.. الي يقولون سهلة بس يبون يطلعون انفسهم اذكياء .. او انهم كذابين … مادة صعبة والاصعب انها في ترم جدًا ثقيل عليك… نصيحيتي الشخصية هو انك تشتري ملازم الاسطورة وتحل كل سؤال فيها… اي سؤال ماتعرف كلم شات جي بي تي يشرحلك… او لو دكتورك كويس كلمه… العملي جدًا سهل لا تشيل همه.. والله يوفقك في دربك
لاتقولي 106 ولاتقولي اي مادة بالاعداد . المادة ذي هي الجحيم
والله يا هي غثا وهم الحمدلله عدينا يارب لك الحمد، خذلك عند دورة ضياء ولا ابو ياسر خصوصاً ابو ياسر ملفاته جامدة واختبارات كثير تدرب وحل لين تقول ربي الله لاتخش ميد الا انت مقفل اقل شي ٥ ميدات وباذن الله تضمن قريد ممتاز
فاينل المنسق نار وشرار حسبي الله ونعم الوكيل
المادة اسميها (البعبع) اصعب مادة اخذتها بحياتي والسبب هو منسقها طبعا الحربي المادة قوانينها قليل هذي ميزتها ولكن مشكلتها بالاسئلة يقدر يجيب لك سؤال هو بنفسه مايقدر يحله يقدر يلعب فيك لعب ولكن المادة مب مستحيله والحمدلله جبت فيها هذا القريد ولكن بعد تعب وسبق حذفت المادة قبل، يبيلك تشد على نفسك فيها وتذاكرها اول باول، مشكلتها بالخصوصين مافيه احد ممتاز ولكن اللبودي جيد ومذكرته لاغنى عنها الي هي الاسطورة حل كثير وتدرب وفالك التوفيق
تقسيمها ١٥ مد الاول ١٥ المد الثاني ٣٠ عملي سهله و ٤٠ فاينل
بدون مبالغة هي اصعب مادة بالاعدادي ، لكن هذا ما يعني انها مستحيلة لا والله ولا انا قاعد احبطكم واثبطكم، لا حشا وكلا ، المادة لو تعطيني اياها بالتحضيري او بترم مافيه الا هي بتشوفها تنشق شق لكن البلا انها تجيك بترم دسم جداً جداً جداً فقط هذا الي بيصعبها عليك، كمحتوى مب صعبة وقوانينها تنعد عالاصابع ولكن الحالات والتطبيقات كثيرة جداً، ابو ياسر خيار ممتاز لان ملفاته مرتبة ومفيدة بشكل بس كشرح مب الافضل لكن يمشي الوضع، كثير ينصحون باللبودي وضياء فيها فا اسال شخص ماخذ عندهم لو تبي العلم ، موفقين جميعاً
الماده مو ذيك الصعوبه.
متوسطة الصعوبه تحتاج جهد اكثر.
افكارها كثيره. كل اختبار فيه سؤال او اثنين صعبات جدا ف لازم تحل اسئلة كثير و افكار متنوعه.بعض الاسئلة الي في الفاينل و الميدات كانت مكرره من اختبارات سابقة.
الي ما يحب الفيزياء كان الله في عونك المنسق اختبارتها صعبة مره يبيلك تكون فاهم صح
المادة تعتبر أصعب مادة في الإعداد فا لا يستهان بها خاصة ان عليها ٤ ساعات، النقطة الصعبة فيها الكم الهائل من الافكار ، كل تشابتر فيه كم قانون بس الأمثلة والأفكار متشعب وفوقها الميدات خيارات تفكك من الحل الطويل لكن تصير افكار اكثر، أشوف الخصوصي ضروري للفهم العميق زي البودي الي يشرح مذكرة الأسطورة، شرحه وسط لكنه افضل الي يشرحها، واشوفها مذكرة مفيدة جدا صح دسمة ومليانة بس تعطيك فهم عميق للأفكار المختلفة للمادة، من كل اسئلة الميدات والفاينل كم سؤال بس الي فكرتها جديدة، العملي ممتع وبالجيب بإذن الله
الماده هذي يا تذاكرها اول ب اول من بداية الترم ولا بتنزنق في كل اختبار مثل الي صار لي !, لاااازم تكون فاهم زين وتمخمخ على الماده و انت تذاكرها عشان تمشي فيها والماده عباره عن قوانين حركه , اختبارات الماده تميل انها تكون تريكات و تحتاج فهم خصوصًا اذا منسق الماده واحد مثل الحربي , والدورات عندك ابو ياسر ( شرحه مختصر وسريع ) او اللبودي ( شرحه طويل بس يفهمك ) .
هالمادة اعتبر اللي ياخذ فيها A+ فعليًا نااابغة ماشاءالله. من اصعب المواد اللي اخذتها فمسيرتي الاكاديمية كلها يشيخ. هي مب شينة وحتى مرات ممكن ممتعة بعد(خصيصًا العملي صراحة استمتعت فيه جدا)لكن لو علمتني شي هالمادة علمتني كيف ممكن منسقين يرفعون او يزبلون فموادهم.مب طبيعي يابشر هالمنسق. مب طبيعية الاسئلة.الحمدلله افتكيت منها هالمادة والله يوم خلصت الاختبار فرحت كني تخرجت ياعيال. سلبيتها الكبرى مافيه خصوووووصي زين زي كيم التحضيري. اشوف يمدحون ابو ياسر لكن والله ماعجبني ابد عجزت والله.الحمدلله افتكييت
حاول تضمن الميد الأول لأنه جدًا سهل وافكاره سهله وبتتكرر معك الى اخر المنهج، الميد الثاني مواضيعه أصعب بمراحل وتتطلب فهم ولكن كانت اسئلة كثير من التجميعات بينما الفاينل كان اصعبهم بشكل ملاحظ. لو تبي تضمن درجة وانت مرتاح حل الاسئلة المقترحة من الكتاب أول بأول لأن صعوبة الفاينل باسئلة على نفس نمطها. العملي سهل جدًا لا يضيع منك. لو المادة عندك اختيارية لا تنزلها لأنها مملة وثقيلة تعتبر
يبيلك تتدرب واجد على المادة لان افكارها كثيره مره وبالنسبة للميدات سهلة حاول تضمنها والعملي مضمون حتى لو نزلك معيد ماش والفاينل مب مستواه صعب مره فوق المتوسط ويجي من تمارين الكتاب واحيان نسخ لصق انصحك بمذكرة الأسطورة وتمارين الكتاب صح كثير لكن مادة ٤ ساعات مهمة مره واهم شي الفهم
هي اصعب مادة بتدرسها بالاعداد، لكنها ممتعة ويمديك تجيب قريد حلو بسهولة اذا عطيتها حقها، عندك اسئلة الكتاب المقترحة+كويك كويز اللي بالكتاب+الاختبارات سابقة مهم جدا تتقنها لان غير ان يجي منها بالحرف بالاختبارات فهمك وقدرتك على حلها يعني انك جاهز. عندك 30 درجة عملي و30 درجة ميدات حاول ماتفرط فيها لان غير ان مستواها سهل بتخليك تدخل الاختبار مرتاح، لاتصدق المبالغات بخصوص مستوى الاختبار، فوق 80% من الاسئلة سهلة، 10% بتحتاج شغل وهذا في الميد وحتى بالفاينل.بالنهاية المادة تحتاج جهد وبتتيسر
مادة كريهه جداً جدًا ؛ يا بنات نصيحه نصييييحهههه احرصوا بالميد تجيبون فل مارك لو بوحده من الميدات على الأقل صدقوني بتصير فايده كبيييرررههه لكم بعدين ، لأن منسق العيال حالف عليهم كل نهاية سمستر يحط فاينل أسئلته غريبه وانتم بتكلونها معهم ، لأن ميداتنا من قسم البنات بس ، وهي أبسط من ميداتهم ف احرصوا أشد الحرص تذاكرون اول بأول
منسق المادة عند العيال اسئلته اصعب من اسئلة البنات الفاينل هو اصعب شي فيها لو مذاكر كويس بتطلع منه ان شاء الله ٣٠/٤٠ اقل شي (اقل شي مو افضل شي) يعني بتحل ٢٠ سؤال من ٢٧ ف افضل نصيحة اضمن الميدات حاول ما تتقص درجة الفاينل السؤال عليه درجة ونص وتراها مو سهله (الميدات) عطها وقت كبير
ادسم مادة بالترم ، مادة يبي تحلها الف سؤال منها علشان تتقنها مادة دسمة دسمة دسمة المادة ممتعة تتكلم عن الميكانيكا الكلاسيكية لكن قسم بالله ان المنسق يكرهك فيها يجيب اسئلة من تحت الارض مع خيارات صعبه ، معليك من كلام البنات اختباراتهم سواليف ، لكن شدد حيلك فيها المادة تحتاج اهتمام
نصيحه يخوان شوفو الاسئله اللي بالكتاب الاصلي لان المنسق يجيبها من الكتاب نسخ لصق بالفاينل جاب ممكن ثلاث اساله من الكتاب
اخذت مذكرة خصوصي للميد وجبت درجة زفت والفاينل اعتمدت على السلايدات والكتاب وجبت بين ٣٠-٣٥
اذا تبي قريد عالي ذاكر من الكتاب من البداية ولخص لان المحتوى موب بسيط
بذا المادة اذا اعتمدت على الحفظ لو ب١٠٪ ترا قريدك C
اسوء ماده درستها فحياتي والحمدلله عديت بس
الماده الوحيده الي من دخلت الجامعه ماقدر نزلت عن b+ ماده تبغى منك وفهم وحل كثير كثير اذا تبغى قريد ولا تعدي فكره الا وانت فاهمها حتى لو صعبه لاتقول مارح تجي لان مع المنسق ذا توقع اي سوال مع ان الماده ممتعه لكن هو معقدها بزياده وفاينل حقها دمار حاول تضمن الميدات وبالتوفيق
باختصار الخصوصي بيساعدك تفهم لكن ماهو الافضل ركز على الكتاب وحاول تقراه وتلقاه pdf وفي كل نهاية تشابتر فيه اسئله كثيييير ويجيبون منها نسخ لصق الصراحه انا ركزت مع خصوصي لكني ضعيف بالتعاريف ودخلت الفاينل وانا B+ مع الاسف ضيعت درجات بالميدين وطلعت ب C وبنفس الوقت تقسيم الدرجات غبي بالفاينل وكثيير تطير عليهم قريدات بسبته
سهل انك تجيب فيها B+ بس مشكلتها يبيلها وقت واجد، الميد الاول نقصت ٨ درجات كنت مهمل الصراحة بس اشتركت مع ابو ياسر وتداركت الوضع
البنات انتبهو الفاينل اصعب من الميدات بكثير
دخلته بA+ طلعت بB
شدو حيلكم ولا تحطون ببالكم انه نفس مستوى الميدات
مادة صعبة ولكن لو اعطيتها حقها بالتدريب بتجيب قريد زين التدريب هو الي بيقوي عندك فهمك للمادة + ركز بشكل كبير على الكويسشنز والكويك كويز الي بالكتاب تجي كثير ولو بيجبون فكرة جديدة ماقد جت بيجيبونها من ااسئلة الكتاب ولاتضيع درجات الميد
داخل الفاينل a+ طلعت b انخسفت فالفاينل خسف موب طبيعي
المادة يبيله ممارسة وفهم وعلى قد ماتحل قد ماتحصل الميد١ كان سهل ومباشر وجزئيته سهله الميد ٢ كان فيه فكرتين ووحدة من الفكرتين قد جت ب اختبار سآبق والفاينل امانةً صعب كان فيه ٣+ افكار جديده كليًا
جزئية الميد ٢ هي الاصعب والي تاخذ حيز كبير بالفاينل ف افهمها زيين
من الاخر اسوء ماده درستها
منسقها بشار الاسد جامعة الملك سعود
منسقها مجرم الله ينتقم منه يشايخ مثل ماعقدها علينا
بدون مانكثر حكي المادة ذي هي وحش الاعداد
اقسم بالله كاااابووس الحمدلله عتقنا منها
أغث مادة في الإعداد جحيم قسم بالله
خذيتها في ترم لعل المنسق كان مطشم على الدفعه شوي مب طبيعي ميدين وفاينل كلها صعبه الله يهديه بس تقل تخصصك فيزياء مب هندسه ولا حاسب
بشكل مختصر الماده هذي فهم تحب تفهم راح تستمع بالماده وراح تكون لك من افضل المواد تحب تحفظ الله يعينك, عمومًا ترا اليوتيوب بحر بحر اذا تبي تفهم وتستمع وبالنسبه لي م اشتركت مع احد وجبت قريد كويس الحمدلله بس اعتمدت على ملزمة الاسطورة لن كلها تجميعات واذا جاك سوال مافهمته بتلقى شرحه باليوت
مختصر كلام الطلاب حسب الي قريته(ما درست المادة انا) :
-المادة فيها فهم اكثر من الحفظ
-المادة يبيلها شده حيل
-لا تراكم الدروس وذاكر اول باول
-افهم اول اربع تشابتر صحح لان الباقي يعتمد عليه
-من التشابتر خمسة تبدا الصعوبة
-ركز بالمذاكرة من الكتاب والتمارين المحددة.
كان معكم ابو عقلا لا تنسوني من دعواتكم
مادة غثيثة افكارها ماتنتهي اعتمدت على ابو ياسر في الشرح كان مختصر ومفيد وطلعت بقريد ماكنت احلم فيه
المادة صعبه وحذفتها بالبداية بس الحمدلله رجعت نزلتها وجبت قريد راضي فيه الحمدلله, كل اللي كان في بالي يوم حذفتها انها خيره من الله وتعليق واحد الله يوفقه كان يقول اذا حذفتها ارجع وحاول يمديك وفعلا ولله الحمد, مابي اخوفك لكن المادة يبيلها جهد واذا انت ممتاز بالثنوي بتسهل الامور شوي عكسي ماكنت امسك الكتاب بالثنوي.
ماده دسمه جدًا
افهممم لا تحفظ البته
وحاول تكثر تدريب على الاسئلة وتحلها بفهم
وحاول ماتنقص بالميدات قدر المستطاع لانك بترتاح بالفاينل
الله يعينك مادة غثيثة ودسمة والمنسق اسئلته ثقيلة
قبل كل شي المادة ذي اترام ، ترم سهل ترم صعب ترم يحذفون تشابترات ترم يدخلون تشابترات
اذا انت اعداد الله يعينك على التعب النفسي اللي بيجي بسببها دخلت مجموعي 50/60 طلعت D+ صدق متعبة وانت مب اعداد كيف لو اعداد
المادة ممتعة و اكثر مادة استمتعت فيها بس برضو أنت بشكل عام ابذل قصارى جهدك و المادة ذي انت و ترمك و كل ترم و ظروفه مع المادة
اصعب مادة درستها بالاعداد
لا تراكم وحاول تفههممممم زين ولا بتبتلش دخلت الفاينل A+ طلعت B، هذي مادة فهم حرفيًا لان القوانين فيها تقدر تجمعها في صفحة ..
المادة مقدور عليها لكن للاسف مافي دكاتره كويسين تحتاج جهد ومذاكره اول باول وحل دايم تدربوا على حل المسائل وركزوا على مسائل التمارين والكتاب ، اول اربع شباتر كانت حلوه وسهله وكل الشباتر مرتبطه ببعض وحتى القوانين بعضها تتشابه حاولوا ما تنقصون بالميد وعن نفسي اشتركت مع خصوصي رهيب انصحه فيه وبقوة اسمه ابو ياسر اعتمدت عليه وجبت قريد حلو الحمدلله
ماده متوسطه الى صعبه دسمه تحتاج تتدرب كثير وباستمرار
الماده مقدور عليها الصدق ولازم تحل اسئله الكتاب والتجميعات ، اللاب سهل وحتى اختباره بس ركزوا على التحويلات، دكتورتي شرحها مب مره فاعتمدت على خصوصي
الكتاب ثم الكتاب ثم الكتاب
اقرا الكتاب وحدد فيه، فيه معادلات كل نهاية وحده هذي كنز اذا حليتها وفهمتها بتضمن درجه تسرك باذن الله.
ماده اذا فهمتيها بتصير امتع ماده عندك صح غثيثه ودسمه لكن اذا فهمتيها عميييق بتصير من اسهل المواد… بالنسبه للميد واعمال السنه حاولي تضمنينها والعملي من رايي انه ٣٠ درجه هديه التقارير حاولي تكونين دقيقه فيها من حيث الوحدات والرسم لان يحاسبون عليها وفاينل العملي اسهل شي بتواجهينه بالتخصص… نصيحه عامه للماده افهمي اول اربع شابترات(صحححح) لان الباقي كله يعتمد عليها واذا مافهمتيها بتضيعين بالباقي، شي ثاني ملزمة الاسطوره من الخيال اذا فهمتي محتواها صح بتبدعين بالفاينل اما الميد اسهل من مستواها وبالتوفيق
ياخي الميد كان سهل و بسيط يوم دخلت الفاينل شي ثاني قسم بالله داخل و انا أ+ طلعت ب+ و العملي كان بسيط الحمدلله تقارير تسويها تقريبا ١٠ تقارير و بالاخير فيه اختبار فاينل عملي تجربه وحده مقالي لكن حسبي الله على اللي حط الفاينل و الفاينل من ٤٠ و السؤال بدرجه ونص وهو ٢٧ سؤال
طالب حاسب وش بتفيدني المادة فيه ؟ ولا شي. حساب قوى و اتجاهات و سرعه الخ مالها اي علاقة بالتخصص، ماده دسمه و غثيثه تاخذ من وقتك بشكل و اذا ما اشتركت زيي بتلقم ما تدري وش تذاكر. الفاينل ٢٧ اكاد اجزم اني ما حليت الا ١٦ ولا ادري صح او غلط و الباقي اضرب واقسم المعطيات و اقرب اجابه لقلبي احطها. لولا الله ثم صلاة الفجر ثم دعاوي الوالدين ما طلعت بها القريد. اهم شي اضمن الميدات!!! مب تجي الفاينل باقي لك اكثر من ٢٠ على النجاح. مب سهله المادة وغير ممتعه بالنسبه لي. واذا اختيارية عندك اهرب وشوف غيرها.
مادة غريبه وغثيثه الميدات حاول ماتنقص فيها سهله
الفاينل ٢٧ سوال على ٤٠ درجة وتوزيعه غريب
للاسف دخلت الفاينل a+ طلعت b+ فيه كمية افكار وتريكات لليل .. انسى يزودونك لو باقي درجك عالقريد انا حسبت مجموعي ٨٩ .. فيه ناس يقولون اسأله الكتاب تجي نسخ لصق لكن ما ذاكرتها
اشتركت مع اللبودي وذاكرت مذكرة الاسطوره
مادة سببت لي الاكتئاب , حاطينها عشان تغثك بس
اول تشاباتر سهله مره فا لا تنقصون بالميد الاول
بعد تشابتر ٥ يبدا الغثى ركزو فيه
المادة دسمة ك افكار وتحتاج تحل كثيييييير ونصيحة عليك بمذكرة الأسطورة فيها اغلب الافكار واذا حليتها وفهمتها صح مراح تواجه صعوبة بالاختبارات وبنسبة للخصوصي اشتركت مع اللبودي كان كويس لكن مب توب واتوقع كل الخصوصي بالمادة ذي كذا لان المادة تعتمد على كثرة حلك انت ونصيحة ترا الافكار كلها وارد تجي فا لاتسلك وانت تذاكر عشان ماتلقم وبنهاية اشوف ال A فيها سهلة لكن ال A+ متعبة شوي
تحتاج مذاكره باستمرار وحاول تنزل عند دكتور زين زي ابو الريش
مادة تبي تبدع فيها افهم اكثر من انك تحفظ لازم تفهم
الخصوصيين اتوقع كلهم حول بعض انا كنت عند اللبودي واشوفه كويس صراحه والمذكره حقته ممتازه جدا الاختبارات ما تطلع منها
ونصيحة تبي قريد زين في هالماده حل اسئله كثر ما تقدر لان الافكار فيها كثيره نوعا ما
بالنسبه للاختبارات الميدين اشوف مستواها متوسط الميد الاول اسهل بكثير اغلب الاسئله مباشره يمكن لو بيجيك تريك بيكون في سؤال ولا ثنين بالكثير
الفاينل افكاره اعمق شوي بس مستواه معقول ومقدور عليه
للأمانة المادة غثيثة ومملة وافكارها ما تخلص لكن تقدر تجيب فيها قريد كويس
ومن العيوب بعد ان الخصوصيين فيها مش ولا بد
(اهم شي ذاكرها اول ب اول وبييسرها ربك) وانتبه تضيع درجاتك فالميدات
الحمدلله كانت من اخف واسهل المواد الي واجهتها الى الان ، حاول تفهم اكثر من انك تحفظ ضروري ضروري الفهم كثير اسئلة تعتمد على فهمك للمادة وتحليلك للاتجهات/القوى الخ ، اغلب الاسئلة مباشرة ونادر الي فيها تريكات لو تحب الفيزياء بتعشق المادة واذا فهمتها بتصير تافهه
غثيثة و تحل لين تقول امين و يمكن تطلع بدرجة يمكن لا, عليك بالاسطورة و لا تستبعد اي سوال صعب لان المنسقين ماش
المادة من متوسطة الى سهله الى CH4 وبعدها تصير صعبه جدًا، المادة مهما ذاكرتلها واخذت من وقتك ماتضمن القريد اللي تبيه غالبًا.
اللي اخذو المادة قبلي قالو لي أنها صعبة بس ما توقعت تكون الى هذي الدرجة صعبة ، مادة صعبة وغثيثة وتجيب الهم وتحتاج منك مجهود كبير جدا في المذاكرة ودكاترتها حدث ولا حرج، حسبي الله على منسقها جاب لنا فاينل صعب نصيحة نزلها في ترم خفيف لا تقول انك قدها وتضغط نفسك والله صدقني بتلقم ويمكن تظطر انك تحذفها، هذا إذا ما حذفت الترم كامل
المادة اذا ذاكرتها من الكتاب مع التمارين المحدده بتكون سهله واستوعبت هذا الشي متاخر لان الخصوصي يجيبون تجميعات وبهذي المادة يجيبون اسئلة جديدة تكون نسخ لصق بالكتاب والخصوصي مو شارحها وكثير منها تكون صعبه ومفخخه. لازم تفهم المادة كويس زي ليه اخذنا نص المعطى هذا. في حال فكرت بخصوصي شوف شرح تجريبي له وقرر من شابتر ٢ مو شابتر ١ لانه تافه مره ما فيه شي عكس ٢ لاني تاخرت بسبب اختيار غير موفق للخصوصي. الميدات سهله وحاول تجيب فل لان الفاينل الخطأ درجة ونص ويجي اصعب بكثير من الميدات فلازم تجهز نفسك له.
المادة بعد الميد الأول صعبة ولو باقيلك درجة على القريد ما يعطونك والعملي غثيث
المادة طويلة بزيادة + الاسئلة غرقانه تركات
اذا تبي تجيب قريد عالي ضروري تذاكر المادة اول بأول القوانين كثيرة وتحتاج ممارسة
اول باول مع اللبودي وتجيب A وفوق معليك من تهويل التقييمات الثانيه الماده سهههههلهه اذا انت معطيها من الشابتر الاول الى الرابع مره الباقي تحتاج شده شوي وبس تضمن قريد محترم
المادة غثيثه وتعتمد على الفهم ونادر ماتلقى سوال قانون وطبق معظم الاسئلة فيها تركات وتشتق معادله من معادله اخرى المنسق الله يهديه يتحدى الطلاب بالاسئلة
ولكن نصيحتي اشترك مع اللبودي خيار ممتاز وحل قد ماتقدر اختبارات سابقه لان فيه اسئله تجي من التجميعات واسئلة اول مره تشوفها بحياتك
اضمن اعمال السنة لان الفاينل صعب و ذاكر اول بأول
بشرحلك الماده فالمد الاول بتطلع من الاختبار وتضحك بتقول وش هالسهوله وجزئية المد الثاني بتنصدم من اللي تحصله لان فيه تركات واشياء يطلبها صعبه مثل يعطيك السرعة والاحتكاك ويقولك جبلي المسافه الزبده مادة بتلحس مخك
نصيحة حسيت انك بتلقم في المادة احذف لا تقول يمكن اعدي لأنها 4 ساعات بتطرح معدلك طرح
هههههههههههههههههههههههه جاني تبلد والله مع مواد الفيز
باختصار ذاكر اول باول وافهم التركات والله الماده تافهه بتكون بس التسيب والاهمال والله بيخليها كابوس لان الماده ذي اذا تراكمت م يكفيك اسبوع كامل تذاكرلها لازم لازم اول باول
دخلت الفاينل وانا المادة ما نقصت فيها الا درجة
طلعت منها ب بي بلس…
ماده جميله جدا تشغل كل مهاراتك وتطورها ذاكر اول بأول وحل كثير وبتسهل عليك جدا اعطها حقها وبتلقى الي يسرك ماعليكم من الناس الي مقيمه تقيمات تخوف نهائيا الموضوع تدريب وفهم صح (( الفهم الصح اهم شي اهو الاساس )) خلك ايجابي لان تقيمات الناس ولا شي قدام همتك واجتهادك الله يوفقكم ❤️
الماده سهله لما تعطيها حقها وتذاكر اول باول ،، القوانين ما حسيت كثيره وبالعكس حلو ان اغلبها مرتبطه يعني ما تنساها
المد كانت المنسقه ريم الردادي وكان مره سهل
بالفاينل كان منسقنا مشعل الحربي وتوقعت بيجي مره شين لان الافرج حقنا وحق الاولاد كان عالي بس جا معقول ومن التجميعات ،، مليان تركات بس الي مركز وحال تجميعات (يفضل تحلون كل حقات الخمس سنين الماضيه) بيجيب زين ،، ممكن يجيب من تجميع قديم مثلا الترم الاول جابلهم شي من ٣٦/٣٧ الزبده الماده حلوه بس عطها حقها الي يسحب بيلقم
والله مادة الى يومنا هذا مدري كيف عديتها. لو تبي قريد كويس نزلها في ترم خفيف وركز عليها وعطها وقتك كله + ضروري تسجل مع خصوصي لان الدكاترة شرحهم ماش. لو بتنزلها مع مقررات صعبة بتلقم باختصار وهذا غلطي الي سويته
اول بأول مع اللبودي او ابو عمار غير الكلام هذا غالبًا بتلقم واللهم اني بلغت فاشهد، والي يقولك سهله طنشه
خذ خصوصي ولا تراكم غير كذا بتاكلها. شرح الدكتور ما منه فايدة
نصيييييييحة شد ولا تحذف
واضمن العملي والميد
لان الفاينل كابوس
الميد و اللابات سهله لكن الفاينل صدمه منهج غير الي درسته مع اني ذاكرت ملازم ضياء لكن انصدمت فنصيحتي حاولوا تجيبون كامل باعمال السنه
ما اقول الا حسبي الله ونعم الوكيل بس
والله اذا انت من النوع اللي مايمل من المذاكره المستمره وعارف نفسك لاتخذفها وعدها نصيحه ولا تأخر نفسك
الماده طوييلة بس الصدق مقدور عليها، اذا اخذت خصوصي بيريحك كثير انا اخذت اللبودي والصدق مره ماقصر بس ترا المحتوى كثييير يبيلك تسبق للمنهج، وكدكاتره ماتفرق مره لان كل الماده ٣٠ ميد ٤٠ فاينال و٣٠ عملي ف مافيها درجات بيد الدكتور ،قوت العملي الشميمري صراحه مره مستحيل ينقصك الذيب والاختبارات بالماده خيارات بس مشكلته كل خيار عليه درجه ونص
الماده ثقيله و يبي لك تتمرن عليه كثيير و مشكلة اختباراته ان السؤال عليه درجه و نص فلو تخطي باربع اسئله انت فقدت قريد
ميزته الوحيده انه ما فيها كويزات و العملي حقه نزله عند واحد حبيب و بكذا تضمن 30 درجه
تشد حيلك وتشترك بدورات وتشتري ملازم وتذاكر بشكل اسبوعي وتجيب درجة حلوة فالميد ، تتفاجأ ان الحربي مجهزلك فاينل ابن امك تحله.
دخلت الفاينل وانا A وطلعت C.
ما اقول الا حسبي الله ونعم الوكيل في كل من يجد متعة فيه تصعيب الاسئلة على الطلاب.
اذا ما دفعت على ذي الماده بتزفت مثلي ماده اغث منها مافي لازم تشترك عند خصوصي و لازم ملازم و خرابيط بس عشان تجيب درجه مقبوله و طبعا تعتمد على المنسق و ما قصر الحربي شقنا شق
من اغث اذا ماكانت اغث ماده فالاعداد العام ، وقت ماتنزل الماده ركز على دكتور العملي اهمشي ، النظري ماراح تستفيد منه لان شرح دكتور النظري مختلف عن اللي يجي فالاختبار وهالشي مع كل الدكاتره وبموافقة اغلب الطلبه ، انا جبت فالميد ٢٨.٥/٣٠ ودخلت الفاينل كان صعب الصراحه ولكن اللي يمديك عليه بس حاول تختم من بدري عشان تقدر تفصفص الافكار العميقه على راحتك ، انا ذاكرت اخر تشابترين ليلة الاختبار وانكبت ولا اصلا كان يمدي على قريد اعلى بالراحه لو كان الوقت كافي ، فقط ذاكر اول ب اول وتوكل على الله
الاختبار كان جدا صعب ذاكرت اسبوع كامل ما بين اختبارات سابقة وشروحات ومذكرات وجاء الاختبار النهائي بافكار جديدة وصعبة وتاخذ وقت طويل وكأن المنسق يقول لك اذا فيك خير جاوب صح افكار المادة اقرب الى السهولة فيه فقط شابتر 5و9 هي اللي فيها افكار وفيها صعوبة المادة تحتاج خصوصي ممتاز لان اللي بيشرحه لك الدكتور في عالم والاختبار النهائي في عالم اخر
الفاينل كان تحدي و كااااابوووووس بشكل لايوصف
جزئية الفاينل افهمهم اضعااااف فهمك لجزئية الميد
المادة سهلة ولكن المنسق مصعبببها وكل اختبار يجيب لك افكار جديدة وتكون واااجدة وخاصة بالفاينل وسنة 1444 المادة خذت منحنى آخر تماماً
هذي المادة تخليك تفكر تترك الهندسة وتروح ادارة. للأسف المحاضرات ماتفيدك ابد وكل شيء يقوله لك الدكتور مايجيك بالاختبار. الاختبار مختلف تماما. الميد بيكون وسط.الفاينل بيكون صعب جدا وبعض الاسئلة تعجيزية. هذي المادة اخذت جهدي وفلوسي على دورات وملازم لكن ربي ماوفقني. الله يعوضني بس
الي يقول سهله مايفهم الماده افكارها واجد تحتاج تعتكف عالماده بفهم
وابوابراهيم الاغلب يمدحه لكن تجربتي له وسط (عن بعد) لان ماشرح تجميعات وشابتر ٩ ماشرحه
تركز مع دكتورك وتحضر وتفهم كل المحاضرات اخر شي تفتح الاختبارات السابقة وتكتشف انك ماتقدر تحل حتى سؤال واحد, نصيحتي لاي طالب اسحب على شرح الدكاترة لانه لو تكتفي بشرحهم مستحيل تجيب قريد دورلك خصوصي مثل اللبودي او اي خصوصي ثاني من اول مايبدا الترم وركز معه وحل اسئلة من مذكرات الاسطورة او اي مذكرات ثانية وركز على الاختبارات السابقة والله يوفق الجميع (رأي وتجربة شخصية)
انا اخذت المادة وكنت ادرس عند ابو عمار وجبت 16.5/30 وحذفت
درسة المرة الثانية حضوري عند ابو ابراهيم والحمدلله توفقت مره
اللي ابي اقوله لك من شخص اخذ المادة مرتين:
"المادة مادة فهم وليست حل!"
تمسك ملزمة وتقعد تحل وانت منتب فاهم مره بتجيب 16.5
افهمممممممممممممممممممممممممممممممممممممممممممممممممم عمييييييييييييييققققققققققققق
خش دورة الضياء اولا.
الماده عنوانها لا تراكمها، منب قايلك تذاكر اول باول بس لازم تعطي نفسك وقت قبل الاختبار. يعني تجي قبل الاختبار باسبوع و تبي درجه انساها عط نفسك اسبوعين قبل الميد و الفاينل.
الماده يبيلها ممارسه واجد و مع ذلك بتلقى نفسك تتلخبط بكم سؤال، لا ترتبك و حاول تحل و ان ما قدرت مره حط اي خيار، بس مو تحاول مرتين و تزهق.
فالاختبارات اي سؤال ما تعرف طريقة حله على طول اتركه و رحله بعد ما تخلص الباقي، مره ثانيه لا ترتبك لو لقيت اللي تاركه واجد اهم شي تكمل.
الله يوفق الجميع
تدرس شي وتخش الميد والفاينل تحصل ماده ثانيه
مادة قريد بس تدرب على الاختبارات السابقه والتريكات
حلوه بس اهم شي لا تراكمين ، و اغلب الدروس اللي ناخذها عارفينها من قبل يعني ما في شي جديد
الصدق صعبه مره والي عطبها ولد الذين حق العملي تقصني قريد ونص السبب اني قصرت شوي بس هو يقول لازم انقص عشان ما يحاسبونه، الماده صعبه لازم تجيب فل بالميد ولا بتهج النهائي ٢٧ سوال كل سوال ١.٥ تقريبا ، الله يوفقكم
المادة بصراحة طويلة مرة ١١ تشابتر و القوانين لا احكيلك بس نسبيا الافكار فيها واضحة و مباشرة عكس ١٠٣ الي كانت تحتاج حليل و فكفكة هنا لا سؤال مباشر و قانون و طبق بس القوانين كثيرة و متشابها يبيلك تعرف تفرق بينهم زين
اللي تحت كاتبين صعب جدا وجايبين A
المادة معقوله الى ما جا الفاينل صارت شي غريب
قمة بالقبح الله يعين الي بيدرسه
المادة تعتمد على الفهم ماينفع حفظ بالبداية تضيع شوي بس تتعود عالجزئية وسهلة ,جزئية مابعد الميد مب سهلة لكن لازم تكون كويس باللي قبل، مذكرة ابو عمار فيها كل الافكار ، فاينل ٤٣ كان كله تركات وماركزت لكن يمدي A+
على قد ما بتعطيها بتعطيك قريد كويس المفروض اخذ أ+ لكن التسرع بالاختبار وداني بداهيه
احل التجميعات واتعود على الافكار
ملزمة الضياء (كويسه لكنها فوضى)
ومقاطع دكتور هادي يحل فيها التجميعات كانت كوييسه
الماده ما كنت اذاكر لها اول باول لكن ضغطت على نفسي قبل المد لين الفاينل
مادة زققق والله مدري كيف طلعت بقريد حلو, الفاينل كله تركات من اوله لآخره وكان اصعب فاينل مقارنة بالسنوات الماضية, احسن شي بالمادة ان اختباراتها اختيارات تهبد لعل وعسى تلقح معك (صارت معي ب10 اسئلة الظاهر مابين الميد والفاينل). بس الصدق انا ماتعبت بمذاكرتها ابد ولا شديت. ممكن كانت المشكلة مني
المادة في الواقع متوسطه الى سهله لكن الفاينل حق دقعة ٤٣ كان جدًا جدًا صعب، نصيحتي ذاكر اول بأول واهم شيء تحل وتفهم الsuggested problems واختبارات سابقه حل كثيير شغل يدك، واذا مافهمت مقاطع ابوالريش افضل مصدر للشرح، وبالتوفيق.
انا ماكنت اذاكر اول باول ولا كنت اركز مع دكتورتي يادوب اذاكر للاختبارات فلقمت شوي.
بالنسبة للبنات حاولوا تجيبون فل في الميد واعمال السنه لان الفاينال من العيال وجلد اصعب من البنات بكثير.
بالنسبه للمصادر الشرح فيه ابو الريش افضل مصدر مجاني للمحاضرات. وعندكم اليوتيوب مليااان شروحات خصوصا انه الماده عامه.
عندكم ملزمة الضياء للتجميعات مع انها حوسه شوي بس هي الي اعتمدت عليها بالمذاكره وسحبت على السلايدات تماما. وفيه الاسطوره بعد يمدحونها.
ذاكر وافهم اهم شي الفهم
وحل كثييير
الصراحة المادة سهلة بس ما استوعبتها الا متأخر
للاسف اعتمدت على مذكرة خارجية وضيعت ٣ قريدات بالميد ولا المادة سهله
المادة سهله نوعا ما و افكارها واضحة وواقعية جدا
يبيلها مذاكرة اول باول وتحرك يدك بالاختبارات السابقة
الصراحه ماكنت اذاكر اول باول ولا اركز بالمحاضرات فممكن هذا السبب اني كنت اشوفها نوعا ما صعبه هي المادة يبي لها تدريييييييب
وغالبا اللي يدرسون الفيز شرحهم سيء فعندكم ابو عبدالرحمن كويس مع اني شوي احيانا كنت احسه ببعض الدروس مو مره بس يضل اهون من الدكتورات
الماده يبي لها تدريب ومروا على التجميعات مهمه اعرف كيف طريقة الاسئلة
افهم الفكرة واعرف متى تستخدم القانون وحل مسائل قد ماتقدر ( مادة ممتعه )
اذا راكمتها لقبل الاختبار باسبوع راح تشوفها اصعب مادة بالترم وهذا اللي صار معي الترم الاول وحذفتها لكن الترم الثاني راجعتها اول باول وصارت اسهل مادة بالترم نصيحة هي واستاتيكا لا تراكمهم ابدا تعلمتها بالطريقة الصعبة والحين متأخر بسببها
الماده سهله نوعا ما انا ما ذاكرت زين وجبت كذا لكن فيه أسئلة في بعض الاختبارات لو اعطيك الكتاب ما حليتها
يبي لها تدريب مستمر + مراجعة مستمرة + حل اختبارات سابقة + ((بعض الاحيان تحتاج خصوصي)) اقترح لو يضيفون لها محاضرة تمارين بتكون صيد سهل للطلاب
سجل عند حنفي الاسطورة وحل اختبارات سابقة وبتاخذ ازين من قريدي بالراحة
سهلة لكن يبيلك تكون تفهم زين في الدوال المثلثية و اغلب دكاترتها سيئين ما لك الا اليوتيوب او الخصوصي
الماده صعبه شوي بس ميزتها القوانين قليل بس يبيلك تفهم واذا فهمتها تقدر على الفل مارك بس عطها حقها
مادة صح ثقيلة وافكارها تصير محدوده اذا فهمت فهم عميق لها اما اذا مافهمت بتشوف كل فكرة جديدة عليك عموما المادة دكاترتها سيئين ماعدا ثلاثة ابو الريش الزير الحربي هذولي يمكن احسن ثلاثه وحتى شرح لا تعتمد على دكتور ابدا روح لخصوصين منهم ابو ابراهيم او مذكرته اذا ماتقدر تشترك عنده وابعد عن ابو عمار
اكثر مادة ذاكرتلها في الجامعة، لكن شهادة لله انها امتع مادة درستها بحياتي.
المادة بشكل عام سهلة تتكلم غالبا لكن يبيلها جهد ومذاكرة اكيد، اشتركوا مع الضياء ابو عبدالرحمن هو افضل واحد يشرحها وان شاء الله بتجيبون درجات زينه
الماده سهله و تافه بس مشكلتها مافيها كويزات او واجبات فتنساها و تتراكم عليك الدروس , ذاكرها اول باول و استمر قد ماتقدر و حل اساله الكتاب و خذلك مذكره الاسطوره و تمرن عليها و امورك تمام
مائل الى السهل بس يبيلها تدريب شوي
