة كلها مباشرة
لكنها ماتصلح خيارات ابدًا؛ المادة حلها طويل ودقيق ( بمعنى الاشارات مهمة فيه واصغر القيم وحتى التقريب مهم فيه ) عشان كذا ماتصلح خيارات المادة ابدًا
لكن انا مو هنا عشان اعيد كلام سمعته
المادة مو صعبة وسهلة وتقدر تجيب فيه A+ بدون كلام
الخيارات فيها لعب بس اسمع لو طلع معك ناتج بنسبة ٩٥٪ انه صح بدون كلام
الدكاترة فيها اغلبهم ممتاز ومتساعد
ومصادرها فكل مكان ( انصحك بالمهندس احمد )
والصراحة
مادة ممتعة بشكل خرافي
المادة كدراسه ممتعه جدا جدا جدا ولا فيها صعوبه لكن يعيب الماده توزيع الدرجات ظالم الطلاب بشكل يعني الميدين ١٠ اسئله اختيارات كل سؤال ب درجتين و ربع ، تغلط بسؤالين انت كذا طحت قريد
و الفاينل الصدق سهل لأنه مقالي و صعب تجيب اقل من ٣٠ اذا انت مذاكر .
كافكار بسيطة ، ولكن يبيلها تدريب اسبوعي علشان تستوعب المادة ، اللي خلاني اجيب هالقريد هو نظام الاختبارات ، فعليًا الميدات كنت احل سوال كامل وياخذ مني نص صفحة اخرتها الجواب مو بالخيارات بسبب اني اخطات باشارة او بفاصلة ، ومايمديك ترجع تتاكد بسبب ضيق الوقت فتختار اي شي وتطيح باحتمالية 75 بالمية بانك تنقص نص قريد هذا وانا فاهم كل المواضيع وحال عليها اسئلة كثير ، شيء مرهق ذهنيًا حقيقة
الماده نفسها ميب صعبه المشكله الميدات السؤال بدرجتين و نص
و المنسق يجيب اختبارات صعبه الصدق ولا المفروض تكون الماده ميب صعبه
المادة العلمية مب صعبة ابد ولكن المادة مشكلتها
١- توزيع درجات هو الأسوء، غلطة بالميد تطير نص قريد + الخيارات متشابهة فلازم تركز.
٢- الفهم: قوانين المادة اغلبها مألوفة لك ولكن تحتاج وقت وروقان وفهم عميق للتطبيقات والمفاهيم.
حملتها 3 مرات وهجيت من الهندسة بسببها
المادة سهله وتنقص بطريقة ترفع الضغط ركز
سهله بس مشكلتها ان ميدات اختيارات و سوالين بقريد ف سهل تطيح قريدات
نزلها عند مسلم شرحه الافضل وفاينل ايزي فوق ٣٥
مب صعبة لكن صعب تجيب فيها قريد
من اسهل واجمل المواد بالاعداد… مشكلتها بس سالفة توزيع الدرجات لكن ماهي مشكله عويصه لان الماده سهله بس عطها حقها شوي قبل الاختبار وباذن الله فل مارك مضمون
من أصعب اللحظات اللي عشتها بالجامعة كانت بسبب هالمادة ونظام اختباراتها. دخلت اختبار الفاينل وكان ناقصني 25 درجة على الD ومدري كيف جبتها والله. شدوا حيلكم بالمدات ولا بتندمون
دخلت الفاينل وكان ناقصني 28 درجة على النجاح والحمدلله نجحت، لا تستلم ابدا
والله لو لا الخيارات كان صارت مادة قريد القريدات تطير منك بسهوله
الماده سهلة الفهم بس تحتاج تحل اسئلة وتدرب يدك كثير بس سلبيتها الميدات أولًا الاسئلة قليله 10 اسئلة خيارات الخطأ فيها قاتل بدرجتين ونص والكورس كله اختبارات ما فيه شي مضمون الا درجة التجارب اللي هي 5 درجات بس ف حاول تطلع بأقل الاضرار في أعمال السنه لان الفاينل جدًا سهل لانه مقالي وتصحيحهم ممتاز انا مجموعي كان سيء بسبب الميدات وعديتها ع الحافه والماده مافيها اي دف طبعًا بتاخذ حقك
الماده سهله كمحتوى، واشوفها ماخذها اكبر من حجمها ، مشكلتها في الميدات السؤال بـ 2.5 وخيارات ، نصيحتي هي حل اسئله بقدر المستطاع عشان تعرف وش مشكلتك وتتجنبها في الميدات ، الفاينل كلاسيكي مره ومباشر، الميدات لا تنقص فيها وامورك طيبه. المهندس احمد خيار ممتاز للي يبي خصوصي
مادة محتواها سهل ولكن بالنسبة لي المشكلة كانت بالمدات لأنها خيارات وكان كل سؤالين بقريد ، والخيارات كانت تلخبط تحصل نفس الأرقام ولكن بإشارات مختلفه. ولكن للأمانه الفاينل كان سهل صراحه
أهم شيء بذا المادة لاتعطي الخيارات أكبر من حجمها وتصير هي هاجسك الأكبر،المادة كمحتوى ممتع وسهلة وحتى اسئلتهم بالخيارات أسهل من الميدات السابقة اللي كانت مقالي وماعندهم ملعنه بالخيارات الا ناادر،تحتاج تدريب كثير صراحة،،وأعتقد ان تصحيحهم بالفاينل ممتاز
اكثر مادة منفوخة وعليها كلام كثير وهي سهلة، بالنسبة للميد الاول 3d ذاكره زين، والميد الثاني عندك frame ذاكرة زين، وجزئية الفاينل كلها بسيطة ولاتضيع ولا درجة من الفاينل
كانت ممتعه بالنسبة لي مشكلتها بالميدات توريعها خايس وتنقص واجد بسهوله وذا الي مصعبها ولا من ناحية دروس بسيطه
والله مدري كيف نقصت كل ذا
مادة تحتاج تدريب بس ، نزل المادة عند احمد كمال وركز معه وحل بمذكرة الطلاب واذا فيه شي ما فهمته عندك ابراهيم عكه باليوتيوب وتضمن قريد عالي ان شاء الله
والله انها سهله بس المشكله الميدات اختيارات والله تظلم غلطه وحده من الارقام السالب و الموجب ياثرون بالكامل بالسوال على العموم لازم تتدربون كثيييير على كل انواع الاسئله قد ما تقدرون مره تعتمد على فهمك لازم تحرك يدك اذا ضمنت الميدات بتضمن الفاينل ان شاء الله
انجزت الماده بعد توفيق الله من مذكره الاسطورة فقط كنت اركز مع الدكتور مب مره بس شي بسيط واهم شي ماينتهي الاسبوع الا انا فاهم وحال كم سؤال في المذكره على اللي خذت واذا شي مافهمته اليوتيوب مليانن وفادتني مذكره الطلاب شوي بس اهم شي الاسطوره تمرن لين تقول ربي الله
الماده حقها ساعه وحده في الاسبوع الى ساعتين تمارين .
تحياتي TMA
سهله جداً للي يتابع اول ب اول
تافهه حتى عيب اقول سهله
المادة هذي لازم تعطيها حقها من التدريب لان الافكار متنوعه بشكل بسيط فيها, والموضوع مرتكز بشكل اساسي على الله ثم الاختبارات اللي يحطونها ومستواها الحمدلله ترمي كانت اختباراته متوسطه ولكن ماتدري وش يصير بترمك, بشكل عام كنت مشترك مع المهندس احمد بيض الله وجهه ولا اعتمدت على غيره لانه مايقصر اللي يجيبه لك اختبارات سابقه كلها بس كانت عنده مشكلة وترتني ولخبطت جدولي كان يأخر تنزيل المقاطع مره بكل صراحه غيرها كان رهيب.
ذاكر اول بأول والله يحلها
المادة كا مفاهيم سهله كا اختبارات صعبة بكل بساطة ذاكر اول باول وبتشوفها تافهه ولازم تحل بيدك حتى لو ما عندك اختبار او كويز بحيث المعلومة تثبت واذا جا وقت الميدات حل قد ما تقدر وحل اختبارات سابقة طبعًا انصح بمذكرة الاسطورة بس ترا الاسئلة الي فيها كلها صعبه مستواها من الخيال وتراها اسئلة اختبارات سابقة كلها اصعب جزئية بالمادة الي هي جزئية الميد الأول الطلاب يضيعون فيها درجات (نصيحة ركز على الثري دي وفصفصه زين) ليه اقول كذا لانه بيجيك بالميد الاول والفاينل ودرجاته عاليه
مصادر المادة كثيرة وتقدر تفهم ولكن بسهل عليك تكون عند دكتور ممتاز، لازم تدرس أول بأول لأنه كله يعتمد على بعض خاصة كل الشباتر تعتمد على أول شابترين، مشكلتها في المد يكون خيارات والسؤالين تقريبا بقريد كامل، أنصح بسلايدات إقبال ومذكرة ابو عمار ومذكرة الطلاب وفالك التوفيق.
المادة بسيطة ومصادرها كثيرة فلا تشيل هم الفهم نهائيا، يبيلها تمرين مكثف وحل اختبارات سابقة وباذن الله بتلقى الدرجة اللي تسرك، لكن اذا استمروا بالخيارات راح تصير من اصعب المواد وهذا اللي حصل معنا (445 الترم الاول) موفقين جميعا
من اصعب مواد الاعداد يعني مد ١٠ اسئلة خيارات عليه ٢٥ درجة!!! سؤالين بقريد و تصحيح مشترك الفاينل كان ايام اول الميد مقالي و كان مستواه متوسط .دفعة ((مب شعبة)) مافي الا اثنين اخذو فل بالميد !!!!
عام 2023-شهر ديسمبر-ترم 451
سيشهد طلاب هذا الترم بأن هذه المادة أتت من قعر الجحيم🔥🪦
اصعب مادة بالاعداد تغيرت لمن رجعنا ترمين صار الميد افرج الشعب يتراوح بين ٠١-١٥ من ٣٠! و ميدين كل ميد اسوء من الثاني خيارات يجي ١٠-١٢ سؤال يعني سؤالين بقريد !!! من الاخر صارت مادة تخفس القريد
الي يقولك سهلة نصاب اعطيك باختصار انا، مادة تبي جهد قوي وتركيز عشان تطلع بقريد، وبالنسبة لي اصعب مادة بالاعداد بعد ما تحولت خيارات
ياجماعة والله مادة قريد لاتضيعونها جداً سهله وممتعه بس لازم تركز مع دكتورك عشان تستوعبها كويس
المادة كمفهوم وفكره مب اصعب شي قد شفته الفيز اصعب لكن المادة يبيلها حل كثيييير وكل ماحليت ضمنت من الاخير يعني انصحكم بدكتور شرحه كويس وتفهم معه ولاجا قبل الميد او الكويز الموحد تحل كل الاختبارات الموجودة كل مازودت اختبارات زادت درجتك باذن الله حنا كنا الميد والكويز اختيارات فكانت تجي اسئلة غريبة شوي بس تنحل ، اما الفاينل شي ثانية جا سهل وطبيعي بشكل يخوف حتى وانا احل احس فيه شي غلط لان كله نفس الاولدات بس تغيرات بسيطة ، البداية اصعب شي خاصة الثري دي والتو دي اساس لكل شي قدام فشد بالبداية
مادة يا تعديها ب D او تجيب A,A+
تبي قريد باختصار؟ حل اختبارات سابقه، المادة تسهل لك كثير كل ماحليت اختبارات سابقه حتى لو مادرست واجد حل اختبارات سابقه وامورك بتمشي
الي قايل الحمدلله بعد ما درستها الف مره عديتها وحاطها سهل جداً انت صاحي؟!؟!
ماده غثيثه ولازم تذاكرها اول باول وتحل مسائل كثير ولا ترا اذا دخلت الاختبار بتضيع وبتنصدم بدرجة قليله ، ف عطها حقها وبتصير بسيطه باذن الله
الحمدلله بعد ما درستها الف مره عديتها
المادة ماهي سهلة بس تقدر تعديها بقريد كويس اذا تدربت وحليت اختبارات سابقة
ماده مب سهله ولا صعبه تعطيها حقها من التدريب، الزين فيها قوانينها قليل ومصادر الشرح كثيره مره
الماده سهله اذا حليت كثير
مادة ممتعه جدًا جدًا كنت اذاكر باوقات طويلة وما اطفش منها، بس الي عليك ركز اثناء الشرح وحل مذكرة ابو عمار( او اسالة الكتاب لانها نفس الشيء تقريبا) وقبل الاختبار بيومين حل اختبارات سابقة والميزة ان الاختبارات متوفره بكثره ف حلها كله وفالك التوفيق
مادة ممتعه وسهله للامانه يمديك تطلع بقريد بسهوله بس يبي لك اول ميد تشد حيلك لان هو الي غالب الطلاب يضيعون فيه درجات حل كثير خصوصاً اختبارات سابقة وبتكون متمكن اهم شي اول تشابتر لازم تعرفه زين لان اغلب المنهج يعتمد عليه
مذكرة دكتورك حل الاسئلة بنفسك ( انصحك بخواجي ) + اختبارات سابقة وامورك سهالات.
اول شهر بتحس انك ضايع طبيعي لاكن انصحك لا تستلم و حاول تحل الاسئلة اللي في السلايدات بنفسك
اسمها يخوف لكن لا تقلق مذكره ابو عمار واختبارات سابقة امورك تمام
سهله لكن افكارها كلها تتطلب فهم الا الجزئية الاولى
ماده نوعاً ما سهله بس لازم تعطيها حقها+ ممتعه
المادة هذه حذفتها واكتشفت انها مادة صيفي اكثر من انها مادة ترم كامل لان لازم تروق لها مرة وتحل تمارين قدر المستطاع المنهج سهل لكن الاختبارات شوي معقده
والله مادة مدري ليش كنت خايف منها ولا ادري ليش الطلاب يخوفونك منها , سهله و كل الطلاب يقولون انها ممتعه
